EDL Salesianos Lugo





 CATEGORÍAS
 Webs amigas
 BUSCADOR
 BUSCAR BLOGS GALEGOS
 ARQUIVO
 ANTERIORES

Acórdate da muralla
Muralla romana deLugoHai 11 anos, un 30 de novembro a UNESCO designou a muralla romana da nosa cidade de Lugo como Patrimonio da Humanidade. Moito ten chovido dende aquela. Mutitude de proxectos, actividades e un certo pulo turístico son o legado destes anos, e agardamos que se logren outros moitos nos vindeiros.
Para celebrar o aniversario de tan feliz acontecemento, o Concello de Lugo acaba de anunciar unha serie de actos que terán lugar do día 28 ata o 30 de novembro os cales, baixo o lema "Acórdate da Muralla", englobarán actividades tan diversas coma a charla do historiador Adolfo de Abel Vilela sobre «Lucus Augusti e a importancia militar da Muralla», e outra do arqueólogo Enrique Alcorta titulada «Muralla, Monumento, Moenia» o día 28; unha xornada de portas abertas nos museos da cidade o día 30 con reparto de libros incluído e a actividade estrela: os ciclistas galegos Ezequiel Mosquera e Gustavo César Veloso conducirán dous extremos dunha corda coa que o Concello de Lugo pretende rodear o monumento, coa axuda dos propios cidadáns. Cando os dous extremos da corda se xunten, dispararanse once bombas de palenque e dará comezo a festa popular, con repartición gratuíta de castañas asadas en cada unha das portas da muralla e varios concertos en directo en distintos escenarios do centro histórico.
Así que animádevos e participade, que un monumento do tamaño e idade da nosa muralla ben o merece!
Ligazón á nova na Voz
Ligazón á nova no Progreso
Ligazón á web oficial da celebración
Comentarios (1) - Categoría: Festas galegas - Publicado o 22-11-2011 15:55
# Ligazón permanente a este artigo
Magosto Escolar
Esta semana os alumnos e mestres de infantil e primaria celebramos un pequeno magosto no patio do colexio. Cada rapaz trouxo unha chea de castañas e Rubén, o noso castañeiro particular, encargouse de facer unha boa fogata e asar un pouquiño as castañas.
Queremos agradecer a tódalas familias e a todo o claustro por colaborar un ano máis nesta actividade.
Deixamos as ligazóns á galería de fotos da web do colexio para que poidades ver algunhas fotos desta festa.
Galería de fotos do Magosto de 1º Ciclo na web do colexio
Galería de fotos do Magosto de infantil na web do colexio
Comentarios (1) - Categoría: Festas galegas - Publicado o 16-11-2011 12:09
# Ligazón permanente a este artigo
Samaín
Samaín pola muralla de LugoA pesares de que a data xa pasou, parécenos interesante falar desta festividade celta coa que se conmemoraba a fin do verán e a chegada do inverno. Dende hai uns anos estase a facer un grande esforzo en toda Galicia por recuperala, e de feito non hai cidade nin pobo que este ano non celebrase algún acto especial. Por exemplo, na nosa cidade tivemos unha comitiva de persoas con cabazas pola muralla na noite do Samaín.
Tamén os colexios tratamos de recuperar a festividade, principalmente facendo actividades con cabazas, e como mostra dalgúns traballos feitos, deixámosvos aquí uns enlaces con vídeos tanto do IES Portovello de Ourense coma do CEIP Mestre Goldar de Vigo.
Samaín no CEIP Mestre Goldar de Vigo
Samaín no IES Portovello de Ourense
Comentarios (0) - Categoría: Festas galegas - Publicado o 14-11-2011 10:26
# Ligazón permanente a este artigo
O Magosto
O Magosto é unha festa tradicional galega na que o lume e as castañas xogan un papel fundamental.
Para atopar a súa orixe temos que viaxar moitísimos séculos atrás ata a época dos celtas.
Na actualidade esta festa cobra máis importancia na provincia de Ourense, e sobre todo na cidade das Burgas, onde hoxe (11 de novembro), coincidindo con San Martiño patrón da cidade, celebran o día grande do Magosto. Na cidade de Ourense, hoxe e mañá multitude de familias e grupos de amigos soben a Monteledo a celebrar esta festa tradicional. Faise unha fogata, ásanse uns chourizos e unhas castañas e pasan o día gozando nun ambiente de ledicia e amizade.
En Lugo non temos esta tradición tan marcada, pero celebramos de xeito moi similar esta festa. Na escola levamos toda a semana facendo obradoiros relacionados co Magosto e, principalmente, sobre a castaña. E a vindeira semana celebraremos a festa cunha degustación de castañas no patio.
Historia
Orixes do Magosto
O Magosto segundo El País
Comentarios (1) - Categoría: Festas galegas - Publicado o 11-11-2011 12:48
# Ligazón permanente a este artigo
Música galega

Hoxe temos unha recomendación para todo o mundo. Un cantante que, a pesares da súa xuventude, demostra ter un grande talento tanto para cantar como para compoñer as súas propias cancións. Estamos a falar de Roi Casal, que xa ten uns cantos discos editados en lingua galega. Merece a pena escoitalo, e para iso, deixámosvos aquí un enlace a unha das súas cancións mais fermosas.
Roi Casal - Ninfa das frescas augas
Ligazón á web de Roi Casal
Comentarios (0) - Categoría: Música - Publicado o 11-11-2011 12:22
# Ligazón permanente a este artigo
Visita ao parque eólico Sotavento
Entrada ao parque eólico SotaventoQue Galicia é unha potencia no que se refire á xeración de enerxía dunha maneira non contaminante é sabido por todos e todas, pero o que ao mellor non sabe moita xente é que na nosa comunidade contamos cun centro experimental no que se estudian e ensinan os beneficios das enerxías renovables como a eólica, o hidróxeno ou a solar.
Os alumnos e alumnas de 1º e 2º de primaria do noso centro foron nestes días a velo, e quedaron impresionados e encantados co que alí viron, aprenderon e fixeron.
Ademáis tamén observamos que estamos en pleno outono, e que saen cogomelos por calquera lado!
Páxina web do parque eólico Sotavento
Ligazón á galería de fotos da excursión na web do centro
Comentarios (0) - Categoría: Actividades - Publicado o 10-11-2011 12:42
# Ligazón permanente a este artigo
San Froilán
Pois aínda que xa hai un mes dende que aconteceu, non podemos comezar o noso blog senón falando da chamada "festa máis importante do outono galego", o noso querido San Froilán.
Un ano máis, a nosa cidade vestiuse de gala para festexar ao noso patrón e, como non, degusta-lo polbo, tan típico nas nosas festas.
E para todas aquelas persoas que asistiron e queren un recordo delas, e tamén para os e as que non as coñecedes aínda, deixamos aquí o enlace á galería fotográfica da páxina oficial das festas.
Galería San Froilán
Comentarios (0) - Categoría: Festas galegas - Publicado o 03-11-2011 15:22
# Ligazón permanente a este artigo
© by Abertal