De pinchos


Pequena axuda para decidir onde tomar o aperitivo, alí onde te atopes.

Este blog pretende ser unha pequena "guí­a" dos bares que máis me gustan para tomar o aperitivo; eso si, sempre acompañado dun bo pincho, e fuxindo das tan socorridas "patatillas" ou olivas de baixa calidade.

A miña intención é que o blog estea o máis actualizado posible, e por iso en lugar de recurrir á memoria, vou a ir engandindo locais pouco a pouco, segundo os vaia visitando.

Espero que vos guste; e tamén os vosos comentarios para que a información sexa o máis correcta posible.

Vémonos de pinchos...







Blogastrónomos Galegos

Promociona a túa páxina tamén
Estadisticas y contadores web gratis
Oposiciones Masters







O meu perfil
moraiminhaarrobagmailpuntocom
 CATEGORÍAS
 FOTOBLOGOTECA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES
 RECOMENDADOS

Mesón O Facho
Despois dunha visita ó mirador da Curotiña, e un paseo polo monte até as pozas no río Pedrás, a miña primeira visita "á vila" da Poboa tivo que ser a un bar; e a sorte fixo que entrara no Mesón o Facho, fácilmente recoñecible porque ten unha porta moi baixiña. Minto: non foi a sorte, senon que estabamos dubidando se entrar ou non noutro sitio, e como xusto vimos sair a un cliente, decidimos axexar a onde iba.

Así que entramos no Facho. Como gosto moito dos guisos, quedei ben alegre cando nos puxeron un pincho de polo con fideos, bastante sabroso; ainda que coa fame que eu tiña, soubome a pouco.

Seica tamén é un bo sitio para tomar unhas tapas, pero a verdade é que non tiven a oportunidade de probalas; para ese día xa tiña outros plans, así que queda pendente.

Un consello: coidado con esa porta tan baixiña. Seguro que máis de un xa deixou os cornos alí.

Praza de Paulino Santos Mieites nº1. A Poboa do Caramiñal
Situación
Comentarios (0) - Categoría AC.A Pobra do Caramiñal - Publicado o 09-08-2006 19:47
# Ligazón permanente a este artigo
Hostal As Furnas
Ainda que o pincho non é dos máis espectaculares (manises e millo salgados, e unha ensalada de pasta con mexillóns), o bar do Hostal As Furnas tamén merece o seu recoñecemento.

Está ó pé da fermosísima praia do mesmo nome, case deserta un venres pola mañán: só nós, e algún que outro paseante despistado; así que despois de tomar un pouco o sol (a auga extremadamente fría fixo imposibel o baño) antes de irnos decidimos aproveitar a posibilidade que ofrece o bar do Hostal de disfrutar un pouco máis do mar, tanto coas súas grandes vidrieiras como na súa terraza. Se, a maiores, poñen un pinchiño, a cousa é moito de agradecer.

Seica no Hostal As Furnas é onde se aloxaron Amenábar e Bardem na rodaxe de "Mar adentro", algo fácil de entender, pois ainda que non é un sitio luxoso, a verdade é que a súa situación ó lado do mar vale máis que moitos luxos.


Praia das Furnas. Xuño. Porto do Son.
Comentarios (1) - Categoría AC.Porto do son - Publicado o 04-08-2006 12:04
# Ligazón permanente a este artigo
Encontros
Fora pon que é unha vinoteca, pero o aspecto interior dista moito do que todos entendemos por un local de este tipo: pouca luz, madeira oscura... máis do estilo dunha cervexería, tal vez. E poucos viños, alomenos á vista.

Eu fun por casualidade o día de San Bieito. Algo vira nos xornais da festa dos callos de Meis, e ainda que non me parece o prato máis adecuado para o verán, como estabamos pola zona achegámonos até alí... ¡dous días tarde! Así que houbo que cambiar de plans para xantar, e acordamos en ir até Barrantes, que non queda lonxe.

E antes de xantar, o aperitivo, e un pincho bastante xeitoso de ensalada de arroz: abundante, sabrosa, moi ben aliñada. Non sei se foi casualidade ou sempre poñen un pincho tan xeitoso; quizais porque non esperaba gran cousa unha vez dentro do local, me sorprendeu tanto, a verdade.

Sinto non poñer o enlace da situación, pero non o atopei por ningures...


Avenida Bouza Martín nº9. Barrantes. Ribadumia
Comentarios (1) - Categoría PO.Ribadumia - Publicado o 27-07-2006 13:43
# Ligazón permanente a este artigo
Perita Art Gallery Café
O Merlo foi durante anos un local de tapas emblemático de Pontevedra. Pero nin a variedade e a boa relación calidade-prezo das súas tapas, nin o famoso mal carácter dos donos eran o máis coñecido do local, senón a súa colección de chaveiros: non sei cantos, igual milleiros da máis variedade temática, decoraban sobor de todo a barra, co que sempre había algo en que entreterse nas esperas.

Os donos xubiláronse e botámolos de menos, ¡quen nolo ía dicir!, e despois O Merlo pechou.

Agora abriu de novo, pero xa como un espazo moderno, adicado ó arte, e cun nome un tanto incomprensibel. Cousas do "marketing", supoño.

O deseño chega incluso ó pincho: na foto vedes o que nos puxeron para catro. Non é moi abundante, pero esa "perita" de queixo fíxonos moita gracia.


Avenida de Santa María nº4.Pontevedra.
Situación
Comentarios (0) - Categoría PO.Pontevedra - Publicado o 24-07-2006 09:41
# Ligazón permanente a este artigo
A Pega Moura
A verdade é que me creara moitas expectativas respecto deste local que abriu fai uns meses en Pontevedra, en plena zona vella. Axudou moito un artigo que lin no xornal local, no que facían referencia a que a decoración era dos deseñadores de camisetas do Rei Zentolo, que facían así a súa estrea no mundo da gastronomía.

E o que atopei non foi para tanto. Pareceume que a decoración é demasiado "moderna" para un local de tapas, ainda que o que pretende é dar un novo aire ós productos de sempre. Hei de decir que non tiven a oportunidade de probar ningún dos pratos (estiven ás oito da tarde), pero é algo que me queda pendente, de tódo-los xeitos.

Coas consumisións puxéronnos un pinchiño de chourizo nada despreciable, ainda que esperaba algo máis orixinal, dacordo coa pretendida filosofía do local.

O mellor: que tamén é un local de exposicións. Non lembro quen expoñía cando estiven, pero é bo aproveitar calquera espazo para a cultura.

O peor: O volumen da televisión, excesivamente alto tendo en conta o tamaño do local e o pouco interesante do que poñían.


Rúa San Nicolás nº12. Pontevedra.
Rei Zentolo
Situación
Comentarios (0) - Categoría PO.Pontevedra - Publicado o 20-07-2006 18:32
# Ligazón permanente a este artigo
© by Abertal