A pesares da choiva, da que caía e da que está a cair, un ano máis celebramos o noso magosto. Houbo xogos, castañas e moitas ganas de pasalo ben. No vídeo está todo.
No C.E.P. Xosé María Brea Segade, a pesares dos recortes na educación pública, a vida continúa a transcorrer como sempre. Non vamos a renunciar a un ensino de calidade e a que o noso alumnado compita en inferioridade co alumnado das escolas concertadas ou privadas. Só co esforzo de tod@s, profesorado e familias, salvaremos o ensino público, enfrontándonos a precariedade de medios con entusiasmo e calidade.
No noso centro comezaron as celebracións do ciclo festivo, as cais un ano máis contaron coa participación de todo o profesorado e alumnado, para reivindicar o noso dereito a unha cultura propia, aprendida na escola de tod@s, a que tod@s pagamos do noso peto.
A tarde do xoves 27, en horario non lectivo, un grupo de profesoras prepararon unha instalación terrorífica, un tunel do medo que asustaba nada máis mirar para el. Na mañá do venres, @s nen@s que querían entrar no cole tiveron que enfrontarse aos seres do máis alá para poder chegar ás súas aulas, e mesmo que afortunadamente non se contabilizaron baixas, a algún/a foille moita hora.
Para facer mais doce as amarguras do terror, houbo unha degustación de froitas e froitos do outono, na que o noso alumnado desacreditou a eses mentireiros que din que aos nen@s cústalles comer froita. Bo, nada mais, que todo está nos vídeos.
A través do facebook de Proxecto Virtual Recuperación do Patrimonio Musical Galego Séculos XIX-XX tivemos a sorte de encontrar este vídeo feito por arxentinos con sangue galega. Titúlase Rianxeiros del Plata, é dicir, do Rio da Plata, lugar ao que emigraron tantos galegos e, nomeadamente, tantos rianxeiros.
Os veciños de Taragoña na Arxentina foron os que costearon a escola do Cruceiro, cerne da vida escolar da nosa parroquia.
Na etapa histórica que estamos a vivir, a escola pública está a sufrir o maior ataque desde a chegada da democracia, pondo en grave perigo o estado actual do sistema educativo público galego. Aforrar en educación sae caro, sobre todo cando na educación na que se aforra é na de todos, mantendo e mellorando os concertos coa educación concertada ou privada.
Se non defendemos a nosa escola, o futuro d@s nos@s fill@s pode ser coller o camiño da emigración, pois unha sociedade que non coida do ensino público de calidade despreocúpase do futuro das vindeiras xeracións.
Este vídeo de oriundos da Galiza na Arxentina é fermosísimo, está feito desde a mestizaxe e o bo gusto, cos acentos propios dos que levan o idioma só no ADN, de persoas aos que lles impediron facerse adultos na súa terra. Mais eles non esquecen, porque nunca quixeron ter marchado.
Non permitamos máis recortes na educación: hai
O noso compañeiro e grande actor Tino Miranda Castaño está pronto a estrear a súa próxima obra co Cadro Artístico Airiños e que levará o título de Ata que a morte nos separe!.
Es quen de identificalo na foto? Desexémoslle sorte para a estrea.
Para comezar o curso 2011-2012 nada mellor que facer memoria de todo o que fixemos o ano pasado. Xa podedes ver a nosa revista na rede. Só tedes que premer o botón CHARAMUSCAS na columna da esquerda.
Este ano a nosa saída de convivencia e descuberta no noso concello levouno ata a praia de Tanxil. Percorremos o paseo marítimo, buscamos información nas tampas dos sumidoiros e nas laxes dos escritores rianxeiros, paseamos por Rianxo, lemos poemas, xantamos, xogamos... e sobre todo pasamos un día estupendo xunt@s.
O primeiro pedir disculpas polo parón destes últimos meses.
Educaldea non parou, xa o sabedes, pero os administrador@s deste blogue non demos atopado tempo para iren publicando no día a día.
Temos propósito de enmenda, de entrada imos ir colgando as imaxes do que foi pasando na escola neste tempo.
E comezamos polas merendas saudábeis nos recreos. Este curso renovamos o noso compromiso co medio ambiente: cambiamos os contentores do patio para separar o lixo, comezamos a proxectar a nosa intervención no xardín e na horta (á espera de que Concello cumprira á súa parte e acondicionara eses espazos) e decidimos merendar froita nos recreos polo menos os martes e os xoves.
Mañá venres 10 de setembro comezamos un novo curso. Nov@s alumnos e alumnas, novos profes, novo equipo directivo, novo horario, obras aínda sen rematar de todo... moitas novidades. O que non cambia é a ilusión e as ganas de compartir co noso alumnado e as súas familias moitos meses de traballo, de descubertas e de aprendizaxes.
Comezaremos xa co novo horario aprobado o curso pasado.
Luns a venres de 9:05 a 13:20
Tarde do martes de 15:30 a 17:20
Tarde do mércores de 15:30 a 17:25
Está claro que tod@s imos ter que facer un esforzo para lembrar este novo horario pero pasadas un par de semanas seguro que xa o temos claro.
IMPORTANTE: ESTE HORARIO É O QUE SE MANTERÁ DESDE O 10 DE SETEMBRO AO 22 DE XUÑO.
Non se nos concedeu a redución das tardes de xuño e setembro.
Coma sempre, o alumnado estará nas paradas media hora antes do comezo das clases.
Así que mañá ás 8:30 da mañá as paradas de bus de Taragoña e o Araño voltarán ver caras de vell@s coñecid@s e tamén algunhas caras novas.
