 A plataforma soberanista Causa Galiza apela à participaçom em todos os actos e iniciativas em defesa do nosso idioma: festas lúdico-reinvindicativas, concentraçons, correlínguas, greves, manifestaçons ?, que se celebrem no nosso País.
Todo é pouco para deter a brutal ofensiva do espanholismo versom PP que trata de, esta vez sem subterfúgios ou excusas, desproteger ainda mais o nosso idioma na Comunidade Autónoma.
Temos que lembrar que esta política é o resultado inevitável do fracasso de essa outra política: a do BNG-PSOE -timorata, ambígua, contraditória, acomplexada- que nom supujo apenas um avanço real da língua galega.
Causa Galiza é consciente de que a autodeterminaçom e a soberania nacional estám intimamente relacionadas com a defesa e o avanço da única língua da Galiza, a língua do seu povo trabalhador. A mais consciência e mais galego mais autodeterminad@s e soberan@s seremos.
Temos, mulheres e homens deste País, a obrigaçom moral de parar e confrontar os ataques que a nossa identidade padece polo projecto assimilacionista espanhol.
O nosso dever há de consistir em apoiar e fortalecer o tecido social a prol do galego.
Encontramo-nos numha encruzilhada, o idioma próprio, o idioma dos noss@s antepassad@s que nos identifica como povo útil, utilizado e compreendido por milhons de pessoas, quer ser fagocitado, esnaquizado e extinguido por um feroz inimigo instalado num brutal auto-ódio descerebrado e suicida.
A toda esta dura e longa luita temos também que acrescentar a ainda mais precária situaçom das comarcas estremeiras do Návia-Eu, Berzo, Cabreira e Seabra.
Mas tenhamos paz nos coraçons. Esta luita será vencida pol@s que temos a razom e a justiça do nosso lado tarde ou cedo.
Na Galiza em galego!!!
Paremos a ofensiva espanholista!!
O galego é o nosso único idioma!
Galiza, 12 de Maio de 2009
|
