PERFIL
fatocastelao@gmail.com
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 
 ANTERIORES

NOVAS DA GALIZA

Xa o temos connosco.

Animámos a vos subscribir ao Novas da Galiza picando nesta ligazón:

novas.gal
Comentarios (1) - Categoría: 07.- CULTURA GALEGA - Publicado o 06-11-2017 19:41
# Ligazón permanente a este artigo
ZORIONAK PEPE (Xose Estévez)
Hoxe estamos de parabens. Ao noso compañeiro Xosé Estévez concederonlle dous novos galardons: O premio “Manoel Murguia” que otorga a revista MURGUIA pol.a súa laboura coma historiador; e o “Galiza Mártir” da man da fundazón ALEXANDRE BÓVEDA, pol.a súa laboura a prol da memória histórica. Ambo-los dous recibiraos o 17 de agosto día da Galiza Mártir en lembranza daquel agoirento do 1936 en que acontecera en Caeira (Poio) o pasamento de Bóveda como de tantos outros nos comezos da Longa Noite de Pedra. Ao que fora o presidente da nosa entidade entre os anos 1981 e 2009 non é o primeiro premio que recibe, entre outros ten acadado o “Pedrón de Honra”, a “Anduriña de prata” da irmandade dos centros galegos de Euskadi ou ser socio de honra de varias entidades galegas entre elas a Casa de Galicia en Gipuzkoa (Donostia). Pero nós gardamos con especial agarimo a homaxe popular que se lle fixera en Trintxerpe no ano 2003. ZORIONAK PEPE e FAMILIA. E felicitarnos e alegrarnos nos tamén por contar contigo coma compañeiro.
Comentarios (0) - Categoría: 07.- CULTURA GALEGA - Publicado o 08-08-2017 23:28
# Ligazón permanente a este artigo
LETRAS GALEGAS 2016
A mellor nova que recibiu o Fato este ano: O Dia das Letras Galegas 2016 vai-se adicar ao noso amigo o poeta MANUEL MARIA.



Comentarios (0) - Categoría: 07.- CULTURA GALEGA - Publicado o 17-07-2015 14:26
# Ligazón permanente a este artigo
FINOU ISAAC DIAZ PARDO, UN DOS BOS E XENEROSOS
Isaac Díaz Pardo naceu en Compostela en 1920. A súa educación estivo marcada polo contacto cos máis importantes intelectuais galeguistas do momento (Otero, Castelao, Cabanillas, Ramón e Antón Vilar Ponte, Risco...), reunidos no obradoiro do seu pai, o pintor e escenógrafo Camilo Díaz Valiño (membro activo das Irmandades da Fala asasinado en 1936), ou na imprensa de Ánxel Casal, amigo da familia. O seu compromiso con Galiza iníciase en 1936, cando participa activamente na campaña a favor do Estatuto de Autonomía.
Entre 1939 (ano en que gaña unha bolsa de Artes Plásticas da Deputación Provincial da Coruña) e 1942, estudiou Belas Artes na Escola de San Fernando, en Madrid, participando nunha experiencia pioneira sobre deseño industrial. Completaría a súa formación cunha viaxe de final de carreira a Italia. Ao seu regreso inicia, cunha exposición na Coruña, unha etapa de dedicación plena á pintura que abandonaría (en pleno recoñecemento do seu labor) en 1948, para entregarse por completo a un proxecto de dinamización sociopolítica e empresarial que visaba, por un lado, a modernización e internacionalización da nosa cultura e, por outro, a rexeneración da desarticulada historia do noso país. Con todo, a pintura vai continuar presente no seu labor creativo posterior (escenografías, obra gráfica...)
Un ano antes puxera xa en andamento unha pequena fábrica de cerámica no Castro de Samoedo (Sada - A Coruña), explotando as materias primas do primitivo complexo de Sargadelos (Cervo - Lugo) creado no século XIX por Antonio Raimundo Ibáñez.
En Arxentina, a onde se dislocou por primeira vez en 1955, coñeceu os galeguistas exiliados. Alí montou unha nova fábrica de cerámica e entablou amizade con Luís Seoane e a revista Galicia Emigrante, en que participaría co pseudónimo Ollarnovo.
Desde este momento, Seoane convertiuse nun estreito colaborador nas iniciativas culturais e empresariais do compostelán. Así, co apoio de outros galeguistas (Rafael Dieste, Lorenzo Varela, Blanco-Amor, Laxeiro...), fundaron en 1963 o Laboratorio de Formas, ao que se incorporaría posteriormente o arquitecto Andrés Albalat. Desde esta institución irían tomando forma proxectos como o Complexo Industrial Sargadelos (en convenio con Cerámicas do Castro) e Ediciós do Castro (ambos en 1963), o Real Patronato de Sargadelos (encargado da protección do recinto do primitivo complexo, declarado en 1972 conxunto histórico-artístico), o Museo Carlos Maside (1970), o Instituto Galego de Información (a partir dunha idea do xornalista Lorenzo Varela) ou o novo Seminario de Estudos Galegos.
A inxente actividade rexeneradora promovida por Isaac Díaz Pardo atinxe todo tipo de actos e iniciativas en que se plasma a súa idea, afastada das visións folcloristas, dunha nación galega proxectada cara o futuro.
No campo literario, o labor do galeguista non se limitou a soster unha plataforma editorial: el propio cultivaría varios xéneros, desde o teatro, a crítica e o ensaio ou os cartaces de cego, para alén dunha continuada presenza nos medios xornalísticos.
En xaneiro de 2007 foi nomeado doutor Honoris Causa pola Universidade da Coruña.


Biografía tomada da Biblioteca Virtual Galega
Comentarios (0) - Categoría: 07.- CULTURA GALEGA - Publicado o 08-01-2012 21:10
# Ligazón permanente a este artigo
1 [2] [3] [4]
© by Abertal
VISITANTE NUMERO