PERFIL
fatocastelao@gmail.com
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 
 ANTERIORES

LETRAS GALEGAS 2011

27,VENRES-SESTA FEIRA: No Udal Aretoa de San Pedro
19H30 - Proxeizón do video: MEMORIAS ROTAS (A BALADA DO COMANDANTE MORENO)

28,SÁBADO: No Udal Aretoa de San Pedro
12H00 - Falencia daman do historiador Dionisio Pereira: “A represión franquista contra os mariñeiros galegos de Trintxerpe, (1936-1939)” e asemade presentazón do seu libro “Loita de clases e represión franquista no mar (1864-1939)”

29,DOMINGO: No Povoado de Pescadores de Pasai San Pedro
10H00 - Pasacorredoiras dos gaiteiros Novas Fontes
11H00 - Misa en Galego na Parroquia da Nsa Sra da Asunzón
11H30 - Ofrenda froral na pedrafita de Manuel González
11H45 - Homenaxe a Castelao na rúa do seu nome

------------------------------------------------------------------------------------------------------------------------

MAIATZAK 27, 0STIRALA: San Pedroko Udal Aretoan
19:30etan.- “MEMORIAS ROTAS (A BALADA DO COMANDANTE MORENO)”-ren bideo emanaldia

MAIATZAK 28, LARUNBATA
: San Pedroko Udal Aretoan
12:00tan - “A represión franquista contra os mariñeiros galegos en Trintxerpe, (1936-1939)” hitzaldia Dionisio Pereiraren eskutik, eta “Loita de clases e represión franquista no mar (1864-1939)” bere liburuaren aurkezpena

MAIATZAK 29, IGANDEA: Pasai San Pedroko Arrantzaleen Auzoan
10:00etan - Novas Fontes gaiteiroak kaleetan zehar
11:00etan - Meza gailegoz (Jasokundeko Amaren Elizan)
11:30tan - Bere oroigarriaren aurrean, Manuel Gonzálezi omenaldia
11:45tan - Castelaori omenaldia bere izena duen kalean



COLABOURAN: Concello de PASAIA; Parroquia da Nosa Sra Da Asunzón; Grupo de Gaitas NOVAS FONTES; Calzados GELI; O BASERRI taberna.

Comentarios (0) - Categoría: 05.- AXENDA GALEGA EN EUSKAL HERRIA - Publicado o 22-05-2011 21:05
# Ligazón permanente a este artigo
PAREMOS OS ATAQUES CONTRA O GALEGO!

As galegas e os galegos festexamos no Día das Letras o feito de termos un idioma propio, milenario e fértil. Celebramos a lingua que nos une; a fala que herdamos e queremos deixar en herdo; a escrita que nos pensa, nos canta e nos soña.

Mais neste Día das Letras do ano 2011 non só podemos festexar e celebrar. Tamén nos vemos na necesidade de chamar a atención sobre os ataques que está a recibir nestes momentos o noso idioma. Estas inxustas agresións poñen en perigo o futuro da nosa lingua e da nosa cultura, ademais de debilitaren gravemente a convivencia e a cohesión social do país.

Temos que erguer a nosa voz para denunciar que a indefesión dos nosos dereitos lingüísticos é maior desde o momento en que a persoa que debería ser a primeira valedora do noso idioma –o presidente da Xunta– é o seu inimigo número un. Desde que Alberto Núñez Feijóo tomou posesión como presidente do Goberno galego, hai xa dous anos, a Xunta aínda non adoptou nin un mísero adianto para a nosa lingua en ningún ámbito. Ben ao contrario, desde 2009 estamos a ver como se tenta facer, pola vía dos feitos, que o galego deixe de ser na realidade lingua oficial.

É difícil facer unha listaxe completa de todo o destruído, mais recordemos cando menos algunhas cousas:

- A pesar da oposición dos sindicatos, o PP aprobou en solitario unha reforma da Lei da Función Pública que elimina de feito o galego como requisito, colocándoo nunha posición secundarizada a respecto do castelán.

- A pesar do rexeitamento de sindicatos, asociacións de nais e pais, asociacións estudantís, institucións culturais, Consello Escolar de Galiza, etc., a Xunta aprobou un decretazo contra o galego que supón o modelo educativo máis regresivo de todo o Estado español. O galego é o único idioma do Estado que ten prohibido o seu uso en determinadas materias de ensino. Nestes momentos, só 10% da educación infantil das cidades é en galego, a pesar de que o solicitaron 40% das familias. Esta realidade amosa o verdadeiro sentido da mal chamada Lei de Convivencia, que persegue reducir aínda máis a presenza do galego na escola.

- Na administración de Xustiza, a Xunta distribuíu un programa informático que, desde maio do ano pasado, impide usar o galego.

- A Xunta ordenou aos centros de ensino que se desfixesen de 190.000 libros de texto gratuítos para as familias, adquiridos pola propia Xunta na anterior lexislatura e que tiñan unha vida útil de dous anos máis. O motivo é que estaban escritos en galego. A Asociación Galega de Editores calcula en 3,8 millóns de euros o valor dos volumes desbotados, que nunha parte volveu a financiar a Xunta –cun diñeiro público que sería moi necesario para outros cometidos–, e que tiveron que cubrir as familias no resto.

- A Xunta de Galiza, que tanto vende “austeridade”, leva malgastadas cantidades inxentes de diñeiro só en tentar reducir o galego no sistema educativo. A eses 3,8 millóns de euros de libros de texto inutilizados hai que sumarlle os 40.000 euros que custou mudar as Galescolas en Galiñas Azuis, os 160.995 euros da pseudoconsulta ás familias, etc. A presión social logrou parar unha campaña sobre o decretazo que a Xunta xa tiña adxudicada, por valor dun millón de euros, mais descoñécese a indemnización que a Xunta afrontou pola suspensión do proxecto.

- O presidente da Xunta ameaza con derrogar a Lei de normalización lingüística, aprobada por unanimidade no Parlamento hai case 30 anos. Quere que os nosos nomes de lugar deixen de ter como forma oficial a propia, a galega.

- A vida cultural galega, nas súas diferentes expresións (audiovisual, teatro, música, etc.), está a ser minusvalorada e desprotexida pola Xunta, ao mesmo tempo que desprezada e infrarrepresentada na CRTVG.

- A pesar de que o Estatuto de Autonomía sinala a obriga dos poderes públicos galegos de potenciar o uso do noso idioma tamén no ámbito informativo, moitos dos medios que utilizaban con normalidade a nosa lingua viron na obriga de fechar. A Xunta deu de baixa as subscricións e negouse a pór publicidade nos xornais electrónicos ou impresos que usaban o noso idioma e daban unha visión da realidade diferente á oficial. Debemos denunciar con claridade que esta política pon en perigo a liberdade de expresión.

O poeta Lois Pereiro, a quen lle dedicamos este ano o Día das Letras, di nun dos seus poemas:

A amizade protexe e o amor cura
o odio contaxia e fire
a indiferencia mata.

Apliquemos estes versos á nosa lingua. Fronte ao odio e fronte á indiferenza, o noso amor.

Paremos os ataques contra o galego!
Comentarios (0) - Categoría: 07.- CULTURA GALEGA - Publicado o 16-05-2011 11:47
# Ligazón permanente a este artigo
korrika 17
Máis un ano, a Korrika púxose en camiño, e máis un ano tomamos parte nela (As razóns non fai falla espo-las). Porén, iste ano produciuse algo que dou un brilo sobranceiro á nosa quenda: Foi o feito que Margari Portabales Lerrocea, direutora do Lamiak Dantza Taldea, collera por nos o Lekuko no anaco de percorrido que, como xa é costume, facemos no distrito de San Pedro; dende as escaleiras de Zamatete hastra onde remataban os almacens de Velasco.
Inda que non celebraran o 25 cabodeano, tiveramos no seu un detalle co devandito grupo de baile: Unha peza de cerámica galega. Máis tamén pensamos cumpriría termos un agarimo persoal con Margari, que sempre respostou SI a cantas peticions lle fixemos para acudir aos nosos autos co seu grupo de baile, que con tanto esforzo e ao longo de tantos anos levan a manter ergueita en Pasai San Pedro a lapa da danza euskaldun. E foi eisí que quixemos aproveitar iste conxeito que nos ofrecía o paso da Korrika polo distrito sanpedrotarra, para agradecermos a xenerosidade de Margari coa honra de levar da súa man a testimuña da carreira a prol do euskara.
E o recoñecemento non foi soio noso, se non que tod@s cant@s acompañaban ao Lekuko amosaron un grande xúbilo ao ve-la para recadalo. A filla de Xesús do Cachucho, de Marín, non collía dentro de si coa ledícia ao recivi-lo Lekuko de mans de Astarloza ao algareiro do seu nome po-los presentes. É ela, unha rexa loitadora pola cultura basca, a que chantou o alento da Nazón Galega, no seo da loita da Nazón Éuskara.
Comentarios (0) - Categoría: 02.- HISTORIA DO FATO - Publicado o 02-05-2011 21:06
# Ligazón permanente a este artigo
© by Abertal
VISITANTE NUMERO