CIG-Saúde O Barco








Telf: 988 339112






















Perfil de Facebook de Cig-saúde O Barco.














BLOGS E WEBS DOUTRAS COMARCAS E ÁMBITOS DE CIG-SAÚDE














OUTRAS LIGAZÓNS INTERESANTES

















cig-saude o barco
h.obarco@cig-saude.org
 DESTACADOS
 CATEGORÍAS
 FOTOS
 ANTERIORES
 ARQUIVO
 BUSCADOR
 BUSCAR BLOGS GALEGOS
 PARA SABER MÁIS

Nor-noroeste: a viaxe bravú
Comentarios (0) - Categoría: curtas - Publicado o 31-03-2010 12:12
Queres comentar ou preguntar algo?
manifestacións en defensa da Sanidade Pública

PONTEVEDRA

Os sindicatos CSIF, CEMSATSE, CIG, OMEGA, SAE, UGT, CCOO e USO, integrantes da Xunta de Persoal da Área Norte de Pontevedra veñen de convocar unha Manifestación para o día 7 de abril de 2010, ás 20,30 horas con saída diante da Porta Principal do Hospital Provincial(rúa Loureiro Crespo), pasando polas ruas Benito Corbal, Peregrina, Oliva , Rosalía de Castro, Gagos de Mendoza, Xeneral Rubín e rematando diante do Edificio da Xunta de Galicia en Campolongo, co lema:

SANIDADE PÚBLICA 100%

EN DEFENSA DOS POSTOS DE TRABALLO


esta manifestación servirá de antesala para a do venres 16 tamén en Pontevedra.

FERROL

A Plataforma pola Defensa da Sanidade Pública de Ferrol, da que forma parte a CIG, diante do grave deterioro ó que se está sometendo á Sanidade Pública, á falla de compromiso coa Área Sanitaria de Ferrol que ten a Xunta de Galicia e ante as medidas privatizadoras do Partido Popular respecto da Sanidade Pública, convoca para o vindeiro día 11 de abril unha Manifestación Comarcal; a cal agardamos que reflexe na rúa o descontento e o rexeitamento destas medidas por parte do conxunto da cidadanía da comarca. A manifestación partirá ás 12 do mediodía do Ambulatorio Fontenla Maristany.

NON Á PRIVATIZACIÓN DA SANIDADE
A SAÚDE NON É UN NEGOCIO
Comentarios (0) - Categoría: privatización da sanidade - Publicado o 31-03-2010 11:25
Queres comentar ou preguntar algo?
concerto queremos galego en Pontevedra
O próximo sábado día 17 de abril terá lugar no recinto feiral de Pontevedra un Festival en defensa da nosa lingua, que contará coa colaboración desinteresada dalgúns dos máis importantes grupos do panorama musical galego actual, mostrando o seu compromiso coa nosa lingua e a nosa cultura:

FUXAN OS VENTOS, LUAR NA LUBRE, MILLADOIRO, A QUENLLA, ASOCIACIÓN DE GAITEIROS GALEGOS, BERROGÜETTO, ESPIDO, FIA NA ROCA, GALEGOZ, GARCIA MC, LAMATUMBÁ, OS CARUNCHOS, OS TRES TREBÓNS, RUXE RUXE, TINO BAZ, ROI CASAL e ZURRUMALLA.

Este festival terá un importante contido lúdico e cultural mais especialmente mobilizador e reivindicativo, nun momento no que se está a intensificar o desmantelamento da oficialidade da nosa lingua, como se evidenciou coa non admisión a trámite da ILP de Queremos Galego, polo que é importantísimo a participación activa de todas cantas persoas amamos a nosa lingua e queremos para ela un futuro máis claro que o que agora se lle agoira.

A hora de inicio do Festival está fixada para as 19.30. No interior haberá diferentes barras con comida e bebida.
O prezo de venda anticipada será de 10€ e o propia día de 12€. Comentarvos que o aforo é limitado, polo que é interesante que, se tedes interese por acudir, merquedes canto antes as vosas entradas.

En Valdeorras, podedes adquirir as entradas de xeito anticipado ao prezo de 10 euros no local de CIG-Saúde situado no Hospital Comarcal Valdeorras.

Ademais, como seguramente xa saberedes, a ILP promovida pola Plataforma non foi admitida a trámite no Parlamento de Galiza. Queremos Galego vai impulsar unha recollida de sinaturas en todo o país cumprindo co procedemento estabelecido legalmente para unha Iniciativa Lexislativa Popular.

Non quededes sen asinar! Non deixedes que o PP saia coa súa!
Comentarios (0) - Categoría: lingua e cultura - Publicado o 30-03-2010 14:00
Queres comentar ou preguntar algo?
sobre as filtraciois e as noticias aparecidas na prensa
A denuncia de posibles filtaciois entre persoal adscrito ó departamento de RR.HH. do SERGAS e que se fixo a través deste blog o dia 3 de febreiro e que foi recollida por "el país" o dia 5 de febreiro, chega ahora (case 2 meses mais tarde) á prensa galega, xa publicamos onte a noticia en la voz de galicia e hoxe os nosos políticos apuntanse a denuncia "dos sindicatos" (como que o sindicato que o denunciou non tivera nome), podedes velo, aquí e aquí.

Pois ben, primeiro "agradecer a este xornal" la voz de Galicia que por fín se faga eco da denuncia e ós políticos que fan as declaraciois que por fin se enteren e o tomen en serio.

Pero cumpre aclarar un par de temas con respecto á nosa postura como CIG-Saúde O Barco:

1º As filtraciois, polo menos que nós saibamos limítanse a unha moi pouca xente do entorno dos servizos centrais de RR.HH. do SERGAS, polo que debe ser investigado con seriedade e rigurosidade e de comprobarse certas as filtraciois este persoal debe ser apartado da OPE inmediatamente, tamén terá que haber a asunción de responsabilidades a quén lle competa e a dimisión dos altos cargos implicados por activa ou pasiva. Outra cousa é que en base somente a estas filtraciois se produza a anulación de toda a OPE, non estamos de acordo niso a non ser que as filtraciois vaian moito mais alá do que sabemos ata o momento.
Xa sabemos que isto non gustará á maioria dos suspensos, sobre todo nas categorias de PSX e aux administrativo onde son unha aplastante maioría, pero a pesar do queime que nos poda supoñer, temos que ser serios e coherentes e decir as cousas como as vemos aínda que non goste á maioría. De todas formas se un xuiz decide anulalas pois ben anuladas estarán.

2º: Ante o argumento do SERGAS de que está investigando a pesares de que non hai denuncia de ningún sindicato sobre o tema, temos que decir que se ben é certo que non se presentou denuncia xudicial ningunha, sí se fixo unha denuncia das filtraciois ante o propio SERGAS e despois da primeira resposta que podedes ver no enlace, non voltamos a saber nada. Polo que estamos estudando a posibilidade de levar a denuncia ante o fiscal, adecisión tomarase despois de semana santa e de prosperar a nosa proposta de ir ó fiscal coa denuncia o publicitaremos no seu dia no blog.
O que temos moi clariño é que se a prensa pasara deste tema, moi pouquiño se iba conseguir posto que está mais que demostrado que o que asusta mais a estes señores e que os medios de comunicación lles destapen as súas vísceras.
Comentarios (0) - Categoría: OPE SERGAS - Publicado o 26-03-2010 14:18
Queres comentar ou preguntar algo?
borrador de convoctaria para DUE do 061
Publicamos aqui un borrador que nos fai chegar o SERGAS para a convocatoria de listas de contratación de DUE do 061. Ábrese prazo de alegacións ata o 7 de abril, polo que recolleremos as vosas suxestións para analizalas e ver de incorporalas.


- BORRADOR - Resolución do 24 de marzo de 2010, da Dirección de Recursos Humanos do Servizo Galego de Saúde, pola que se formaliza a convocatoria para a selección de aspirantes a vinculacións temporais, na categoría de persoal de enfermaría (DUE) no ámbito da Fundación Pública Urxencias Sanitarias de Galicia-061.

No pacto subscrito pola Administración sanitaria de Galicia e as centrais sindicais CIG, CC.OO., UGT, CSI-CSIF e SAE, sobre selección temporal de persoal estatutario para vinculacións temporais nas institucións sanitarias do Servizo Galego de Saúde asinado o 6 de maio de 2004, e publicado no Diario Oficial de Galicia nº 104, do 1 de xuño, establécese que unha vez publicado o pacto se formalizará e se publicará a convocatoria de aspirantes.

En cumprimento e ao abeiro desta norma, e como instrumento de continuidade no tempo doutras convocatorias precedentes, por medio da Resolución da División de Recursos Humanos e Desenvolvemento Profesional do Servizo Galego de Saúde do 1 de abril de 2009 (DOG nº 73, do 17 de abril), formalizouse unha convocatoria de selección temporal de novas persoas aspirantes e de incorporación de novos méritos polas persoas aspirantes xa inscritas nas institucións sanitarias deste organismo nas categorías de persoal médico de familia, pediatra, persoal médico de urxencias hospitalarias, odontólogo e odontóloga, persoal de enfermaría (DUE), matrón/a, técnico/a en coidados auxiliares de enfermaría e cociñeiro e cociñeira.

A antedita resolución constituíu así o primeiro antecedente normativo no eido da selección temporal de persoal estatutario que, para as categorías referidas, abranguía as entidades incluídas no ámbito de aplicación do Decreto 91/2007, do 26 de abril (DOG nº 100, do 25 de maio), de integración no réxime estatutario do persoal laboral do sector sanitario público xestionados por entidades adscritas á Consellería de Sanidade, e en cumprimento do establecido na súa disposición transitoria primeira.

Non obstante, peculiaridades de índole organizativa así como a especificidade do labor asistencial que desenvolve a Fundación Pública Urxencias Sanitarias de Galicia-061, centrado na atención ao paciente en situacións de urxencia e emerxencia, así como na atención a accidentes de múltiples vítimas e catástrofes incluído o transporte sanitario de pacientes críticos, terrestre e aéreo, obrigaron a demorar a formalización da selección temporal do persoal de enfermaría (DUE) do citado organismo, prevéndose a realización posterior dunha convocatoria complementaria e específica para dito ámbito.

A presente resolución vén así a dar cumprimento á citada previsión, instrumentando un proceso complementario e específico de selección temporal para o persoal de enfermaría (DUE). Proceso complementario, na medida que estende o ámbito funcional das vinculacións temporais do persoal de enfermaría (DUE) do organismo autónomo ao da Fundación Pública Urxencias Sanitarias de Galicia-061. E proceso específico, na medida que sendo desagregado, incorpora as singularidades deste colectivo profesional e da súa xestión, tales como, o encadramento destas persoas aspirantes nunha única lista configurada como área especial de enfermaría do 061 e sobre a cal pivotarán todas as vinculacións temporais do persoal de enfermaría desta Fundación Pública –independentemente do tipo e duración do seu vínculo-, a xestión dos chamamentos no ámbito da Dirección de Recursos Humanos do Servizo Galego de Saúde, ou a determinación de requisitos específicos para o acceso de aspirantes á citada listaxe.

Logo do acordo do contido desta convocatoria no seo da comisión central de seguimento do pacto de selección temporal, a Dirección de Recursos Humanos do Servizo Galego de Saúde, no exercicio das facultades atribuídas no Decreto 311/2009, do 28 de maio (DOG nº 109, do 5 de xuño), polo que se establece a estrutura orgánica dos servizos centrais do Servizo Galego de Saúde, e na Orde do 15 de xuño de 2009 (DOG nº 119, do 19 de xuño), sobre delegación de competencias en órganos centrais e periféricos do Servizo Galego de Saúde, esta Dirección de Recursos Humanos

RESOLVE:

Primeiro.- Obxecto

Por medio da presente resolución procédese a convocar ás persoas interesadas en presentar a súa solicitude de inscrición na listaxe que se confeccione, en aplicación da norma 12.2 do Pacto sobre selección temporal do persoal estatutario do Servizo Galego de Saúde, para o acceso ás vinculacións temporais na área especial de Urxencias do 061, na categoría de persoal de enfermaría (DUE).

Na elaboración e xestión da citada listaxe serán de aplicación as bases contidas na presente convocatoria así como as normas previstas no vixente Pacto de selección temporal de persoal estatutario do Servizo Galego de Saúde (Diario Oficial de Galicia nº 104, do 1 de xuño de 2004).

En ningún caso, a admisión e baremación efectuada consonte a esta convocatoria afectará ás listaxes vixentes de aspirantes a vinculacións temporais de persoal de enfermaría (DUE) nas institucións sanitarias do Servizo Galego de Saúde, non outorgando ningún dereito de admisión nas mesmas, nin modificación da puntuación que determina a orde de prelación destas.

Segundo.- Ámbito

O ámbito de selección da listaxe xurdida da presente convocatoria será de comunidade autónoma, xestionándose a mesma no ámbito da propia Fundación Pública Urxencias Sanitarias de Galicia-061.

Terceiro.- Requisitos

1.- As persoas aspirantes deberán acreditar, documentalmente, posuír ou estar en condicións de cumprir, dentro do prazo de presentación de solicitudes, os seguintes requisitos:

a) Ter cumpridos os dezaseis anos de idade e non exceder a idade de xubilación forzosa.

b) Acreditar a nacionalidade española ou dun país da Unión Europea ou, de ser o caso, dispor de autorización para poder residir e traballar legalmente en España.

c) Posuír a titulación que, segundo se fai constar no modelo de solicitude, habilita para o exercicio da profesión correspondente, ou a formación requirida para o acceso. No caso de titulacións obtidas no estranxeiro, deberá areditarse a habilitación mediante documento que acredite de xeito fidedigno a súa homologación.

d) Acreditar o aboamento de taxas, agás os supostos previstos na base novena da presente resolución.

e) Non estar separada mediante expediente disciplinario do servizo de calquera Administración Pública, nin atoparse inhabilitada por sentenza firme para o exercicio de funcións públicas nin, de ser o caso, para a correspondente profesión.

2. Ademais, e como requisito específico, as persoas aspirantes deberán acreditar unha experiencia profesional mínima de dous meses no desenvolvemento das funcións propias da categoría obxecto de convocatoria nas áreas de urxencias e emerxencias extrahospitalarias tipo SEM, urxencias extrahospitalarias, urxencias hospitalarias, UCI ou reanimación e/ou formación específica adquirida mediante a realización debidamente acreditada de cursos de formación que, cumprindo os requisitos para baremación definidos no anexo V do Pacto de selección temporal de persoal estatutario do Servizo Galego de Saúde (DOG nº 104, do 1 de xuño de 2004), inclúan os contidos de soporte vital avanzado cardiolóxico, pediátrico e traumatolóxico e/ou atención a accidentes de múltiples vítimas e catástrofes, directamente relacionados co desenvolvemento das funcións do posto.

Cuarto.- Solicitudes e documentación

As persoas interesadas en participar na convocatoria deberán presentar solicitude, segundo modelo normalizado que se xunta como anexo I e que estará á súa disposición na páxina web do Servizo Galego de Saúde (www.sergas.es), nas direccións provinciais, centros hospitalarios e xerencias de atención primaria do citado organismo así como na sede da Fundación Pública Urxencias Sanitarias de Galicia-061.

Xunto coa solicitude, e dentro do prazo de presentación das mesmas, as persoas interesadas deberán achegar copia do DNI, debidamente compulsada así como a documentación acreditativa do cumprimento dos requisitos esixidos e dos méritos alegados. Tal acreditación efectuarase mediante documentos orixinais ou fotocopias compulsadas, segundo se recolle no modelo de solicitude, e con base no disposto nos anexos do propio pacto para o baremo correspondente á categoría de DUE.

Non será obxecto de valoración a documentación que se presente fóra do prazo de presentación de solicitudes.

Para a baremación das epígrafes de desemprego e experiencia profesional, as persoas aspirantes deberán presentar a seguinte documentación:

1.- Para a acreditación do desemprego: certificado de vida laboral expedido pola Tesouraría Xeral da Seguridade Social correspondente aos tres últimos anos.

2.- Para a acreditación de servizos prestados:

- En institucións sanitarias públicas ou entidades públicas: certificado asinado polo director ou directora da institución sanitaria ou responsable do organismo público correspondente, no que conste a información necesaria para a baremación de tal mérito consonte o anexo V do vixente Pacto de selección temporal (Diario Oficial de Galicia nº 104, do 1 de xuño de 2004).

- En institucións ou empresas privadas: certificación na que conste a información necesaria para a baremación de tal mérito consonte o anexo V do vixente Pacto de selección temporal e, ademais, o informe de vida laboral expedido pola Tesouraría Xeral da Seguridade Social ou calquera outro documento de carácter público, no que se ratifique a veracidade dos datos reflectidos no certificado. A única presentación do contrato ou contratos laborais ou do informe de vida laboral non será suficiente para a acreditación de tal mérito.

As persoas aspirantes que figuren admitidas na listaxe normal elaborada na última convocatoria ordinaria de aspirantes a vinculacións temporais no ámbito das institucións sanitarias do Servizo Galego de Saúde, na categoría de DUE, estarán exentas de achegar a documentación relativa a experiencia profesional, formación académica, formación continuada e coñecementos do idioma galego, incorporada na citada convocatoria, agás a relativa ao cumprimento dos requisitos específicos esixidos na base terceira.2 da presente resolución que deberá ser achegada por todas as persoas aspirantes, sen excepción, dentro do prazo de presentación de solicitudes.

Ao dispoñer a administración convocante de dita información, non será necesario que as persoas aspirantes acrediten documentalmente a superación do exercicio ou exercicios da fase de oposición da categoría de persoal de enfermaría (DUE), convocado polo Servizo Galego de Saúde por Resolución do 18 de febreiro de 2009 (Diario Oficial de Galicia nº 40, do 26 de febreiro).

Quinto.- Prazo e lugar de presentación

O prazo de presentación de solicitudes será de quince días naturais contados a partir do seguinte ao de publicación da presente convocatoria no Diario Oficial de Galicia.

As solicitudes, xunto coa documentación a aportar, poderán presentarse nas oficinas de rexistro da Xunta de Galicia, nos rexistros das direccións provinciais do Servizo Galego de Saúde e nos rexistros dos hospitais, complexos hospitalarios e xerencias de atención primaria do Servizo Galego de Saúde. Así mesmo, poderán presentarse por calquera dos medios previstos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común e dirixiranse á Dirección de Recursos Humanos do Servizo Galego de Saúde.

Constituirá causa de inadmisión no citado procedemento a presentación extemporánea da solicitude pola persoa interesada.

Sexto.- Méritos

Para a avaliación dos méritos das persoas aspirantes aplicarase o baremo contido no anexo V do Pacto de selección temporal do persoal estatutario do Servizo Galego de Saúde (Diario Oficial de Galicia nº 104, do 1 de xuño de 2004).

Só se valorarán os méritos causados ata o día inmediatamente anterior ao de publicación da presente convocatoria no Diario Oficial de Galicia e que resulten acreditados dentro do prazo de presentación de solicitudes.

Sétimo.- Elaboración das listas

As listaxes de aspirantes aos nomeamentos temporais elaboraranse pola estrita orde de puntuación que resulte da aplicación do baremo que se establece na disposición sexta da presente resolución.

Unha vez que se teña realizada a baremación, publicaranse as listaxes provisionais nos taboleiros de anuncios das direccións provinciais do Servizo Galego de Saúde, e dos centros asistenciais dependentes delas, incluíndo a relación das persoas aspirantes admitidas coa súa puntuación e orde de prelación, así como das excluídas, indicando as causas da súa exclusión.

Resoltas as reclamacións, publicaranse as listaxes definitivas do xeito establecido para as listaxes provisorias.

Contra as listaxes definitivas, as persoas aspirantes poderán presentar recurso de reposición perante a Dirección de Recursos Humanos do Servizo Galego de Saúde, no prazo dun mes contado desde a data seguinte á da súa publicación.

Serán compatibles, e non constituirá causa de exclusión en ningunha delas, a inscrición dunha mesma persoa aspirante na listaxe correspondente á última convocatoria ordinaria de persoal de enfermaría (DUE) e na que se confeccione en aplicación da presente resolución.

Oitavo.- Entrada en vigor das listaxes

As listaxes que se elaboren en execución da presente convocatoria entrarán en vigor na data indicada na resolución de publicación das listaxes definitivas de persoas aspirantes admitidas e excluídas.

Sen prexuízo do disposto na norma 12.2.2 do pacto de selección temporal vixente, as persoas admitidas nestas listaxes serán chamadas para a formalización de nomeamentos derivados de todas as vinculacións temporais (de substitución con presenza física, de substitución como garda localizada, eventuais por acumulación de tarefas, interinidades e demais vinculacións de longa duración) que xurdan no ámbito da Fundación Pública de Urxencias Sanitarias de Galicia-061, independentemente da duración previsible dos mesmos.

Noveno.- Aboamento de taxas

Efectuarase o aboamento de taxas consonte ás formalidades, importes e, de ser o caso, normas de exención que se prevén na disposición novena da resolución do 1 de abril de 2009, da División de Recursos Humanos e Desenvolvemento Profesional (Diario Oficial de Galicia nº 73, do 17 de abril).

Malia o anterior, estarán exentos de aboamento das respectivas taxas, aquelas persoas aspirantes que acrediten o aboamento das taxas de inscrición correspondentes á convocatoria ordinaria de enfermaría vehiculada pola resolución citada no parágrafo precedente.

Décimo.- Incorporación automática de novas persoas aspirantes

Consonte ao réxime disposto na norma décima da resolución do 1 de abril de 2009, da División de Recursos Humanos e Desenvolvemento Profesional (Diario Oficial de Galicia nº 73, do 17 de abril), as persoas aspirantes interesadas, que reúnan os requisitos establecidos na base terceira da presente convocatoria, poderán presentar a súa solicitude, sen necesidade dunha convocatoria previa durante os primeiros quince días dos meses de xullo e outubro de 2010, e nos primeiros quince días dos meses de marzo, xullo e outubro dos anos sucesivos, de ser o caso.

Santiago de Compostela, ____ de ______________ de 2010

A Directora de Recursos Humanos do Servizo Galego de Saúde

Esperanza Fernández Lago

Comentarios (0) - Categoría: contratacion - Publicado o 26-03-2010 13:49
Queres comentar ou preguntar algo?
mareas de xente contra a privatización
Recollemos o artigo de CIG-Saúde Vigo sobre a gran mobilización de onte en Vigo.

A cidadanía de Vigo di un NON rotundo á privatización do novo hospital de Vigo nunha IMPRESIONANTE manifestación. Mais de 70.000 persoas marcharon dende o cruce de Vía Norte ata o edificio da Xunta.

A marea humana era tal que cando a cabeceira da manifestación chegou ao seu destino aínda non arrancara a cola da mesma, cando se rematou de ler o manifesto e a xente se retiraba a cola aínda estaba no cruce da Gran Vía, era un cruce entre os que ían e os que volvían.

A gran participación da sociedade viguesa mostra deste xeito a concienciación que ten pola defensa da sanidade pública na comarca de Vigo. Vigo non se vende foi unha das frases que berrou a cidadanía nunha das maiores manifestacións mais multitudinarias da súa historia.

O goberno do PP ten que tomar nota e os responsables da sanidade galega teñen que reflexionar sobre a súa capacidade para representar os intereses sanitarios da cidadanía. Vigo xa fixo historia con esta mobilización e converteuse na punta de lanza da loita en Galiza en defensa da sanidade pública. En Vigo foi o primeiro ataque á sanidade pública por parte do goberno do PP e en Vigo comezou a súa defensa.

Algún xornal próximo ao PP como Atlántico Diario, intenta minimizar o éxito da manifestación e fala segundo "se rumorea" (quen rumorea?) menudas fontes de información mais rigorosas, de mesa camilla, dunhas 10.000 persoas. Non hai peor cego que o que non quere ver, as decenas de miles de persoas que alí estábamos sabemos que non éramos 4 ou 5.

Lembramos que as próximas mobilizacións en defensa da sanidade pública serán o día 11 de abril en Ferrol e o día 16 de abril en Pontevedra. A marea humana en defensa da sanidade pública estase expandindo por todo o pais de forma imparable, e Vigo converteuse no símbolo desta loita con esta demostración de forza cívica na defensa dunha sanidade pública, gratuíta e de calidade.

Señores e señoras arrogantes do PP, a rúa e da cidadanía, os guetos para cegos como vostedes. A loita continúa.

Soriano lambón vaite para León.

Pilarita Pilarita a sanidade pública non se quita

VIVA A SANIDADE PÚBLICA E GRATUÍTA


Grande expresión de rexeitamento á política privatizadora do goberno de Feijoo


Milleiros e milleiros de persoas encheron as principais rúas do centro da cidade de Vigo para manifestar con forza o rexeitamento a vontade privatizadora da Consellaría de Sanidade e do goberno do PP da Xunta de Galiza de privatizar a sanidade galega, e concretamente no caso de Vigo, no caso da construción do novo hospital de Vigo. Convocadas e convocados pola Plataforma en Defensa da Sanidade Pública esta mobilizaciónn recebeu moitos apoios, e non só de distintas forzas sindicais, sociais e políticas desta comarca, senón que tamén sumou apoios e solidariedades desde moitos outros recunchos do noso país: Pontevedra, Monforte, A Coruña, e Ferrol, entre outras plataformas que tamén están a mobilizarse na defensa da sanidade pública galega

Desde antes das oito da tarde xa eran moitas as persoas que se xuntaban no cruce de Vía Norte, diante do chamamento desta manifestación en defensa da sanidade pública. Se en outubro eran 15.000 persoas, desta volta todas as previsións ian quedar curtas nunha noite de reivindicación e demostración de forza dunha cidade e dunha comarca que non se rende diante da teimuda política privatizadora do goberno do PP na Xunta.

"Non á privatización"

Estaba marcha ía encabezada por unha pancarta c lema 'A privatización prexudica a túa saúde: hospital público xa', e ao longo desta manifestación houbo canticos, berros e consignas como 'Non, non, non á privatización', 'Xerente dimite, o Chuvi non te admite', 'Conselleira dimisión' ou 'Feijóo, atende, Vigo non se vende'.

Solidariedade das plataformas

Foron moitos os colectivos, e moitas tamén as plataformas sindicias, de traballadoras e traballadores da sanidade pública, mesmo doutras zonas do país como Pontevedra, A Coruña, Ferrol, Monforte, O Barco de Valdeorras ou Compostela que participaron desta mobilización, que colapsou o centro de Vigo durante perto de dúas horas.

Valoración moi positiva

Manuel G.Moreira, presidente da Xunta de Persoal da área sanitaria de Vigo, declaraba diante dos medios de comunicación, ao remate desta mobilización na Praza da Estrela en Vigo, valorou moi positivamente a resposta da cidadania a esta convocatoria, e "pensamos que a Conselleira de Sanidade e o presidente da Xunta teñen que facer unha lectura de que a maioría da cidadanía de Vigo está amosando que non quere esa política para a sanidade de Vigo, e estamos dicindo que non pode privatizar, e que se privatiza é por unha decisión política, e non é unha cuestión de xestión, nin de organización nin económica. A cidadania de Vigo está a dicir que non pode privatizar, que esta non é a política que queremos e este non é o hospital que precisamos".

Acto final

Manuel Martín, portavoz da Plataforma en defensa da Sanidade Pública, tomou a palabra, e agradeceu a presenza de todas as persoas e especialmente doutras plataformas en defensa da sanidade pública porque "é preciso poñerlle freno a esta situación para que non se estenda".

"Tamén saudamos ás traballadoras do Hospital da Cruz Vermella de Vigo que está en proceso de desmantelamento porque entendemos a súa situación e porque Vigo como toda Galiza, precisa camas de longa estancia. A vosa presenza é unha demostración de que hoxe estamos aqui porque coa saúde non se xoga", engadiu.

Por último, lembrou que "é un asunto da maior importancia para toda a cidadanía: a atención futura da nosa saúde. A nosa, que pronto precisará coidados, mais aínda a das nosas fillas e fillos. A elas e eles debemos deixarlle unha Sanidade Pública mellor que a que recibimos das nosas nais e pais. E porque o futuro da sanidade galega ficará en máns da mocidade e ao seu servizo, vaivos ler este manifesto Uxia, unha estudante dun instituto de Vigo, que está nerviosa por ver tanta xente, mais convencida do que este escrito defende".
Comentarios (0) - Categoría: privatización da sanidade - Publicado o 26-03-2010 11:13
Queres comentar ou preguntar algo?

Esta viñeta do carrabouxo, é unha representación fidedigna en clave de humor da política camaleónica que está a seguir este governo de enganos e confusión á poboación, lease privatización da sanidade, política económica, idioma, etc etc
Comentarios (0) - Categoría: carrabouxos - Publicado o 25-03-2010 13:18
Queres comentar ou preguntar algo?
manifesto plataforma en defensa da sanidade pública
MANIFESTO DE DENUNCIA DA PRIVATIZACIÓN DO SISTEMA SANITARIO EN GALICIA
PLATAFORMAS PARA A DEFENSA DA SANIDADE PÚBLICA


O actual goberno da Xunta de Galicia pretende deteriorar e privatizar a sanidade pública en Galicia cunha serie de medidas
1.- Restrinxindo o gasto sanitario público
- Reducindo o prepuesto sanitario por primeira vez de en 23 millóns de euros
- Reducindo o investimento sanitario noutros 22 millóns de euros
2.- Reducindo os recurso do sistema
- Ha despedimento en 2009 a máis de 100 médicos especialistas que traballan con carácter interino ou provisional nos hospitais públicos, que emigraron a poldras CCAA, Portugal ou Reino Unido
- Ha paralización da aplicación do Plan de Mellora de AP acordado con todos os sindicatos e organizacións profesionais de AP de Galicia como consecuencia non creou ningunha das 450 prazas orzadas para Atención Primaria o pasado ano 2009.
- Paralización de servizos previstos para os hospitais de Monforte, Burela e Salnés
3.- Paralizando a actividade dos centros sanitarios públicos
- Anulouse a actividade dos hospitais pola tarde (consultas, probas diagnósticos e intervencións cirúrxicas), alegando irregularidades nas peonadas pero desviando esta actividade aos hospitais privados e incrementado as listas de espera de primeria consulta, probas diagnósticas e cirurxía.
- A paralizado o desenvolvemento Plan de Saúde Mental e o Plan da Muller
4.- Propiciando a destrución do sistema público
- Non detido o desenvolvemento Plan Director de novas infraestruturas que tiña previsto investir 1.300 millóns de euros , incluídos o Novo Hospital de Vigo, o Hospital Único de Pontevedra e a apertura do Hospital de Lugo (terminado fai máis dun ano)
- Pretende eliminar as Áreas sanitarias comezando por de Burela, Monforte e Salnés, para poder crear un mercado sanitario a nivel de toda Galicia onde compitan os centros públicos e privados, como fixo o PP en Madrid
- Rompeu todos os acordos cos sindicatos que incluían incentivos como a carreira profesional do persoa, a ampliación do horario dos centros públicos e o mantemento da dedicación exclusiva. Esta medidas ademais xerará descontento e frustración entre os traballadores do sistema e un incremento da conflitividade.
- Ha paralización do desenvolvemento dos instrumentos de participación social
5.-Privatizando as novas infraestruturas sanitarias
- Os Novos Hospitais de Vigo e de Pontevedra, e os novos centros de Atención Primaria vanse a financiar e explotar por consorcios privados e que multiplicarán entre 4 e 6 veces os seus custos
- Esta medida estenderase a todas as obras de de remodelación dos centros os xa existes
Consideramos que os obxectivos desta política están dirixidos a:
- Aforrar gasto sanitario público paralizando a execución dos investimentos xa previstos polo anterior goberno
- Desviar diñeiro público ao sector privado incrementado a concertación co sector privadso (a Xerente do SERGAS foi ata hai pouco a xerente dun hospital do Grupo POVISA) e utilizando a colaboración privada (Concesións de Obra Pública) para financiar as novas infraestruturas, como ante se dixo.
- Deteriorar os servizos sanitarios públicos para xerar un clima de malestar cara a eles entre a poboación
- Eliminar a áreas sanitarias que son instrumentos para asignar recursos en base ás necesidades da poboación e crear así espcios para a competencia público privada
- Potenciar do sector privado como alternativa a un sistema público deteriorado
- Reducir man de obra do sector público e abaratar o custo ao sector privado que se fará cargo do persoal sobrante
As consecuencias xa se están facendo notar
- Incrementáronse espectacularmente as das listas de espera no ano de goberno
- Está crecendo de xeito imparable a frustración e o malestar entre os traballadores do sistema
- Se esta xerando un clima de descredito da sanidade pública
- Mantense a masificación e a falta de capacidade resolutiva da AP
O futuro ou do sistema está en peligo

- Os custos da colaboración privada hipotecará o sistema sanitario público durante anos pondo en risco a súa solvencia, como paso previo ao copago e a redución da oferta de servizos de cobertura pública
- A única beneficiaria desta situación será a sanidade privada colocou aos seus axentes nos órganos de decisión sanitaria da Consellería de Sanidade
As plataformas facemos un chamamento a toda a poboación a reaccionar e oporse a esta política que acabará coa sanidade pública que tantos anos e esforzos ha custade ou levantar o que ademais de dificultar o acceso ao dereitos á saúde de todos os cidadáns e xerará diferenzas sanitarias inaceptables

En Vigo a 18 de marzo de 2010


HOXE ÁS 20 HORAS ACUDE Á MANIFESTACIÓN DE VIGO EN DEFENSA DA SANIDADE PÚBLICA.
Comentarios (0) - Categoría: privatización da sanidade - Publicado o 25-03-2010 12:51
Queres comentar ou preguntar algo?
artigo sobre as filtraciois
A prensa galega xa tardou en recoller a denuncia que se fixo sobre as filtraciois na OPE do SERGAS, deixamos o artigo de hoxe de la voz de galicia

emprego público
Sanidade abre unha investigación ante posibles filtracións en probas do Sergas

Empregados da área que preparou os exames teñen as notas máis altas, por encima de miles de persoas

O sistema de garantías no acceso aos empregos públicos está cada vez máis en dúbida. A sucesión de noticias nas que se denuncian irregularidades manifestas ou indicios de anomalías está erosionando a súa credibilidade. O último caso salpicou á Consellería de Sanidade, que ten aberta unha investigación para tratar de verificar posibles filtracións en catro categorías das oposicións ao Sergas. Os aspirantes que obtiveron as máximas puntuacións nestas probas, ás que se presentaron miles de persoas, prestan servizo no departamento de Recursos Humanos, concretamente na subdirección xeral que está encargada da xestión e a organización dos exames.
A comezos do pasado mes de febreiro, os sindicatos denunciaron estes feitos en Sanidade. E ata unha funcionaria enviou unha carta persoal de queixa á propia Pilar Farjas. Na información remitida á cúpula da consellería dáse conta de como dúas persoas familiarmente vinculadas á funcionaria responsable da xestión e organización das probas aparecen con notas sospechosamente altas. Un obtén o cuarto lugar da oposición de auxiliar administrativo, exame no que había matriculadas 10.000 persoas, das que finalmente só se presentaron 6.000; e ocupa tamén o segundo lugar na proba de persoal de servizos, onde logra 23,2 puntos sobre un máximo de 25. A este exame presentáronse 7.500 persoas. A outra persoa en cuestión, vinculada familiarmente á anterior e á funcionaria responsable das probas, obtivo o primeiro posto na categoría de auxiliar administrativo e na de persoal de servizos. Dáse a casualidade de que esta mesma persoa logrou notas moito máis baixas -quedando ao fondo das listas- noutras probas ás que se presentou tanto na Xunta como na Administración central.
Nas investigacións feitas polos sindicatos aparecen outros dous casos: o dun subalterno da Dirección Xeral de Recursos Humanos do Sergas, que quedou primeiro na categoría de persoal de enfermería, e o dun traballador da mesma área, que logrou o segundo posto no grupo de función administrativa. Estes feitos xeraron un profundo malestar no persoal funcionario de Sanidade, ao que custa crer que nunhas categorías tan competitivas, nas que se presentan miles de persoas, os mellores sexan aspirantes que traballan na dirección que organiza as probas, onde se imprimen e custódianse os exames.
A directora xeral de Recursos Humanos comprometeuse a enviar aos sindicatos un informe co resultado final da investigación en marcha. Con todo, as pescudas feitas ata agora non arroxaron ningunha proba que evidencie irregularidades ou filtracións. A día de hoxe non existe unha denuncia formal sobre estes feitos senón que simplemente foron comunicado á cúpula da consellería correspondente.
Na investigación aberta por Sanidade participaron diversos técnicos informáticos, que non fixeron constar ningunha alteración na cadea de seguridade das probas. A pesar dos indicios de graves irregularidades, a consellería advirte de que, ao non haber denuncia oficial, non está na obrigación de investigar e recorda que o proceso se abriu en aras da desexable transparencia.
Comentarios (0) - Categoría: OPE SERGAS - Publicado o 25-03-2010 12:11
Queres comentar ou preguntar algo?
CIG Valdeorras xornadas
Xornada técnica de identificación de riscos laborais e Guía de boas prácticas na elaboración da pedra natural, en Valdeorras

O xoves 8 de abril, en horario de 9:30 a 14:00 horas

O vindeiro venres 8 de abril terá lugar no Salón de Actos do edificio multiusos do Concello de O Barco de Valdeorras unha xornada técnica de identificación de riscos laborais e guía de boas prácticas na elaboración da pedra natural, organizada pola CIG.

Dende a CIG de Valdeorras informan que todas as persoas que estean interesadas en participar nesta xornada poderán anotarse no teléfono 988 321 511, a través do correo electrónico ou ben pasando polos locais da central en O Barco.

A xornada comezará ás 9:30 horas e rematará ás 14:00 horas do próximo xoves, 8 de abril. O prazo para apuntarse finaliza o vindeiro mércores, día 7 de abril, ás 20:00 horas.

Ao remate do encontro, todos/as os/as asistentes que o soliciten recibirán un diploma que acredita a súa asistencia a esta xornada técnica.
Comentarios (0) - Categoría: CIG Valdeorras - Publicado o 24-03-2010 14:01
Queres comentar ou preguntar algo?
enchufismo da xunta
artigo extraido de La Voz de Galicia

Dous cargos de Facenda optan a un posto da Xunta e á vez son membros de tribunal

Dous compañeiros seus nunha mesa de avaliación puntuarán as súas probas de acceso ao corpo superior

Ambos son funcionarios cualificados da Administración autonómica. Pero, á marxe da súa xornada, dedican unhas horas a desempeñar a súa faceta de opositores e outras cantas a exercer como membros dun tribunal de oposición para a mesma categoría á que optan. Dous xefes de servizo da Dirección Xeral de Orzamentos, departamento adscrito á Consellería de Facenda, están a concorrer mediante promoción interna a unha praza do corpo superior da Xunta (subgrupo A1) cando, á vez, forman parte do tribunal encargado de avaliar aos aspirantes a ingresar en devandito corpo pola vía do acceso libre.
Dáse a circunstancia de que os dous procesos selectivos convocados pola Administración galega para a categoría A1 (a promoción interna e o acceso libre) posúen tribunais diferenciados, aínda que ambos están presididos pola mesma persoa: Joaquín Macho Canales , adscrito ao corpo de letrados da Xunta. Pero non é o único nome coincidente, pois Lorena Otero López, tamén letrada, actúa como presidenta suplente nun tribunal (o de acceso libre) e como secretaria no outro (o de promoción interna), o que coloca a estes dous xuíces ante a tesitura de ter que avaliar e puntuar a quen sentan con eles na mesa nun dos procesos.
O caso dos dous xefes de servizo da Consellería de Facenda que están a promocionar do subgrupo A2 ao A1 foi destapado por persoas coñecedoras deste proceso selectivo, que aprecian nesta situación unha «flagrante colisión de intereses» que pon en dúbida a imparcialidade da convocatoria pública.
Pendentes de probas finais
Ambas as oposicións empezaron a desenvolverse a principios deste ano e nestes momentos están pendentes das probas finais. No caso da selección por acceso libre e consolidación de emprego, os aspirantes están en fase de ler o tema e resolver o caso práctico. No que respecta á promoción interna, só está pendente de celebrar o caso práctico, fixado para o próximo 12 de abril.
Tanto Francisco Javier B.F. como María Dolores S.V. -estes son os nomes dos xefes de servizo que concorren polo proceso de promoción interna-superaron con fartura a primeira proba, tipo test, do proceso selectivo. O primeiro deles, que é xefe do servizo de Programas Orzamentarios Xerais, obtivo unha puntuación de 15 sobre 20 e o posto 18 dos 94 aspirantes. A segunda, que é xefa do servizo de Análise de Plans e Proxectos, recibiu unha cualificación de 14,5 no test, a vixésimo quinta mellor nota do exame.
Comentarios (0) - Categoría: varias - Publicado o 23-03-2010 13:42
Queres comentar ou preguntar algo?
xoves 25 de marzo mobilización en vigo pola sanidade
o xoves 25 celebrarase en Vigo unha manifestación en defensa da sanidade pública e en contra da privatización do novo hospital de Vigo. O Persoal desa área está convocado ademais a unha folga nunha xornada que preetende ser histórica para iniciar unha mobilización a nivel de toda Galiza en contra da pretensión do governo popular de privatizar a nosa sanidade.

A manifestación acudirán as plataformas en defensa da sanidade pública de todo o pais, Monforte, Salnés, Burela, Pontevedra, Ourense, Lugo, O Barco e un longo etc.

A xente da nosa área que queira acudir que se poña en contacto con nós para organizar o transporte.

Sexas de onde sexas, se eres usuario ou persoal do SERGAS debes acudir a ela para intentar parar esta agresión contra a sanidade pública, porque despois non vale queixarse

Tedes mais información do que pretende o PP, neste enlace.
Comentarios (0) - Categoría: privatización da sanidade - Publicado o 23-03-2010 12:47
Queres comentar ou preguntar algo?
Comentarios (0) - Categoría: carrabouxos - Publicado o 22-03-2010 15:45
Queres comentar ou preguntar algo?
borrador traslados
O SERGAS, envíanos o primeiro borrador da convocatoria de traslados, podedes velo premendo aquí.
O SERGAs conta ter pechado este tema coas praza a mediados de abril.
Comentarios (0) - Categoría: traslados - Publicado o 22-03-2010 13:30
Queres comentar ou preguntar algo?
2º borrador da Guia OPE
Este é o 2º borrador enviado polo SERGAS da guia da OPE, seguramente será o definitivo aínda que caben pequenas modificaciois.

PROPOSTA DE CRITERIOS DA DIRECCIÓN DE RECURSOS HUMANOS DO SERVIZO GALEGO DE SAÚDE EN RELACIÓN COA OFERTA DE EMPREGO PÚBLICO DO ANO 2009 PARA O INGRESO EN DIVERSAS CATEGORÍAS DE PERSOAL ESTATUTARIO DO ORGANISMO.

A Lei 55/2003, do 16 de decembro, do Estatuto Marco establece as bases, entre outras materias, da provisión de prazas do persoal estatutario, e insta as comunidades autónomas a aprobar, en desenvolvemento delas, as normas aplicables nos respectivos servizos de saúde.

En execución desta previsión normativa, no ámbito da nosa comunidade autónoma aprobouse o Decreto 206/2005, do 22 de xullo, de provisión de prazas de persoal estatutario do Servizo Galego de Saúde (DOG nº 145, do 29 de xullo), modificado polo Decreto 236/2008, do 16 de outubro (DOG nº 208, do 27 de outubro), que dedica os seus Capítulos II e III á selección de persoal fixo e á promoción interna, respectivamente.

Por Resolución da Secretaría Xeneral do do Servizo Galego de Saúde do 18 de febreiro de 2009 (DOG nº 40, do 26 de febreiro) convocouse concurso-oposición para o ingreso nas diversas categorías de persoal estatutario do organismo, modificada pola Resolución da Xerencia do organismo do 8 de xullo de 2009 (DOG nº 136, do 14 de xullo).

Se ben, de conformidade co establecido no artigo 13.4 do Decreto 206/2005, do 22 de xullo, corresponden aos tribunais de selección, de conformidade co que se estableza na correspondente convocatoria, as funcións relativas á determinación concreta do contido das probas e a cualificación dos aspirantes, tanto na fase de oposición como na de concurso, así como, en xeral, a adopción de cantas medidas sexan precisas para o correcto desenvolvemento das probas selectivas, non é menos certo que as resolucións e acordos dos tribunais as vinculan á Administración, o que lle confire un papel de coordinación e supervisión daqueles, en orde a garantir unha axeitada aplicación das bases das respectivas convocatorias.

Para facilitar o labor dos tribunais, para unha axeitada e homoxénea interpretación das bases da convocatoria, a Dirección de Recursos Humanos considera necesario elaborar esta proposta de criterios, que conta co respaldo unánime de todas as organizacións sindicais presentes en negociación.

Estes criterios teñen un carácter interpretativo e orientativo, correspondendo aos tribunais de selección a decisión sobre a súa aplicación.

I.- CONSIDERACIÓNS PREVIAS:

1. - Constitución dos tribunais de selección:

Tras a publicación no Diario Oficial de Galicia dos tribunais de selección, a Dirección de Recursos Humanos convocaraos a unha reunión conxunta na que se exporá esta proposta de criterios para a súa posterior ratificación, se é o caso, por cada un deles.

A Dirección de Recursos Humanos velará para que os tribunais actúen de forma coordinada e homoxénea.

Na devandita sesión procederase igualmente á constitución formal de cada un dos tribunais de selección, para o que será necesario contar coa asistencia da maioría dos seus membros titulares ou suplentes.

O Presidente do tribunal requirirá de todos os membros declaración expresa por escrito, no documento facilitado pola Administración, de non estar incursos en ningunha das causas legais de abstención (na sesión constitutiva entregarase a cada tribunal o listado definitivo de admitidos e excluídos).

Na devandita sesión adoptarase a decisión que corresponda respecto a esta proposta de criterios ou calquera variación acordada respecto a estes.

Igualmente farase constar en acta que para as demais sesións do tribunal se utilizará a fórmula da autoconvocatoria, sen necesidade de citación por escrito aos seus membros.

Os tribunais terán a súa sede nos servizos centrais do Servizo Galego de Saúde, onde celebrarán as súas sesións, sendo necesario que estean presentes, polo menos, a maioría dos seus membros titulares ou suplentes.

De todas as sesións dos tribunais os secretarios deberán levantar a correspondente acta, que será asinada polo Presidente e polo Secretario.

Como regra xeral, as sesións dos tribunais, deberán celebrarse en horario de tarde.

2. - Desenvolvemento dos labores dos tribunais de selección:

Logo de proposta ó órgano convocante, os tribunais de selección poderán contar coa colaboración dos asesores especialistas ou de apoio que consideren oportunos, que se limitarán a prestar a súa colaboración nas especialidades técnicas, con voz e sen voto.

Igualmente, para as tarefas de mecanografado dos exercicios da fase de oposición, os tribunais poderán contar coa axuda do persoal auxiliar da Dirección de Recursos Humanos.

En todos os casos, o Presidente do tribunal deberá solicitar declaración expresa por escrito de non se achar incursos en ningunha das causas legais de abstención.

Os membros dos tribunais, os asesores especialistas e o persoal auxiliar, deberán manter sixilo e confidencialidade sobre os datos ou asuntos dos que teñan coñecemento como consecuencia da súa participación ou colaboración nos labores dos tribunais de selección.

A elaboración dos exercicios da fase de oposición realizarase na sede dos tribunais e cos medios materiais que facilitará a Dirección de Recursos Humanos.

Igualmente, toda a documentación utilizada polos tribunais, incluídos os exercicios da fase de oposición, quedará custodiada na sede dos tribunais.

Os tribunais terán que entregar a Dirección de Recursos Humanos, as preguntas dos exercicios da fase de oposición, para a xestión das tarefas de imprenta que corresponden á devandita Dirección.

Igualmente deberá entregar a devandita Dirección, o día seguinte hábil ao da celebración dos correspondentes exercicios, o equipo de respostas correctas destes.

Os exercicios da fase de oposición de cada unha das categorías e especialidades celebraranse en unidade de acto e no mesmo día.

II.- FASE DE SELECCIÓN:

1. - Exercicios específicos:

A fase de oposición, en cada unha das categorías que se convocan, consistirá na realización dos exercicios que se enumeren na correspondente convocatoria e coa forma e sistema de cualificación descrita.

Para a elaboración destes exercicios deberán terse en conta as seguintes recomendacións:

1. - As preguntas serán tipo test con 4 respostas alternativas, cunha soa resposta válida.

2- Evitarase facer preguntas con dobre negación.

3. - As preguntas terán unha formulación sinxela procurando facilitar a súa comprensión polos opositores.

É recomendable que cada tribunal elabore máis preguntas das que formen parte do exame, entre as cales, o presidente ou secretario, como membro do tribunal nomeado por proposta da Dirección de Recursos Humanos, de xeito aleatorio, sorteará as preguntas das que finalmente constará o exercicio.

Estes exercicios serán bilingües, dispoñendo a Dirección de Recursos Humanos dun tradutor de galego que estará a disposición dos tribunais que o soliciten.

2. - Exercicio da parte común:

Para os efectos de garantir o mesmo grao de dificultade para todos os aspirantes, o exame da parte común do programa será idéntico para todas as categorías do mesmo grupo de titulación cuxos exercicios se realicen no mesmo día e hora, correspondendo a súa elaboración á Dirección de Recursos Humanos, debéndose facultar expresamente á devandita Dirección para tal finalidade na correspondente Acta.

3. - Exercicio de coñecemento da lingua galega:

Para os efectos de garantir o mesmo grao de dificultade para todos os aspirantes, o exame de coñecemento da lingua galega será idéntico para todas as categorías do mesmo grupo de titulación cuxos exercicios se realicen no mesmo día e hora, correspondendo a súa elaboración á Dirección de Recursos Humanos, debéndose facultar expresamente á devandita Dirección para tal finalidade na correspondente Acta.

4. - Publicación das plantillas provisionais de respostas correctas:

No prazo dos 2 días hábiles seguintes á realización dos correspondentes exercicios, a Dirección de Recursos Humanos publicará, nos taboleiros de anuncios dos servizos centrais e periféricos da Consellería de Sanidad e do Servizo Galego de Saúde e na páxina Web do organismo, as plantillas provisionais de respostas correctas dos distintos exercicios, polo que os tribunais deberán entregar á devandita Dirección, o día seguinte hábil ao da celebración dos correspondentes exercicios, a plantilla de respostas correctas destes.

Os aspirantes dispoñen dun prazo de 5 días hábiles seguintes á publicación das plantillas provisionais de respostas correctas para formular reclamacións.

5. - Publicación das puntuacións dos exercicios:

Se o tribunal, de oficio ou de acordo coas reclamacións presentadas, anulase algunha das preguntas incluídas nun exercicio, anunciarao publicamente nos mesmos lugares antes sinalados, xunto coas puntuacións provisionais dos distintos exercicios.

Neste caso serán tidas en conta as preguntas de reserva, que terán unha puntuación igual que o resto das preguntas do correspondente exercicio.

A corrección dos correspondentes exercicios realizarase na sede dos tribunais, cos medios materiais que facilite a Dirección de Recursos Humanos, e nas datas que, por razóns organizativas, determine a devandita Dirección, contando coa presenza dos membros dos correspondentes tribunais que o desexen.

Tras a publicación das puntuacións provisionais dos exercicios os aspirantes disporán dun prazo de 5 días hábiles para formular reclamacións unicamente se existisen erros na confección aritmética da puntuación obtida.

Unha vez estimadas ou desestimadas, as reclamacións que no seu caso se presenten contra a publicación das puntuacións provisionais, publicaranse as puntuacións definitivas e abrirase un prazo de 15 días hábiles para que os aspirantes que superen a fase de selección presenten a documentación acreditativa dos méritos que aleguen.

III.- FASE DE CONCURSO:

NORMAS XERAIS:


1. - Prazo de presentación da documentación:

De acordo coa base sexta b).1 da convocatoria, o prazo para a presentación da documentación do concurso será de 15 días hábiles contados a partir do seguinte ao da publicación das notas definitivas.

Por iso, calquera documentación achegada polos interesados con posterioridade ao devandito prazo, non pode ser tida en conta, salvo que fixesen constar que non podían achegala por non a expedir a tempo a institución correspondente, e sempre que acompañasen copia da solicitude de tal documentación.

Por outra parte, de acordo co establecido na base sexta b).4 da convocatoria, os tribunais poderán requirir, de oficio, dos interesados ou de calquera Administración pública, a documentación complementaria ou as aclaracións precisas coa finalidade de asegurar a máxima obxectividade na adxudicación da puntuación no concurso.

2. - Documentación que se debe presentar:

Os aspirantes deberán presentar fotocopia compulsada do título esixido para o ingreso na categoría así como toda a documentación acreditativa dos méritos que desexen sexan tidos en conta de conformidade co establecido no Anexo IV (baremo de méritos).

Deberá presentarse copia traducida por tradutor xurado dos títulos ou certificacións redactados nun idioma distinto a calquera dos oficiais do Estado español.

En canto ás publicacións redactadas nun idioma distinto a calquera dos oficiais do Estado español, non será necesario presentar copia traducida por tradutor xurado.

3. - Compulsa da documentación:

Todos os documentos achegados polos interesados deberán ser orixinais ou copias debidamente compulsadas.

As compulsas que se realicen nos centros dependentes do Servizo Galego de Saúde, serán gratuítas para o persoal vinculado a estes.

4. - Data de posesión dos requisitos e de valoración dos méritos:

Segundo a base segunda da convocatoria todos os requisitos esixidos para a participación neste proceso deben de ser reunidos polos aspirantes na data en que finalice o prazo de presentación de instancias (31 de marzo de 2009, inclusive)

Igualmente, e de acordo coa base sexta b).3, a valoración dos méritos da fase de concurso referirase ao último día do prazo de presentación de instancias, é dicir, ata o (31 de marzo de 2009, inclusive)

VALORACIÓN DA FORMACIÓN:

1. - Formación académica: (só para as categorías de persoal sanitario).

- Só se valorarán as notas da titulación esixida para o acceso á correspondente categoría.
- Non se valorarán as materias de idioma, relixión, formación política e educación física, así como tampouco as materias optativas ou de libre elección/configuración.

3. - Formación continuada:

- Só se valorarán os cursos de formación realizados con posterioridade á obtención do título esixido para o acceso á categoría á que se opta, coa excepción daquelas categorías para as que sexa necesaria unha formación especializada (matrón/a e enfermeiro/a de saúde mental) nas que se poderán valorar os cursos de formación realizados durante o período de formación especializada sempre que non estean incluídos no programa docente da correspondente especialidade.
- Os cursos de prevención de riscos e de informática valoraranse para todas as categorías e con independencia da data de realización.
- Cando o certificado exprese os créditos e as horas, a valoración realizarase polos créditos.
- Os cursos nos que figuren créditos outorgados por distintos sistemas de acreditación serán valorados polos créditos outorgados pola Comisión de Formación Continuada do Sistema Nacional de Saúde ou pola Comisión Autonómica.
- Non poderán valorarse os cursos nos que non consten os créditos ou as horas de duración.
- Non poderán valorarse os cursos en que non conste o órgano convocante e impartidor.
- Non poderán valorarse os cursos que non estean relacionados coas funcións propias da categoría e que non estean expresamente dirixidos á categoría.
- A puntuación que se lles outorgará aos aspirantes que impartiran os cursos baremables, será a dobre que a que se outorgue aos que os reciban.
- Non serán obxecto de valoración os diplomas relativos á realización de xornadas, seminarios, simposios ou similares, sempre que non estean debidamente acreditados pola Comisión de Formación Continuada do Sistema Nacional de Saúde ou pola Comisión Autonómica.

VALORACIÓN DA EXPERIENCIA:

1.- Normas xerais:


- Só poderán valorarse servizos prestados nunha categoría con posterioridade á data de obtención do título requerido para o acceso á mesma.
- Para a valoración dos servizos prestados non se terá en conta o réxime xurídico baixo o cal foron prestados (funcionarial, estatutario ou laboral).
- Os servizos prestados en institucións privadas só se valorarán cando se trate de institucións concertadas e/ou acreditadas para a docencia, debendo os interesados presentar documentación que o acredite, pois no caso contrario, non serán obxecto de valoración.
- Para a valoración dos servizos prestados en institucións ou centros de calquera país da Unión Europea, os interesados deberán presentar documentación que acredite a titularidade pública ou privada destes. No caso contrario, non poderán ser valorados.
- Os servizos prestados noutra categoría da mesma área funcional (Anexo V) só se valorarán cando sexan prestados en institucións sanitarias do Sistema Nacional de saúde ou do sistema público dun país de la Unión Europea.
- Para os efectos de valoración dos servizos prestados só se dará validez ás certificacións de servizos expedidas polas Administracións públicas ou entidades privadas, sen que poidan valorarse as certificacións de vida laboral da Seguridade Social ou os nomeamentos ou contratos que poidan ser achegados polos interesados.
- A valoración dos servizos realizarase en función do correspondente nomeamento, de tal maneira que se valorarán como realizados na categoría básica que figure no devandito nomeamento con independencia de que, con base a este, no seu caso, se desempeñasen postos de xefatura ou de carácter directivo.
- Os servizos prestados en categorías do vello modelo de atención primaria terán a mesma valoración que os prestados no novo modelo.

2. - Cómputo dos prazos nos servizos prestados:

- Os servizos prestados valoraranse ata o 31 de marzo de 2009, inclusive.
- Os meses serán computados por días naturais.
- Salvo para os nomeamentos de atención continuada, o cómputo dos servizos prestados efectuarase por meses. Para iso calcularase en cada apartado do baremo o número total de días e dividirase entre 30, de tal forma que o que se valorará en cada apartado será o cociente enteiro, desprezándose os decimais.
- Os nomeamentos de atención continuada computaranse por horas, de tal maneira que 130 horas realizadas nun mesmo mes equivalen a un mes completo de servizos prestados. O exceso de horas realizadas nun mes non pode ser utilizado para completar outro mes diferente.
- En ningún caso, a suma dos servizos prestados con distintos nomeamentos dentro do mesmo mes natural, poderá valorarse por enriba da puntuación establecida para o devandito período dun mes.
- En ningún caso un mesmo período de servizos prestados poderá ser obxecto de valoración en distintos apartados do baremo. De igual forma, un mesmo período de tempo de servizos prestados non poderá ser obxecto de valoración en máis dunha categoría, ou en varios servizos ou unidades, tanto deste coma de diferente centro.

3. - Efecto das situacións administrativas na valoración dos servizos prestados:

- O período de permanencia en excedencia por coidado de familiares, valorarase como tempo efectivo de servizos prestados para os efectos do baremo de méritos.
- O período de permanencia na situación de servizos especiais, salvo no caso de acceder a praza de formación sanitaria especializada mediante residencia, valorarase como tempo efectivo de servizos prestados na categoría para os efectos do baremo de méritos.
- As situacións de maternidade/paternidade, enfermidade, os permisos retribuídos e o servizo militar ou prestación social substitutoria valoraranse como tempo efectivo de servizos prestados aos efectos do baremo de méritos.
- Os períodos de permiso sindical valoraranse como tempo efectivo de servizos prestados aos efectos do baremo de méritos.
- Non se computarán como servizos prestados os períodos de permiso sen soldo e suspensión firme de emprego e soldo.
- Os servizos prestados noutra categoría polo persoal estatutario fixo en situación especial en activo - SEXA- ou nomeado en promoción interna temporal ou en adscrición temporal, valoraranse como servizos temporais na devandita categoría. Pola súa banda, os servizos prestados na categoría que ostentan en propiedade con anterioridade ao período na que foron nomeados nalgunha desas situacións computaranse como realizados con nomeamento fixo na categoría que ostentan en propiedade.
- En ningún caso a valoración dos servizos prestados nas diferentes categorías como fixo ou temporal poderán resultar coincidentes no tempo.

4. - Servizos prestados a tempo parcial:

- Os servizos prestados durante o período en que se goce dunha redución de xornada para o coidado de familiares, serán valorados como servizos prestados en réxime de xornada completa.
- Non obstante, para a valoración dos servizos prestados do persoal especificamente nomeado ou contratado a tempo parcial terase en conta a duración da xornada en relación coa xornada completa, de tal maneira que a puntuación aplicable será obxecto da correspondente redución proporcional.
- Cando nun mesmo período o interesado acredite distintos nomeamentos a tempo parcial, realizarase unha acumulación, sen que poida resultar, en ningún caso, unha xornada acumulada superior á xornada completa.

5. - Servizos prestados con contrato laboral polos residentes:

- Os servizos prestados como persoal en formación polo sistema de residencia non poden ser obxecto de valoración como experiencia profesional, xa que estes servizos se realizan ao amparo dun contrato laboral de formación.
- Igualmente, respecto ao persoal fixo dunha categoría, que fose declarado en SEA ou ao que se lle concedese un permiso para realizar a formación polo sistema de residencia nunha especialidade, ou fóra declarado na situación de servizos especiais, os servizos prestados durante o tempo que dure a formación non se poderán valorar como experiencia profesional.

6. - Servizos prestados con anterioridade ás transferencias aos Servizos de Saúde:

- Os servizos prestados en institucións sanitarias doutras administracións públicas transferidas aos Servizos de Saúde antes da transferencia, serán valorados como prestados para o servizo de saúde cando o interesado prestase servizos na devandita institución na data da transferencia. Neste caso valoraranse no punto 1 todos os servizos prestados sen solución de continuidade do contrato polo que resultou transferido.
- Os servizos prestados en institucións sanitarias doutras administracións públicas transferidas aos Servizos de Saúde antes da transferencia por aspirantes que non foron transferidos ao correspondente servizo de saúde serán computados no punto 2 como prestados a outras administracións públicas.

7. - Servizos prestados en enfermaría de saúde mental:

- Os servizos prestados polo persoal de enfermaría nas unidades de saúde mental serán valorados na categoría de enfermeiro/a de saúde mental.

8. - Servizos prestados como azafatas:

- Os servizos prestados como azafatas serán valorados como prestados na categoría de grupo auxiliar da función administrativa, xa que é a lista de vinculacións temporais utilizada para cubrir os devanditos postos de traballo.

9. - Servizos prestados en programas da Consellería de Sanidade ou do Servizo Galego de Saúde

- Os servizos prestados en programas de carácter asistencial da Consellería ou do Servizo Galego de Saúde (saúde mental, cancro de mama, hixiene bucodental, etc) serán valorados como prestados no punto 1 como prestados para o Sistema Nacional de Saúde.
- Os servizos prestados en programas non asistenciais da Consellería de Sanidade ou do Servizo Galego de Saúde (programas de saúde pública, xestión de fondos documentais biomédicos, EDO, etc) serán valorados no punto 2 como prestados para outra administración.

OUTRAS ACTIVIDADES:

1. - Valoración de titulacións oficiais:

I.- Categorías sanitarias:


- Categorías de diplomados sanitarios: Outorgaranse 2 puntos aos aspirantes que estean en posesión dunha ou varias diplomaturas sanitarias ou especialidades de diplomados sanitarios que non sexan requisito para o acceso á categoría.

- Outras categorías sanitarias: Outorgaranse 2 puntos aos aspirantes que estean en posesión dunha ou varias formacións profesionais da rama sanitaria que non sexan requisito para o acceso á categoría sempre que teñan, polo menos, o mesmo nivel académico que o esixido para o acceso á categoría.

II.- Categorías non sanitarias:

- Para as categorías dos grupos C, D e E outorgaranse 4 puntos aos aspirantes que estean en posesión dunha ou varias titulacións oficiais específicas de formación profesional non esixidas para o acceso á respectiva categoría sempre que estean directamente relacionadas coas funcións de esta, de acordo co seguinte:

- Categorías administrativas (grupo administrativo e auxiliar administrativo) e P.S.X: valoraranse as titulacións oficiais de formación profesional de administración e de informática, sempre que teñan, polo menos, o mesmo nivel académico que o esixido para o acceso á categoría.
- Categorías informáticas: valoraranse as titulacións oficiais de formación profesional de informática, sempre que teñan, polo menos, o mesmo nivel académico que o esixido para o acceso á categoría.
- Categorías de mantemento: valoraranse as titulacións oficiais de formación profesional de oficios (mecánica, electricidade, carpintaría, fontanaría, etc.) sempre que teñan, polo menos, o mesmo nivel académico que o esixido para o acceso á categoría.
- Categorías de hostalaría: valoraranse as titulacións oficiais de formación profesional de cociña e gastronomía ou de restauración sempre que teñan, polo menos, o mesmo nivel académico que o esixido para o acceso á categoría.

2. - Valoración dos traballos publicados:

- O tribunal de selección valorará libremente os traballos publicados sempre que estean directamente relacionados coa categoría e que sexan posteriores á data de obtención do título correspondente.
- A valoración dos artigos, capítulos e libros completos axustarase ao baremo establecido na correspondente convocatoria, non podendo asignarse puntuacións diferentes ou que se correspondan de xeito parcial coas fixadas no citado baremo.
- Serán obxecto de valoración os artigos recollidos en revistas de publicación periódica, sempre que garden relación directa coa categoría na que se participa.
- Os abstract, en tanto que sexan o resultado de comunicacións, relatorios, conferencias, etc, non serán obxecto de valoración.
- A autoría de capítulos de libros ou de libros completos, será obxecto de valoración cando corresponda a publicacións que se atopen axeitadamente referenciadas en termos bibliográficos.
- En ningún caso un mesmo contido determinado e obxectivable, publicado baixo diferentes formas (abstract, artigo, capítulo, etc) poderá ser obxecto de máis dunha valoración.
- Non poderán valorarse máis de tres capítulos dun mesmo libro.

ANEXO I

ÁREAS FUNCIONAIS

CATEGORÍAS DO GRUPO A :


• BIBLIOTECARIO/A: Áreas administrativa/ informática.
• ENXEÑEIRO/A SUPERIOR: Área de mantemento.
• GRUPO TÉCNICO DA FUNCIÓN ADMINISTRATIVA: Áreas administrativa/ informática.
• TÉCNICO/A SUPERIOR DE SISTEMAS E TECNOLOXÍAS DA INFORMACIÓN: Áreas administrativa/ informática.
• TÉCNICO/A SUPERIOR EN BIOLOXÍA: Áreas administrativa/ informática.
• TÉCNICO/A SUPERIOR EN ORGANIZACIÓN E ADMINISTRACIÓN SANITARIA: Áreas administrativa/ informática.
• TÉCNICO/A SUPERIOR EN PSICOLOXÍA: Áreas administrativa/ informática.

CATEGORÍAS DO GRUPO B

• DIPLOMADOS SANITARIOS: Área sanitaria.
• ENXEÑEIRO/A TÉCNICO/A INDUSTRIAL: Área de mantemento.
• GRUPO DE XESTIÓN DA FUNCIÓN ADMINISTRATIVA: Áreas administrativa/ informática.
• PROFESOR/A EXB: Área administrativa/ sanitaria.
• TÉCNICO/A DE GRAO MEDIO EN ORGANIZACIÓN E ADMINISTRACIÓN SANITARIA: Áreas administrativa/ informática.
• TÉCNICO/A DE XESTIÓN DE SISTEMAS E TECNOLOXÍAS DA INFORMACIÓN: Áreas administrativa/ informática.
• TRABALLADOR/A SOCIAL : Áreas administrativa/ sanitaria.

CATEGORÍAS DO GRUPO C

• COCIÑEIRO/A: Área de hostalaría.
• CONTROLADOR/A DE SUBMINISTROS: Áreas administrativa/ informática.
• GRUPO ADMINISTRATIVO DA FUNCIÓN ADMINISTRATIVA: Áreas administrativa/ informática.
• TÉCNICO/A ESPECIALISTA DE SISTEMAS E TECNOLOXÍAS DA INFORMACIÓN: Áreas administrativa/ informática.
• TÉCNICO/A ESPECIALISTA: Área sanitaria.

CATEGORÍAS DO GRUPO D

• ALBANEL: Área de mantemento.
• AUXILIAR ADMINISTRATIVO: Áreas administrativa/ informática.
AUXILIAR DE ENFERMARÍA: Área sanitaria.
• AZAFATO/A DE RELACIÓNS PÚBLICAS: Áreas administrativa/ informática.
• CALEFACTOR/A: Área de mantemento.
• CARPINTEIRO/A: Área de mantemento.
• CONDUTOR/A: Áreas de mantemento.
• CONDUTOR/A DE INSTALACIÓNS: Área de mantemento.
• COSTUREIRO/A: Área de hostalaría.
• ELECTRICISTA: Área de mantemento.
• FONTANEIRO/A: Área de mantemento.
• FOTÓGRAFO/A: Áreas administrativa/ informática.
• GOBERNANTE/A: Área de hostalaría.
• MECÁNICO/A: Área de mantemento.
• OPERADOR/A DE MÁQUINA IMPRESORA: Área de mantemento.
• PERRUQUEIRO/A: Área de hostalaría.
•PERSOAL DE SERVIZOS XERAIS: Áreas administrativa/ sanitaria/ mantemento/ informática.
• PINTOR/A: área de mantemento.
• TELEFONISTA: Áreas de mantemento/ administrativa.

CATEGORÍAS DO GRUPO E

• CELADOR/A: Áreas sanitaria/ administrativa/ mantemento.
• FOGONEIRO/A: Área de mantemento.
• LAVANDEIRO/A: Área de hostalaría.
• LIMPIADOR/A:área de hostalaría.
• PEÓN: área de mantemento.
• PINCHE DE COCIÑA: área de hostalaría.
• PASADOR/A DE FERRO: Área de hostalaría.

A N E X O II

PAÍSES QUE FORMAN PARTE DO ESPAZO ECONÓMICO EUROPEO


● Alemaña
● Austria
● Bélxica
● Bulgaria
● Chipre
● Dinamarca
● Eslovaquia
● Eslovenia
● España
● Estonia
● Finlandia
● Francia
● Grecia
● Hungría
● Irlanda
● Islandia
● Italia
● Letonia
● Lituania
● Liechtenstein
● Luxemburgo
● Malta
● Noruega
● Países Baixos
● Polonia
● Portugal
● Reino Unido
● República Checa
● Romanía
● Suecia
Comentarios (0) - Categoría: OPE SERGAS - Publicado o 22-03-2010 09:14
Queres comentar ou preguntar algo?
aclaracións baremo OPE
No día de hoxe celebrouse unha reunión no Sergas para clarexar conceptos da proposta de criterios da Dirección de Recursos Humanos do Sergas en relación coa oferta de emprego.

Puntos que se trataron:

*Compulsas, obriga de pagamento: Desde CIG-Saúde preguntamos porqué figura na guía OPE que as compulsas só serán gratuitas para a xente que teña nese momento un contrato en vigor co SERGAS. O Sergas indica que non é posible que a xente non vinculada non pague, xa que isto está la Lei de taxas e depende da Cosellería de Facenda.

*Servizos prestados en institucións privadas: solicitábamos que a maiores das que se indican se valorasen os servizos prestados naquelas institucións que tiveran unha acreditación norma ISO. O Sergas indica que para esta OPE só se poden valorar os servizos prestados en institucións concertadas ou acreditadas para a docencia, que para futuras OPEs se podería valorar.

Comentan que para o certificado de que un centro está concertado, pódese solicitar na división de Asistencia Sanitaria do SERGAS.

Ademais, no caso de que a empresa privada non queira facilitar o documento de servizos prestados, valerá que a persoa achegue contrato + vida laboral + nóminas.

* Acreditación da titularidade pública en centros doutros paises europeos: Bastará con que no certificado de servizos prestados indiquen que son nunha institución pública. De non ser así, tamén admitirán o boletín oficial onde figure a titularidade pública do centro.

*Areas funcionais: Pedímoslle ao SERGAS que elaborara un cadro indicando as categorías e a que área funcional irían e en cal se puntuarían. Quedaron en pasalo en canto o teñan preparado. Farán un tratamento especial para as/os traballadoras/es sociais (doble área funcional sanitaria e administrativa).

*Alta Continuada en PACs (neste asunto CIG-Saúde plantexaba a extensión dos efectos das sentenzas que baremaría todo o periodo de Alta Continuada a tódalas persoas afectadas, tal e como se nos comunicou no seu día). O que xa comentamos no post anterior: só se valorará a aquelas persoas que teñen sentenza; cambio de criterio no SERGAS, alegan que non queren variar un criterio xa consolidado nas últimas OPEs. Isto contou co apoio do resto de sindicatos, agás SATSE que pedía o mesmo ca nós.

*Outras actividades: Valoración titulacións oficiais. Para diplomados/as sanitarios/as, valoraranse outras diplomaturas sanitarias ou especialidades de diplomaturas de enfermaría.
Para as categorías non Sanitarias: Valoraranse aquelas titulacións que non son requisito para entrar, pero da rama de Formación Profesional.

Comentarios (0) - Categoría: OPE SERGAS - Publicado o 18-03-2010 21:15
Queres comentar ou preguntar algo?
calendario OPE
CALENDARIO AVANZADO POLO SERGAS

FEAS: Incorporación antes do verán tanto ope como traslados (seguramente en xuño antes das vacacións)

RESTO CATEGORÍAS: Incorporación seguramente no mes de outubro.

TRASLADOS RESTO CATEGORÍAS: Despois de Semana Santa teremos un borrador, a día de hoxe están traballando nas prazas que van ofertar, esperan te-las pechadas a mediados de abril.
Comentarios (0) - Categoría: OPE SERGAS - Publicado o 18-03-2010 21:03
Queres comentar ou preguntar algo?
O SERGAS di "diego"
Podemos adiantarvos da reunión no SERGAS desta mañá, e agardando o resume que nos fagan @s compañeir@s que alí estiveron, que o SERGAS ven de negar o que xa falabamos aqui e aqui, parece ser que non se van contabilizar os períodos en "alta continuada" nos PACs como servizos prestados efectivos completos, senón por horas (130 horas de garda mensuais = 1 mes). É dicir, desdinse do afirmado anteriormente e comentan que "foi un malentendido" e que en CIG-Saúde entendimos o que non era.
Ou sexa: os periodos traballados por gardas en PACs en situación de "alta continuada" van ser contabilizados segundo as horas de garda efectivamente realizadas, a razón de 130 hs por un mes, e de xeito proporcional en caso de menos horas mensuais. A única salvidade a isto é a daquela xente que teña sentenza firme indicando o contrario.
Unha vez máis, o SERGAS di "Diego" onde antes dicía "digo".
Cousas veredes!
Comentarios (0) - Categoría: OPE SERGAS - Publicado o 18-03-2010 13:34
Queres comentar ou preguntar algo?
aclaración incompatibilidade listas especiais
Logo de falar co Sergas sobre as incompatibilidades que recolle a Resolución que publica as listaxes definitivas, coméntannos o seguinte:

Cando fala de incompatibilidade está falando de cando a persoa ten a condición de TITULAR, ou sexa que polo feito de estar anotado nunha lista ( ex. Pool hospital e nunha lista especial ) só sería incompatible si está de titular, se non chega a estar na lista de titular mantense na outra lista especial.

Quedou o Sergas en remitir unhas instruccións para clarexar este asunto, en canto a teñamos publicaremola no blog.

Comentarios (0) - Categoría: contratacion - Publicado o 17-03-2010 09:43
Queres comentar ou preguntar algo?
Tres millóns de euros para destruír o Courel
artigo extraido de vieiros

DENUNCIA
Tres millóns de euros para destruír o Courel
SOS Courel e Adega denuncian os estragos producidos na vexetación autóctona co pretexto da súa rexeneración hidrolóxica e forestal.

Un tras doutro, o colectivo ecoloxista-cultural SOS Courel segue denunciando o que considera atentados sobre o seu patrimonio natural: a serra do Courel, un espazo protexido pola Rede Natura. Unha vez máis, as agresións veñen da man da propia Administración, ben da Xunta, ben do goberno español que, segundo explican, están a malgastar os fondos procedentes da Unión Europea en actuacións de dubidoso respecto ambiental.

A súa denuncia, que xa foi trasladada ao parlamento europeo polo representante de Esquerda Unida, Willi Meyer, refírese ás intervencións enmarcadas na “restauración hidrolóxica forestal”, para a que xa se dispuxeron duns tres millóns de euros dos fondos europeos. SOS Courel explica que estas intervencións, que están proxectadas para seren realizadas de xeito manual, están a ser acometidas con grande maquinaria. Este intento de aforrar man de obra e de multiplicar os beneficios económicos está a supoñer a destrución sistemática dos hábitats protexidos.

Destrución ambiental
Este luns Adega sumouse a estas denuncias e centrou a súa atención nos traballos de rexeneración forestal que está a executar a empresa Tragsa no monte das Lampas. Pide tamén ás autoridades competentes “que fagan cumprir a lexislación con respecto á protección dos hábitats” e chama a atención sobre as consecuencias destas actuacións. “Están destruíndo uceiras protexidas que son decapadas por buldóceres e en plena época de cría dos animais silvestres”. Así, lamentan que o obxectivo non sexa outro que “plantar milleiros de piñeiros e facer corta-lumes”.

Á situación do monte de Lampas súmase a de tantos outros espazos da serra. SOS Courel denunciou tamén actuacións como as plantacións ilegais de piñeiros en Louzara ou a destrución de hábitats en Ferreirós ou en Ferramulín, entre outros.
Comentarios (0) - Categoría: tamen nos interesa - Publicado o 16-03-2010 12:47
Queres comentar ou preguntar algo?
1 [2]
© by Abertal


free web counter



O Tempo no Barco de Valdeorras - Predición a 7 días e condiciois actuais.


Estadisticas Gratis