NORMARÍN



O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

QUE A LINGUA TE ACOMPAÑE !!

Acabamos de saber que a primeira película da saga QUE A LINGUA TE ACOMPAÑE! vai ser protagonizada por Rosalía de Castro que interpretará o papel da propia Rosalía.

Estamos impacientes xa por ver o adianto que se espera se faga público en cuestión de días.

Ábrese un prazo para elaborar un guión para a mesma que deberá estar baseado, como é lóxico, na Historia da nosa Lingua.
Comentarios (0) - Categoría: Xeral - Publicado o 23-02-2016 23:22
# Ligazón permanente a este artigo
Hoxe comezamos co 90 aniversario do Colexio
Hoxe comeza a celebración do 90 aniversario do Colexio San Narciso dos Padres Paúis en Marín. Os actos previstos para hoxe son unha misa solemne na igrexa de Sta. María do Porto ás 19,30, moi perto de onde estaba situado o antigo Colexio, hoxe Parque do P. Eguren (un dos Padres Paúis que pasaron polas nosas aulas de máis nome). Moito é o que ao longo destes 90 anos os Paúis deron, singularmente un labor calado e paciente de formación a xeracións e xeracións de marinenses e pontevedreses.

O outro acto que terá lugar ás 20,30 no Museo Torres terá como protagonista outro paúl realmente destacable polo seu vencello con Marín. Trátase do Elixio Rivas Quintas que vai facer entrega ao Concello do orixinal do seu voluminoso traballo sobre a Toponimia de Marín. Un acto entrañable, simbólico e de singular importancia para o patrimonio da nosa localidade xa que o propio Concello vai realizar unha dixitalización do traballo para que teñan un fácil acceso aos seus contidos investigadores e público en xeral. O traballo realizado por Elixio Rivas foi obxecto da súa tése de doutoramento. Aínda que foi publicado un extracto na revista Verba da Facultade de Filoloxía da Universidade de Compostela, unha gran parte permanece inédito e de aí a gran relevancia que ten este acto.
Comentarios (0) - Categoría: Xeral - Publicado o 25-01-2016 07:46
# Ligazón permanente a este artigo
Achégase o día da estrea: onde van?

Comentarios (0) - Categoría: O GALEGO DÍA A DÍA - Publicado o 19-01-2016 20:30
# Ligazón permanente a este artigo
ADOLFO CAAMAÑO GAÑA O PEDRÓN DOURO DE NARRACIÓN
Unha nova que nos traía esta entrada de ano é un novo premio literario que acada o noso profesor Adolfo Caamaño. Trátase do premio Pedrón Douro de relato breve, o premio desta categoría máis vello de Galicia e que ten premiado a grandes homes e mulleres das nosas letras nestas últimas décadas.

Adolfo Caamaño xa leva sendo recoñecido e distinguido en distintas convocatorias como un autor destacado dentro da narrativa actual en galego. Alegrounos sobremanera este premio ao seu traballo porque na confianza e proximidade que nos permite traballar xuntos, Adolfo forma parte do Equipo de Normalización do noso centro, coñecemos a valía literaria e persoal do noso compañeiro.
Comentarios (0) - Categoría: O GALEGO DÍA A DÍA - Publicado o 14-01-2016 06:54
# Ligazón permanente a este artigo
Falece Neira Vilas
Neira Vilas, un autor do que gardamos unha grata memoria, como lectores a gradecidos e coñecedores de perto da súa cordialidade e dos seus valores como persoas, xa que visitou en distintas ocasións o noso centro nos últimos anos.

Este curso, como cabe esperar, faremos memoria do seu aporte ás Letras Galegas e procuraremos que estea presente nas aulas do San Narciso como ben o merece un autor tan próximo a nós ao que tratamos e lembramos con cariño.
Comentarios (0) - Categoría: O GALEGO DÍA A DÍA - Publicado o 29-11-2015 20:33
# Ligazón permanente a este artigo
Que che parece esta proposta?
Comentarios (0) - Categoría: O GALEGO DÍA A DÍA - Publicado o 23-11-2015 20:44
# Ligazón permanente a este artigo
E ti de quen vés sendo?
Unha pescuda sobre a nosa orixe ten que ver tamén cos apelidos de noso.

Comentarios (0) - Categoría: COUSAS DA LINGUA - Publicado o 20-11-2015 06:54
# Ligazón permanente a este artigo
ELIXIO RIVAS QUINTAS, exsecretario do San Narciso
Elixio Rivas Quintas, quen fora secretario do Colexio San Narciso en Marín, veu estes días facer unha visita (agora reside en Ourense) e cos seus 90 anos un dos lexicógrafos máis importantes da nosa lingua. Unha persoa tan próxima que ben merece tela presente á hora de realizar calquera traballo de normalización na nosa contorna. É unha das nosas fontes de documentación, mais tamén un exemplo de compromiso coa lingua pois a recuperación da onomástica a toponimia tradicionais son unha parte importante do proceso de normalización lingüística.



UN DOS SEUS MONUMENTAIS TRABALLOS: TOPONIMIA DE MARÍN

Da súa tese doutoral editada (un estrato dunhas 400 páxinas) no ano 1982 como anexo 18 do Anuario Galego de Filoloxía da Universidade de Santiago de Compostela imos transcribir a continuación algunha das súas valiosas reflexións tiradas da Introdución á mesma:

" O campo da toponimia está, na súa meirande parte, por explorar. É unha parcela do saber fascinante e prometedora, aínda que difícil e aventurada; e isto non só pola súa propia natureza, senón tamén pola escaseza de traballos de vangarda.

O obxecto, os nomes de lugar, existe en calquera punto na que a pegada do home se asentase. Poucos lugares da Terra, sen embargo, presentarán tal plétora por km2 como Galicia. Se os chamados topónimos maiores sobre pasan os 35.000, os coñecidos por menores e que nada difiren intrinsecamente dos outros, deben de roldar o millón e medio. Descontada a lingua común, non temos acervo de tal consideración en ningún outro aspecto da cultura. E é tanto máis importante o examinalo sen demora, canto que, en transo de perderse, trátase da palabra do home, reflexo e suma da súa alma, e manifestación do seu paso por esta terra galega. É unha pegada estereotipada que se borra día a día; sen a toponimia prerromana, quedariámonos de súpeto, sen un monumento arqueolóxico tan importante como as mesmas mámoas e castros."

No ano 2013 xa recibiu un recoñecemento en Marín
Comentarios (0) - Categoría: BEN FALADO - Publicado o 15-11-2015 14:01
# Ligazón permanente a este artigo
Os últimos Premios Nacionais de Literatura

Os Premios Nacionais de Literatura que outorga o Ministerio de Educación e Cultura veñen sendo unha confirmación, por paradóxico que pareza, da nosa capacidade creadora.

Así ao pouco de comezar o presente curso 2015/16 aquí temos unha vez máis unha mostra do que dicimos:
LEDICIA COSTAS na categoría de Literatura Infantil e Xuvenil

GONZALO HERMO na categoría de poesía xoven

O caso de Ledicia Costas é unha autora que estivo recentemente no noso centro con motivo da lectura dunha das súas últimas creacións.
Comentarios (0) - Categoría: O GALEGO DÍA A DÍA - Publicado o 02-11-2015 14:06
# Ligazón permanente a este artigo
Para rematar con sentido crítico o curso
Rematamos o curso coa representación dunha montaxe que dalgún xeito recolle nun nobelo o fío que fomos devalando ao longo deste ano.

Obra: MULLERES QUE NON SÓ FIARON LÁ.

Adaptación a partir de textos clásicos de Sófocles, Eurípides e Aristófanes, recreando ademais varios mitos gregos. Foi froito dun traballo sobre o sentido crítico na aula de Cultura Clásica e Galego de 4º ESO. Unha viaxe ao mundo feminino da Grecia Antiga visto cunha visión crítica dende o século XXI para aportar unha reflexión sobre a liberación da muller ao longo dos séculos.

REPARTO:
Mulleres que non só fiaron lá:
ANSEDE GONZÁLEZ, LIDIA que será Pandora e Penélope.
ANTÓN FERNÁNDEZ, CARMEN que será unha Moira, Hécuba e Lisístrata.
GÓMEZ PEÓN, NEREA que será troiana e Ismene.
LOIRA HERMIDA, ÚRSULA que será outra Moira, Antígona e Calónice.
MALVIDO CURRÁS, DIANA que será a terceira das Moiras, troiana e ateniense.
PAZOS RIVERA, ALBA que será Andrómaca e Mirrina.
RODRÍGUEZ GARCÍA, AINHOA que será Ariadna e troiana.
SINEIRO QUIROGA, CRISTINA que será Casandra e ateniense.

No papel dos homes amigos das guerras:
COSTAS COUSO, EDUARDO que será Menelao.
PÉREZ LESENDE, FRANCISCO que será Ulises.
VILAS GESTIDO, ALBERTO que será Polinices, fillo de Edipo.
VILAS MARIÑO, IVÁN que será Teseo e Etéocles o outro fillo de Edipo.


Escenografía: DARÍO SUÁREZ E TERESA GONZÁLEZ E ALUMN@S DE 4ºESO.
Luces e son: JORGE GARCÍA e AITOR LOIRA.
Perruquería e vestiario: ANDREA VILLEGAS e ANDREA ARIAS.
Música: Guadi Galego: Matriarcas, Santa muller e Norte do norte.

Dirección: HÉCTOR M. SILVEIRO FERNÁNDEZ
Comentarios (0) - Categoría: O GALEGO DÍA A DÍA - Publicado o 18-06-2015 00:09
# Ligazón permanente a este artigo
© by Abertal