| Somos o que somos, que non é pouca cousa |
|
Neste proxecto darei a coñecer cousas Made in Galiza.
Mediante unha breve (ou extensa se é preciso) explicación de cousas que proveñen de Galiza ou son típicas da nosa terra, como por exemplo os cans de palleiro ou os grelos envasados, pero tamén a Televés, a cheminea de As Pontes ou a empresa R, os viños,... en fin, un sinfín de cousas incríbles que temos na nosa terra, diante dos nosos fuciños e que ás veces non vemos e pensamos que os galegos somos pouca cousa, cando que realmente, como dí Carlos Blanco, Somos Unha Potenzia! |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
É o cuarto grupo biotecnolóxico europeo. Nun país onde o investimento en I+D está pouco menos que proscrito, Zeltia figura entre as oito primeiras empresas españolas con maiores partidas para unha causa perdida: a investigación. Foi a empresa do mundo -líder mundial no descubrimento de novos fármacos de orixe mariña contra o cancro- que máis revalorizou en Bolsa no último decenio. Coa maxia do mar -onde arrinca a vida hai case 4.000 millóns de anos- a empresa fíxose cunha librería de organismos de 42.000 mostras: a estadounidense Wyeth ten a segunda, con só 3.000. Zeltia nace hai 67 anos, como escisión do laboratorio Servet en Vigo. Corría o 1942 cando salta a primeira marca comercial de éxito: o ZZ, un pesticida aínda vivo na memoria de varias xeracións, máis alá de Galiza.
