PERFIL
fatocastelao@gmail.com
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 
 ANTERIORES

A FONTE DO POVOADO
Neste pasado mes do nadal con ledicia ollouse no Arrantzale Auzoa a volta a seu lugar primitivo do cano que se retirara no seu día e se levara á fonte nova que se fixera cando o coleutor na “Herriko Plaza” no Casco Vello.
A recuperazón do picho dou unha grande alegría na parte outa de San Pedro. Este semella un vaso con un bico pendurado dun xeito de pescozo.
A maiores pasados uns días, para a nosa ledicia, ollamos unha prancha na que dábase conta da orixe da fonte; en euskera, castelán e galego.
Con esta son cinco as que coñecemos en Pasaia, todas ellas no distrito sampedrotarra (PREME AIQUÍ PARA OLLALAS).
A primeira delas na rúa Castelao, en galego i éuscaro do ano 1986 no centenario do nadal do egrexio persoeiro. Logo a de Manoel González, a pedrafita escrita en galego contén unha frase en vasco, inaugurouse nas Letras Galegas do ano 2007 no seu décimo cabodeano. Despois xa fora do Povoado no ano 2013 na nova praza da rúa Esnabide, adicada ao Bou Nabarra, contará cun panel informativo sobor desta embarcazón, cun poema tamén en galego. Xa no mes de santos do 2018, o 18 inaugurarase un monumento a “Aita Mañuel” cun taboeiro en varias línguas, entre a que se atopa o galego. E por último este decembro a da fonte do Povoado fai a quinta prancha pasaitarra...
Comentarios (0) - Categoría: 01.- QUEN SOMOS? - Publicado o 21-03-2022 18:37
# Ligazón permanente a este artigo
HOMENAXE A KONTXA MURGUIA 2022

Esta fin de semana, 11 e 12 de Febreiro, levaremos a cabo a xa tradicional homenaxe a Kontxa Murguía Egaña, nai de Manuel Murguía, na súa localidade natal de Oiartzun. Haberá recital poético musicado e a clásica ofrenda floral.
Comentarios (0) - Categoría: 05.- AXENDA GALEGA EN EUSKAL HERRIA - Publicado o 11-02-2022 13:41
# Ligazón permanente a este artigo
A FOTOBLOGOTECA
Á volta do verán, se cadra, alguén ao mirar o noso blogue pode que ollaparan como se escomenzou a pendurar nel, de xeito máis recurrente, fotografias de pasadas Letras Galegas, magostos, etc. O FATO comezou, unha vez cos compañeiros Xosé Ramón Varela e Manoel Irixoa, parez xa dar rematado o traballo de ir poñendo, detrás de cada imaxe o que acontece nela; a dixitalizazón do noso arquivo fotográfico en papel, e a maiores a gardalo en dous sitios diferentes: Un na cibdade da Coruña e outro en Pasaia.

Un pequeño tesouro da nosa historia no que aparescen pequenas xoias, como a copia que penduramos nesta entrada. Unha foto do ano 1991, que xa recuperáramos para os cartaces e programas de man do magosto 2003, pero no que daquela non nos decatáramos fora que nela atopanse o que hastra o día de hoxe veñen sendo (no ano 2003 inda dous) os tres presidentes da nosa entidade. Manoel Rodríguez Pazos (con xersei vermello), a quen lle seguiría Xosé Estévez (sentado e con barba), e Filipe Dominghez (sentado e de azul) que o ven sendo dende o ano 2009. Unha das poucas imaxes na que están xuntos, no desenvolvemento dunha aitividade da nosa entidade.

O dito, un novo proxeito a andar, unha nova ideia coa intenzón de seguir a recupera-la nosa memória. Neste caso a mais intima de nosoutros, os que imos en face-lo FATO.
Comentarios (0) - Categoría: 02.- HISTORIA DO FATO - Publicado o 20-01-2022 22:21
# Ligazón permanente a este artigo
Da nosa Rúa Castelao
Este mes do nadal, mudáronse as placas do concello de pasaia. Ao tal ver , demos en solicitar nos deran as da rúa Castelao para o noso arquivo hitórico. Estas puxeranse as novas o pasado día 10, xa daquela fixéramo-la i-acaída instancia. O 30 pasamos recolle-las por Servizos. Agora despois da coarentena tocará unha piquena restaurazón.

Esta de Pasaia é a terceira no mundo adicada a Castelao. E son as placas primeiras postas no seu día. Eso sí, como vedes a que se atopa no Povoado dos Pescadores de Pasai San Pedro segue a se-la única con “título nobiliario”, cousas da vida ...
Comentarios (0) - Categoría: 04.- GALIZA EN EUSKAL HERRIA - Publicado o 02-01-2022 16:30
# Ligazón permanente a este artigo
© by Abertal
VISITANTE NUMERO




Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0