De pinchos


Pequena axuda para decidir onde tomar o aperitivo, alí onde te atopes.

Este blog pretende ser unha pequena "guí­a" dos bares que máis me gustan para tomar o aperitivo; eso si, sempre acompañado dun bo pincho, e fuxindo das tan socorridas "patatillas" ou olivas de baixa calidade.

A miña intención é que o blog estea o máis actualizado posible, e por iso en lugar de recurrir á memoria, vou a ir engandindo locais pouco a pouco, segundo os vaia visitando.

Espero que vos guste; e tamén os vosos comentarios para que a información sexa o máis correcta posible.

Vémonos de pinchos...







Blogastrónomos Galegos

Promociona a túa páxina tamén
Estadisticas y contadores web gratis
Oposiciones Masters







O meu perfil
moraiminhaarrobagmailpuntocom
 CATEGORÍAS
 FOTOBLOGOTECA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES
 RECOMENDADOS

O pote
O pote chama a atención pola súa moderna decoración, con moita presenza de madeira, pedra e pizarra. Sobre todo notarán a diferencia todos aqueles que o coñeceron antes da reforma, na maior parte estudantes que lembrarán non sen certa nostalxia os prezos baratos e a fartura dos pinchos.

O ambiente agora é ben distinto: semella ser un dos locais da xente guapa de Lugo. ¡Quen sabe! Igual son aqueles mesmos universitarios incorporados xa á vida laboral, e que pasaron a mellor fortuna.

Penso que foi dos poucos bares de Lugo nos que non poñen pincho frío, se non só de cociña. Nin lembro o que nos ofreceron (aínda que penso que non foi dos locais onde máis opcións nos deron); pero si que nos decantamos pola albóndiga e o guiso de carne, que estaban bastante bos, como non podía ser menos nesta cidade...


Rúa do Miño nº11. Lugo
Situación
Comentarios (1) - Categoría LU.Lugo - Publicado o 31-01-2007 19:43
# Ligazón permanente a este artigo
Antas de Ulla
Antes da reforma chamábase O Porrón, i era un dos principais destinos dos universitarios nos viños de Lugo. Pregúntome cantos aprenderían alí a beber por tan extraño artiluxio...

Agora (descoñezo se tamén con cambio de donos), un novo nome recibe ós clientes debaixo dos soportais da Praza do Campo.

As tapas, do melloriño: bolo preñado (de poucos meses, eso sí) e unha das mellores tortillas que probamos no noso paseo por Lugo, na sección de fríos; e de pinchos de cociña zorza e lentellas que tampouco estaban nada mal. Ademáis, e por se fose pouco, uns manises na barra.

¡Este pobo é un escándalo! decía Makeijan. Non, decía eu, o escándalo é o que gañan os hosteleiros de moitas outras cidades onde non teñen nin un detalle co cliente. Porque algo é certo: os bares de Lugo non perden cartos, nen moito menos, agasallando con tan bos pinchos ós que entran pola porta.


Rúa do Río Miño nº3. Lugo
Situación
Comentarios (0) - Categoría LU.Lugo - Publicado o 28-01-2007 20:54
# Ligazón permanente a este artigo
Doze badaladas
Non, o z do nome non é unha errata, senón que é así como se chama este local.

Outro clásico renovado ó lado da Praza do Campo, lembro entrar neste bar a tomar algo dende a primeira vez que estiven en Lugo da viños, fai xa... non quero nin lembrar cantos anos.

Agora, remodelado, é unha boa opción para probar algo distinto nos viños de Lugo. Esta vez, por exemplo, tivemos a oportunidade de tomar unha copa de Priorat, que penso que nunca atopara deste xeito. E de mercar lotería de Nadal (que non nos tocou, por certo), mentras na televisión informaban por enésima vez no pasdo outono de enchentes perto da nosa casa que, felizmente, nos libramos de padecer.

De pincho, a doble opción de frío (empanada e xamón) e quente (chícharos con xamón e callos), que tanto abunda na cidade, e que tan ben senta no bandullo.


Rúa do Miño nº12. Lugo
Situación
Comentarios (1) - Categoría LU.Lugo - Publicado o 23-01-2007 13:43
# Ligazón permanente a este artigo
La cava
Descubrimos esta interesante vinoteca fai case un par de anos, a primeira vez que estivemos en León de fin de semán. Despois dun paseo á beira do Bernesga ate chegar ó maxestuoso Parador de San Marcos, voltamos ó centro da cidade buscando o restaurante que nos recomendaran para xantar (ó que, por certo, non fomos porque estaba pechado) cando atopamos La Cava, e pareceunos unha boa opción para tomar un viño.

Aínda que estaba cheo de xente, conseguimos de milagre un sitio ó lado da cristaleira. Dende alí, nunha das ventás da segunda ou terceira planta do edificio de enfrente, vimos a dous velliños que nos chamaron moito a atención. Estaban cada un nunha folla da ventá, mirando á rúa, arreglados para saír, sen falarse e sen ollar o un para o outro; demos por feito que esperaban ós seus fillos, que os irían a buscar para xantar, pero cando salimos do bar, aínda seguían alí. Desta volta, xa non os vimos; e iso que era o mesmo día e case a mesma hora. Pregúntome que sería deles...

Así que, como non estaban, concentramos a nosa atención no local en sí. Como vinoteca, non só se adica á venda de viño(perfectamente exposto na cava da segunda planta), senón que tamén se pode mercar todo tipo de complementos relacionados co mundo do viño (copas incluidas) e puros.

Ademáis, está o bar, no que tomamos uns viños de la tierra (en León non son "do país") acompañados dunhas rebanadiñas de pan con champiñóns ou atún e queixo, unha para cada un. Non é o mellor pincho que tomamos en León, certo, pero a posibilidade de tomar un viño diferente tamén paga a pena.


Rúa Santa Clara nº6. León
Situación
Comentarios (0) - Categoría LE.León - Publicado o 21-01-2007 22:19
# Ligazón permanente a este artigo
Sevilla
O Sevilla é un dos primeiros bares que un se atopa cando dende a Calle Ancha quere entrar no Barrio Húmedo, o que lle da, como é lóxico, un estatus especial.

A barra no centro, en forma de U, fai que os clientes se sintan atraídos polos numerosos e variados pinchos cos que agasallan, dun xeito basante farturento, a quen se achega ate alí. Para min, o mellor é o de patacas fritas tipo "chips" pero caseiras, que aderezan cun chisco de pementón doce. Realmente boas, e que normalmente non faltan no fondo do plato.

Outra curiosidade de local, xusto ó entrar pola porta, é a tapa dunha alcantarilla. ¡Si, si, dentro do bar hai unha alcantarilla! Como nos podía a curiosidade, preguntámoslle ó camereiro se era un motivo decorativo, e cal non foi a nosa sorpresa cando nos dixo que a usaban... como almacén, e para meter os barriles de cervexa. Agora me pregunto se será verdade ou nos estaría tomando un pouco o pelo...

O Sevilla é un dos meus bares recomendados do Barrio Húmedo; e abofé que hai moitos...


C/ La rúa nº4. León
Situación
Comentarios (2) - Categoría LE.León - Publicado o 19-01-2007 16:27
# Ligazón permanente a este artigo
1 [2]
© by Abertal