De pinchos


Pequena axuda para decidir onde tomar o aperitivo, alí onde te atopes.

Este blog pretende ser unha pequena "guí­a" dos bares que máis me gustan para tomar o aperitivo; eso si, sempre acompañado dun bo pincho, e fuxindo das tan socorridas "patatillas" ou olivas de baixa calidade.

A miña intención é que o blog estea o máis actualizado posible, e por iso en lugar de recurrir á memoria, vou a ir engandindo locais pouco a pouco, segundo os vaia visitando.

Espero que vos guste; e tamén os vosos comentarios para que a información sexa o máis correcta posible.

Vémonos de pinchos...







Blogastrónomos Galegos

Promociona a túa páxina tamén
Estadisticas y contadores web gratis
Oposiciones Masters







O meu perfil
moraiminhaarrobagmailpuntocom
 CATEGORÍAS
 FOTOBLOGOTECA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES
 RECOMENDADOS

Café bar Celta
Entramos na cidade amurallada ó son de Ronda Muralla Puerta Campo Castelo: peatón puede pasar, peón pode pasar, que cantaba o paso de peóns situado enfrente da estación de autobuses; así, durante os máis de sesenta segundos que tarda en poñerse en vermello en calar... Informativo si, pero raiante tamén.

Chegamos a unha das prazas máis bonitas de Lugo: a de Campo Castelo, e atopamos un bar con boa pinta que non coñeciamos. A aventura pagou a pena, por suposto (en realidade, case ningún bar de Lugo decepciona ó cliente neste aspecto): un pincho frío a elexir entre tortilla, empanada de bacalao ou pan con chourizo; e de cociña escollemos mexillóns en salsa e ovo recheo, aínda que nos ofreceron algún máis que agora non lembro.

¡Elexir! Esa é a palabra máxica. Para os que non coñezades Lugo, decir que en todos os bares é o cliente quen escolle con qué acompañar a súa bebida. E ás veces non é nada fácil decidirse...


Praza do Campo Castelo nº5. Lugo
Situación
Comentarios (1) - Categoría LU.Lugo - Publicado o 14-12-2006 10:54
# Ligazón permanente a este artigo
Mencía Mencía
Apenas dous días en Lugo non dos deu para facer todo o que tiñamos pensado; como, por exemplo, xantar ou cear no Mencía Mencía, recomendada por Manoel Foucellas. Pero como quedaba perto do noso hotel, pareceunos unha boa opción para empezar o traballo de campo para "De pinchos".

Realmente, a decoración do local é sorprendente; sobre todo, tendo en conta que está ó lado da porta principal da Estación de Autobuses, edificio ó que lle fai falla un arranxiño (eu lémbroa dende sempre así). Como tamén chama a atención a tenda de delicatessen á que se accede dende o restaurante.

Na barra, tomamos uns cortiños acompañados duns pinchos de cociña: callos e guiso de carne ben cociñados, así que deixamos pendente probar o que é o restaurante para a próxima visita a Lugo.


Praza da Constitución s/nº. Lugo
Situación
Comentarios (1) - Categoría LU.Lugo - Publicado o 11-12-2006 09:41
# Ligazón permanente a este artigo
Brigitte 77
"A do ianqui", como coñece moita xente este bar, é outro dos bos exemplos na integración dun estranxeiro na vida e na hostelería pontevedresa. Non sei de onde é, pero o sen acento non deixa lugar a dúbidas acerca da súa orixe, e a decoración do local non fai senon ratificar esa procedencia foránea. Pasou pola noite na zona vella pontevedresa, e agora leva unha pequena cafetería na zona de tendas na parte nova da cidade.

Como bo profesional, deuse conta de que os bares que poñen un bo pincho teñen máis e mellor clientela, así que sempre agasalla ós seus clientes cun algo xeitoso. Xa sei que o digo a cotío, pero... ¡canto teñen outros que aprender!

A última vez que estiven, era unha ensalada de pasta, pero penso que nalgunha ocasión tamén tomei alí unhas lentellas, ou uns canapés. Así que non só pon pincho, senón que este pode ser moi variado.


Cruz Gallástegui nº12. Pontevedra
Situación
Comentarios (0) - Categoría PO.Pontevedra - Publicado o 08-12-2006 23:39
# Ligazón permanente a este artigo
Mesón O Cruceiro
No noso pequeno paseo por Cambados fixen un interesante descubremento: de camiño ó restaurante a onde iamos xantar, atopamos unha pequena placiña, con un bar, e na súa terraza puiden ver á xente acompañando a súa consumición con... ¡albóndiga con patacas fritas!

Así que aló nos fomos, dereitiños á barra a pedir un corto de cervexa esperando probar aquel pinchiño. Cal non foi o noso disgusto cando comprobamos que a nós nos poñen ensaladilla. ¡Qué se lle vai facer! Seguro que é un deses sitios onde fan varios pinchos e os van servindo aleatoriamente.

Conste que a ensaladilla estaba boa, e demos boa conta dela. Cando rematamos, vemos que nos poñen diante uns manises e unhas patatillas. Está ben, pensamos, unha pequena tapa de cociña, e algo máis para entreter á clientela. ¿Pódese pedir algo máis? POIS SI: un chisco despois, e cando xa iamos sair, por fin chegou a tapa da albóndiga.

Realmente espectacular, facía moito tempo que non vía un local tan farturento para os pinchos. Con razón estaba ateigado de xente. A foto está feita despois de tomar a ensaladilla, pero queda a fontiña como testimonio de que tamén andivo por alí.

Recomendabel, por suposto. ¿Alguén da máis por tan pouco? Porque aínda que non lembro canto, sei que o que nos cobraron polos cortos é o mesmo (ou menos se me apuran) que nos bares onde non dan nin as grazas.


Praza de San Gregorio s/nº. Cambados
Situación
Comentarios (1) - Categoría PO.Cambados - Publicado o 05-12-2006 20:04
# Ligazón permanente a este artigo
... en Lugo?
Se o tempo e o traballo o permiten, teño pensado pasar un par de días en Lugo na vindeira semán. Lugo é unha cidade que me gusta visitar alomenos unha vez ó ano; costume que collín alá polos meus anos de estudante, e que fago todo o posíbel por non perder.

Pero este ano teño unha razón a maiores para ir: unha tradición tan importante como a dos viños de Lugo ten que estar presente neste blog, e aínda que xa teño os meus bares preferidos, dende a derradeira vez que estiven, fai agora un ano, pode que moitas cousas teñan cambiado.

Así que, coma sempre, espero as vosas recomendacións, que seguro que son moitas e variadas. Agradecería, eso sí, que xunto cos nomes dos bares me indiquedes, se pode ser, o nome da rúa ou praza, ou algunha referencia para atopalos. Do contrario, corro o risco de andar sempre ás voltas polo mesmo sitio.

Moitas grazas por adiantado. Vémonos de pinchos... en Lugo.

Comentarios (2) - Categoría - Alguén me di onde ir...? - Publicado o 03-12-2006 23:27
# Ligazón permanente a este artigo
[1] 2
© by Abertal