Pepe Dovale, Patrón do barco
 CATEGORÍAS
 FOTOBLOGOTECA
 ANTERIORES
 ARQUIVO
 BUSCADOR
 BUSCAR BLOGS GALEGOS
 NA REDE

VISITA DUN GRUPO DO IES DE ORTIGUEIRA

Hoxe recibimos a visita, co gaio da exposición que temos no centro “Dez anos sen peseta”, dun grupo de alumnas e alumnos do IES de Ortigueira, xunta as súas profesoras de Historia (Clara) e de Inglés (Pilar). Sempre dá gusto recibir xente nova, parece que carga de enerxía a quen está ao seu arredor.
A verdade é que este é un grupo ben xeitoso, con interese por aprender e por coñecer ás persoas maiores. Con elas e con eles falamos das moedas antigas do século XIX, das da ditadura franquista, das derradeiras do rei Xoán Carlos I… As que máis lles chamaron a atención foron as conmemorativas do mundial de fútbol do ano 1.982. Pero tamén houbo tempo para falar das feiras, das tabernas, dos anos da fame, das peixeiras, dos zoqueiros, das carozas e das lambetadas de antes (que non tiveron moito éxito).
Rapaces e rapazas que trouxeron ledicia a esta casa coas súas chanzas e ocorrencias, coas súas preguntas e comentarios e coa acordanza dos seus avós e avoas.
Coñeceron á nosa Avelina de San Adrián, cada día máis preto do seu centenario. Lola de Freires contoulles o que se podía mercar para unha semana cunha peseta nos anos corenta na taberna da Penela (un cuarterón de aceite a real, un patacón de arroz, unha mota de xabrón, un chico de pementón, o resto en fariña de centeo e aló vai a peseta). Isabelita do forno faloulles da tenda do Chiquito fronte ao que agora é o Galaripos, onde ela ía mercar as lambetadas (caramelos e refrescos que non había máis). Saturnino recordou a romana que tiña seu pai na casa para pesar os becerros e que algúns rapaces e rapazas coñecían de velas na casa dos avós. Angustias comentou que as Canteiras, unhas peixeiras de Cariño, viñan na lancha ata o embarcadoiro de Cabalar e despois a pé ata a Vila descalciñas para vender o seu peixe (chicharro, sardiña e parrocha). María de Couzadoiro contou que cando tiña 13 ou 14 anos (a idade da nosa visita) no tempo da froita traía na cabeza un cesto cheo dela durante 9 quilómetros para vendelo na Vila. Lucho, o seu home, falou de cando facía zocas de bidueiro e de ameneiro e que as vendía por encarga. Paco de San Adrián explicoulles que aos seus 14 anos traballaba na madeira, primeiro carrexando nela e despois coa serra; algúns dos rapaces tamén comentaron que tiñan utilizado a motoserra coa supervisión dos seus pais. Aurorita de San Claudio lembrou a súa viaxe ata España da súa Habana natal no barco Orinoco, xa que seus pais eran emigrantes retornados.
O grupo pediu que lles ensináramos a nosa casa, pois era a primeira vez que viñan, e con gusto o fixemos. Saben que quedan convidadas e convidados a voltar cando queiran e, en especial, ao aniversario de Avelina en xuño, pois non tódolos anos se poden cumprir 100.
Comentarios (10) - Categoría: 1. CADERNO DE BITÁCORA - Publicado o 28-02-2012 16:34
# Ligazón permanente a este artigo
10 Comentario(s)
1 Dúas horiñas de visita ben intensas, mira que falamos de cousas, Pepe.É verdade que quedaron en voltar#blgtk08#. Haberá que encargar unha tarta de moitos quilos para o aniversario de Avelina. Imos encher a Casa!!
Comentario por Gelo Paz (28-02-2012 20:31)
2 que contenta estou de que tiverades a visita dos rapaces é de que o pasaran bén;disque a mellor publicidade e o boca #blgtk08#a boca e seguro que lles contaran a experiencia a os seus compañeiros para que se animen a visitarvos NORABOA TOD@S
Comentario por loly (28-02-2012 21:08)
3 ....xa me esquecia do cumpreanos,que veñan,que como #blgtk08#dí o anuncio"maalo seraaaa"que non chegue pa tod@s
Comentario por (28-02-2012 21:22)
4 HOLA SON FRAN HOXE ESTIVÉN NO VOSO CENTRO COA MIÑA CLASE, A MIÑA ESPERIENCIA FOI MOI POSITIVA , PASEINO MOI BEN GUSTOUME MOITO AS HISTORIAS QUE CONTARON AS#blgtk08# PERSOAS QUE VIVEN ALI.GUSTARONME MOITO AS MOEDAS, EU TAMÉN TEÑO ALGUNHA NA CASA.XA ME TARDA O DÍA DO CUMPLEANOS DE AVELINA,¡HABERÁ QUE LEVARMOITAS VELAS!
Comentario por FRAN (28-02-2012 22:21)
5 Hola son Lucia o martes paseino moi ben no voso centro e pareceronme moi simpaticos os maiores.Nunca vira moedas tan antigas.O que no#blgtk08#s contaron foi moi interesante e gustoume moito.Seguro que no cumpleanos de Avelina volvemos a vernos.¡Un bico para todos os maiores!
Comentario por Lucia (01-03-2012 11:49)
6 Foi moi entretenido, paseino moi ben gustaríame volver pronto. Habrá que com#blgtk08#prar unha tarta de 10 kilos porque para as velas de Avelina teñen que caber
Comentario por Tomás (01-03-2012 11:53)
7 Me gustó mucho ir porque los veo muy en forma#blgtk08# y son muy simpáticos, un saludo de Luis 1ºB.
Comentario por Luis (01-03-2012 11:54)
8 Hola son Mónica e paseino moi ben na casa nde vivides .Sodes todos moi simpáticos e divertidos.As moedas da exposición nunca as vira, pero encantáronme.Espero poder volver outr#blgtk08#o día e volveros ver a todos os maiores.AA!!! E FELICIDADES AVELINA segura que cumples moitos mais e espero poder ir a o tu cumpleanos.Un beso moi grande para todos os maiores.
Comentario por (01-03-2012 11:56)
9 Gustoume moitísimo a visita e paseino moy ben.Espero volver mais veces.Todos son moy sipáticos.Gustaronme moito as#blgtk08# historias que contaron os maiores foron moi entretenidas,e divertidas ajaja!UN SAUDO PARA TOD@S!

Comentario por verónica (01-03-2012 21:29)
10 Yo soy la niña d Rajoy y stuv#blgtk08#e d incógnito,k bien lo pasé!
Comentario por Rajolita (15-03-2012 21:35)
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal