O MARTES 10, ÁS 20:00 ACUDE A MANIFESTACIÓN QUE CONVOCA A CIG, POLO DÍA DA CLASE OBREIRA GALEGA.
SAIREMOS DA PRAZA DA PALLOZA

RESOLUCIÓN DO COMITÉ DE EMPRESA DE ATENTO CORUÑA

Reunido en pleno ordinario o Comité de Empresa de Atento Coruña, por unanimidade dos presentes acorda:
-Rechazar rotunda e enerxicamente o despido de case a totalidade dos compañeiros que traballan na Coruña para a empresa Sykes, así como o de tódolos despedidos en Lugo.
-Apoiar publicamente as mobilizacións dos traballadores de Sykes que teñan como fin a paralización dos despidos e o mantemento de tódolos postos de traballo.
-Facer un chamamento á solidariedade da cidadanía da Coruña, e en particular á dos traballadores do Telemarketing, para que participen en cantas accións se convoquen en defensa dos postos de traballo en Sykes.

Comité de Empresa Atento Coruña
A Coruña 3 de Marzal de 2010

http://www.blogoteca.com/cigatento/index.php?cod=80924 COMUNICADOS http://www.blogoteca.com/cigatento/index.php?cod=80924#commentarios http://www.blogoteca.com/cigatento/index.php?cod=80924 Wed, 03 Mar 2010 22:14:00 +0100

Novo éxito nos paros en Sykes e manifestación até as oficinas de Vodafone para denunciar os despedimentos masivos

A empresa pretende desfacerse de case 500 persoas nos centros de A Coruña e Lugo

Baixo a consigna “polo mantemento do emprego en Sykes, non aos despedimentos, non á deslocalización”, preto de catrocentos traballadores e traballadoras da multinacional do telemárketing participaron nos paros de dúas horas convocados en contra das intencións da empresa de desfacerse de máis da metade do seu persoal. Durante o paro da mañá, que se volveu repetir na quenda de traballo da tarde, traballador@s e delegad@s sindicais desenvolveron unha manifestación que partiu dende ás portas de Sykes até as oficinas que Vodafone ten situadas en Agrela, dificultando a circulación do tráfico en boa parte do polígono industrial.

Paros e manifestación en Sykes

Os paros desenvolvéronse entre ás dez e ás doce do mediodía e entre ás cinco e as sete da tarde, afectando ás dúas quendas de traballo. Ademais realizouse unha marcha até as oficinas principais de Vodafone na cidade, onde o persoal permaneceu concentrado durante unha hora, para denunciar a deslocalización dos servizos da empresa de telefonía a países de América Latina. Nas mobilizacións desta mañá, que terán continuidade todos os martes de marzo, participaron tamén os deputados do BNG Henrique Vieitez e Carlos Aymerich.

Fins dos contratos por obra e expediente de regulación

O pasado luns 22 de febreiro, a empresa Sykes presentou un expediente de regulación de emprego que afecta a 241 traballadores en A Coruña e a 37 en Lugo, con contratos indefinidos. Sykes tamén pretende despedir a todos os contratados por obra no servizo 1004 de Telefónica, aplicando o artigo 17 do convenio. Isto incrementaría a cantidade de despedimentos até os 350 na Coruña e a 120 en Lugo.

Intervención da Xunta

Dende a CIG demandouse á Xunta que asuma a súa responsabilidade e interveña de xeito inmediato para frear as intencións de Sykes. “A Xunta ten que escoitar este clamor. Estes despedimentos, que afectarán a case 500 persoas, supoñen un pau tremendo para a economía de A Coruña e Lugo. A Xunta ten que paralizalos, porque non hai causas económicas que os avalen, novamente volvemos estar diante dunha pura e dura deslocalización na procura do máximo beneficio empresarial”

A CIG quere denunciar que estes despedimentos son froito dunha decisión empresarial, coa complicidade do goberno central e que nin este, nin a Xunta de Galiza teñen adoptado medida algunha ante a transferencia de datos de clientes de Vodafone e Telefónica, dúas das empresas que teñen contratas campañas en Sykes e que agora van levar os seus servizos a terceiros países. De feito, a primeiros de febreiro a Axencia española de Protección de Datos autorizou a Vodafone a transferir os datos dos seus clientes a países de Latinoamérica.

Comezaron as mobilizacións en SYKES contra os despedimentos masivos e a deslocalización da empresa.

@s traballador@s de Sykes secundaron os paros e concentracións convocadas pola CIG para o martes 9 e o luns 15 en contra dos despedimentos masivos previsto pola multinacional, co obxectivo de deslocalizarse. As mobilizacións terán continuidade até que a empresa desista nas súas intencións de despedir a 300 persoas (a metade do actual cadro de persoal) e retome as negociacións para acadar un plano que garanta a continuidade do emprego no centro de A Coruña.

aior participación.

Sykes comunicou o inicio de despedimentos masivos como resposta a unha suposta baixada na contratación dos servizos de atención telefónica que presta a Vodafone, despedimentos que pretende amortizar dun xeito barato mediante baixas incentivadas e que afectarían a 128 persoas.

A respecto da seguridade dos datos persoais manexados polas empresas, o BNG, a través do deputado Francisco Jorquera, vén de preguntar no Congreso pola decisión da Axencia estatal de Protección de Datos de autorizar a Vodafone a transferir os datos dos seus clientes a varios países de América Latina, para que poda deslocalizar así os servizos de atención ao cliente. Hai que lembrar que en Galiza estes servizos dan traballo a máis de 700 persoas distribuídos en Sykes, Unísono e Bosch (estas dúas situadas en Vigo), empregos que agora perigan.

O deputado nacionalista lembra no seu escrito que a autorización da AEPD é o primeiro paso para deslocalizar os servizos a países con man de obra máis barata, logo de se embolsar “cuantiosas axudas públicas por instalárense previamente no Estado español”. Por iso, tamén reclamou un cambio urxente na lexislación para que sexa obrigatorio que as empresas conten coa autorización expresa dos/as clientes cando se produza transferencias de datos a terceiros países.

As accións de protesta continuarán nos vindeiros días. De feito, a CIG xa ten convocados novos paros e concentracións para o martes 23 de febreiro, que afectarán ás dúas quendas de traballo.

O pasado mes de novembro a empresa comezou a facer “tutorías” en ADSL, argumentando que obedecen á intención de mellorar a calidade na atención aos clientes do mesmo, e obter maior satisfacción nos resultados do servicio para co noso cliente, segundo a empresa.

Sabemos que as tutorías non son aleatorias nin seguen un baremo obxetivo e que consideramos abusivo, ilegal, desproporcionado, e consideramos acoso laboral.

Temos constancia de que algúns compañeir@s néganse a que se lle realicen estas tutorías e que solicitan que se lles xustifique este feito por escrito, e a empresa non só se nega, senón que está notificando sancións por escrito por este feito.

Como nós consideramos que estamos no noso dereito tanto de negarnos como de exisilo por escrito, esta Sección Sindical o puxo en coñecemento da autoridade legal competente facendo unha denuncia ante a Inspección de Traballo no mesmo momento no que tivemos constancia destes feitos, no pasado mes de novembro.

Como aínda non temos resposta algunha por parte da Inspección de Traballo, para facer máis forza ante a empresa, o venres día 5 de febreiro aproveitando a reunión mensual do Comité de Empresa, a CIG expúsolle ao resto de forzas sindicais este tema para facelo conxuntamente.

A CGT comunicóunos que eles tamén xa denunciaran o tema coma nós, CCOO e UGT indicaron que non fixeran nada ao respecto pero que de todas as maneiras hoxe martes 9 de febreiro darían unha resposta indicando si apoian a denuncia conxunta ou non, porque tiñan que consultalo.

A resposta de CCOO foi que non faría nada ao respecto e UGT indicou que aínda non o consultara, dando voltas e voltas por non decir claramente que non.

A Coruña, 9 de Febreiro de 2010

Miles de persoas enchen o Obradoiro para manifestarse “en defensa da convivencia e do galego”

Os estudantes sumáronse masivamente á marcha
A manifestación convocada pola plataforma cidadá Queremos Galego colapsou Compostela superando mesmo a asistencia prevista pola organización, que cifrou a participación nunhas 80.000 persoas, cunha máis que significativa asistencia de estudantes, que apoiaron masivamente a mobilización. A plataforma cidadá tamén valorou como un éxito o seguimento da folga convocada no ensino, que foi secundada por preto do 90% do profesorado e o estudantado.


Unha marea humana colapsou a cidade de Compostela e a praza do Obradoiro quedou pequena para acoller a todos/as os que, na mañá deste xoves 21 de xaneiro, quixeron proclamar, coa súa presenza, que non están dispostos a retroceder a aqueles tempos escuros nos que o galego era unha lingua proscrita no ensino.

Bases de extinción do galego

O secretario nacional de CIG-Ensino afirmou que esta proposta, á que denominou de “bases para a extinción do galego” é a “agresión máis severa contra o noso idioma nos últimos trinta anos” e denunciou que a consellaría “abandona a normalización lingüística e elude as súas responsabilidades, levando o conflito aos centros, coa intención de crear unha fractura social importante e buscar a desaparición do noso idioma no ensino”.

GRAZAS A TOD@S @S QUE PUIDECHEDES ACUDIR Á MANIFESTACIÓN EN DEFENSA DO NOSO IDIOMA !!!

]]> http://www.blogoteca.com/cigatento/index.php?cod=77983 COMUNICADOS http://www.blogoteca.com/cigatento/index.php?cod=77983#commentarios http://www.blogoteca.com/cigatento/index.php?cod=77983 Fri, 22 Jan 2010 18:53:00 +0100 Folga no ensino o 21 de xaneiro

A CIG rexeita o borrador do novo decreto porque supón unha involución na normalización lingüística e unha agresión ao galego.

CIG esixe a retirada deste borrador e o mantemento do Decreto vixente (124/2007), única ferramenta posíbel para garantir os dereitos das galegas e dos galegos, o cumprimento da Lei de Normalización Lingüística e da Carta europea das linguas que obriga ao goberno galego a poñer os medios necesarios para a aprendizaxe do noso idioma como única medida que garante o cumprimento da Declaración Universal dos Dereitos lingüísticos.

Ante este novo ataque, a CIG-Ensino, como ten anunciado, conxuntamente coa Plataforma Queremos Galego, levará a cabo unha folga no ensino o día 21. Con esta folga xeral do ensino daremos contestación a esta nova agresión coa que o Goberno da Xunta e o seu presidente Núñez Feijóo pretenden reducir os dereitos das galegas e dos galegos e moi especialmente os das xeracións máis novas, reducindo o seu contacto co noso idioma e, deste xeito, o seu recoñecemento como galegas e galegos.

Con esta histórica manifestación ponse a primeira pedra para a presentación dunha Iniciativa Lexislativa Popular en defensa da nosa lingua
Galegos e galegas de todas as idades chegados dos máis diversos puntos da nosa xeografía uníanse este domingo 18 de outubro en Compostela para defender o noso máis preciado sinal de identidade: a nosa lingua, o galego. Unha soa voz para manifestar que non estamos dispostos a que se dea nin un paso atrás e para denunciar os ataques dos que estamos a ser vítimas por parte dun goberno que como lembraba un dos portavoces da plataforma convocante Queremos galego, Carlos Callón, non tería razón de ser se a lingua á que tanto atacan non existira.

Dúas veces houbo que repetir o acto de peche da manifestación na Quintana para que os manifestantes puideran escoitar as intervencións dos portavoces da plataforma Queremos Galego. Intervencións nas que se denunciaron os ataques dos que está a ser obxecto a nosa lingua e os galegos e galegas por parte do goberno presidido por Alberto Núñez Feijoo, tal e como se recolle no manifesto.
Un goberno que pasará á historia por ser o primeiro destes 30 anos de democracia que “non respecta a obriga estatutaria de promover e potenciar o uso da lingua propia do país e os seus usos oficiais”.
Un goberno que se gaba de incumprir a legalidade e o propio Estatuto, ao que fixo referencia o presidente da Mesa pola Normalización Lingüística, Carlos Callón, lembrando que “nós defendemos a aplicación do artigo 5 do Estatuto, que recoñece que a lingua galega é a lingua propia do país e obriga aos poderes públicos a promovela”. Todo o contrario do que se está a facer desde que chegou á Xunta de Galiza Núñez Feijoo. “Defendemos a plena aplicación da Lei de Normalización Lingüística, defendemos a Carta das Linguas”, engadiu Callón quen lamentou que o goberno ignore as recomendacións realizadas polo Comité de Expertos do Consello de Europa que dixo que en Galiza non se está a garantir o dereito a vivir en galego e que demandou dos poderes públicos que se poñan as medidas no ensino, na administración, na xustiza, nos servizos públicos, nos medios de comunicación, para mudar esta situación.

Falo galego porque si, porque me peta

A intervención do intelectual Avelino Pousa Antelo,presidente da Fundación Castelao,foi a máis emotiva. Cos seus 95 abriles, como el mesmo dixo, recolleu a cita de Castelao “se os galegos somos galegos e por obra e gracia da nosa lingua” e nun ton reivindicativo fixo un chamamento a levar “eses bombos que antes tocaban a San Caetano, para non deixalos durmir tranquilos. Pousa Antelo pechou a súa intervención co "eu fáloa porque sí, porque me gosta, porque me peta e quero e dame a gaña", de Celso Emilio.

Iniciativa lexislativa popular

Fran Rei anunciou que, en diante, a plataforma percorrerá as rúas de todas as vilas e cidades do país para recoller sinaturas en apoio da Iniciativa Lexislativa Popular que a plataforma quere presentar no Parlamento de Galiza en defensa da lingua galega e para que, como rezaban moitas das pancartas, non se dea nin un paso atrás.

* Tanto este proceso de indefinidos coma o do 11822 (os compañeiros que subiron ao CAT e a SATE) foron “a dedo”, porque se saltaron a antigüidade, pero ... que casualidade ... os dous levaban un delegado de UGT. *

*Recordámosvos que cando a empresa vos chame ao despacho para impoñervos unha sanción, debedes chamar a un representante sindical, porque a parte de que é contraproducente ir só ao despacho, a empresa fai “chapuzas” e se poden anular as sancións.*

Ante a represión, a

TODO DEPENDERÁ DO NOSO ESFORZO