De pinchos


Pequena axuda para decidir onde tomar o aperitivo, alí onde te atopes.

Este blog pretende ser unha pequena "guí­a" dos bares que máis me gustan para tomar o aperitivo; eso si, sempre acompañado dun bo pincho, e fuxindo das tan socorridas "patatillas" ou olivas de baixa calidade.

A miña intención é que o blog estea o máis actualizado posible, e por iso en lugar de recurrir á memoria, vou a ir engandindo locais pouco a pouco, segundo os vaia visitando.

Espero que vos guste; e tamén os vosos comentarios para que a información sexa o máis correcta posible.

Vémonos de pinchos...







Blogastrónomos Galegos

Promociona a túa páxina tamén
Estadisticas y contadores web gratis
Oposiciones Masters







O meu perfil
moraiminhaarrobagmailpuntocom
 CATEGORÍAS
 FOTOBLOGOTECA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES
 RECOMENDADOS

Aniversario

Levo varios días dándolle voltas a como celebrar este día tan importante: hoxe fai un ano que botou a andar Depinchos, cun artigo do que por aquel entonces era o meu bar de cabeceira para tomar o aperitivo, o finado México (hoxe mesmo, por un comentario souben que tamén nos deixou o Malawe).

Esto nunca tería sido posíbel sen Makeijan. Como os meus coñecementos de informática son moi básicos, sen a súa axuda nunca tería sido capaz de facer todo isto. Axuda, non so para as cuestións técnicas, senón tamén no que a traballo de campo se refire; penso que case todos os bares que aquí apareceron os visitamos xuntos.

A cousa empezou case coma un xogo. Fai xa bastantes anos que empecei a escoller as miñas visitas ós bares en función do pincho que poñían. Como non podía ser doutro xeito, esta aficción miña empezou en Santiago de Compostela. Esporádicas visitas a Lugo ou León, e uns aniños pasados en Salamanca, fixeron o resto.

Pensei que me visitarían os meus amigos e coñecidos. A todos lles contei deste blog. Esperei (¡que inocente!) os seus cometarios como unha auga de maio que poucas veces chegou. A cambio, case non dou crédito cando vin que xente tan importante como Colineta ou Cocinalia se facían eco da existencia de Depinchos. ¡Non o podía crer! Empezaron a chegar as visitas, os comentarios, as referencias... e dalgún xeito, novos amigos.

A algúns deles, tiven a oportunidade de coñecelos físicamente cando Gourmet de Provincias argallou as blogoxantanzas. ¡Que honra recibir a sua invitación! A outros, so os coñezo polos comentarios que foron deixando, que me levaron á súa vez a visitar os seus blogs... Dalgún xeito, un costume tan antigo como ir de visita ás tabernas me levou a adentrarme no interesante mundo que se agocha detrás da rede.

So podo, pois, darvos a todos as grazas: porque agora xa sei que estades aí (ás veces, sorpréndome pensando que tal ou cal bar lle había gustar a calquera de vos); por aturarme todo este tempo; e, como non, por todos os comentarios, recomendacións e críticas que fóstedes deixando.

O dito meus amigos. Grazas, e espero que nos sigamos vendo de pinchos.
Comentarios (6) - Categoría - Polo mundo adiante - Publicado o 27-04-2007 19:46
# Ligazón permanente a este artigo
Chuza! Meneame
6 Comentario(s)
1 Pois feliz, fel#blgtk08#iz no te día...
Comentario por Colineta (28-04-2007 09:16)
2 Imos pedir prórroga por un ano, como dicía un cura coñecido candoo cumpl#blgtk08#ía anos. Así que, sorte para ir tirando un ano máis e feliz aniversario.
Comentario por Ninsesabe (28-04-2007 16:22)
3 Pois iso, vémonos de pinchos...e de blogoxantanzas.

Vai facendo investigación, que hai que ver onde nos tomamos #blgtk08#o pincho previo en Cambre ou cercanias (coido que Betanzos ten bastantes papeletas).

A polo segundo aniversario!
Comentario por gourmetdeprovincias (28-04-2007 21:28)
4 Enhorabuena! Un blog con una idea tan original,no puede menos que crecer#blgtk08# con el cariño de quien lo lleva y de quienes lo leemos.
Un beso
Comentario por Sole (30-04-2007 15:07)
5 Parabéns e, como non, forza para segui#blgtk08#r adiante no teu "saboroso" traballo.
Comentario por a randeeira (30-04-2007 18:32)
6 Parabéns. Despois dun ano seguro que xa non imaxinas tomar un pincho polo simples fei#blgtk08#to de tomalo, sen máis. A min pásame cos xantares e as ceas (e aínda non levo o ano).
Comentario por Foucellas (06-05-2007 19:07)
Deixa o teu comentario
Nome:
Correo: (Non aparecerá publicado)
URL: (Debe comezar por http://)
Comentario:

(Introduce o código da imaxe)
© by Abertal