PERFIL
fatocastelao@gmail.com
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 
 ANTERIORES

HOMENAXE A CONCHA MURGUÍA
Coma tódolos anos, @s compoñentes do Fato Cultural Galego Daniel Castelao tributaremos unha pequena homenaxe a Concha Murguía, nai de Manuel Murguía na súa casa natal de Oiartzun. Os actos serán os próximos 30 e 31 de Xaneiro coa seguinte programazón:


VENRES-SESTA FEIRA,30-I-2009:

*FALENCIA: "DE LA TRIPLE ALIANZA AL GALEUSCA DE CARACAS (1923 - 1959)". Falará Xosé Estévez.

HORA: 19:00.
LUGAR: KULTUR ETXEA de Oiartzun


SÁBADO 31-I-2009

*OFRENDA FLORAL diante da placa lembradoira de Concha Murguía. Saída da Herriko Plaza cara a Kultur Etxea, cos txistularis e gaiteiros. Bailaráse o Agurra e os gaiteiros interpretarán o Hino Galego. Rematado o acto, haberá uns pinchos artellados polo Concello de Oiartzun.

HORA: 12:00.
LUGAR: KULTUR ETXEA de Oiartzun.



Comentarios (0) - Categoría: 05.- AXENDA GALEGA EN EUSKAL HERRIA - Publicado o 24-01-2009 17:12
# Ligazón permanente a este artigo
EUSKAL HERRIA E A GAITA
Iste pasado magosto a faléncia veu da man do coñecido musicólogo euskaldun Juan Mª Beltrán. Fixémola no Udal Aretoa por mor de agasallar no seu 25 cabodeano o coro ONDARTXO ABESBATZA. É a segunda faléncia dada en castelán na nosa asociazón, mais o tema é a continuidade da que dera Urbeltz sobor a danza. Non defraudou tampouco. O escenario e os seus derredores atopáronse cheos de instrumentos e o fundador de HERRI MUSIKAREN TXOKOA no médio do púbrico foinos deleitando. A nós entre as cousas que máis nos surprendeu foi que no Pais Basco a gaita tamén tivera o seu espazo. Cousa que si o pensas é lóxica.
A derradeira terra onde a tradizón estivo arraigada foi a Rioxa Alavesa. Nestes lares tocábase a chamada GAITA DE BOTA, -de seguro pola semellanza do seu fol cunha bota de viño- ata a década dos 20 do século pasado. Na foto J.M. Beltrán Argiñena vémolo tocando unha copia daquelas últimas gaitas. Por certo, estas eran galegas mercadas na casa Erbiti de Logroño, e os gaiteiros cunha navalla modificabanlle os punteiros.
Comentarios (0) - Categoría: 03.- XERAL - Publicado o 24-01-2009 16:47
# Ligazón permanente a este artigo
REFRANEIRO POPULAR
"En xaneiro, cásate compañeiro, e dá unha volta ao galiñeiro."







"Os curas e os taberneiros
teñen moito parecido
os curas bautizan nenos
i os taberneiros o viño."

Comentarios (0) - Categoría: 07.- CULTURA GALEGA - Publicado o 12-01-2009 13:40
# Ligazón permanente a este artigo
© by Abertal
VISITANTE NUMERO