De pinchos


Pequena axuda para decidir onde tomar o aperitivo, alí onde te atopes.

Este blog pretende ser unha pequena "guí­a" dos bares que máis me gustan para tomar o aperitivo; eso si, sempre acompañado dun bo pincho, e fuxindo das tan socorridas "patatillas" ou olivas de baixa calidade.

A miña intención é que o blog estea o máis actualizado posible, e por iso en lugar de recurrir á memoria, vou a ir engandindo locais pouco a pouco, segundo os vaia visitando.

Espero que vos guste; e tamén os vosos comentarios para que a información sexa o máis correcta posible.

Vémonos de pinchos...







Blogastrónomos Galegos

Promociona a túa páxina tamén
Estadisticas y contadores web gratis
Oposiciones Masters







O meu perfil
moraiminhaarrobagmailpuntocom
 CATEGORÍAS
 FOTOBLOGOTECA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES
 RECOMENDADOS

Marín: Allo e aceite

Cando o outro día Pablo Romero nos contaba como en terceiro de Medicina decidiu dar un xiro brusco á súa vida para adicarse á cociña, non puiden evitar sentir un chisco de envexa, e lembrar aquel exame de Facenda Pública, tamén en terceiro de carreira, no que, mentres esperaba polas tan temidas preguntas, pensaba en que faría eu alí, en lugar de deixalo todo e matricularme na escola de hostalería...

Como eu non fun quen de seguir o meu soño, teño un especial respecto por este novo cociñeiro, que se atreveu a montar o seu restaurante nunha pequena localidade como é Marín. E por iso lle desexo que as cousas lle vaian moi ben, cousa que penso non será moi difícil se segue polo mesmo camiño.

Algúns dos asistentes á xantanza do primeiro aniversario dos blogogastrónomos xa falaron dabondo do que foi un xantar realmente especial: Xmanuel, Gourmet de Provincias, Magago ou Makeijan ... Pero aínda estou esperando coñecer as impresións de Sole, Pantagruel (e a súa dona), Colineta (aínda que non puido chegar ás deliciosas sobremesas) ou Elena.

Eu aproveitei para comprobar unha vez máis (e xa van catro en pouco máis de seis meses) como as croquetas de choco do Allo e Aceite son as mellores que teño probado fora da casa; un perfecto exemplo de respecto á cociña tradicional aproveitando as ventaxas das novas técnicas culinarias que se pode disfrutar neste restaurante.


Rúa José del Río nº9. Marín
Situación
Comentarios (1) - Categoría - Entre pincho e pincho... - Publicado o 30-11-2007 19:23
# Ligazón permanente a este artigo
El bodegón

Penso que só estivera unha vez en Ponferrada, e fai xa diso case uns oito ou nove anos, cando fun á voda de Jesús e Mar, que casaron no pobo da noiva do que lamento (espero que me disculpen) non lembrar o nome.

Curiosamente, si lembro que estiveramos neste bar, El bodegón. Como o seu propio indica é un bodegón, que algo antes das nove da noite, á hora que nós fomos, estaba cheo de xente. E iso que non ten servizo de mesa: os propios clientes se acegan á barra a pedir as tapas e as levan nunhas bandexas á súa mesa... Vamos, o máis parecido a un local de comida rápida deses nos que todos estamos pensando e dos que sempre temos algo que dicir...

A variedade das tapas non é moita: patacas fritas, calamares ou mexillóns... todo coa mesma salsa que podedes ver na fotografía da tapa que nos puxeron a nós. Pero vese que é do agrado do paladar da zona...

Nós só fomos a tomar unha cervexiña, e tivemos sorte de arrimarnos á única esquina de barra que quedaba libre. O pincho, como non podía ser doutro xeito, era dunha das especialidades do mesón: patacas con salsa.


Travesía Pelayo nº2. Ponferrada
Situación
Comentarios (2) - Categoría LE.Ponferrada - Publicado o 15-11-2007 19:55
# Ligazón permanente a este artigo
Zamora

Non sei ben cantos anos había que non me coincidía a parar o tempo suficiente en Zamora como para dar unha volta e tomar uns viños. Así que agradecemos moi moito a invitación de Carlos e Patri e paramos na súa casa de volta de La Rioja.

Como supoñía, os pinchos en Zamora seguen a ser de pago. Algúns dos bares clásicos que recordaba doutras visitas continúan abertos; aínda que non lembraba que moitos deles fosen reconvertibeis en locais de copas segundo avanza a noite.

Como non podía ser doutro xeito, pasamos pola coñecida como zona dos Lobos; varios bares (se non me engano, son tres) que teñen como referencia o pincho moruno, con ou sen picante, a gusto do consumidor. Pero tamén puidemos probar montadiños, mexillóns en salsa e algunha que outra boa tapa de cociña máis; todas elas boas opcións de tapeo en Zamora.

Máis levei a sorpresa de que, xunto coas tapas máis tradicionais, están abrindo locais onde intentan innovar neste ámbito, con preparacións máis elaboradas e sorprendentes. Non podo deixar de citar a modo de exemplo (aínda que hai outros, como un no que topamos unha boísima espetada de langostinos rebozados con froitos secos, e do cal non lembro o nome) Los Caprichos de Meneses.


Entramos neste local case ás tres da tarde, e aínda que era xa un pouco tarde para os costumes da cidade, o camareiro enganchounos por completo. Déixamonos recomendar un viño de Toro (Finca Yerro), e, como non, uns pinchos que resultaron ser espectaculares: unha cadeira de bacallau e un blinis de foie foron as primeiras recomendacións que Lázaro nos fixo... e despois dun principio tan espectacular, ¿cómo negarse a seguir probando cousas? De feito, contounos que no Concurso de Pinchos celebrado en Valladolid o pasado mes de outubro a cadeira de bacallau foi un dos finalistas. O pincho en cuestión faise cun pan seco elaborado no local sobre o cal se coloca o bacallau marinado en laranxa, mousse de iogur, piñóns glaseados e mel de azahar.

Evidentemente, pinchos desta categoría non poden ser de balde. Mágoa...
Comentarios (1) - Categoría - Polo mundo adiante - Publicado o 10-11-2007 21:39
# Ligazón permanente a este artigo
© by Abertal