De pinchos


Pequena axuda para decidir onde tomar o aperitivo, alí onde te atopes.

Este blog pretende ser unha pequena "guí­a" dos bares que máis me gustan para tomar o aperitivo; eso si, sempre acompañado dun bo pincho, e fuxindo das tan socorridas "patatillas" ou olivas de baixa calidade.

A miña intención é que o blog estea o máis actualizado posible, e por iso en lugar de recurrir á memoria, vou a ir engandindo locais pouco a pouco, segundo os vaia visitando.

Espero que vos guste; e tamén os vosos comentarios para que a información sexa o máis correcta posible.

Vémonos de pinchos...







Blogastrónomos Galegos

Promociona a túa páxina tamén
Estadisticas y contadores web gratis
Oposiciones Masters







O meu perfil
moraiminhaarrobagmailpuntocom
 CATEGORÍAS
 FOTOBLOGOTECA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES
 RECOMENDADOS

Curruncho A Nosa Terra
Gústame eso que se leva agora, en moitas tabernas de dar un pincho de ourella e cachucha o que vai beber unha cunca de viño

Esta é a lenda que figura nunha das paredes do bar, ó lado dun retrato de Álvaro Cunqueiro; xunto con outras frases e retratos de escritores galegos. Xa podedes supoñer a miña sorpresa, pois hei de recoñecer que non sabía o que no seu día dixera Cunqueiro dos pinchos, e co cal é evidente que estou totalemente dacordo.

Xa estivera no Curruncho fai un ano, na miña anterior visita a Lugo, pero non lembraba nin onde se atopaba, a verdade. As rúas do casco antigo son para mín (a orientación non é unha das miñas virtudes) case un laberinto, e vou vagando dun sitio a otro ate que atopo unha referencia ben coñecida. Pero atopar o Curruncho foi por casualidade: vin un cartel de non fumadores, metinme para adentro, e foi unha grande ledicia atopar este bar que tanto me gustara.

Aínda que na outra ocasión que estivera lembro tomar pinchos de cociña, esta vez (igual porque xa non era bastante tarde, non o sei), só nos puxeron pincho frío.

O melllor de todo, ademáis de que o bar é de non fumadores, foi atopar esa frase de Cunqueiro.


Rúa nova nº8. Lugo
Situación
Comentarios (4) - Categoría LU.Lugo - Publicado o 07-01-2007 21:57
# Ligazón permanente a este artigo
O figón
Este foi o derradeiro local no que estivemos na nosa pasada viaxe a Lugo, e foi outro dos nosos descubrementos. A verdade é que o vimos nun especial fin de semán do xornal ó que lle pasamos as follas (as vacacións son pouco para ler) mentras tomabamos o café, e pensabamos que facer antes de ir a xantar.

Ademáis, por suposto, do obrigado paseo pola Muralla; unha tradición que estivemos a piques de rachar por culpa do vento e a chuiva... e a falta de paraugas.

O Figón é un local realmente bonito, aberto fai apenas uns meses. Vinoteca-mesón, na parte de abaixo está a barra e algunhas mesas altas para picar algo. Dende a barra pódese ver a cava, situada na planta superior, e parte do comedor.

Os pinchos...¡San Froilán que pinchos! En barra, pan con xamón e chicharróns quentes (que ó final non probamos). Cando pensabamos que eso era todo, puxéronnos un prato con xamón e picos de pan, que en calquera outro lugar tería un prezo xa xeitoso. E así, na gloria estabamos, cando nos trouxeron unhas navallas á prancha. A foto non fai xustiza ó pincho: como non sabiamos que nos iban a poñer algo máis, adicámonos ó xamón con toda a nosa atención, pero de verdade que o prato chegou cheo.

E todo esto, polos 2'60 euros que nos cobraron por dous mencías bastante xeitosos.

Unha cousa: O enderezo do local non coincide co número que aparece ó lado da porta, pero non hai perda, está nunha casa restaurada e pintada de verde-pistacho. Outra: penso que o cliente que estaba tomando o viño ó noso lado, e si deu boa conta dos chicharróns era Imanol Uribe.


Rúa do Campo Castelo nº47. Lugo
Situación
Comentarios (1) - Categoría LU.Lugo - Publicado o 02-01-2007 19:47
# Ligazón permanente a este artigo
Ave César
Los que van a beber te saludan, recibe ós clientes ó lado da porta do Ave César. Dentro, lembrando ós clientes a impronta que os romanos deixaron na cidade, un pequeno cartel conta algo da historia desa época.

Para "compensar" este punto cultural que sempre é de agradecer, a nosa entrada no bar ten como banda sonora unha peza cun toque moi "lolailo", nada que ver coa tradición musical de Lugo, eso seguro. Por sorte, a música é ecléctica.

Ofrécennos pincho de cociña: ensalada de pasta e raxo. Moi bos; pero un tanto alonxados, polo que vexo, da copa San Froilán coa que conseguiron un dos premios do II Concurso de Tapas e Pinchos de Lugo na categoría de pinchos creativos. Nova que cando fun a Lugo non lembraba ter lido en Galicia Gastronómica.


Rúa nova nº10-15. Lugo
Situación
Comentarios (0) - Categoría LU.Lugo - Publicado o 31-12-2006 20:09
# Ligazón permanente a este artigo
Metbar
Este é un local que abriu fai pouco tempo na Ronda da Muralla, perto da Porta da Estación. Chama a atención a decoración moi moderna, en blanco e laranxa: e tamén que ofrece ós seus clientes a posibilidade de acceder, previo pago, á rede wi-fi do local, algo que polo que puiden comprobar é unha das súas bazas principais á hora de conseguir clientela, xa que eran varias as persoas que se atopaban alí cos seus portátiles.

Non sei se pertence a unha franquicia (sospeito que si), ou se só é o irmán pequeno doutro local do mesmo nome que hai en Madrid. Aínda que me estrañaría, a verdade, que alí ofrezceran ós clientes pincho, e moito menos de cociña. Nós escollemos (non lembro agora as outras opcións) ensalada de pasta e pincho moruno.

O Metbar é un local onde tamén se pode xantar (teñen menú do día por algo máis de 9 euros) ou cear, pois ten unha pequena parte adicada a restaurante. Un consello: non se vos ocurra pedir un cóctel, son un quero e non podo.


Ronda da Muralla nº54. Lugo
Situación
Comentarios (2) - Categoría LU.Lugo - Publicado o 28-12-2006 10:57
# Ligazón permanente a este artigo
Taberna Daniel
Aínda que o subtítulo do bar é La casa de las tortillas a que nos ofreceron como pincho frío non era, nin moito menos, a mellor que probamos en Lugo. Pero os outros pinchos non estaban nada mal. Escollemos costela guisada e champiñóns, tamén guisados, que facían esquecer a tortilla segundo iamos dando conta delas.

Penso que é a tasca de Lugo onde máis pinchos de cociña nos ofreceron; tantos, que penso que ó final nos decidimos polos que lembrabamos e non polos que máis nos apetecían naquel momento. Evidentemente, esa variedade foi o mellor do bar, e algo moi de agradecer: está claro que queren agradar a todos os paladares.

A súa situación moi pertiño da Catedral tamén é algo moi a ter en conta. Aínda que a rúa é tan pequena que non atopei un mapa para poñer a situación no mapa. De todos os xeitos non ten perda: é perpendicular á Rúa da Cruz e á Rúa do Miño.

Mención aparte merece o parroquiano, fixo do bar, que cantaba versións en galego de cancións de Isabel Pantoja. A chuiva de fora non penso que tivera que ver nada con esas tonadas.


Rúa Bispo Basurto nº4. Lugo
Comentarios (4) - Categoría LU.Lugo - Publicado o 20-12-2006 10:06
# Ligazón permanente a este artigo
[1] [2] 3 [4]
© by Abertal