|
|
|
|
|
|
|
|
 |
|
|
|
|
|
|
 |
|
|
|
|
|
|
 |
|
|
|
|
|
|
 |
|
|
|
|
|
|
 Seguinda as explicacións do profesor |
|
|
|
|
| OBRADOIRO DE DANZAS CANARIAS |
|
Dirixido por:
Domingo Pérez Navarro
Días 13 e 14 de Febreiro do 2010 en Vigo (Pontevedra)
ORGANIZADO pola Asociación Monteira-Grupo de Danzas do Mundo de Vigo.
Esta asociación está aberta a todas aquelas persoas que busquen iniciarse nas danzas tradicionais e populares de distintos pobos do mundo, sen limitación por idade, formación ou habilidade para a danza. Os seus socios reúnense tódalas semanas para bailar, nun ambiente alonxado de calqueira competitividade e no que se potencia a participación.
¿A quen vai dirixido este curso?
? Ás persoas de calquera idade, con ou sen coñecementos.
de danza, interesadas en coñecer e disfrutar da música e a danza doutro país.
? Aos interesados no baile como unha experiencia
compartida.
Lugar de Realización
O curso terá lugar no local da Asociación Cultural O Coto, no Colexio Carballal de Cabral, subida á Freiría, 1 (Av. Aeroporto), Vigo.
Programa:
Día 13, sábado:
Clases: de 10:30 h a 14:00 h de 16:00 a 19:30 h
Día 14, domingo:
Clases: de 10:30 a 14:00 h
Prezos
O prezo do curso é de 20 euros (5 euros para socios de Monteira).
Inscricións:
Para a inscrición hai dous métodos:
? Chamar ao teléfono:
677 556 402 (Magdalena)
? Enviar un correo-e a:monteiradanzas@hotmail.com.
¡Prazas limitadas! Máximo 30 alumnos.
Terán prioridade os socios ata o día 30 de Xaneiro.
Domingo Pérez Navarro
Domingo Pérez Navarro é diplomado en Maxisterio
e experto no folclore de Canarias, tanto no referido a baile tradicional como a Etnografía. Ten ampla experiencia como profesor de folclore, investigador de Indumentaria Tradicional e baile canario e coordinador de exposicións sobre traxes tradicionais e outras actividades relacionadas co folclore. Tamén ten publicado artigos e impartido conferencias sobre estes temas.
Así mesmo ten unha longa traxectoria como director de baile de agrupacións folclóricas, dirixindo actualmente o corpo de baile da Asociación Folklórica Cultural Rumantela, de Arucas (Canarias), o cal está formado por dezasete bailadores.
O termo ?Rumantela? significa nun senso amplo parranda. Procede da palabra portuguesa ?ruma?, que significa ?rumba?.
A Agrupación, ademais de ser fidel ao seu nome, pretende manter vivo o folclore e tradicións de Canarias.
Conta con vinte e dous tocadores.
Agrupación Folklórico-Cultural ?Rumantela?
A Agrupación nace no entorno das Escolas Artísticas Municipais de Arucas perante o curso académico 1998-1999. Inicia a súa andaina como entidade legal independente e con estatutos propios en Maio do 2000.
Na actualidade consta de corenta compoñentes, entre tocadores e bailadores. Dispón de roupa tradicional do século XVIII de Gran Canaria, con tecidos ricos en la, seda e pano; e do traxe tradicional campesi?no de finais do século XIX.
O repertorio do grupo trata de abarcar o folclore tradicional das sete illas, como son folias, berlinas, siotes, sorondongos, etc., así como a aportación que ao mesmo fixeron os emigrantes.
A A.F.C. Rumantela, ademais de participar nos tradicionais eventos de car´acter folclórico dentro da illa (romerías, taifas, piñatas, navidad e festas patronais) ten participado en festivais folclóricos de maior relevancia como: Festival de la Bajada de la Virgen de los Reyes, na illa de El Hierro (ano 2000), Festival de folklore Virgen de la Cuevita en Artenara G.C. (ano 2002), Festival en Santa Brígida(ano 2003), X Festival Nacional de Folkore Isla de Gran Canaria (Firgas ano 2003), III y VI Baile del Bucio (ano 2003), Intercambio Cultural con el Grupo Ithaisia de Tenerife (anos 2004 e 2005). |
|
|
|
|
|
|
Monteira naceu no ano 1989 e dende entón, reunímonos semanalmentepara lembrar as danzas que coñecemos e para aprender outras novas, que os distintos membros do grupo recollen en diversos cursos e festivais, tanto nacionais como internacionais.
¿Por qué danzas populares?
A través das danzas tradicionais e populares de diversas partes do mundo coñecemos, dalgún xeito a outras xentes a outras formas de expresión. É unha forma de contrarrestar a homoxeneización cultural moderna e de dar conta da diversidade que o ser humano posúe nas múltiples culturas existentes, así como un xeito de relacionarse san e divertido.
O noso obxectivo é revivir a danza tradicional e que volte ser o que foi, para que a interpretación musical e a danza popular deixen de ser un espectáculo contemplativo, e se troquen nun acto participativo.
Por medio da danza ofrecémosche unha viaxe por diferentes países deleitándonos cos seus diferentes ritmos e melodías ou sons.
poderemos saír da nosa Galicia daman dunha Muñeira, ir cara a Euscadi cun Carnaval de Lanz, achegarnos ata Gasconia coa sua Mazurca e subir ata Bretaña a ritmo de Gavotte, saltar a Eire cun Set e atravesar Escocia bailando un Streep the Willow e mesmo voar ata Grecia para coñecer os seus Sirtós, pasar a Bulgaria coas súas melodías gaitas, bailando un Rodopsko, etc.
Invitámosvos a todos os que vos guste a danza, sen límites de idade ou coñecemento previo, a asistir ás nosas xuntanzas semanais, así como as festas que organizamos ou ás animacións e obradoiros que facemos noutras asociacións culturais ou veciñais.
Anímate. Cantos máis sexamos mellor o pasaremos.Voltarás. |
|
|
|
|
| Asociación Monteira DANZAS DO MUNDO |
|
|
|
|
|
|
|
|
|
|
|
