| A debilidade é grande e a tarefa ardua, pero a necesidade histórica de construir unha alternativa global ao capitalismo é mais evidente e urxente que nunca. |
|
|
| O meu perfil |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| En Alcoa: Nin un só despido |
|
Os "desacordos" entre a multinacional Alcoa e as multinacionais do sector eléctrico supoén unha pelexa pola factura eléctrica; coma sempre os que poden perder son os "convidados de pedra", os traballadores, que ven en perigo os seus postos de traballo pola cobiza da multinacional, que quere aforrar cartos a costa de toda a cidadanía e os eléctricos, que seguen coa súa especulación co prezo da electricidade.
Isto agravase nunha comunidade como a galega que é exportadora de enerxía, que pagamos igual que onde non se produce, subvencionado o prezo do transporte. O prezo da enerxía ten dúas partes, o de produción (as eléctricas) e o de distribución (REE); nós que somos excedentarios de enerxía, na Galiza, pagamos igual que os que están a 600 km e non producen. Os custes de distribución pagámolos nós no prezo.
O PP, coma sempre, ao servizo das eléctricas, importándolle un comino todo o demais -os postos de traballo-; porque Alcoa ten plantas onde producir fora da Galiza ou de Asturias. Asi que a estes, se se quedan cun prezo barato de electricidade, ben,e se teñen que irse, tamén ben; tanto lles ten, non se xogan nada.
Xa está ben que sexamos os traballadores e as traballadoras os que paguemos a crise que eles xeraron, os bancos, as eléctricas, as empresas en xeral. O capitalismo ten demonstrado o seu fracaso para ir mais aló dos beneficios a costa do que sexa, por iso as medidas que non rompan con ele só porán un parche, mas non resolverá o problema: A CRISE QUE A PAGUE QUEN A XEROU, O CAPITAL.
Isto significa, primeiro, nin un só despedimento en Alcoa, e segundo, a nacionalización de todas as empresas que tendo beneficios, só procuran aumentalos a costa de máis desemprego, emigración e empobrecemento social. Esta nacionalización podería resolver os conflitos xerados pola poxas de enerxía, pois o propietario de ambas as dúas empresas ou sectores estaría nas mesmas mans, o que baixo o control dos traballadores / as, permitiría garantir prezos xustos para manter a atividade industrial, e que deberíase estender á factura eléctrica que pagamos como "cidadáns" polo feito de planificar a economía, ao non estar sempre á espera da poxa de quenda coa especulación nos prezos que isto supón.
Os gobernos central e a Xunta son os voceiros das eléctricas, polo que por todos estes motivos teñen que irse, e seguindo a pancarta dos traballadores de Alcoa-A Coruña, "mellor goberno eu"; mellor gobernamosnos nós, os traballadores e as traballadoras que os representantes das multinacionais e os empresarios.
Neste sentido, parece-nos un bo camiño o chamado á unidade de todas as empresas afectadas, como SGL Carbon, Megasa, Ferroatlántica, etc., a unirse na loita contra as políticas desindustrializadoras dos gobernos e as multinacionais.
Corrente Vermella chama á participación na manifestación do venres 12, ás 19 na Palloza, en apoio aos traballadores de Alcoa.
Nin un só despido
Nacionalización baixo control dos traballadores
GOBERNOS DIMISIÓN
|
|
|
|
|
| Deixa o teu comentario |
|
|
|
|
|
