Pepe Dovale, Patrón do barco
 CATEGORÍAS
 FOTOBLOGOTECA
 ANTERIORES
 ARQUIVO
 BUSCADOR
 BUSCAR BLOGS GALEGOS
 NA REDE

VISITA AO BELÉN

Sempre é un pracer ir visitar o belén que hai na igrexa parroquial. Pola sona e a fermosura do nacemento e polo ratiño compartido con don José, quen tivo a deferencia de vir abrir a parroquia para amosarnos un escenario á altura das circunstancias. Gustounos contemplar as antigas figuriñas e tentar atopar a velliña, o pozo, o gaiteiro na ponte, ver ás vacas turrar...
Contounos don José que o obradoiro de Olot, onde se elaboraron as figuriñas, empezou a caer en decadencia coa primeira guerra mundial, o ascenso do comunismo en Rusia e do nazismo en Alemaña; pero a empresa non se deu por vencida e comezou a elaborar figuras de Lenin, Stalin, Hitler e outras similares. Anovarse ou morrer, que diría o outro.
Tamén falamos do escenógrafo Díaz Baliño, quen fixera decorados para grandes obras de teatro galegas da época como A man da santiña ou O Mariscal, e a decoración da capela da Misericordia de Viveiro ou doutros locais coma o café Derby de Compostela; do seu fillo, o galeguista Isaac Díaz Pardo e do seu pai Germán Díaz Teijeiro que nacera en Ortigueira.
Falando, falando, comentamos a urxente restauración que precisa o belén, feita por mans expertas en arte. Don José díxonos que case consegue a subvención pero, xa se sabe, estamos en crise e terá que esperar.
Quen tiña máis fachenda do belén era Lola de Ramón, pois o monta o seu irmán Juan da Leinova dende hai máis de corenta anos, moito antes de que don José chegara á parroquia. Meu irmán é moi curioso, dicía. Ten razón, ata hai na parede da igrexa unhas marcas para saber onde se ten que colocar o impresionante escenario. Este gárdase no coro da igrexa e para subilo e baixalo todos os anos houbo que mercar un guindastre, pois baixalo a pulso era un gran risco. Lola comprometeuse a volver o ano que ven para retratarse co seu irmán cando armara o belén.
Isabelita do Forno estaba orgullosa do seu. Fina de Ferrol quedou abraiada polo belén e máis polo altar. A Lucho e María cambioulles a cara coa visita, chegaron felices á casa. Todos os demais saímos encantados.
Aproveitamos tamén para comer uns churriños, pois o día de mercado non se perdoan.
Comentarios (4) - Categoría: 1. CADERNO DE BITÁCORA - Publicado o 30-12-2011 08:51
# Ligazón permanente a este artigo
4 Comentario(s)
1 Faltounos o café pero estivemos ao sol un cachiño para aproveitar que o día se prestaba mentres David facía cola nos churros.A visita foi complet#blgtk08#a,Pepe, que non se diga!.Hai que rematar ben o 2011 que o vindeiro ano ha de vir cargado de sorpresas e de seguro que todas boas e ben merecidas.
Comentario por Gelo Paz (30-12-2011 14:20)
2 Patrón!!!! Por un intre chegoume a imaxe dun Belén vivente...,incorporando o figura "do churrero";debía ir armando a idea para o ano 2012....Convertindo a miña retranca en estrela fugaz... e pasando de largo...
O Belén de Ortigueira abofé que sirveu de exquisito aperitivo... e quedaron ganas de +.Seguro que coñece a existencia#blgtk08# dunha ruta de Beléns galegos,na que figura o Belén de Begonte.Para min o Belén de Begonte é o contrapunto do Belén de Ortigueira,xa que ó de Begonte é de tecnoloxía electrónica e semella un Belén vivente a pequena escala.
Patrón merece o esforzo dunha visita,seduza ca idea ós seus colaborador@s e faga peto para o Nadal 2012.
Comentario por Retranqueiro (30-12-2011 15:53)
3 Canto me gusta o belén de Ortigueira. Ten a fermosura das cousas sinxelas. Oíches Pepe, Retranqueiro estanos#blgtk08# dando unhas moi boas ideas para levar a cabo. Hai que ir anotándoas nun caderniño para non perder ningunha.
Comentario por Ara (30-12-2011 16:15)
4 A verdade Pepe que me encantou acompañarvos e ter a oportunidade de visitar o belen de Ortigueira,que nunca o visitara fermoso#blgtk08# si señor è de apreciar o traballo laborioso que debe costar facelo,e por suposto comer o churriños que bos que estàn,saudos.
Comentario por sonia (01-01-2012 20:23)
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal