NORMARÍN



O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

O día no que google lembrou a Rosalía
O pasado día 24 google presentaba ese rostro que tantas sombras nos evoca.

Comentarios (0) - Categoría: O GALEGO DÍA A DÍA - Publicado o 01-03-2015 22:26
# Ligazón permanente a este artigo
NA PROCURA DAS CINCUENTA SOMBRAS DE ROSALÍA
Do 24 de febreiro ao 8 de marzo.
Con motivo do aniversario do nacemento de Rosalía e na procura dunha continuidade con outras experiencias anteriores os rapaces e as rapazas de Bacharelato, tras unha intervención en base ao tema Matriarcas de Guadi Galego, no primeiro trimestre acordan achegarse agora á Rosalía protofeminista, procurando na súa obra atopar esa condición de muller. De aí que nese proceso de busca de citas van tentar chegar ás cincuenta. De paso realizando unha chiscadela crítica xogando co título dunha coñecida novela e película que anda na boca da xente, neste curso que ten por lema "o sentido crítico" demos pois luz a este proxecto das cincuenta sombras de Rosalía.
Comentarios (0) - Categoría: MULLER E LITERATURA - Publicado o 20-02-2015 15:25
# Ligazón permanente a este artigo
A PALABRA ENTROIDO
Comentarios (0) - Categoría: COUSAS DA LINGUA - Publicado o 10-02-2015 21:29
# Ligazón permanente a este artigo
Celebramos o día da Paz
Varias montaxes, unha por titoría, realizamos o venres pasado día escolar pola Paz e a non Violencia.

Comezamos cunha microrepresentación teatral dun momento das Troianas de Eurípides realizado polos alumnos/as de 4º da ESO de Cultura Clásica.

Houbo dende poemas digamos clásicos como o titulado Irmaus de Celso Emilio en 1º ESO B. Montaxes colectivos como os de 1º ESO A ou 2º da ESO sobre a violencia verbal. Tamén os de 3º da ESO realizaron unha especie de fórmula para teatral onde a palabra e as accións do grupo serviron para exteriorizar de xeito colectivo a nosas reflexións sobre a problemática da violencia no acoso escolar ou na violencia verbal.

Os grupos de 4º realizaron un breve audiovisual recadando opinións sobre o tema entre os distintos compañeiros/as do curso. Finalmente os alumnos/as de Bacharelato tamén realizaron unha montaxe audiovisual con tema da resistencia feminista conta a violencia de xénero.

Rematamos coa construción dunha árbore da Paz e dous debuxantes de 3º, Jacobo e Raquel, realizaron unha reprodución das pombas da paz de Picasso en directo e, como non, cantando unha das cancións mundialmente asociadas á non violencia e a Paz:Imagine de J. Lenon.
Comentarios (0) - Categoría: O GALEGO DÍA A DÍA - Publicado o 03-02-2015 06:11
# Ligazón permanente a este artigo
MAFALDA e o sentido crítico e o Mito de NARCISO e Eco.
No Festival do San Narciso deste curso tratamos de facer un repaso a todo o trimestre de traballo. Dúas producións teatrais ben distintas foron un dos froitos dos últimos días do curos no 2014:

Mafalda e o sentido crítico, unha obra creada a partir dos textos de Quino polos alumnos/as de 1º da ESO.

Narciso e Eco, unha versión do mito grecolatino realizada polos alumnso/as de 4º da ESO de Cultura Clásica.

Un éxito ambas e unha experiencia enriquecedora para todo o centro.
Comentarios (0) - Categoría: TEATRO EN GALEGO - Publicado o 08-01-2015 06:48
# Ligazón permanente a este artigo
Falece en Salamanca o Pai Carballo
O que fora director do Colexio San Narciso, padre paúl e un home destacado no eido cultural galego acaba de deixarnos.

Xa había case un ano que fixara a súa residencia nun centro de padres paúis en retiro que dita comunidade ten en Salamanca. menos tempo no que seu estado de saúde empeorara e ao fín o día 29 falecía aos 89 anos de idade.

Destacou como téologo e historiador, pero aos que o coñecemos non podemos deixar de lembrar de el a súa capacidade de traballo, a súa xenerosidade como persoa e o seu compromiso cos seus ideais sempre tan apegados a Galicia. Precisamente unha etapa da súa vida moi produtiva intelectualmente e digna de mención na que aportou distintas obras, contribuiu á edición de importantes e destacadas obras (A igrexa galega, Alexandre Bóveda, Breve Historia de Galiza, Martín Sarmiento...)coincide coa dirección do semanario nacionalista denominado A Nosa Terra.
O seu compromiso como intelectual galeguista levárao ao cárcere uns anos antes, pouco despois de deixar a docencia que exerceu no noso centro en Marín e tamén no centro dos Paúis de Baracaldo aló polos anos 60.

Lembramos con cariño o seu interese e a súa aportación a unha pastoral diferente, as súas últimas charlas no centro con motivo das das Letras Galegas á solicitude do noso Equipo de Normalización ou máis recentemente, unha das últimas actividades públicas, a derradeira lección maxistral que lle escoitamos no acto de homenaxe que a Asociación de Escritores en Lingua Galega lle rendiu en Compostela incorporándoo á lista dos Bos e Xenerosos.

Deixamos aquí unha entrevista, tamén recente realizada no ano 2013 na canle Irmandade TV:

Comentarios (0) - Categoría: Xeral - Publicado o 01-12-2014 06:40
# Ligazón permanente a este artigo
GHALEGHO...


Comentarios (0) - Categoría: vídeos en galego - Publicado o 24-10-2014 06:59
# Ligazón permanente a este artigo
O GALEGO A 26 LINGUA MÁIS USADA NA REDE

EDUCANDO O SENTIDO CRÍTICO CURSO 2014-15

O EDLG do Colexio S. Narciso quixéramos contrubuír a ese interesante posto que ten o galego na rede.

O galego goza de boa saúde dependendo que ámbitos de uso. Na rede é unha das lingua que mellor posicionada está nas redes sociais tal e como se recolle nunha nova que circula estes días.

Tamén é sabido que a xente máis nova é a que utiliza máis a rede, logo deberiamos deducir que é o galego un idioma ben posicionado entre a mocidade galega?

Este será un dos debates que queremos manter vivo ao longo do curso desde este blog.
Comparte esta ponte de comunicación, este espazo de opinión e exerce o teu sentido crítico.Lembra: Os tempos son chegados!!
Comentarios (0) - Categoría: O GALEGO DÍA A DÍA - Publicado o 06-10-2014 23:48
# Ligazón permanente a este artigo
DÍAZ CASTRO PARA SECUNDARIA
Son variadas as propostas que circulan pola rede. Comecemos pola propia Real Academia Galega e a páxina institucional da Consellaría de Educación e a Secretaría de Política Lingüística.

Logo podemos recomendar iniciativas como:

a Web: O poeta Díaz Castro

o traballo do IES Díaz Castro de Guitiriz:


ou estoutro telexornal:
Comentarios (0) - Categoría: LETRAS GALEGAS - Publicado o 13-05-2014 22:23
# Ligazón permanente a este artigo
Para Infantil e Primaria tamén con Díaz Castro
Actividades na rede para os distintos ciclos de Primaria que colgou o
Seminario Galán tamén na páxina oficial de SXPL


Comentarios (0) - Categoría: LETRAS GALEGAS - Publicado o 12-05-2014 06:54
# Ligazón permanente a este artigo
[1] ... [3] [4] [5] 6 [7] [8] [9] ... [22]
© by Abertal