|
|
|
|
| Colocación do pronome átono |
|
Como norma xeral poñeremos o pronome átono sempre despois do verbo.
Fíxeno onte.
*O fixen onte (o asterisco indica que a forma está errada)
Aínda así hai varios casos onde o pronome se coloca antes do verbo:
Nos enunciados das interrogativas directas sempre que haxa un pronome interrogativo.
Ex: Quen cho dixo?
Nas exclamativas pasa o mesmo:
Ex: Que cho dea carallo!
Cando existe unha partícula negativa tamén se antepón o pronome:
Ex: Non o sei facer. Ninguén o sabe facer. Nada lle ten que facer
Cando o enunciado comeza por determinados adverbios:
Mesmo llo repetin onte
Incluso cho devolvín con xuros
Tamén o fago eu
Só o fago por ti
Unicamente lla deixei a ela
Seica mas tes ti.
Disque cha amañou o outro día
Quizais cho diga mañá
Seguramente ma viu cando entraba na casa
Aínda che teño un respecto
Ata llo deixei na súa mesa
Xa che dixen que o fixeras amodo
Sempre nos berra
Deseguida cha traio
Axiña che descubriu
Rapidamente te boto da casa
Moito lle quere a seu avó
Pouco che deixou na pota
Bastante te aturei hoxe
Demasiado lle aturei nesta relación.
Menos me deu a min!
Máis lle vale!
Velaquí a tes
Velaí mas trae
Por regra xeral, con todo, pouco, demasiado, tanto...que, alguén, algo, ninguén, nada, calquera, propio, ambos, etc. o pronome anteponse ao verbo.
Colocación nas perífrases.
Polo xeral o pronome irá posposto ao verbo auxiliar.
Antepoñerémolo nos casos que vimos antes
Cando hai unha perífrase de participio a única maneira na colocación do pronome átono é a posposición·
Ex: Téñollo feito moitas veces
Xa llo teño feito moitas veces
Cando temos unha perífrase de infinitivo ou de xerundio o pronome pode ir co verbo auxiliar ou co auxiliado indistintamente:
Ex: (INF) Podíamo facer pouco a pouco
(INF) Podía facermo pouco a pouco
(XER) Foron facéndomo pouco a pouco
(XER) Fóronmo facendo pouco a pouco
Cando a perífrase ten un nexo entre os dous verbos, o pronome tamén se pode antepoñer ao verbo auxiliado:
Ex: Tíñao que facer.
Tiña que o facer.
Tiña que facelo
Sei que para moitas persoas é moi complicado pero é importantísimo saber colocar ben o pronome. Con un pouco de interese e de esforzo é moi doado conseguilo. ÁNIMO
|
|
|
|
|
| 8 Comentario(s) |
|
| 1 |
E cando van nunha pregunta por exemplo: por que se tinguen#blgtk08# os cromosomas de morado? vai así ou vai detrás do verbo? |
|
|
Comentario por María (24-05-2008 21:31) |
|
|
| 2 |
Sempre e cando a pregunta teña un pronome interrogativo (quen, por que, cando...)o pronome átono anteponse ao verbo. Tamén nas exclamativas.
Por exemplo:
Por que o fixeches? Cando o fixeches?Onde o meteches?
Quen cho #blgtk08#dese! Que che aguante outro!
Pero se a oración non leva pronome interrogativo o pronome átono vai despois do verbo.
dixéchesme que viñas hoxe?
dixéchesme que o ías facer!
Un saúdo
|
|
|
Comentario por dúbidas (25-05-2008 19:21) |
|
|
| 3 |
Quixera saber se está ben colocado esto e se leva esa til: " Usarei estas#blgtk08# abreviaturas para pólas cada vez que queira referirme a estes términos." |
|
|
Comentario por María B (27-05-2008 11:34) |
|
|
| 4 |
Está ben colocado e conserva o acento. O acento diacrítico mantense ao engadir os pronomes átonos e tamén a seg#blgtk08#unda forma do artigo. O que non é correcto en galego é a palabra "término", a forma correcta é termo. Un saúdo |
|
|
Comentario por dúbidas (27-05-2008 11:43) |
|
|
|
|
|
| 6 |
grac#blgtk08#ias |
|
|
Comentario por destin (16-12-2019 03:43) |
|
|
|
|
|
| 8 |
Cando hai unha perífrase de participio a única mane#blgtk08#ira na colocación do pronome átono é a posposición· |
|
|
Comentario por russellbromleys.co.uk (11-03-2020 03:51) |
|
|
| Deixa o teu comentario |
|
|
|
