www.educaldea.org


Blogue do C.E.P. Xosé María Brea Segade de Taragoña
IV Premio Antón Fraguas
Museo do Pobo Galego

2º Premio Móllate polo galego
Vitaminas para o galego











O meu perfil
breasegade@yahoo.com
 VISITAR A ALDEA
 GALERIALDEA
 + EDUCALDEAN@S
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Letras Galegas 2010
Na tarde do xoves celebramos as letras Galegas en Educaldea.
Comezamos coa posta en escea dunha adaptación da Lenda do Castelo da Lúa realizada por Noelia, a profe de Música e Estudo. Esta lenda foi o punto de partida do traballo sobre a Idade Media promovido pola Biblioteca Brea Segade para este curso. Os rapaces e rapazas de estudo de quinto interpretaron para nós unha versión da lenda con apoio musical e audiovisual que nos encantou. Grazas Noelia por tanto traballo ben feito ao longo destes meses!
Despois proxectamos unha montaxe sobre a vida de Uxío Novoneyra, que deu paso ao recitado de poemas do autor homenaxeado nas Letras Galegas 2010.
Un ano máis o noso Equipo de Normalización organizou os actos cos que celebrar a riqueza das nosas Letras e da nosa cultura e cos que felicitarnos polo tesouro que temos no Brea Segade: vós, os nenos e nenas de Taragoña e o Araño que, con orgullo, mantedes viva a nosa lingua día a día.


Comentarios (4) - Categoría: 25 Aniversario - Publicado o 14-05-2010 12:09
# Ligazón permanente a este artigo
De intercambio en Moaña
O martes pasado fomos de visita ao CEIP Quintela de Moaña, centro co que este curso o alumnado e profesorado de 1º e 2º ciclo estamos a realizar un intercambio organizado polos Equipos de Dinamización Lingüística.
Tiñamos moitísimas ganas de que chegara o día de coñecer en persoa aos nenos e nenas de Moaña, cos que estiveramos intercambiando correspondencia ao longo do ano. E por fin chegou!
O día foi ben completo: viaxe en barco desde Vigo, paseo por Moaña, visitar a escola, agasallos dos nosos anfitrións... pero sobre todo poder coñecer, falar e xogar cos nenos e nenas de Quintela. Encantounos!
Graciñas por este día tan especial.
Agardámosvos en Taragoña o venres 28 de maio!


Este é o cartel que prepararon para o intercambio desde o CEIP Quintela.

Aínda nos faltan as fotos dalgúns dos grupos, pero estas que temos son tan boas que non podemos agardar máis para compartilas.


Comentarios (4) - Categoría: Xeral - Publicado o 14-05-2010 12:08
# Ligazón permanente a este artigo
Correlingua 2010


Correlingua 2010

Rianxo ía ser a sede, o luns 10 agardabamos xuntar máis de 2000 nen@s e moz@s para berrar ben forte que O galego é a forza do noso amor.
Pancartas preparadas, lemas para corear aprendidos, tod@s coas camisetas de Educaldea, meses de traballo da Coordinadora de Equipos de Dinamización e Normalización Lingüística do Barbanza... pero amenceu chovendo e tivemos que quedar coas ganas.
Pese á decepción enorme que profes e rapazada sentimos, á volta do recreo xuntámonos na praza maior de Educaldea, estiramos as nosas pancartas e demostramos que nin a chuvia pode con nós.

Desde o Brea Segade Grazas a todos @s que vos implicastes na organización do Correlingua Barbanza 2010 por tanto traballo que finalmente non pouido lucir. Mágoa.






Comentarios (2) - Categoría: Xeral - Publicado o 14-05-2010 12:07
# Ligazón permanente a este artigo
VII aniversario da Banda da Escola de Música

PARABENS!
Noraboa por sete anos de bo traballo co que tanto gozamos os seguidor@s da banda e os rapaces e rapazas de Rianxo que forman parte dela.
Un bico especial desde Educaldea para os nos@s alumn@s e exalumn@s membros da banda e por suposto para Rafael Collazo, para nós educaldeán tamén, por mérito propio.
Que mellor celebración que un concerto con obras do músico e compositor rianxeiro Antón Alcalde e o bo facer dos music@s da banda e do seu director.
Comentarios (0) - Categoría: Xeral - Publicado o 01-05-2010 11:46
# Ligazón permanente a este artigo
Estamos no Facebook
Pois sí, parece que hai bastante xente que xa se deu conta de que o verde que adorna as nosas paredes exteriores tamén cumpriu 26 anos sen que lle puxeran a brocha enriba. Queremos que se pinte o Brea Segade é o grupo creado no Facebook e que en poucos días xa pasa dos cen apoios.
La Voz de Galicia do domingo pasado fixo referencia a esta iniciativa nas redes sociais apoiando o pintado e algunhas melloras xerais no Brea Segade.
Desde Educaldea agradecemos esta iniciativa e esperamos que a unión faga a forza e as melloras comecen a verse no centro, comezando polo pintado exterior.
Comentarios (1) - Categoría: Xeral - Publicado o 21-04-2010 01:25
# Ligazón permanente a este artigo
Abril, mes dos libros

Mañá bota a andar a programación de actividades sobre o libro e a lectura que a Biblioteca Brea Segade preparou, como cada ano, para o mes de abril.
Nesta ocasión, e dado que o 2 de abril non foi día lectivo, adiáronse os actos de conmemoración do Día Internacional do Libro Infantil para mañá, día 12. O alumnado de quinto curso foi o encargado de preparar a presentación do manifesto do escritor Eliacer Cansino, que se lerá no Auditorio María Casares e en bibliotecas e librerías de todo o mundo ás doce da mañá.
Se queredes saber máis sobre as actividades que terán lugar mañá e o resto do mes no noso colexio visitade o blogue da biblioteca.
Comentarios (0) - Categoría: Xeral - Publicado o 12-04-2010 00:15
# Ligazón permanente a este artigo
Fantoches Baj
Onte, dentro da programación de actividades de animación á lectura da Biblioteca Brea Segade tivemos á compañía Fantoches Baj en Educaldea. Representaron Rei, rei?, unha obra baseada nun conto de Karel Kapeck que fala dun vagabundo que chegará a ser o rei dos melros e o melro branco dos vagabundos. Faláronnos da xustiza, dos prexuizos e da autoridade con moito humor e cunha fantástica posta en escea tanto dos títeres coma dos actores. Gañáronse a todos os públicos, desde os máis pequen@s ata os nos@s mangallóns de 6º e @s profes.


Comentarios (13) - Categoría: Xeral - Publicado o 25-03-2010 00:26
# Ligazón permanente a este artigo
Xornada mixta para o curso que vén
O mércores pasado as nais e pais do alumnado do noso colexio votaron a favor da implantación da xornada mixta para o curso 2010-2011. Os resultados foron claros:

Censo total: 101 familias

Votos emitidos: 83

Abstencións :18

Votos a favor da xornada mixta : 69

Votos en contra da xornada mixta: 14

Destacar e agradecer a colaboración e a participación das familias.

A xornada mixta foi a única opción aceptada polo Servizo de Transporte da Delegación de Educación da Coruña, tras numerosas xestións realizadas nos últimos anos para intentar implantar no CEP Brea Segade a xornada única. A xornada única que, nun sondeo realizado pola ANPA do Brea Segade, era a xornada maioritariamente apoiada polas familias do alumnado.

Non esaxeramos se dicimos que se presentaron en delegación até cinco posibilidades diferentes de horarios de xornada única para o noso centro que sempre foron rexeitados por incompatibilidade co servizo de transporte escolar que atende ao alumnado do noso centro e do IES Félix Muriel. Segundo Delegación a xornada única implicaría encarecer os gastos de transporte ao precisarse un autobús máis para compatibilizar horarios. Coma sempre os cartos condicionan a organización e a calidade do ensino, moito máis nos centros do rural.

Finalmente no vindeiro curso o alumnado de Taragoña e o Araño acudirá ao centro de 9:05 a 13:20 todos os días e as tardes do martes e mércores de 15:30 a 17:25.

Seremos o único centro de Infantil e Primaria do Concello de Rianxo que desenvolva actividade docente en horario de tarde.

Esperamos que noutras medidas a implantar pola Consellería de Educación, coma por exemplo a dotación de ordenadores para quinto de Primaria, os centros do rural, que tantos desigualdades padecemos por cuestións alleas a nós (servizo de transporte e horarios, dotación de profesorado, mantemento das instalacións, conexión a internet, dotación de material...) sexamos, para variar, os primeiros da lista.

Comentarios (1) - Categoría: Xeral - Publicado o 20-03-2010 21:48
# Ligazón permanente a este artigo
Mulleres científicas
Téano, Hipatia, Emilie du Bretemil, Carolina Herschel, Margarita Sals, Inmaculada Paz Andrade, Jane Goodall e até quince nomes de muller forman a exposición Mulleres Científicas que inauguramos hoxe na praza maior de Educaldea. Os compañeiros e compañeiras da biblioteca e o Equipo de Normalización e Dinamización Lingüística do CPI Progreso de Catoira son os autores desta exposición que pretende achegarnos a mulleres que ao longo da historia, tiveron un importante papel no desenvolvemento da ciencia.
Convidámosmos a visitar a exposición para descubrir que ciencia e muller fan boas migas.

Máis información no blogue da BBS.

Comentarios (2) - Categoría: Xeral - Publicado o 09-03-2010 00:03
# Ligazón permanente a este artigo
Orgullos@s do noso


Orgullos@s do noso, orgullos@s do galego e tamén orgullos@s do traballo e desta campaña da Coordinadora Galega de Equipos de Normalización e Dinamización Lingüística da que o noso centro forma parte.
Comentarios (7) - Categoría: Xeral - Publicado o 28-02-2010 21:33
# Ligazón permanente a este artigo
© by Abertal



Contador gratis