Miles de persoas enchen o Obradoiro para manifestarse “en defensa da convivencia e do galego”

Os estudantes sumáronse masivamente á marcha
A manifestación convocada pola plataforma cidadá Queremos Galego colapsou Compostela superando mesmo a asistencia prevista pola organización, que cifrou a participación nunhas 80.000 persoas, cunha máis que significativa asistencia de estudantes, que apoiaron masivamente a mobilización. A plataforma cidadá tamén valorou como un éxito o seguimento da folga convocada no ensino, que foi secundada por preto do 90% do profesorado e o estudantado.


Unha marea humana colapsou a cidade de Compostela e a praza do Obradoiro quedou pequena para acoller a todos/as os que, na mañá deste xoves 21 de xaneiro, quixeron proclamar, coa súa presenza, que non están dispostos a retroceder a aqueles tempos escuros nos que o galego era unha lingua proscrita no ensino.

Bases de extinción do galego

O secretario nacional de CIG-Ensino afirmou que esta proposta, á que denominou de “bases para a extinción do galego” é a “agresión máis severa contra o noso idioma nos últimos trinta anos” e denunciou que a consellaría “abandona a normalización lingüística e elude as súas responsabilidades, levando o conflito aos centros, coa intención de crear unha fractura social importante e buscar a desaparición do noso idioma no ensino”.

GRAZAS A TOD@S @S QUE PUIDECHEDES ACUDIR Á MANIFESTACIÓN EN DEFENSA DO NOSO IDIOMA !!!

A CIG rexeita o borrador do novo decreto porque supón unha involución na normalización lingüística e unha agresión ao galego.

CIG esixe a retirada deste borrador e o mantemento do Decreto vixente (124/2007), única ferramenta posíbel para garantir os dereitos das galegas e dos galegos, o cumprimento da Lei de Normalización Lingüística e da Carta europea das linguas que obriga ao goberno galego a poñer os medios necesarios para a aprendizaxe do noso idioma como única medida que garante o cumprimento da Declaración Universal dos Dereitos lingüísticos.

Ante este novo ataque, a CIG-Ensino, como ten anunciado, conxuntamente coa Plataforma Queremos Galego, levará a cabo unha folga no ensino o día 21. Con esta folga xeral do ensino daremos contestación a esta nova agresión coa que o Goberno da Xunta e o seu presidente Núñez Feijóo pretenden reducir os dereitos das galegas e dos galegos e moi especialmente os das xeracións máis novas, reducindo o seu contacto co noso idioma e, deste xeito, o seu recoñecemento como galegas e galegos.

Con esta histórica manifestación ponse a primeira pedra para a presentación dunha Iniciativa Lexislativa Popular en defensa da nosa lingua
Galegos e galegas de todas as idades chegados dos máis diversos puntos da nosa xeografía uníanse este domingo 18 de outubro en Compostela para defender o noso máis preciado sinal de identidade: a nosa lingua, o galego. Unha soa voz para manifestar que non estamos dispostos a que se dea nin un paso atrás e para denunciar os ataques dos que estamos a ser vítimas por parte dun goberno que como lembraba un dos portavoces da plataforma convocante Queremos galego, Carlos Callón, non tería razón de ser se a lingua á que tanto atacan non existira.

Dúas veces houbo que repetir o acto de peche da manifestación na Quintana para que os manifestantes puideran escoitar as intervencións dos portavoces da plataforma Queremos Galego. Intervencións nas que se denunciaron os ataques dos que está a ser obxecto a nosa lingua e os galegos e galegas por parte do goberno presidido por Alberto Núñez Feijoo, tal e como se recolle no manifesto.
Un goberno que pasará á historia por ser o primeiro destes 30 anos de democracia que “non respecta a obriga estatutaria de promover e potenciar o uso da lingua propia do país e os seus usos oficiais”.
Un goberno que se gaba de incumprir a legalidade e o propio Estatuto, ao que fixo referencia o presidente da Mesa pola Normalización Lingüística, Carlos Callón, lembrando que “nós defendemos a aplicación do artigo 5 do Estatuto, que recoñece que a lingua galega é a lingua propia do país e obriga aos poderes públicos a promovela”. Todo o contrario do que se está a facer desde que chegou á Xunta de Galiza Núñez Feijoo. “Defendemos a plena aplicación da Lei de Normalización Lingüística, defendemos a Carta das Linguas”, engadiu Callón quen lamentou que o goberno ignore as recomendacións realizadas polo Comité de Expertos do Consello de Europa que dixo que en Galiza non se está a garantir o dereito a vivir en galego e que demandou dos poderes públicos que se poñan as medidas no ensino, na administración, na xustiza, nos servizos públicos, nos medios de comunicación, para mudar esta situación.

Falo galego porque si, porque me peta

A intervención do intelectual Avelino Pousa Antelo,presidente da Fundación Castelao,foi a máis emotiva. Cos seus 95 abriles, como el mesmo dixo, recolleu a cita de Castelao “se os galegos somos galegos e por obra e gracia da nosa lingua” e nun ton reivindicativo fixo un chamamento a levar “eses bombos que antes tocaban a San Caetano, para non deixalos durmir tranquilos. Pousa Antelo pechou a súa intervención co "eu fáloa porque sí, porque me gosta, porque me peta e quero e dame a gaña", de Celso Emilio.

Iniciativa lexislativa popular

Fran Rei anunciou que, en diante, a plataforma percorrerá as rúas de todas as vilas e cidades do país para recoller sinaturas en apoio da Iniciativa Lexislativa Popular que a plataforma quere presentar no Parlamento de Galiza en defensa da lingua galega e para que, como rezaban moitas das pancartas, non se dea nin un paso atrás.

Supoñemos que xa recibichedes a carta informandovos das asembleas pre-congresuais para a 5º Asemblea Comarcal da CIG.

Temos o modelo de candidatura para que o presentedes se queredes ser candidatos para acudir a Asemblea Comarcal como congresistas e ter dereito a votar as candidaturas para a Executiva Comarcal, Secretaria Comarcal e Consello Confederal da CIG. Tod@s @s que estedes interesad@s poñedevos en contacto con nos para recoller un formulario.

Recordade que a candidatura ten que presentarse como moito o dia 6. Podedes presentala tanto na CIG como a calquera delegada da nosa seccion.

Se tedes algunha dubida, poñedevos en contacto con nos.

Antes de relatarvos o pouco que sucedeu na reunión de onte na Inspección, e debido as criticas que recibimos polo comunicado que sacamos o día 7 de agosto do 2009, e para que non se nos volva a tachar de manipuladoras, queremos aclarar que:

- Cando puxemos en varias ocasións: “O Inspector ratifica o que a CIG expón na súa denuncia [...] “ o que case todos seguramente entendestes, e o que queríamos dicir era que o Inspector non desestimaba as nosas denuncias directamente, senón que tiña que revisar toda a documentación para darnos por escrito a decisión de cada denuncia.

Aclarado isto, que de seguro xa entenderades perfectamente, relatamos o que sucedeu o martes en Inspección.

Modificación substancial: punto pendente da reunión na que o Inspector visitóu Atento.

Fixemos unha denuncia polo proceso de indefidos, no que a empresa discrimina, non aporta a información oportuna ao Comité, e non segue un criterio xusto saltándose a antigüedade, e pola modificación substancial en PYMES, porque entendemos que:

-A xente que cambiou “voluntariamente” de turno, o fixo ilegalmente, porque non caben acordos individuais nunha modificación substancial colectiva (véase Estatuto dos Traballadores).

-Hai xente que está facendo horarios fóra de banda (por exemplo: 12:00-19:00) que requiren a firma do Comité para facelos legais, e o acordo asinado por Empresa-UGT-CCOO non o reflexa. (Véase Convenio).

CONCLUSION:

O Comité de empresa recibe a notificación por escrito dun horario fóra de banda, e a apertura dun Período de consultas para moficar os horarios en PYMES.

A maioría deste Comité (CCOO-UGT) firmou este acordo, sen importarlle que nel, só falan dun horario fora de banda de 12:00 a 19:00, cando se están facendo máis horarios fóra de banda.

A maioría deste Comité (CCOO-UGT) firmou este acordo, sen importarlle que nel, indiquen que é para 12 persoas, cando hai máis compañeiros que o están facendo sen estar incluídos nese listado.

A maioría deste Comité (CCOO-UGT) firmou este acordo, sen importarlle que nel, non se fala en ningún momento de que se acepta modificar as bandas horarias que especifica o Convenio.

A maioría deste Comité (CCOO-UGT) firmou este acordo, sen importarlle nin posicionarse en contra, cando a Empresa discrimina a traballadoras de PYMES, “castigándoas” sen ampliación a 39 horas. (CGT xa vos informou de que isto, estaba gañado no xulgado).

A maioría deste Comité (CCOO-UGT) firmou este acordo, levando a bandeira da estabilidade e colgándose a medalla de conseguir indefinidos no CAT e en SATE, sen importarlle que este proceso discrimina a traballadoras máis antigas por ter unha reducción de xornada por coidado de fillos, e sáltase ao seu antollo a antigüidade dos compañeiros de obra, para facer indefinidos polo “metodo dixital”





Tíñamos pendente outra denuncia: Sancións.

A notificación das sancións graves ou moi graves, segundo o artigo 71 do Convenio de Contact Center que asinaron Patronal-CCOO-UGT, indica que para “proceder a imposición” das sancións debe comunicárselle aos representantes dos traballadores.
Pero cal é a nosa sorpresa, que só á CIG e á CGT, lle parece mal que o 7 de agosto, a empresa nos comunique as sancións postas dende xaneiro ata agora.
A resposta da empresa foi que as comunica cando lle da a gana.
Cal será a resposta do Inspector??



Todo isto, só serve para:

* Modificarlle o horario aos compañeiros de PYMES, asignándolles un fora de banda cando a empresa queira, preavisando cos 7 días de antelación, porque para iso teñen un acordo coa maioría do Comité.

* Inventarse outros horarios fóra de banda a parte do de 12:00 a 19:00, porque para iso teñen un acordo coa maioría do Comité.

* Vender estabilidade na plataforma facendo indefinidos nun servizo, pero saltarse o Convenio e pisotear os dereitos dos traballadores doutro, porque para iso teñen un acordo coa maioría do Comité.

Tras a visita desta Sección Sindical, o 27 de xullo á Inspección de Traballo para tratar varias denuncias pendentes con J.Iván Fernández Blas (Inspector de Traballo), éste comprometese a visitar o centro o venres 31 de xullo.

Nesta visita o Inspector reune á empresa e aos representantes sindicais presentes no Comité para indicar os temas pendentes e solicítarlle á empresa toda a documentación para unha próxima reunión a celebrar o martes 4 de agosto, e lle indica á empresa que se a documentación non está lista para ese día ou alguén non pode acudir, non tiña problema en retrasala uns días.

O martes día 4 iníciase a reunión ás 10:45, estando presentes representantes de todas as Seccións Sindicais e por parte da empresa Luis López Elena (ao teléfono), Teresa Ramil e Yolanda Seoane.

Os temas que se trataron foron os seguintes:

-Aire acondicionado: Como vos indicamos no seu momento, a petición da CIG, o Gabinete Provincial de Seguridade e Saúde fixo un informe no que lle requería á empresa que fixera unha serie de cambios no aire acondicionado, porque o CO2 superaba os límites.
O Inspector ratifica o que a CIG expón na súa denuncia e lle solicita á empresa os informes destas modificacións e indica que deben facer de novo as medicións. Dille á empresa que hai que facer novas medicións, tanto do Servicio Mancomunado de Telefónica como do Gabinete.

-Limpeza dos filtros do aire: Indicámoslle ao Inspector que a limpeza dos filtros estáse a facer no noso horario laboral, deixando o aire acendido e sen filtro, mentras estamos traballando, e que as rexillas de entrada do aire non as limpan.
O Inspector ratifica o que a CIG expón na súa denuncia e lle indica á empresa que debe falar coa empresa de mantemento para que a limpeza a faga fora de horario laboral.

-PVD: Dende a visita do Gabinete en novembro do 2007 a empresa ten que poñer unhas bases reguladoras nos monitores para que estes sexan regulables en altura. A empresa non o fixo porque di que o Servicio Mancomunado de Telefónica indicóu que non eran necesarios.
O Inspector ratifica o que a CIG expón na súa denuncia e indica que segundo o Real Decreto si que é necesario, e se o Gabinete o indicóu o teñen que facer.

-Quendas: Durante 15 días, os traballadores do 11822 estiveron adscritos a dúas quendas e con horarios fóra de banda segundo o Convenio.
A empresa non lle notificóu (coma sempre) con antelacion ao Comité este feito.
O Inspector ratifica o que a CGT expón na súa denuncia, indicando que esta notificación tiña que preavisarse con 45 días de antelación, e sempre coa sinatura do Comité para validalos, como indica o Convenio.

-Contrato mercantíl: A CGT solicita o contrato mercantil do novo servicio 2424, xa que entenden que non ten nada que ver co 11822 e só o atenden os traballadores indefinidos.
A empresa indica que non é un servizo novo, porque está dentro do 11822, e cando unha delegada da CIG lle pregunta a Luis López porque só o atenden os indefinidos, éste indica que como a denuncia non é nosa, non ten que responder.
O Inspector revisará a documentación destes servicios para valorar se son o mesmo.

-Formación de PYMES: Indicámoslle ao Inspector o feito de que comezase o servizo de PYMES e os traballadores de NeP pasaran a atender este servizo, e que a día de hoxe aínda haxa traballadores sen formación, co que isto supón para a carga mental, como xa comprobamos nos resultados da enquisa de carga mental que requeríu a Inspectora anterior.
O Inspector indica que no referente á formación a empresa debe ser a máxima interesada en ter aos seus traballadores formados, pero que en todo caso revisará se isto afecta á carga mental.

-Conversión a indefinidos en ADSL e SAT SATE: Tanto a CIG como CGT denunciamos o criterio a seguir para a conversión a indefinidos e a falta de información no proceso, tanto ao Comité como aos traballadores.
En todo momento tanto a CIG como a CGT, deixa claro que estamos dacordo en que se fagan indefinidos, sempre que sexa un proceso claro e que se axuste á legalidade, tanto ao Convenio como ao Estatuto dos Traballadores.
O Inspector indica que segundo o Estatuto, a empresa tiña que informar ao Comité e a os traballadores de todos os servizos, que se iniciaba este proceso para que todos puideramos optar, e indica que os traballadores que se viran discriminados neste proceso deberían denunciar xudicialmente.

Neste punto, e despois de case dúas horas de reunión, Luís López lle recrimina ao Inspector que non foi preavisado con tempo para acudir a esta reunión, e lle solicita que a pospoña.
O Inspector lle indica que non entende a que ven isto despois de dúas horas de reunión, e que agora todo o que está falado e a documentación presentada pola empresa, lle sirve perfectamente para valorar as denuncias pendentes.
O Inspector, despois de aturar que en varias ocasións Luis López lle chamara partidista e lle indicara como facer o seu traballo, recordoulle que lle deu a opción o venres 31 de xullo de posponer a cita, pero que aínda así accedía a convocar unha nova reunión o martes 18 de agosto para tratar os temas que todavía quedan pendentes desta reunión.

Como en reunións anteriores, tanto a CIG como a CGT, tivemos que aturar faltas de respecto por parte de Luís López, sen ter en consideración o que dicíamos, e incluso dicir que non nos contestaba porque éramos os sindicatos minoritarios, e insinuar que non lle importa a nosa opinión nin aos que representábamos porque somos a minoría do Comité.

Aínda que a CIG temos que aturar este comportamento por parte da empresa e en especial de Luis López, e aínda que non teñamos toda a información que manexan outros sindicatos, seguiremos facendo todo o que esté na nosa man, para denunciar todas as irregularidades que comete Atento.

A Sección Sindical da CIG en Atento, solidarízase cos compañeiros de Bunge e apoia a súa loita para garantir os postos de traballo na nosa Comarca. A empresa, viuse obrigada a retirar o ERE antes de que a Xunta o anulase, debido a que existe un informe de Inspección de Traballo recomendando a súa anulación. Aínda así os traballadores vense acosados pola empresa,con permisos retribuídos, despidos surrealistas e traslados a Barcelona, Bilbao ou Cartaxena.

Aínda que a planta de Bunge na Coruña, só ten 46 traballadores, esta e unha empresa da que depende moitas outras, como as empresas auxiliares que traballaban nela, que xa despediron aos seus traballadores, os transportistas, que xa perderon as viaxes e as conserveiras que utilizan o aceite que se fabrica en Bunge, que teñen que traer o aceite de Bilbao o que significa aumentar os gastos nestes momentos de crise, cas consecuencias que isto pode ter.

Ante a represión, a

TODO DEPENDERÁ DO NOSO ESFORZO

Como recordaredes, levamos dende febreiro agardando unha reunión coa empresa para falar do proceso de conversión a indefinidos. Este luns, 29 de Xuño, e por teléfono, comunícannos que farán 20 contratos, 17 no cat-adsl e 3 en sat-sate. Esta Sección sindical na xuntanza do luns preguntou qué criterios se ían seguir para a conversión a indefinidos, e a empresa contestou que serían: traxectoria laboral e antigüidade.

Este proceso ven derivado dun acordo asinado por CC.OO. e UGT con Atento, e que a CIG e CGT non asinaron. A CIG non asinou porque a firma deste acordo pasaba por aceptar unha modificación de horarios en Pymes que non se axustaba á legalidade e porque o proceso de indefinidos no se ía facer segundo o Convenio, véndose claramente que non sería un proceso transparente nin obxectivo.

Onte entregóuselle ao Comité a lista de traballador@s que serán indefinid@s. Observando esta lista e comparándoa co listado de traballador@s de obra destes servizos, vemos que non se sigue o criterio de antigüidade e sáltanse traballadoras das máis antigas que teñen reducción de xornada por maternidade. Este último feito parécenos especialmente grave, dado o grado de protección das persoas con reducción de xornada por maternidade e que por riba son das máis antigas.



De feito, no mencionado acordo establecese “la posibilidad de realizar contratos indefinidos a los trabajadores de los distintos servicios que se prestan en el centro de A Coruña”. Neste caso os compañeiros de Pymes foron os afectados polos cambios de horarios e este servizo quedou excluído deste proceso.

O pasado 12 de maio publicase no BOE un acordo asinado entre CCOO-COMFIA, FES-UGT e a Asociación de Contact Center Española (ACE), no que se derroga (Deixar sen validez [unha lei ou unha parte dela] mediante outra lei, un decreto, unha disposición, etc. (segundo a Real academia galega) o Artigo 55 do Convenio Estatal de Contact Center, que di textualmente:

Como vedes, o Art.55 na súa parte final di expresamente: “ Para estes efectos estimaranse custos repercutibles todos os conceptos económicos que se contemplan neste Convenio.” Como o salario d@ traballad@r é un concepto económico do Convenio non sabemos se isto repercutirá negativamente no salario xa que, loxicamente, se ti cobras menos por un traballo intentarás pagar menos aos teus traballador@s para sacar máis rendibilidade. Un exemplo disto foi o que pasou en Digitex que aplicaba un convenio laboral con inferiores salarios aos do Convenio, porque a empresa e certa representación sindical asinaran un convenio extraestatutario. Finalmente o Tribunal Supremo obrigou a Digitex a aplicar o III Convenio de Telemárketing e a pagar aos traballador@s os atrasos ata completar os salarios do noso Convenio.

CCOO, UGT e a patronal asinaron a eliminación deste artigo, non sabemos moi ben con que fin, pero esperemos que non repercutan en nos as consecuencias.

** Acontinuación tes o acordo publicado no BOE o 12 de maio do 2009 **

ACUERDAN

Conforme a la resolución acordada por el Consejo de la Comisión Nacional de la Competencia en fecha 16 de marzo de 2009, en el Expediente número S/0076/08, la derogación del artículo 55 del Convenio Colectivo de Contac Center publicado en el «BOE» número 44, de fecha 20 de febrero de 2008, y actualmente en vigor, y, asimismo, acuerdan poner en conocimiento de la Dirección General de Trabajo esta derogación, solicitando su registro y publicación en el «BOE».

Además acuerdan también, y conforme a la resolución antes citada del Consejo de la CNC, remitir a la Dirección de Investigación de la CNC copia de la derogación del artículo 55 del Convenio vigente, así como de la solicitud de registro y publicación en el «BOE».
Este acuerdo se suscribe entre la parte empresarial y los sindicatos CC.OO.-COMFIA y FES-UGT.

Onte día 17 de xuño a Empresa convocou ao Comité a unha xuntanza. Por parte da empresa estaban presentes Pilar Rosada, Manuel Prieto, Arantxa (Xerente do CAT e de SAT-SATE e Ricardo (Responsable do CAT) e por parte do Comité dous delegad@s de cada Sección Sindical.

O motivo era pedir a colaboración do Comité para animar aos compañeir@s de ADSL para que colleran as vacacións antes do 31 de agosto e incluso na primeira semana de setembro e o mes de decembro. ¡¡¡ qué capacidade de previsión...!!!

Non entendemos a qué ven esta petición, cando as vacacións son de común acordo entre empresa e traballad@r e ademais, xa hai un mes que a empresa o ofrece individualmente.

Tamén saben as horas que imos estar “libres”, e por tanto, as horas que lles “sobran” incluso concedendo vacacións.

O feito de que hai uns días a empresa xa dixo que no verán non habería chamadas, e que se concederían as vacacións que se pediran antes do 31 de agosto, unido a esta petición de “colaboración” ao Comité, levou a esta Sección a formular a pregunta de se tiña isto algo que ver con informacións sobre despedimentos no CAT. A isto respondeu Arantxa textualmente: “¿Que despidos?” e Pilar lle dixo que había un “rumor” de que sobraban persoas en ADSL, pero que ela xa lle explicara a todo o mundo que en setembro se esperaba un repunte de chamadas.

Nos últimos tempos o galego está recibindo numerosos ataques, rachando o consenso acadado co Plan Xeral de Normalización da Lingua Galega, aprobado por unanimidade no Parlamento Galego en 2004, e do que a súa legalidade foi referendada por varias sentenzas do Tribunal Superior de Xustiza de Galicia.

O actual Goberno galego ten en marcha unha enquisa trampa que deben responder os pais e nais.
E dicimos que é unha enquisa trampa, xa que para manter o actual 50% debemos contestar que queremos “todo en galego”, sen que isto signifique que optamos por todo o ensino en galego, xa que esta opción non se considera.

Feito este que debemos subliñar: non se consulta nin será posible a opción do ensino 100% en galego, cando precisamente se utiliza o suposto dereito a “libre elección” como argumento demagóxico para abolir o actual decreto.

Por último recomendamos incluír no apartado de observacións da enquisa as seguintes consideracións:

“Desexaría que o ensino fose en galego, unha opción que non recolle esta enquisa.

Estou a favor da aplicación do decreto actual de promoción e uso do galego no ensino, realizado co consenso da comunidade educativa e que emana do Plan Xeral de Normalización da Lingua Galega, aprobado por unanimidade no Parlamento Galego.

Todo o anterior fai que os resultados desta consulta non me parezan lexítimos.”

A Coruña, 17 de Xuño de 2009

Como xa vos informamos no comunicado do venres 5, esta Sección Sindical está recibindo de distintas fontes, informacións relativas a despedimentos en ADSL.

Por este motivo, solicitamos unha xuntanza coa empresa para saber se estas informacións son correctas, e se o foran, tomarmos as medidas oportunas.

A empresa nos intenta ocultar toda a información que pode, pero cos antecedentes que hai é inevitable a sospeita. Por elo, estamos facendo todo o que está nas nosas mans para averiguar se vai haber despidos e intentar evitalos.

*Abaixo, vai o escrito de solicitude de xuntanza coa empresa, presentado hoxe.*

Á/A DEL RESPONSABLE DE RELACIONES LABORABLES DE ATENTO ESPAÑA S.A. Luís López Elena
Á/A. DEL RESPONSABLE DE RECURSOS HUMANOS DE ATENTO ESPAÑA S.A. Iñaki Cebollero

Asunto:Solicitud de reunión .



Por medio del presente escrito, la Sección Sindical de la CIG en Atento solicita una reunión con ustedes, para tratar los siguientes puntos:

1- Conversiones a indefinidos en el centro de A Coruña.

2- Reestructuración de la plataforma de A Coruña, debido a las informaciones de posibles despidos llegadas a esta Sección.

Non queremos que se nos acuse de alarmistas como xa pasou nos despidos do 11822 e nos traslados a León por parte dalgúns compañeir@s e do resto do Comité, pero cremos que o noso deber é informarvos do que acontece e das informacións que nos van chegando cronoloxicamente.

O día 4 de maio o Comité tiña que reunirse con Luís López ( RR.LL), Arantxa Saldaña, Xerente de Operacións e Carlos Arconada de Pymes para falar da conversión a indefinidos no CAT ADSL.A esta reunión só acude Luís López, para indicar que ésta se celebrará a semana seguinte porque Arantxa e Carlos non puideron vir.

Aos poucos días, compañeir@s de ADSL nos aseguran que, “presuntamente” delegad@s de UGT, dixeron que en xuño haberá 60 despidos no CAT.

Unha semana máis tarde aparecen parte dos directivos de Atento xunto cos de Telefónica, pero non se reúnen co Comité. Escúsanse dicindo que volverán nun par de semanas para celebrar dita reunión. Seguimos esperando...

O martes 3 de xuño indícase ao persoal de ADSL que se piden as vacacións para o mes de agosto serán concedidas, incluso para os que as teñen noutros períodos e as queiran cambiar, compensacións de festivos, días soltos etc, coa única condición de que sexa para gozalas antes do 31 de agosto.
Se ata agora tiñamos que esperar ata o último minuto (legal) para saber se os festivos os libramos ou non, que foi o que cambiou??? Mercou atento a bola de cristal?? Ou vai pasar algo...

Nesa mesma conversa preguntamos pola reunión con Arantxa e compaña e nos responden que para reducir gastos anularon todas as viaxes dos directivos e empregados de Atento e non saben cando virán. Parécenos unha tomadura de pelo porque son moitas as veces nas que as reunións que mantemos coa empresa son por teléfono.

PUBLICACIÓN: Diario Oficial de Galicia (DOG) de 29 de maio de 2009

Orde do 22 de maio de 2009 pola que se regula o exercicio de dereito ao voto das persoas traballadoras por conta allea nas eleccións ao Parlamento Europeo convocadas para o día 7 de xuño de 2009 polo Real decreto 482/2009, do 3 de abril.

* Se o teu horario de traballo non coincide co de apertura das mesas electorais (9:00-20:00).
* Se o teu horario coincide nun período inferior a dúas horas co horario das mesas electorais (9:00-20:00).
* Se o día das eleccións non gozas dun permiso retribuído ou de descanso semanal.

* Se o teu horario de traballo coincide entre dúas e catro horas có período de apertura das mesas tes dereito a dúas horas de permiso retribuído.
* Se o teu horario de traballo coincide entre catro e seis horas coa apertura das mesas electorais, tes dereito a tres horas de permiso retribuído.
* Se o teu horario de traballo coincide en seis horas co de apertura das mesas electorais, tes dereito a catro horas de permiso retribuído.
* Se tes xornada reducida efectuarase a correspondente reducción proporcional do permiso.
* Se non te atopas na localidade na que estás censad@, disporás, de ata catro horas libres, de igual maneira que o establecido no artigo anterior.

* Se es presidente, vocal ou interventor na mesa electoral tes o día da votación un permiso retribuído pola xornada completa (se non gozas dun permiso retribuído ou de descanso semanal) e unha reducción da xornada de traballo en 5 horas no día seguinte (segundo os artigos: 28.1º e 78.4º da Lei Orgánica de Réxime Electoral Xeral).
* Se traballas en quenda de noite no día anterior as eleccións a empresa cambiarache a quenda para que poidas descansar esa noite.
* Se es apoderado tes dereito a un permiso retribuído durante o día da votación, acorde có previsto no artigo 76.4º da Lei Orgánica de Réxime Electoral Xeral.

A Coruña, 2 de xuño de 2009

1 [2] [3] [4]