Choposcarballo


Usuari@s do CRLP "Os Chopos" de Carballo da asociación APEM(Asociación Pro Enfermos Mentais)da Coruña.







¿QUEN SOMOS?
choposcarballo@yahoo.com
 CATEGORÍAS
 FOTOBLOGOTECA
 RECOMENDAMOS
 BUSCADOR
 BUSCAR BLOGS GALEGOS
 ARQUIVO
 ANTERIORES

FESTA DE NADAL 2009 NOS CHOPOS
Un ano máis celebramos nos Chopos de Carballo a festa de Nadal. Este ano cambiamos a música doutros anos por unha obra de teatro titulada "O roubo da santería" que os usuarios dos Chopos interpretaron con gran maestría.
A festa foi todo un éxito, a obra saio moi ben e numerosos familiares e amigos disfrutaron da actuación e dos petiscos tradicionais do Nadal nun ambiente moi cordial e familiar.
Este ano asistiu á festa por primeira vez o Alcalde de Carballo D. Evencio Ferrero acompañado polo concelleiro de Sanidade D. Marcos Trigo que quedaron satisfactoriamente sorprendidos polo traballo que levamos a cabo no centro e polo número de xente que convocamos neste e noutro tipo de actos.
Descansamos ahora nestas datas para retomar forzas e seguir traballando noutros proxectos dos que vos manteremos informados.
Bo Nadal a tod@s
Comentarios (0) - Categoría: NOVAS - Publicado o 28-12-2009 12:35
# Ligazón permanente a este artigo
CARPA "MAÍS QUE CAPACES"
O pasado día 12 de decembro deu comenzo na Coruña a carpa "MAIS QUE CAPACES", unha pequena feira onde diferentes asociacións expoñen e venden os traballos que os usuarios e usuarias destas entidades fan ó longo do ano.
Como non podía ser menos, a nosa asociación, APEM, estivo presente nunha das casetas amosando a ampla variedade de traballos(macramé, cerámica, cartón-pedra,xoiería,...)que nos centros da Coruña, Cee, Carballo, Betanzos e Cambre sacamos dos nosos talleres.
A carpa foi inaugurada pola concelleira de servizos sociais do concello da Coruña que visitou tódalas casetas e onde coincidiu co presidente de APEM, D. Luís Muruzabal e a xerente Dª Esther Monterroso,(vexáse a foto).
Seguimos, pois, presentes nas carpas e en feiras para continuar amosando os nosos traballos e a nosa labor á sociedade da que tamén formamos parte.
Comentarios (0) - Categoría: NOVAS - Publicado o 16-12-2009 13:35
# Ligazón permanente a este artigo
CARPA DAS ASOCIACIÓNS EN CARBALLO 09
Un ano máis as monitoras do noso centro acudiron á carpa das asociacións situada na praza do concello de carballo.
Alí estiveron toda a mañán do domingo 22 de novembro, acompañadas doutras entidades de Carballo e da comarca, amosando os traballos que elaboramos nos talleres ocupacionais do centro.
Ainda que as vendas non foron moi boas, conformámonos con que as persoas que acudiron á carpa poideran decatarse de que tamén existimos e que seguimos traballando pola nosa rehabilitación e a dos nosos compañeiros e compañeiras.
Comentarios (0) - Categoría: NOVAS - Publicado o 01-12-2009 11:57
# Ligazón permanente a este artigo
O FÚTBOL NOS CHOPOS. MÁIS CA UN DEPORTE
Unha das actividades que máis atractivo ten para os usuarios do centro “Os Chopos” de Carballo é o fútbol sala xa que desde hai un ano temos un equipo que participa no campionato que se celebra en distintas localidades de Galicia.
O pasado ano, o equipo aínda estaba en fase de formación e os resultados non foron os esperados xa que no primeiro partido da eliminatoria final tocounos xogar contra un equipo moi forte que finamente sería o campión.
Este ano adestramos a un bo ritmo, o equipo estase volvendo máis compacto e o xogo mellorou notablemente. Melloramos moito a defensa que nos permite saír ó contraataque con máis facilidade ca antes e ter máis ocasións de gol. Como consecuencia de todo isto os resultados foron bastante bos xa que gañamos máis partidos que o ano anterior e conseguimos unha boa clasificación na primeira fase do campionato.
Para a final de Narón, que é a cita máis importante do ano e onde compiten tódolos equipos de Galicia, esperabamos poder chegar nunha boa posición que nos permitira ter menos partidos e así obter mellor rendemento do noso xogo e acadar un bo resultado final pero pouco puidemos facer contra os equipos do sur, Lenda e Lar, que un ano máis acadaron os dous primeiros postos.
Ademais do puramente deportivo, o fútbol sala é unha actividade que nos permite a todos os que participamos nela mellorar a nosa condición física e sobre todo mellorar como persoas. Xa de todos é sabido que o deporte é o mellor antidepresivo que existe e basta converter o pensamento positivo en acción positiva, cando menos á hora de desenvolvernos no campo.
Tamén ten unha función lúdica e pedagóxica que nos enriquece moito como persoas, ensínanos a competir(gañar e tamén a perder), a respectar unhas normas, a facer equipo, etc. Ademais, coñecemos outros lugares, outros equipos e moitos compañeiros que coma nós teñen os mesmos problemas.
Os desprazamentos a outras localidades permítennos coñecer sitios novos e danos a oportunidade de facer máis vida social ó relacionarnos con persoas coas que non temos un trato diario. Pero o mellor de todo é divertirnos practicando un deporte que nos conforta, sexa cal sexa o resultado final dos partidos.
FOTO:LENDA de Redondela.Campión 2009
Comentarios (0) - Categoría: REVISTA "AMENCER" - Publicado o 21-10-2009 11:21
# Ligazón permanente a este artigo
V ENCONTRO DE FAMILIAS
XORNADA DE ENCONTRO DE FAMILIAS

A V Xornada de Encontro de Familias celebrada o pasado día 17 de Outubro no Pazo da Ópera da Coruña foi un éxito de participación e nós, como non podía ser menos, acudimos coas nosas familias para disfrutar dunha xornada chea de emocións e entretenemento.
A xornada foi inaugurada por distinguidos políticos do ámbito local, provincial e autonómico ademáis do presidente de Feafes Galicia, entidade organizadora xunto coa nosa asociación Apem. Por certo, esperamos que desta vez a clase política tomara nota das nosas demandas e se eforce algo máis para satisfacelas.
Logo dos discursos de inauguración e da parada obrigada para o café, gozamos dunha magnífica mesa de reflexión onde un periodista, un psicólogo social, un arquitecto e tres usuarios opinaron sobre a integración social dos enfermos mentais. Como era de esperar, e sen desmerecer as dos demáis tertulianos, as opinións e reflexións máis acertadas e por suposto as máis aplaudidas foron as dos nosos compañeiros.
A hora do xantar sempre é ben recibida e aínda máis se compartimos mesa coas nosas familias e compañeiros e compañeiras do noso e doutros centros. A comida deliciosa.
Xa pola tarde entregáronse os premios Feafes Galicia de narrativa, poesía, fútbol, blogs, etc. mentres viamos unha montaxe fotográfica da final do campeonato de fútbol celebrada en Narón no mes de Xuño.
Unha obra de teatro representada polo grupo Pinchacarneiro de Lugo foi o último acto antes de que o presidente de Feafes Galicia e o presidente de APEM D.Luis Muruzabal clausuraran a Xornada.
Para o ano esperamos voltar coas nosas familias e aínda que resulte paradóxico, esperamos ser moitos máis…sans.

Comentarios (0) - Categoría: NOVAS - Publicado o 20-10-2009 12:10
# Ligazón permanente a este artigo
AS ACTIVIDADES DO CRPL
As actividas de centro CRPL "OS Chopos" de Carballo son múltiples e variadas tanto nos talleres que diariamente levamos a cabo no centro coma en outras actividades puntuais que se realizan ó longo do ano como son as excursións, os viaxes,as comidas,etc. Diariamente no noso centro lévanse a cabo diferentes talleres cun fin terapéutico para todos nós.O barro é unha das actividades estrela,traballamos o barro coas mans e facemos pezas de todo tipo que despois de ir ó forno pintamos e decoramos para logo vender nalgúnha feira a que acudimos.
Tamén dispoñemos dun taller de madeira onde restauramos e barnizamos pequenos mobles, percheiros, etc, e non nos podemos olvidar do taller de labores onde se fan traballos de ganchillo, calceta,etc. Polo de ahora neste taller so hai mulleres pero esperamos a que algún home se anime.
O deporte é tamén un pé fundamental para a nosa recuperación e al adicámoslle unha hora tódolos días.Aínda que o deporte rei,sobre todo para os homes, é o fútbol tamén prácticamos outros moitos deportes coma o aeróbic, o baloncesto,etc.
De todas estas actividades irémosvos informando neste blog.
Comentarios (0) - Categoría: AS NOSAS ACTIVIDADES - Publicado o 24-09-2009 12:31
# Ligazón permanente a este artigo
REVISTA
Os usuari@s do CRPL "Os Chopos" de Carballo estamos a traballar para a publicación da nosa revista "AMENCER", unha nova canle para poder transmitir as nosas inquedanzas, mostra-lo noso traballo, etc.
Pouco a pouco iremos colgando no blog algúns artigos e contidos da nosa revista.AHÍ vos vai a primeira mostra,como primicia a portada e o artigo sobre o teatro
Comentarios (0) - Categoría: REVISTA "AMENCER" - Publicado o 24-09-2009 11:51
# Ligazón permanente a este artigo
V XORNADA DE ENCONTRO DE FAMILIAS
A V Xornada de Encontro de Familias organizada este ano pola nosa Asociación APEM(Asociación pro Enfermos Mentais de A Coruña e FEAFES Galicia celebrarase no Pazo da Ópera de A Coruña, o vindeiro sábado 17 de outubro de 2009.

A Xornada de Encontro xorde en 2005 coa intención de ofrecer un espazo de intercambio de opinións e información para as familias que forman FEAFES. Na presente edición participarán preto de 1.000 persoas.

Cada ano a Xornada afronta con expertos, profesionais deste campo e cos propios usuarios un tema de interese para o colectivo. Nesta ocasión, debaterase sobre ‘O cambio na percepción social da enfermidade mental’. Para iso, emitirase o documental ‘Baixo a pel’ -realizado por FEAFES Galicia en colaboración coa Universidade de Santiago de Compostela e a Consellería de Sanidade- no que se amosa a realidade cotiá das persoas con enfermidade mental en Galicia. Tras a proxección do mesmo, abrirase unha tertulia na que diversos persoeiros de gran proxección na vida pública galega aportarán a súa visión e reflexións.

As persoas convocadas para formar esta mesa de reflexión son as seguintes:

-Manuel Rivas (escritor e xornalista).
-César Portela (arquitecto).
-Xosé Luís Barreiro Rivas (politólogo, profesor de CC. Políticas e escritor).
-Xosé Romay Martínez (catedrático de Psicoloxía Social da UDC (Universidade de A Coruña).

FEAFES outorgará tamén no marco deste evento os Premios FEAFES Galicia 2009. Este galardón nace en 2005 coa intención de recoñecer o especial labor de entidades e particulares a favor do noso colectivo. Establécense as seguintes categorías: (1) á entidade pública colaboradora co movemento asociativo de persoas con enfermidade mental e os seus familiares, (2) á entidade privada, á (3) empresa privada e ao (4) colaborador individual.

Outra das actividades a desenvolver na Xornada será o V Concurso de Narrativa e Poesía celebrado xa en edicións anteriores- e que premia os traballos presentados por persoas con enfermidade mental pertencentes ás asociacións federadas á nosa organización. Con este concurso pretendemos fomentar entre os nosos usuarios os valores de participación e potenciación da creatividade, e a un tempo proxectar na sociedade unha imaxe normalizada e activa do noso colectivo.

Como novidade, a presente edición do Encontro incluirá un Concurso de Blogs no que se premiarán por primeira vez as iniciativas grupais que os talleres informáticos das distintas entidades presenten neste marco. No actual contexto das Novas Tecnoloxías emerxentes, o obxectivo do concurso é o de fomentar o uso das TIC e incentivar a participación e a creatividade a través da creación dun blog.

TEMPORALIZACIÓN PROVISIONAL DE ACTIVIDADES

10.00h Entrega de documentación

10.30h-11.15h Inaguración (invitados: Presidente da Xunta, Conselleiras de Benestar e Sanidade, Valedor, Presidente Deputación da Coruña, Alcalde de A Coruña)

11-15h-11.45h Pausa café

11-45h-12.15h Emisión documental (Baixo a Pel)

12.15h-13.15h Mesa Redonda ‘O cambio na percepción social da enfermidade mental’

◦ Moderador: José Luis Muruzábal Arlegui (Presidente asociación APEM) (pendente confirmación)

◦ Interveñen:

-Manuel Rivas
-César Portela
-Xosé Luís Barreiro Rivas
-Xosé Romay Martínez
Un usario (pendente)


-13.15h-14.00h Entrega de Premios FEAFES Galicia 2009

◦ Premio entidade pública
◦ Premio entidade privada
◦ Premio colaborador individual
◦ Premio empresa colaboradora


14.00h-16.00h Xantar

16.00-16.45h Entrega de Premios Concurso de Narrativa e Poesía, Concurso de Blogs e Premios Fútbol (torneo de fútbol-sala con emisión de reportaxe fotográfica)

-16.45h-17.30 Representación teatral (Grupo de teatro Pinchacarneiro de Lugo: Fundación Anade. Obra: El Médico a Palos)

-17.30 h Clausura

¡¡¡ANIMÁDEVOS E VIDE!!!
Comentarios (0) - Categoría: NOVAS - Publicado o 17-09-2009 21:35
# Ligazón permanente a este artigo
O TEATRO NOS “CHOPOS” DE CARBALLO
Para os usuarios e usuarias do CRPL “Os Chopos” de Carballo o teatro e unha das actividades preferidas que se veñen desenrolando ó longo do ano xa que nos permite disfrutar dos personaxes que representamos, rirnos durante o período de ensaios e, aínda que despois de pasar algúns nervios, representa-la obra para os familiares e amigos que nos veñen ver con grande satisfacción.

Ademáis de pasa-lo moi ben, actividade teatral é moi importante para a nosa recuperación pois fainos exercita-la memoria, a nosa capacidade de interpretación, a creatividade, improvisación, o traballo en grupo, a empatía, etc.

Levamos xa varios anos representando obras de teatro e algún que outro monólogo polo que a nosa experiencia como actores e actrices vai mellorando pouco a pouco. Este ano representamos a obra “Pista ou Peste”, unha obra costumista onde as desputas entre homes e mulleres e os intereses entre veciños para facer unha pista achégannos a situacións cómicas pero ben reais da sociedade rural galega.

A obra foi un éxito e gustou moito ó público que nos veu ver, todo saio como tiñamos previsto e quedamos moi satisfeitos de cómo saíra todo.
Logo da actuación e coma tódolos anos houbo uns pinchos para as familias e amigos e todos eles nos deron os parabens pola representación.

Pronto comezaremos a montar a seguinte obra de teatro e trataremos de que saia un pouco mellor que se fose posible. Cabe tamén a posibilidade de que poidamos representar esta obra fora do noso centro, nalgún centro social, cultural, ..., posibilidade que nos aleda moi pois permitiranos mostra-lo noso traballo a outra xente que aínda non nos coñece.
Comentarios (0) - Categoría: REVISTA "AMENCER" - Publicado o 24-07-2009 12:59
# Ligazón permanente a este artigo
BENVIDA
Dentro das actividades de ocio do centro “Os Chopos” de Carballo, decidimos abrir este blog na internet que nos servirá, entre outras moitas cousas, coma unha nova canle de relación coa sociedade en xeral.

Nesta pequena plataforma de expresión poderemos mostrar as características do noso centro, os nosos traballos feitos nos talleres, as actividades que realizamos ó longo do ano, as excursións, as festas, o teatro, os deportes,... e sobre todo poderemos expresa-las nosas inquedanzas e reflexións sobre a nosa realidade e o mundo no que vivimos.

O contacto coas novas tecnoloxías será un reto para nós que trataremos de superar para ir aprendendo pouco a pouco a manexarnos neste inmenso mundo da informática e da internet.

Trataremos pois de ir enchendo este noso blog con múltiples e variados contidos para amosarvos o noso traballo e poidades coñecernos un pouco máis. Incluso poderedes facer comentarios ós nosos artigos e propoñernos o que vós queirades.


AGARDÁMOSVOS NO NOSO BLOG


Comentarios (3) - Categoría: BENVIDA - Publicado o 29-05-2009 19:10
# Ligazón permanente a este artigo
[1] [2] 3 [4]
© by Abertal