PERFIL
fatocastelao@gmail.com
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 
 ANTERIORES

A FONTE DO POVOADO
Neste pasado mes do nadal con ledicia ollouse no Arrantzale Auzoa a volta a seu lugar primitivo do cano que se retirara no seu día e se levara á fonte nova que se fixera cando o coleutor na “Herriko Plaza” no Casco Vello.
A recuperazón do picho dou unha grande alegría na parte outa de San Pedro. Este semella un vaso con un bico pendurado dun xeito de pescozo.
A maiores pasados uns días, para a nosa ledicia, ollamos unha prancha na que dábase conta da orixe da fonte; en euskera, castelán e galego.
Con esta son cinco as que coñecemos en Pasaia, todas ellas no distrito sampedrotarra (PREME AIQUÍ PARA OLLALAS).
A primeira delas na rúa Castelao, en galego i éuscaro do ano 1986 no centenario do nadal do egrexio persoeiro. Logo a de Manoel González, a pedrafita escrita en galego contén unha frase en vasco, inaugurouse nas Letras Galegas do ano 2007 no seu décimo cabodeano. Despois xa fora do Povoado no ano 2013 na nova praza da rúa Esnabide, adicada ao Bou Nabarra, contará cun panel informativo sobor desta embarcazón, cun poema tamén en galego. Xa no mes de santos do 2018, o 18 inaugurarase un monumento a “Aita Mañuel” cun taboeiro en varias línguas, entre a que se atopa o galego. E por último este decembro a da fonte do Povoado fai a quinta prancha pasaitarra...
Comentarios (0) - Categoría: 01.- QUEN SOMOS? - Publicado o 21-03-2022 18:37
# Ligazón permanente a este artigo
90 ANOS DO MASACRE DE ATEGORRIETA
Xa deron pasdo 90 anos dende que en Ategorrieta, un 27 de maio do 1931, unha manifestazón composta por homes, mulleres e nenos, de xentes do mar, a meirande deles galegos; coa intenzón de chegaren ao Goberno Civil i entregaren unha escrita coas reivindicazóns dunha folga estancada ao Gobernasor Civil da provincia, víranse detidos no chamado MASACRE DE ATEGORRIETA.

Saíra ás dez e media da mañán de Pasaia e despois de lidar con dous cordóns militares, atopárase cun terceiro, esta vez composto por “guardias civiles”, á altura do reloxo de Ategorrieta. Estes deran acabamento á manifestazón a tiros co resultado de 8 mortos:
Julián Zurro, 18 anos.
Jesús Camposoto, 23 anos.
José Carnés, 32 anos.
Manuel Pérez, 34 anos.
José Novo, 25 anos.
Antonio Barros, 31 anos.
José Suárez, 25 anos.
Manuel López.

O que foi pol-o número de mortos a maior mata de traballadores no País Vasco do século pasado. Pero a maiores houbera unha trintena de feridos, dos que poideron sair máis falecios ( de feito un diles, na listaxe eiquí amosada, morrera ao día seguinte), mais que é descoñecido por mor do silenzamento que se lle dera ao asunto.

Noventa anos de esquecemento interesado, pero que neste ano foi lembrado por varios grupos, e foi motivo para que non fixeramos unhas Letras Galegas máis amplas, nesta nosa particular recuperazón da normalidade.

Grupos como Bildu, do que fomos ver a interesante falencia na Tenéncia de Alcaldía de Trintxerpe o día 13 de maio, do Kontseilu Socialista de Donostia, do que penduramos nas redes sociais unha ampla reportaxe fotográfica do aito no mesmo 27 ás sete e media da serán en Ategorrieta; ou a laboura de IU Ezker Anitza coa interesante presentazón do libro DONOSTIA REBELDE de Miguel Usabiaga o 21 de maio á que tampouco faltamos. E o mesmo 27 ás seis e media da tarde, da man de Donostiako Errepublikarrak na que nos permitiron facer parte, e na que baixo do reloxo de Ategorrieta poidemos escoitar a grabazón da testimuña da aboa do noso compañeiro Manoel Irixoa e na que el mesmo tomou parte. Na reportaxe fotográfica anteriormente referida, cómo non tamén está o de Donostiako Errepublikarrak.

Habería quizais que poñer dúas tachas á ledícia de vermos cómo saen á rúa de novo estes traballadores. Que non se fixera algo conxunto, ao millor o tempo fará camiño, pois xa temos un comezo. E que non haxa unha prancha nin tan sequera piquena que lembre a estes asasiñados, pois á que dician que se ía póor comentouse á fin que non.

Quizáis seña que entre os partidos políticos que hoxe nos gobernan, están tamén aqueles que no 31 fixeran por silenciar o acontecido en Ategorrieta.

Dúas pancartas levadas pol-as mulleres e os nenos que encabezaban a manifestazón: “Libertad para nuestros compañeros”, “Queremos pan para nuestros hijos”. As súas reivindicazóns podense resumiren moi sinxelamente: Non traballar coma escravos e levar en troques a maiores uns xornais de miseria.

Pero eran traballadores, aqueles que todos veñen e dicir defenderen.
Comentarios (0) - Categoría: 01.- QUEN SOMOS? - Publicado o 21-06-2021 18:12
# Ligazón permanente a este artigo
¿QUEN SOMOS?
O FATO CULTURAL GALEGO "DANIEL CASTELAO" somos unha asociazón composta por galeg@s ou descendentes destes na bisbarra guipuscoá de Oarsoaldea, e dizer, dos povos de Pasaia, Oiartzun, Lezo, Orereta, e mai-la anterga vila de Altza, que agora pertence a Donostia. Os obxetivos da nosa entidade son: manter, espallar e dar a coñece-la nosa cultura galega nesta bisbarra e tamén en Euskal Herria, exercer de ponte entre as culturas e comunidades basca e galega e fornecer a eito solidariedade a prol da sociedade basca.
Comentarios (0) - Categoría: 01.- QUEN SOMOS? - Publicado o 04-01-2011 11:58
# Ligazón permanente a este artigo
© by Abertal
VISITANTE NUMERO




Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0