O Clúster Libro celebrará, o luns día 26 de setembro en Santiago de Compostela, as I Conferencias Internacionais do Libro en Galicia, unhas xornadas coas que se quere recibir interesantes propostas sobre modelos alternativos de negocio para o sector, descubrir oportunidades de novos mercados e coñecer as novas tendencias tecnolóxicas.

A través dos poñentes internacionais convidados farase un achegamento a diferentes realidades do sector, atendendo aos nosos mercados naturais latinoamericanos e tamén ás novas posibilidades de mercado no continente asiático, isto contribuirá a posicionarnos no vieiro máis axeitado para o sector do libro en Galicia.

En breves, ampliaremos información sobre esta xornada e os poñentes cos que contaremos, tamén enviaremos unha ficha de inscrición aos socios para que nos confirmen a súa asistencia.

As librarías xa non só venden papel. A especializacion da súa oferta é o futuro. Pasar de ofrecer lectura a ser centros de cultura a través de recitais de poesía, catas de viño, cursos de cociña...Cómo? Aquí tes o reportaxe:

O representante estadounidense de comercio internacional, Ron Kirk, dános a última análise da súa oficina, a Office of the US Trade Representative, onde resaltan os lugares internacionais que máis preocupan en termos do roubo de propiedade intelectual, tanto de pirataría interactiva como de falsificación que din son focos que minan a innovación e a creatividade.

O obxectivo deste tipo de análise é contribuír á colaboración internacional para protexer os intereses lexítimos. A razón é que, con este tipo de lista, están a tentar premer aos países que albergan os sitios preocupantes, buscando que se movan para prohibir, pechar e multar estas webs. Os sites que destacan no mundo interactivo, son portais web e variantes de software que din que están a roubar de distintas formas:

Das zonas físicas, dinnos que os peores lugares, que describen en máis detalle (PDF), son os seguintes lugares e zonas:

Estes lugares prexudican a creatividade e o labor empresarial ao redor do mundo, non só en Estados Unidos. Coñecelos axudará a conseguir máis apoio multinacional.

Dirixentes escolares din que o iPad non é só un novo xoguete xenial senón máis ben unha ferramenta poderosa e versátil cunha multitude de aplicacións. Cando os estudantes regresaron a clases recentemente, algúns levaban Apple iPads novos nas súas mochilas, non por obra dos seus pais senón das súas escolas.

Un crecente número de escolas en todo Estados Unidos están a adoptar ao iPad como a máis recente ferramenta para ensinar Kafka en multimedia, historia a través de xogos tipo “Jeopardy” e matemáticas con animación paso a paso de problemas complexos. Como parte dun programa piloto, o bacharelato Roslyn High School en Long Island, Nova York, entregou 47 iPads o 20 de decembro aos estudantes e mestres en dúas clases de humanidades. O distrito escolar espera ofrecer iPads eventualmente a todos os seus 1.100 estudantes.

Os iPads custan 750 dólares cada un, e van ser usados en clase e en casa durante o ano escolar para substituír libros de texto, permitir aos estudantes manter correspondencia cos mestres e entregar relatorios e tarefas, e levar un rexistro do traballo dos estudantes en cartafol dixitais. “Permítenos estender o salón de clases máis aló deste catro paredes”, dixo Larry Reiff, un mestre de inglés en Roslyn que agora publica todo o seu material do curso en liña.

Unha investigación levada a cabo pola Universidade Carlos III de Madrid conseguiu trazar o perfil dos usuarios responsables de publicar máis de 55.000 ficheiros en portais como Mininova e The Pirate Bay. Segundo as conclusións extraídas deste estudo, titulado “Is content publishing in BitTorrent altruistic or profit-driven”, os usuarios que publican contidos en BitTorrent dedican unha parte importante de recursos propios, como ancho de banda, e asumen os riscos derivados de publicar contidos protexidos.

Á pregunta de se os responsables reciben compensación polo seu labor ou son actos altruístas, os responsables do estudo sinalan que o éxito destas plataformas responde a que “uns poucos usuarios fan dispoñibles un gran número de contidos a cambio dun beneficio económico”. O Departamento de Enxeñaría Telemática da Universidade Carlos III é o responsable desta análise, que mostra que un pequeno conxunto de usuarios (ao redor dun centenar) publica o 66% do contido.

Os perfís do “pirata” cibernético diferencianse en dúas modalidades: por unha banda existen os “fake publishers”, organismos de loita contra a pirataría que publican arquivos falsos para protexer os dereitos de autor e difundir software malintencionado. Por outro, atópanse os “top publishers”, os poucos responsables da publicación masiva en BitTorrent, que obteñen os seus ingresos a través da publicidade online e das subscricións VIP duns poucos usuarios.

Hoxe lanzamos a Anatomiteca (versión Beta), espazo colaborativo de recursos sobre a edición e o mundo do libro. Queremos seguir achegando valor ao sector editorial e botabamos en falta un espazo onde poder recoller os recursos que van aparecendo na Rede ou se van publicando como informes ou outros formatos, en España e o resto do mundo. Por iso, creamos a Anatomiteca, a biblioteca do blog Anatomía da edición para uso e goce de todas as persoas interesadas nos temas relacionados coa edición e o mundo do libro e que está inspirado en proxectos similares como a fantástica Publiteca que dirixe con acerto Javier Cerdeira (@javiercerezo) e que recolle, neste caso, recursos sobre markrting, comunicación, internet, internet, sé, publicidade, etc.

A nosa idea é recoller todo tipo de recursos na Rede independentemente do formato e queremos que polo menos inclúan as seguintes categorías: bibliotecas, distribución, edición dixital, editoriais, librerías e libros.

En canto aos formatos, incluiremos documentos (pdf ou outros) , vídeos, infografías e sempre coas ligazóns onde poderán ser descargados ou se poida acceder a máis información sobre o recurso.

Gustaríanos que fose un espazo colaborativo polo que se tes algún recurso que creas que poida ser de interese non dubides en comunicárnolo para que podamos subilo á Anatomiteca. Non tes máis que mandarnos un mail a anatomiadelaedicion@gmail.com onde nos indiques a ligazón do recurso que queres que apareza e o teu nome e a túa páxina web (se tes) para que podamos sinalar que fuches ti a persoa que o recomendou. Se es unha editorial e publicaches algún libro sobre algún destes temas, gustaríanos que nos enviases un fragmento e a cuberta para que tamén podamos incluílas (aínda que vos lembramos que non se tratan de reseñas).

O pasado mes de abril Google anunciou a entrada en fase de probas dun novo servizo que permitiría a impresión dende calquera aplicación en calquera dispositivo, sistema operativo ou navegador sen precisar de software específico, e para avanzar no espallamento desta tecnoloxía anuncian a posibilidade de poder utilizar o servizo Google Cloud Print para documentos móbiles e para a versión móbil de Gmail, de xeito que irá espallándose entre os usuarios nos vindeiros días.

Esta tecnoloxía pretende que cando recibamos no móbil un documento que precisemos imprimir de xeito urxente, poidamos facelo abríndoo en Google Docs ou dende Gmail, aplicacións que contarán coa opción de Imprimir nun seu menú despregable, de xeito non será preciso copiar os documentos .doc e .pdf a un PC para imprimilos.

Esta característica estará inicialmente dispoñible para usuarios de fala inglesa nos EE.UU. que teñan terminais con soporte de HTML5 coma móbiles con Android 2.1 ou superior e iOS 4 ou superior. Paulatinamente irán incorporando máis países, linguas e terminais a este servizo que promete revolucionar o xeito de entender a impresión, tanto no ámbito profesional coma no doméstico.

1 [2] [3] [4] [5] [6]