www.educaldea.org


Blogue do C.E.P. Xosé María Brea Segade de Taragoña
IV Premio Antón Fraguas
Museo do Pobo Galego

2º Premio Móllate polo galego
Vitaminas para o galego











O meu perfil
breasegade@yahoo.com
 VISITAR A ALDEA
 GALERIALDEA
 + EDUCALDEAN@S
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

A nosa leira 2013-2014
Este ano comezamos cedo a plantar na leira. Normalmente facíamos a plantación de primavera, mais este curso decidímonos a plantar repolo, brócoli e cebolo de cedo. Tamén botamos uns chícharos que colleron unha terra moi fría e lles está a custar. Tamén hai proxectos polas aulas que sementaron chícharos en viveiros, castañas en tetrabrik ou perexil nunha caixa de froitas. Para as leitugas fixemos un microinvernadeiro que xa veremos se funciona. De momento, deixámosvos unhas poucas fotos.

Comentarios (1) - Categoría: 25 Aniversario - Publicado o 15-12-2013 21:15
# Ligazón permanente a este artigo
SAMAÍN

No C.E.P. Xosé María Brea Segade, a pesares dos recortes na educación pública, a vida continúa a transcorrer como sempre. Non vamos a renunciar a un ensino de calidade e a que o noso alumnado compita en inferioridade co alumnado das escolas concertadas ou privadas. Só co esforzo de tod@s, profesorado e familias, salvaremos o ensino público, enfrontándonos a precariedade de medios con entusiasmo e calidade.

No noso centro comezaron as celebracións do ciclo festivo, as cais un ano máis contaron coa participación de todo o profesorado e alumnado, para reivindicar o noso dereito a unha cultura propia, aprendida na escola de tod@s, a que tod@s pagamos do noso peto.

A tarde do xoves 27, en horario non lectivo, un grupo de profesoras prepararon unha instalación terrorífica, un tunel do medo que asustaba nada máis mirar para el. Na mañá do venres, @s nen@s que querían entrar no cole tiveron que enfrontarse aos seres do máis alá para poder chegar ás súas aulas, e mesmo que afortunadamente non se contabilizaron baixas, a algún/a foille moita hora.

Para facer mais doce as amarguras do terror, houbo unha degustación de froitas e froitos do outono, na que o noso alumnado desacreditou a eses mentireiros que din que aos nen@s cústalles comer froita. Bo, nada mais, que todo está nos vídeos.






NON AOS RECORTES
NA EDUCACIÓN PÚBLICA
Comentarios (10) - Categoría: 25 Aniversario - Publicado o 01-11-2011 20:29
# Ligazón permanente a este artigo
Rianxeira del Plata
A través do facebook de Proxecto Virtual Recuperación do Patrimonio Musical Galego Séculos XIX-XX tivemos a sorte de encontrar este vídeo feito por arxentinos con sangue galega. Titúlase Rianxeiros del Plata, é dicir, do Rio da Plata, lugar ao que emigraron tantos galegos e, nomeadamente, tantos rianxeiros.
Os veciños de Taragoña na Arxentina foron os que costearon a escola do Cruceiro, cerne da vida escolar da nosa parroquia.
Na etapa histórica que estamos a vivir, a escola pública está a sufrir o maior ataque desde a chegada da democracia, pondo en grave perigo o estado actual do sistema educativo público galego. Aforrar en educación sae caro, sobre todo cando na educación na que se aforra é na de todos, mantendo e mellorando os concertos coa educación concertada ou privada.
Se non defendemos a nosa escola, o futuro d@s nos@s fill@s pode ser coller o camiño da emigración, pois unha sociedade que non coida do ensino público de calidade despreocúpase do futuro das vindeiras xeracións.
Este vídeo de oriundos da Galiza na Arxentina é fermosísimo, está feito desde a mestizaxe e o bo gusto, cos acentos propios dos que levan o idioma só no ADN, de persoas aos que lles impediron facerse adultos na súa terra. Mais eles non esquecen, porque nunca quixeron ter marchado.
Non permitamos máis recortes na educación: hai
demasiado en xogo.


Comentarios (2) - Categoría: 25 Aniversario - Publicado o 28-09-2011 22:56
# Ligazón permanente a este artigo
Letras Galegas 2010
Na tarde do xoves celebramos as letras Galegas en Educaldea.
Comezamos coa posta en escea dunha adaptación da Lenda do Castelo da Lúa realizada por Noelia, a profe de Música e Estudo. Esta lenda foi o punto de partida do traballo sobre a Idade Media promovido pola Biblioteca Brea Segade para este curso. Os rapaces e rapazas de estudo de quinto interpretaron para nós unha versión da lenda con apoio musical e audiovisual que nos encantou. Grazas Noelia por tanto traballo ben feito ao longo destes meses!
Despois proxectamos unha montaxe sobre a vida de Uxío Novoneyra, que deu paso ao recitado de poemas do autor homenaxeado nas Letras Galegas 2010.
Un ano máis o noso Equipo de Normalización organizou os actos cos que celebrar a riqueza das nosas Letras e da nosa cultura e cos que felicitarnos polo tesouro que temos no Brea Segade: vós, os nenos e nenas de Taragoña e o Araño que, con orgullo, mantedes viva a nosa lingua día a día.


Comentarios (4) - Categoría: 25 Aniversario - Publicado o 14-05-2010 12:09
# Ligazón permanente a este artigo
As fotos da túa escola

O curso pasado recollimos grazas a vosa xenerosidade, numerosas fotografías dos 25 anos de existencia do noso cole. Agora podes velas aquí en formato blogue.
Se queres podes seguir colaborando deixando os teus comentarios ou facendo novas achegas.
Comentarios (2) - Categoría: 25 Aniversario - Publicado o 02-09-2009 12:01
# Ligazón permanente a este artigo
O noso día grande!
As fotos ben deixan ver que o sábado 20 tivemos un fin de festa por todo o alto. Xogos e obradoiro de instrumentos para os máis pequen@s, xantar, música e fútbol para tod@s, fotos para traer de volta moitas lembranzas de antig@s alumn@s e profes e unha parede preciosa para deixar constancia destes 25 anos. Ah! non vos perdades a papeleira tuneada, outra das xoias que nos quedarán de recordo.
Abride o álbum premendo na foto e visitádeo con calma.


Xantar 25 aniversario
Comentarios (4) - Categoría: 25 Aniversario - Publicado o 25-06-2009 17:53
# Ligazón permanente a este artigo
Festa 25 aniversario no Campo Maneiro
- Entre as once e a unha e media xogos populares nas pistas do colexio coa colaboración do Departamento de Deportes do Concello de Rianxo.

- Ás dúas xantar e música no Campo Maneiro.

- Ás tres e media obradoiro de instrumentos tradicionais.

- Ás seis partido de fútbol entre antigos alumnos e alumnas.

- Ao longo do día visita á exposición de fotos antigas.

NON FALTEDES!
Comentarios (2) - Categoría: 25 Aniversario - Publicado o 19-06-2009 09:57
# Ligazón permanente a este artigo
Que foi de ...?
Na tarde do 27 de maio o auditorio María Casares encheuse unha vez máis de lembranzas.
María, Daniel, Miguel, Sofía, Luís, Monchi, Sofía, Yolanda, Richard, Diego e Pablo viñeron compartir con nós os seus recordos como exalumn@s do Brea Segade. Faláronnos do que están a facer agora, de como era a escola cando eles estudaron nela, do que lles gustaba cando eran nen@s... Tamén contestaron a moitas preguntas que os alumnos e alumnas de hoxe en día querían facerlles.
Foi unha tarde especial, unha ponte no tempo entre distintas xeracións do Araño e Taragoña. A tarde pasou voando e quedaron moitas preguntas por facer e moitas historias por contar. Menos mal que no xantar do sábado 20 o timbre non vai soar e poderemos demorar tanto coma queiramos.

Graciñas por representar tan ben aos alumnos e alumnas que pasaron polo Brea Segade nestes 25 anos.



Comentarios (2) - Categoría: 25 Aniversario - Publicado o 05-06-2009 19:34
# Ligazón permanente a este artigo
Teatro na escola
A semana pasada a nosa escola encheuse de teatro e de lembranzas. O martes, en horario escolar, un grupo de exalumnos e exalumnas baixo a coordinación de Antón Vilariño recrearon para nós algúns dos mellores momentos das obras que nestes 25 cursos tiveron máis éxito entre o alumnado do Brea Segade. Tamén vimos fragmentos das gravacións desas obras representadas hai uns doce anos. Fixádevos nas caras dos máis pequenos da nosa escola asistindo a esa representación. Xa o din todo!
O venres houbo teatro "en aberto" para tod@s cantos quixeron vir. De novo un éxito.
Graciñas a todos os rapaces e rapazas que fixeron posible que o pasaramos tan ben, graciñas a Antón, grande armadanzas, e graciñas a Begoña e Diego que nos permitiron comprobar o ben que medraron eses nenos e nenas que saían nas gravacións.


Aquí tedes o álbum coas fotos dos dous días. Premede sobre a foto para velo completo.

Teatro na escola
Comentarios (1) - Categoría: 25 Aniversario - Publicado o 20-05-2009 23:11
# Ligazón permanente a este artigo
Teatro na escola

Comentarios (0) - Categoría: 25 Aniversario - Publicado o 13-05-2009 23:29
# Ligazón permanente a este artigo
1 [2]
© by Abertal



Contador gratis