No día de hoxe celebrouse unha reunión no Sergas na cal se ían tratar dous asuntos:

Peche baremo persoal facultativo
Oferta de prazas á traslados

Respecto do primeiro punto comentar que o baremo queda pechado segundo o último borrador que hai do mesmo, ou sexa o que significa que a puntuación do MIR non vai ter un peso específico dentro do baremo, senón que vai no apartado de formación, a isto CIG-Saúde fixo un voto particular en contra que non foi aceptado xa que tanto a Administración como o resto dos sindicatos estaban dacordo co proposto no borrador de baremo.

O Sergas informou de que a convocatoria dos Pediatras retrasarase para novembro para que poidan concursar os pediatras da ope extraordinaria segundo o compromiso acadado en Mesa Sectorial anterior. Tamén informa que a toma de posesión non vai ser antes do primeiro trimestre do vindeiro ano.

Outro asunto que nos plantexa o Sergas é que para os Farmacéuticos de Atención Primaria a toma de posesión sexa por área e non por centro e turno, a este asunto opuxémonos os sindicatos da Mesa polo que non sabemos como o van sacar ao final.

Respecto das Matronas fixeronnos unha proposta que consiste en retrasar a oferta de traslados a novembro xunto coa dos pediatras para que poidan neste tempo modificar o Decreto 200/1993 e que as Matronas APD funcionarias poidan participar no concurso de traslados (neste asunto quedamos que nun par de días temos que manifestar a nosa opinión).

Respecto das prazas pasanos o Sergas un borrador coas prazas dos FEAS, que temos que comprobar, e temos para facer alegacións ata o martes da semana que ben. En O Barco xa detectamos que falta polo menos unha praza de radioloxia, que para nós é basico que saia.
Tamén nos entrega borrador correxido do resto de categorías. Quedaron en que ao longo do día de hoxe ou mañá pasarían as mesmas por centro e turno.