De pinchos


Pequena axuda para decidir onde tomar o aperitivo, alí onde te atopes.

Este blog pretende ser unha pequena "guí­a" dos bares que máis me gustan para tomar o aperitivo; eso si, sempre acompañado dun bo pincho, e fuxindo das tan socorridas "patatillas" ou olivas de baixa calidade.

A miña intención é que o blog estea o máis actualizado posible, e por iso en lugar de recurrir á memoria, vou a ir engandindo locais pouco a pouco, segundo os vaia visitando.

Espero que vos guste; e tamén os vosos comentarios para que a información sexa o máis correcta posible.

Vémonos de pinchos...







Blogastrónomos Galegos

Promociona a túa páxina tamén
Estadisticas y contadores web gratis
Oposiciones Masters







O meu perfil
moraiminhaarrobagmailpuntocom
 CATEGORÍAS
 FOTOBLOGOTECA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES
 RECOMENDADOS

Latino
Na Praza de San Martín, case todos os baixos están adicados á hostelería. Entre bares e restaurantes (e un caixeiro, se non lembro mal, para repoñer fondos...) aquelo é unha festa pora alguén tan afeccionado ó mundo do "chiquiteo" (aínda que ó final me decida case sempre polos cortos de cervexa, que se non esto pode ser moi malo para as transaminasas)coma min...

O Latino é un dos bares desta praza. Os meus acompañantes pediron mentras eu falaba por teléfono; así que non sei se nos ofreceron algo máis (aínda que supoño que non) que o que aparece na fotografía: polo frito, calamares guisados e patacas ali-oli.

Pola cantidade de xente que había, vese que é un local que goza das simpatías dos leoneses; ó que pode que axude o feito que neste bar tamén se pode pedir unhas racións.

Para rematar, dicir que o Latino é un local multi-usos, xa que pola noite, cando consiguen que a xente deixe de tomar viños e pinchos, reconvírtese en local de copas, e cando cadra, nunha improvisada pista de baile para os afeccionados ós bailes latinos.


Plaza de San Martín nº10. León
Situación
Comentarios (1) - Categoría LE.León - Publicado o 08-03-2007 15:02
# Ligazón permanente a este artigo
La taberna
La taberna é xusto iso, unha pequena taberna de toda a vida en pleno Húmedo; pero cunha diferencia importante cos demáis bares da zona, i é que ó ser un local especilizado en peixes, e sobre todo mariscos, que serven por ración, os pinchos tamén van por ese camiño (vese que non só de cecina vive o leonés...). Desta volta, puxéronnos calamares, pero noutras ocasións temos tomado unha gambas cocidas bastante xeitosas como aperitivo.

Como facía frío, acordamos en pedir uns viños (alí chamados de la tierra, e non do país); e chamounos a atención que o viño branco o puxeran en copa de cava; igual era porque estabamos no Nadal, ou igual é un costume que teñen, non o sei...

Tamén nos chamou á atención ver no estante dos licores unha botella dun afamado licor checo que fai as delicias da nos amiga de ese país, á que íamos a recoller nunhas horas na estación de autobuses, o becherovka.


La rúa nº19. Léon
Situación
Comentarios (1) - Categoría LE.León - Publicado o 04-03-2007 21:35
# Ligazón permanente a este artigo
El besugo
Esté é un bar dos de toda a vida, cheo de xente, e non precisamente da máis nova. Así que tendo en conta os bos pinchos que dan nos bares do Húmedo, non é unha mala referencia. Penso que faría as delicias dun dos meus máis fieis seguidores, A Randeeira.

Ofrecéronnos mexillóns e chourizo con patacas. Eramos catro, e pedimos dous de cada... todo boísimo. Sobre todo, o chourizo guisado fixo as delicias de Sasa, a nosa amiga da República Checa á que lle encanta o chourizo, o xamón, a cecina... e á que recollemos en León xunto con Óscar para achegalos a Pontevedra, onde ían a pasar o fin de ano.

Hei de decir que, para eles, o "traballo de campo" resultou un tanto estresante ó principio: chegar, pedir, fotografiar, degustar... pero ó pouco tempo se fixeron coa mecánica do xogo como se nada. Vamos, que case nos gañan e todo. Moitas grazas por aguantarme, rapaces.

Rúa Azabachería nº10. León.
Situación
Comentarios (1) - Categoría LE.León - Publicado o 26-02-2007 23:23
# Ligazón permanente a este artigo
El gaucho
El Gaucho está nunha minúscula (decir pequena é moito) rúa do Barrio Húmedo de León; rúa na que, aínda así, hai non sei se tres ou catro bares... Este é famoso polas súas sopas de allo e as patacas con costela, os seus pinchos máis habituais. É un local vello, i en principio pouco atractivo, pero vale a pena non deixarse levar polas apariencias, i entrar a tomar algo nel.

Nós coñecémolo na visita que fixemos a León fai un par de anos, entramos por casualidade, e a nosa ledicia foi total cando nos ofreceron de pincho, entre outros que agora non lembro, unhas sopas de allo ben quentiñas coas que facer frente á nevada que se aveciñaba. De feito, naquela ocasión (era pola noite, i esta vez estivemos á hora do xantar) dérannos a posibildade de escoller entre varios pinchos. Cousa que esta vez non pasou.

Así que probamos o outro dos seus pinchos máis habituais, o de patacas con costela, que tampouco estaba nada mal. Na foto, vese o correspondente a catro persoas.



Rúa Azabachería nº1. León
Situación
Comentarios (2) - Categoría LE.León - Publicado o 22-02-2007 15:35
# Ligazón permanente a este artigo
La Rúa 11
Penso que en ningunha das miñas visitas anteriores a León (cos seus preceptivos paseos polo Húmedo) tiña entrado neste bar. A verdade, é que en principio non resulta un local moi atractivo; pero era tarde, a opción que tiñamos para xantar non callou... e algo había que comer. Así que mentras buscabamos un sitio para tomar unhas tapas, fomos entrando nos bares que atopamos abertos... e nos que había xente, claro.

Este foi un deles, é a verdade é que non houbo queixa. Puxéronnos unha albóndiga a cada un, e unhas tiras de calamar frito. Pouco típico, se cadra, se temos en conta o que nos acostuman a poñer de tapa noutros bares da zona; pero supoño que os leoneses, que pasan por alí todos os días, estarán ate o gorro de chourizo, cecina, morcilla, queixo e similares, e terán tamén ganas de tomar algo distinto cando saen a tomar un viño. Ou, ó mellor, simplemente foi casualidade.

O seu nome, nada orixinal por certo, non deixa lugar a dúbidas sobre a súa ubicación, nunha das rúas de entrada ó Barrio Húmedo.



Rúa nº11. León
Situación
Comentarios (0) - Categoría LE.León - Publicado o 19-02-2007 21:20
# Ligazón permanente a este artigo
[1] 2 [3]
© by Abertal