Pepe Dovale, Patrón do barco
 CATEGORÍAS
 FOTOBLOGOTECA
 ANTERIORES
 ARQUIVO
 BUSCADOR
 BUSCAR BLOGS GALEGOS
 NA REDE

TRES PEREGRINOS VEÑEN TRAS DUNHA ESTRELA...

A historia dos Reis Magos ten máis de 2.000 anos de antigüidade, case 20 séculos máis que a de Papá Noël pois esta, tal e coma hoxe a coñecemos, existe dende finais do século XIX, afianzada pola empresa Coca-Cola?
Os Reis chegan tódolos anos ás aldeas, vilas e cidades nun desfile de carrozas celebrado no serán do 5 de xaneiro. A primeira cabalgata de reis de Galicia desenvolveuse en 1.909 na cidade da Coruña e partires desta foron xurdindo en todos os recantos. Nun inicio, estaban organizadas por institucións benéficas e recreativas para acudir aos centros de beneficencia, como hospicios e asilos. Pasada a guerra xa saíron ás rúas e se fixaron como costume, organizadas polo Fronte de Xuventudes e, tras o fin da dictadura, polos concellos.
Os Reis Magos de Oriente cos seus paxes chegaron onte a Ortigueira; un ano máis, coas súas carrozas cargadas de caramelos para botarlles aos nenos e nenas que se achegaron a recibilos. Entraron na Vila pola Lagarea, chegaron ata a redonda pola Estrada Xeral e iniciaron o percorrido polas rúas, principiándoo pola recentemente inaugurada na honra de don José e rematándoo no Cantón. Fixeron unha paradiña no adro da parroquia, onde estaba situado o tradicional nacemento vivinte, para recibir as peticions dos picariños e picariñas que agardaban ilusionados coas súas cartas e cariñas de frío: Silvia, Nerea, Sara, Ana, Aroa, Damián, Eloi, Sofía e por algures tamén se viu a Candela, Lucía, Anxo, Guillermo, Laura, Matías, Gabi...
A xente miúda marchou cedo para a cama e de seguro houberon atopar fermosos agasallos á mañá seguinte, pois me consta son ben boíños; de tales nais e pais, tales fillas e fillos.
Despois dunha noite máxica, hoxe os Reis Magos entregaron aos pequenos e pequenas, como é costume, o cartucho: un paquetiño con lambetadas (caramelos, gominolas, piruletas, regaliz...) e unha mandarina, o agasallo tradicional. A continuación, os Reis e o seu séquito ao completo subiron ata a nosa casa para achegarnos tamén un cartucho e así endozarnos o día. Agradecémosllo e agardamos a súa visita o ano que ven.
Tamén recibimos a visita de Carmiña de Novás e a súa familia (non faltan nigún ano á cita) cun bonito e práctico agasallo. O noso agradecemento vaia por diante sempre para eles tamén.
Nós continuaremos sendo coma un cachiño de pan... como ata o de agora.
Comentarios (1) - Categoría: 1. CADERNO DE BITÁCORA - Publicado o 06-01-2012 15:52
# Ligazón permanente a este artigo
1 Comentario(s)
1 Pepe,en Ferrol si que ía frío pero os Reis estaban ben abrigados e eu fun acompañándoos na cabalgata tocando a pandeireta.Moito me prestou!!Iso sí,andiven dabond#blgtk08#o polo que marchei a fume de carozo para a cama.Fun boíña, como ben dís ti, coma a miña nai e deixaron na nosa casa unha chea de agasallos.Unha aperta ferrolá
Comentario por Candela Fernández Paz (10-01-2012 16:40)
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0