|
|
|
|
| apoio ó persoal da área de Vigo |
|
A comisión de Centro do HCV, por unanimidade, mostra o seu apoio as mobilizaciois que se están a dar na área de Vigo contra a privatización da sanidade que afecta gravemente a esa área de saúde.
Acordamos ademais ter unha asemblea o próximo xoves 11 de febreiro ás 11 horas no salón de actos, seguida dunha concentración de persoal en rexeitamento da política privatizadora do goberno, ademais convocarase outra para o mércores 24 de febreiro á mesma hora.
Dende a comisión de centro, poranse os medios necesarios, para facilitar o transporte a Vigo da xente que queira acudir á manifestación en defensa da sanidade pública. |
|
|
|
|
| reunión coa xerencia permisos de exame |
|
Hoxe a comisión de centro do HCV mantivemos unha reunión extraordinaria coa Xerenta e o director de enfermaria co fin de intentar arranxar a noite anterior os exames de OPE que se realizan pola tarde.
En base ás instrucciois dadas polo SERGAS sólo se contemplan permisos na mesma quenda do exame e na anterior e a seguinte.
A verdade que non conseguimos mais que á xente que traballa á noite anterior somente lle facilitarán o dia, a nosa intención era que se considerara dia de permiso, pero como xa dixemos non conseguimos que dende a direción se modificara esta postura a pesares de estar a 2 horas en coche do lugar de celebración do examen, o persoal que esteades neste caso e queirades coller libre esa noite tédesllo que comunicar ó responsable do servizo para que este se encargue da cobertura desa quenda.
Dado que vai ser ben raro que o persoal que esté en listas non acuda á realización do exame e co fin de non ter problemas coa mesa de contratación en caso de rexeitar o contrato, vaise tirar do persoal fixo ó qué teránsele que ofertar como quere a compensación en dias (2x1) ou en horas extras.
Aproveitamos tamén para pedir a cobertura da praza de aux administratio que está sen cubrir, veremos en que queda este tema. |
|
|
|
|
| reunión comisión de centro do HCV coa dirección |
|
Hoxe a comisión de centro e a dirección do HCV mantivemos unha reunión onde tratamos entre outros estes puntos mais relevantes:
Posto de coordinador auxiliar e técnico. Dende a comisión de Centro plantexouselle á xerencia saber cal era o motivo polo que os novos coordinadores de técnicos e auxiliar de enfermaría aínda non fosen nomeados, a xerenta respondeu que se levaron a cabo varios contactos con RR.HH. posto que había algun aspecto que plantexaba dúbidas, pero que pasarían a nomear ás coordinadoras en breve.
Política de contratacións: preguntouse polas prazas que neste momento estaban en acumulación de tarefas se pensaban ou non consolidalas; a Dirección respondeu que solicitaron a Santiago a consolidación de todas estas prazas que son necesarias para o funcionamento da carteleira, así como algunha máis de uroloxia, anestesia e varias máis de facultativos; están a espera da resposta do SERGAS.
Acordo de Concertación Social: Ante os problemas de interpretación sobre diversos perrmisos e co fin de aclaralos e de ser posible melloralos, acordouse crear un grupo de traballo composto pola dirección e membros designados da comisión de centro.
Control dixital do horario: neste asunto dende a comisión de centro plantexouse que estaba existindo un agravio comparativo entre o persoal, mentres algunha xente como o persoal de enfermaría das plantas, excedia a súa xornada nos relevos noutro persoal observamos unha relaxación no cumprimento horario, pedimos un control dixital deste tema para rematar con esta discriminación e mellorar a actividade dos servizos do centro. A dirección non aceptou a proposta e propuxo intentar concienciar entre todos ó persoal de que debe ser respetuoso coa xornada establecida.
Protocolo de actuación ante a gripe A nos diferentes servizos: Dende a comisión de centro incidimos que non é suficiente con colgar os protocolos da gripe A na web, senon que se debería informar directamente ó persoal sobre os protocolos de actuación; a dirección listou unha serie de reuniois que se levaron a cabo dende xullo e comentaron que intentarían aínda clarificar máis este tema.
Vacacións do persoal a partires de outubro: a Comisión de Centro pide que non se aplique ningunha medida excepcional de suspensión de vacaciois ou permisos a non ser que haxa unha situación límite e en todo caso que se ateñan ó que se negocie na mesa sectorial, posto que o que hai ata o de agora é un borrador, a dirección está dacordo coa postura plantexada, pero advirte ó persoal que poidera ter que interrumpir as vacaciois en caso de que a situación fose complicada.
Curso de atención ó paciente: Dende a comisión de centro plantexamos que sería interesante organizar e ofertar un curso de atención ó usuario e que este debería ser tido en conta á hora de ser baremado nos acoplamentos internos; a Xerencia mostrouse conforme coa idea.
O resto de temas tocados son asuntos que afectan a persoas concretas e que como é obvio non imos a dar conta deles. |
|
|
|
|
| información reunión coa Xerente |
|
Onte tivemos reunión ordinaria coa Xerente. Os puntos que se trataron foron os seguintes:
1. Situación económica do HCV. Segundo a Xerente a situación económica actual é nefasta, posto que unha grande parte do presuposto está xa executado. O luns día 20 ten unha reunión en Santiago de todo o equipo directivo do HCV xunto coa Consellería, onde vai levar unha petición de cartos para rematar o ano. A Comisión de Centro expresou que esta situación de déficit presupostario é histórica, que sempre se produciu porque os orzamentos que se proxectan para o HCV adoitan ser escasos e sempre hai que botar man de financiación a maiores deles. Tamén lle dixemos que esta non pode ser unha excusa que valla para atrancar ou frear todas aquelas melloras necesarias no centro.
2. Plan Funcional HCV. Desde a Comisión de Centro preguntámoslle á Xerente se pensaba continuar co Plan Funcional elaborado e desenvolvelo o máximo posible ou qué pensaba facer con el. A Xerente respostou que acaba de aterrizar e inda non tivera tempo de estudalo en profundidade, que o ía facer e nos contestaría en breve. En todo caso, comentou que ía solicitar unha reunión coa Consellería en setembro para tratar este tema. Asegurou que vai intentar conseguir todas as melloras posibles para o HCV.
3. Consolidación de prazas que están en acumulación de tarefas. Solicitamos que os postos de traballo que están cubertos desde hai tempo por acumulacións de tarefas que se van renovando (técnicos de laboratorio, auxiliares administrativos, celadores...) sexan consolidadas como prazas estruturais. A resposta da Xerente foi que lle gustaría ampliar a plantilla, pero que "a ver que nos din o luns día 20, na reunión coa Consellería" e que "haberá que ver se son necesarias".
4. Reorganización do traballo de celadores de servizos centrais. En vista das grandes cargas de traballo que teñen que soportar algúns dos celadores de servizos centrais (nomeadamente consultas e suministros), solicitamos que se estude a posibilidade de ampliar a plantilla para reforzar estes postos, e, en todo caso, mentres non se faga esta ampliación, que sexan reorganizadas as tarefas para aliviar as cargas de traballo que sobrelevan estes postos. A Xerente comprometeuse a estudalo.
5. Peonadas. Preguntámoslle cal era a situación actual no que se refire á autoconcertación. Parece ser que desde a Xerencia do SERGAS lles deron orde de paralizar as peonadas en canto o presupostado para elas estivera esgotado. Segundo a sra. Magadán, no HCV non só está esgotado, senón que xa se sobrepasou, polo que están paralizadas.
A Comisión de Centro fíxolle chegar á Xerente que, en todo caso, as peonadas non nos parecen o xeito de mellorar as listas de espera, ao que ela respondeu que ela estaba máis por tentar que se cumpran os horarios de xornada ordinaria. A Comisión de Centro alégrase de que asi sexa e apoiará á Xerente para que se cumpran os horarios de xornada ordinaria.
6. Resonancia Magnética Nuclear itinerante. Preguntóuselle se esta nova administración tiña intención de manter a RMN móbil, ao que respostou que preguntará en Santiago.
7. Política de Contratacións. A Xerente anuncia que non vai continuar coa política da anterior xerencia de cubrir con comisións de servizo sempre que haxa comisións solicitadas. Polo que nos comentou a súa intención é cubrir ao 50% con comisión e 50% listas de contratación, alternando. E parece ser que xa deu para atrás unha comisión que xa estaba concedida para contratar pola lista de contratación na categoría de celador.
8. Plan Funcional de Urxencias. Desde o SERGAS enviaron un escrito á Xerencia instándoa a tentar poñer de acordo aos facultativos de urxencias e á comisión de centro. Explicámoslle que non se trata de poñernos de acordo, senón que a redacción do Plan Funcional ten que cumprir a legalidade do Decreto de Urxencias Hospitalarias. Quedamos en enviar as nosas alegacións (que xa foron remitidas no seu día á Xerencia e ao SERGAS) e que as estudiarían.
9. Área Única. A Xerente comenta que non tén moita máis información que na última reunión que mantivo con nós. O que nos informa é dunhas Xornadas que a FEGAS vai organizar no Barco sobre a xestión integrada primaria-especializada, ás que nos invita a participar para que nos informemos. Desde a Comisión de Centro comentámoslle que, dependendo de como se faga, nós non vemos problema na integración dos dous chanzos da asistencia (primaria-especializada), pero si na desaparición da área do Barco, poñendo exemplos concretos dos prexuizos que acarrearía, ao que a Xerente contesta que está de acordo. |
|
|
|
|
| Mª Jesús Magadán nova Xerenta do HCV |
|
Fontes ben informadas, comunícannos que a nova Xerenta do HCV será Mª Jesus Magadán Alvarez, que a dia de hoxe traballa na inspección médica, tendo o seu lugar de traballo no propio HCV e é a portavoz do grupo Popular en A Rua.
Parece ser que Magadán tomará posesión da Xerencia mañá, aínda que a media mañá o actual Xerente Roberto Rodríguez descoñecía esta nova e non lle fora comunicado o seu cese polos responsables do SERGAS.
Acábanos de chegar a noticia de que Mª Jesús Magadán será o xoves cando tome posesión da Xerencia e non mañá como tiñamos anunciado neste mesmo post.
Para CIG-Saúde o Barco o que mais urxe neste momento é que o SERGAS nos clarifique que é o que quere facer con esta área de saúde. se deixala como tal ou eliminala como se está oindo dun tempo a esta parte. De ser así non escatimaremos medios en loitar contra esta medida e faremos un chamamento ós concellos, partidos políticos, organizaciois sindicais, a patronal e a toda a poboación da área para que non nos borren dun plumazo o que tanto esforzo e mobilización costou, ter un área propia con Xerencia propia que coñeza de primeira man os problemas da área de saúde e polo tanto sexa sensible a eles e poder negociar directamente cos máximos responsables en compostela para intentar solventar estes problemas. |
|
|
|
|
| a área de O Barco existe?? |
|
Empezamos a ter certas dúbidas se os novos representantes do SERGAS coñecen a existencia da nosa área de Saúde; por qué o decimos?, porque ata o de agora ningún responsable do SERGAS se puxo en contacto coa Dirección deste centro nin para preguntar pola situación do hospital nin para refrexar datas de cambio de Xerencia. Por saber nin sabemos quén vai a ser o próximo responsable do HCV.
Hai que decir que é a primeira vez que o SERGAS nun cambio de goberno despreocúpase dun xeito tan descarado desta área, outros polo menos viñan a presentarse e non aillaban á dirección existente simplemente por ter outra cor política.
Mal empezamos con esta despreocupación cara esta área de saúde; veremos que actitude toma @ Xerente que entre, se acaso se acordan que existimos e deciden nomealo dunha vez, para poder retomar a acción sindical normal.
Señora Conselleira de Sanidade e señora Xerenta do SERGAS, miren no mapa de Galiza que a ÁREA DE O BARCO EXISTE. |
|
|
|
|
| asemblea vacaciois HCV |
|
Hoxe a comisión de centro deu conta nunha asemblea informativa, das xestiois que se fixeron a raiz das instruccios da dirección de enfermaria nas que se pretendia variar os meses ordinarios de vacaciois de 3 a 4, é decir incluian xuño no mes de rotación cando dende hai moitos anos temos consolidado os tres meses de periodo ordinario.
Ó final conseguimos que a Xerencia botara atrás estas instrucciois sen sentido da dirección de enfermaría, iso sí advertindo ó persoal que no mes de agosto poidera haber problemas na cobertura dalgunha categoria, pero sería entón cando tería a dirección que buscar unha solución negociada ó problema.
Polo tanto as vacaciois seguen igual co ano anterior o único que cambia para dar cumprimento ó acordo asinado entre comisión de centro e dirección, é que os LDs adicionais por vacaciois non teñen que ir obrigatoriamente pegados as vacaciois se o traballador así o solicita. |
|
|
|
|
| contrátase unha dietista no HCV |
|
Algun persoal das novas categorias incorporadas na derradeira convocatoria do pacto de contrataciois sobre todo técnicos de farmacia, dietistas e tecnicos de documentación sanitaria, viñan preguntando no blog se xa empezaron a contratar desta ou da outra categoria, no caso dos técnicos especialistas en dietetica e nutricion, dende a comision de centro tiñamoslle plantexado á dirección do HCV que incorporarse unha praza desta categoria posto que xa habia listas definitivas das que tirar, parece que desta vez foi de palabra a dirección, posto que incorpora esta categoria que xa viña facendo falla dende hai tempo na carteira de servizos do HCV.
O contrato de momento çe unha acumulaciçon de tarefas por 2 meses, pero esperamos que esta praza consolidese na plantilla do HCV. |
|
|
|
|
| runión coa dirección do HCV |
|
O luns pasado tivemos a reunión ordinaria entre comisión de centro e Xerente da que caben destacar alguns puntos de interese que afectan a boa parte do persoal.
Pediuse unha vez mais por parte da comisión de centro a cobertura da segunda enfermeira en quenda de noite da planta laranxa, así como o terceiro celador en quenda nocturna tamén, o xerente resposta que están pendentes do aumento de plantilla que poda vir de Santiago.
Tamén se solicitou a contratación unha vez saian as listas definitivas dunha dietista, a Xerencia está de acordo coa necesidade desta figura e di que a primeiros de ano se hai listas definitivas procederá a súa contratación.
Plantexouselle á Xerencia a necesidade de ter a un supervisor de garda as 24 horas para que sexa este quen localice ós facultativos de garda e solventar os problemas que poideran xurdir nas quendas de tarde e mañá así como arroupar ó persoal en caso de necesidade. A Dirección non está de acordo con esta proposta entre outras cousas alegan a escaseza de supervisores.
En base á normativa vixente solicitouse que dotaran de coordinadores de técnicos e auxiliares de enfermaría. quedaron en miralo con Santiago.
Pediuse tamén cotización dos dias de vacaciois para o persoal temporal á quen lles son aboadas e non a disfrutan; a Dirección responde que non hai aplicativo e que en servizos centrais están na elaboración dun.
Sorprendeunos o Xerente con que se iban a revisar de oficio os excesos de xornada de persoal de pool do 2007 e 2008 os do 2007 empezaranos a pagar a partires da nómina que ven, os que se produzan a patires do 2009 xa irán refrexados e pagados nas nóminas mensuais.
Sobre este asunto a CIG tiña un verdadeiro conflicto coa dirección, posto que un par de traballadoras que tiñan a resolución de pago aprobada dende hai mais dun ano, a estas alturas se lles adeudaba todo o reclamado anterior ó 2007.
Aquel personal que teña excesos de xornada anteriores ó 2007 debe reclamalos, así comotoda a xente que non sexa de pool pero que teña contratos de 5 ou menos dias que non leven liquidación de xornada.
A Dirección informou que xa deron o calendario vacaciois ó persoal incorporado de OPE e que irían fora do nadal, dende a CIG manifestamos que non estábamos de acordo e que se había xente que quixera irse nestas datas tería que tratarse nunha reunión comisión de centro e a Dirección, a Directora de enfermaría dixo que todo o persoal estaba de acordo coas datas adxudicadas. |
|
|
|
|
| HCV: STOP enchufismo |
|
Acabamos de enterarnos que non solo rompeu o acordado con respecto á incorporación do persoal de traslados OPE o Xerente co persoal auxiliar administrativo, senon tamén a dirección de enfermaría, xa que acoplou a persoal auxiliar saltándose os acordos.
Tamén nos enteramos que estanse a reter varias solicitudes de comisiois de servizo non sabemos con que oscuros propósitos.
Esta política caciquil e enchufista non a lembrábamos dende hai ben anos e agora é o turno do persoal para poñerlle freno, mañá é a asemblea e aí hai que plantexar mobilizaciois para cortar isto de raiz dunha vez por todas, do contrario o que queda é ver quén pelotea mellor á dirección.
Situaciois de discriminación de persoal estanse a dar deseguido:
Nun mesmo servizo ante a mesma situación a un traballador concedenlle o dia e a outro non.
Traballadoras que levan 6 meses en nómina denégaselle o permiso por matrimonio.
Persoal que vai a ourense a unha consulta dánselle somente 4 horas e non lle permiten incorporarse as 3 restantes.
Traballadores que van facer unha proba que require un tratamento e aiuno e somente se lle da o tempo necesario para a proba.
Cambios de categoria de algún persoal sen Resolución de ningún tipo.
Reclamaciois de pool aprobadas na primavera do 2007 que aínda están sen cobrar, reclamaciois de pool que se ordena o seu arquivo sen tramitar resolución algunha.
Todas estas situaciois son habituais nos últimos meses e a maioría as imos amañando unha a unha como podemos.
Por non falar dos servizos que están en precario por falta de persoal e esta dirección os deixa de lado, ou os graves problemas nalgúns servizos ós que non se lle pon coto.
Como decíamos é hora de mollarse, mañá ás 12,30h no salón de actos, porque sen o voso apoio pouco podemos facer. |
|
|
|
|
| ASEMBLEA HCV |
|
|
|
|
|
|
| a Comisión de Centro pide o cese da Direccción do HCV |
|
Despois dun longo tempo, sumidos no mais profundo caos organizativo dentro do HCV, onde os incumprimentos dos acordos e o enchufismo están ó orde do dia; a Comisión de Centro convocou hoxe unha rolda de prensa para comunicar públicamente a nosa solicitude de que se proceda ó cese da Dirección do HCV.
esta de abaixo é a carta remitida ó Director Provincial e ó Secretario Xeral do SERGAS.
DE: Comisión de Centro HCV
A: Director Provincial do SERGAS - Ourense
Secretario Xeral do SERGAS
ASUNTO: Petición de cese da Dirección do HCV.
Por medio do presente escrito, a Comisión de Centro do Hospital Comarcal Valdeorras vén a pedir o cesamento inmediato da Dirección do HCV debido aos reiterados incumprimentos dos acordos tomados en conxunto (Xerencia ? Comisión de Centro) e á desinformación e escurantismo absolutos nos que esta Dirección ten sumido ao persoal que traballa neste centro e aos seus lexítimos representantes, así como a manipulación estraña que se fai coas prazas de persoal, modificando, poñendo, quitando e volvendo colocar prazas sen consultar, consensuar nin informar a esta Comisión de Centro.
A pinga que veu colmar o vaso da paciencia desta Comisión foi a incorporación de persoal adxudicatario de OPE e traslados da categoría de auxiliar administrativo. A pesares das nosas constantes peticións ata o propio día de publicación en DOG a Xerencia deste centro non se dignou a informarnos das prazas que había para ofertar a este persoal. Unha vez mantida unha reunión, forzada por esta Comisión, e despois dun intenso debate, no que saíron a relucir as incongruencias, contradicións, desorde e escurantismo cos que esta Xerencia trata a información que debe dar aos traballadores, chegouse a dous acordos. Por un lado, facer efectivo o luns día 20 de outubro o acoplamento interno que xa estaba concedido desde había meses a un auxiliar administrativo na área de persoal do HCV. E por outra banda, un acordo das prazas que debían ser ofertadas ao persoal auxiliar administrativo que se incorporaba por traslado. Dous días despois, tan só dous días despois, a propia xerencia nos remite un escrito no que se dá conta doutras prazas diferentes das acordadas que foran ofertadas aos traslados, entre o que destaca a ?creación? da nada dunha praza vacante que previamente non existía, e a fusión doutras dúas prazas preexistentes nunha soa. Isto, engadido a que verbalmente se nos comunica que o acoplamento acordado non se ía producir na data na que se quedara, fíxonos ver que esta xerencia estaba a realizar algún tipo de manobra para ?enchufar? o persoal onde a ela lle interesaba. Esta situación é TOTALMENTE INADMISIBLE, e xunto con outras moitas anteriores, demostra que este Hospital está totalmente desgobernado, carece de dirección e alguén debe tomar a decisión de cesar ao equipo actual e poñer outro equipo que tome as medidas oportunas e manexe este centro coa legalidade por diante.
Por este motivo, a Comisión de Centro do Hospital Comarcal Valdeorras, por unanimidade dos seus membros, tomou a decisión de trasladarlle a vostede a petición de cesamento inmediato para a Dirección actual do HCV, e a súa substitución por un equipo competente que sexa quen de facer o seu traballo con legalidade e transparencia, así como sacar a este centro do pozo de desorganización no que se atopa.
O Barco, 21 de outubro de 2008.
Asdo: Susana Méndez Rodríguez
Presidenta da Comisión de Centro do HCV.
A nova en La Voz de Galicia.
A resposta do Xerente en La Voz de Galicia (que parece ser que cos xornais sí que fala)
A nova en La Región. |
|
|
|
|
| escrito á Dirección do HCV |
|
Dado que a Dirección do HCV contesta tarde mal ou nunca ós nosos escritos, a patir de agora e ata que non cambien a sua actitude neste senso, aparte de enviarlles os escritos, darémoslle traslado ó blog, para ver se deste xeito conseguimos que axilicen as espostas e información que lles pedimos neles.
este é o escrito que lle enviamos hoxe demandando información a raiz do proceso de OPE traslados e vacaciois.
De: CIG-Saúde Barco
A: Dirección Xerente do HCV
Xosé Manuel Alvarez Fernández, en calidade de delegado da sección sindical de CIG-Saúde, diríxese a vostede para que nos infome dunha serie de asuntos que nos preocupan.
1. Qué criterio seguen as direccións de enfermaría e xestión para incorporar ó persoal procedente de OPE e traslados; quen ten preferencia para elexir servizo e quendas ou son os responsables dos servizos os que distribuen ó persoal ó seu criterio?
2. Como é posible que convocándose 2 prazas a traslado na categoría de TEL e sendo cubertas as 2, apareza unha terceira praza para a OPE co que se lle nega a posibilidade a unha 3ª persoa a virse de traslado ó HCV?
3. De onde saiu a 4ª praza que se crea en laboratorio neste proceso de OPE-traslados, non será acaso a praza que tiñan reservada de TER para cuando se incorporara o 3º radiólogo?,
4. Con respecto as vacacións; tódolos servizos do HCV organizan bloques de vacacións para ofertar ó persoal de listas de contratacións, ou hai algún que está organizando estas de xeito que en vez de distribuir por bloques, vai facer chamamentos parciais mes a mes sen acumular en bloques as vacacións do persoal?
Aproveitamos para lembrarlle que estamos no mes de xuño que según o acordado entre Dirección do HCV e a Comisión de Centro foi o prazo no que a Dirección se comprometeu a ter definida a RPT do Centro, polo que esperamos que non esquezan o seu compromiso.
En O Barco a 5 de xuño de 2008
|
|
|
|
|
| conflicto informática |
|
E a ti que che parecería que un tercio do persoal do teu servizo fose posto a dedo pola Xerencia do Hospital saltándose as listas de contratación?
Isto é o que pasa no servizo de informática; dos tres traballadores cos que conta este servizo un deles stá posto saltándose as listas de contratación do SERGAS.
O Xerente argumenta que está contento ca ?empesa?, que ten concertada e por iso négase a restrinxirlle o contrato e tirar das listas de contratación vixentes e pon como exemplo que tamén ten contratado o mantemento de moitos equipos do hospital.
Os tres traballadores do servizo de informática realizan o mesmo traballo, esta ?empresa? concertada non fai nada que non fagan os informáticos do hospital contratados legalmente na bolsa de contratación.
Anteriormente estivemos en conflicto por varios asuntos de contratación que conseguimos arranxar, pero neste caso e a pesares da nosa insistencia en rematar con esta situación, levamos mais de un ano insistindo en que se acuda as listas de contratación, o Xerente non da o brazo a torcer. É por isto que dende a sección sindical de CIG-Saúde non regatearemos medios para que o servizo volte a legalidade e abortar calquera outro intento privatizador e enchufista por parte da Dirección do HCV.
|
|
|
|
|
| asemblea de persoal |
|
hoxe ás 14 horas levamos a cabo dende a Comisión de Centro unha asemblea da Comisión de Centro do HCV co persoal para explicar o acontecido co Xerente na derradeira reunión que mantivemos con él.
Explicouse a postura da Comisión de Centro de pedirlle ó Xerente que creara un grupo externo que estudiara os erros de organización a nivel funcional que hai no HCV, co fin de correxilos.
dende a comision de Centro entendemos que a xornada ordinaria debérase organizar cun criterio de eficacia que ó noso entender hoxe ten moitas laguas e deste xeito ser moito mais operativos cara a atencion ó usuario.
Tamén se falou da repercusión negativa que están a ter as peonadas en case tódolos servizos do hospital e que se deberan regular doutro xeito mais operativo (deixar clara a postura de CIG-Saúde contraria as peonadas)
a asemblea acudiron unhas 40 persoas que maioritariamente apoiaron a postura da Comisión de Centro e moitos deles expuxeron casos concretos onde o sistema fai auga. Claro que tamén houbo persoal que arroupou a política e sistema organizativo da Dirección do Centro.
O venres teremos reunión da Comisión de Centro para estudiar os seguintes pasos a dar neste asunto. |
|
|
|
|
|
|
|
|
|
|
|
| o talante enchufista do Xerente do HCV |
|
Dende a sección sincical CIG área Barco, queremos denunciar a actitude privatizadora e enchufista do Xerente do HCV no que se refire a un contrato de informático no HCV, este contrato se concertou hai uns anos cando non habia listas de informáticos no SERGAS e se mativo así ca promesa da antigua Xerenca que unha vez solventada a OPE extraordinaria se cubriría con persoal estatutario, hai mais de 2 anos que se resolveu a OPE extraordinaria e a ?empresa? (composta de un informático) segue a prestar os seus servizos no HCV, a pesares de que se leva insistido dende a parte sindical en moitas ocasións en que se tiren das listas de contratación como marcan os acordos co SERGAS para cubrir esta necesidade, e unha e outra vez chocamos contra a negativa do Xerente do HCV , preguntámonos, que oscuros intereses moven a este traballador público (o Xerente) a ter privatizado parte do servizo de informática.
Hai que decir que o traballador desta ?empresa concertada?, fai as mesmas funcións que os outros 2 traballadores do servizo que sí que entraron por listas de contratación nun proceso regulado e onde todos teñen as mesmas posibilidades cun baremo establecido e que goza das máximas garantias de imparcialidade.
Levounos moitos anos conseguir que se respetara o Pacto de Contratacións no HCV e temos que remontarnos ata hai 10 anos cando se privatizou a lavanderia deste Centro para atopar un Xerente que actue dun xeito tan caciquil en materia de contratación e privatización.
ESIXIMOS que se cumpra a normativa vixente en materia de contratación e se rematen dunha vez por todas este tipo de actitudes de corte claramente amiguista por parte do Xerente, estamos dispostos a utilizar e así o faremos tódalas armas que nos da a lexislación vixente para denunciar este tipo de abusos por parte da Xerencia do hospital.
En O Barco a 23 de xaneiro de 2008.
Noticia en La Región |
|
|
|
|
| negociación asuntos propios HCV |
|
|
|
|
|
|
| ASEMBLEA INFORMATIVA |
|
Mañá venres 14 de decembro ás 11:30 horas no Salón de Actos do HCV celebrarase unha Asemblea Informativa sobre o proceso de mobilizacións para reivindicar o aumento de plantilla. Nesta Asemblea a Comisión de Centro informará do estado da negociación e dos pasos a dar posteriormente.
Esperámosvos.
ASEMBLEA INFORMATIVA .
ASUNTO: MOBILIZACIÓNS AUMENTO DE PLANTILLA.
LUGAR: SALÓN DE ACTOS HCV
DÍA: VENRES 14 DE DECEMBRO
HORA: 11:30 HS.
|
|
|
|
|
| Seguimos coas mobilizacións |
|
Como sabedes hoxe continuamos coas mobilizacións que vimos levando a cabo polo aumento de plantilla no HCV, ao non ter recibido resposta por parte dos responsables provinciais do SERGAS.
O luns próximo (10 de decembro) manteremos unha reunión da Comisión de Centro onde veremos que postura imos adoptar en caso de seguir sen ningún tipo de resposta.
Seguiremos informando. |
|
|
|
|
|
|
|
