LATRICA MARICA
Latrica Marica ca
prima Pepita
do díxome, díxome,
do sei que dirán.
Si foras á festa
verías ó primo
da amiga Carmela
que veu xa do mar.
E a filla da Xoana
adoece ca envexa
pois pensa que teño
mil pesos, ou máis.
Dixeron que ó Roque,
o mestre das obras,
fáltalle moi pouco
pra ser capataz.
¿Contéiche, Marica,
do roubo das pitas?.
Non foi ningún tolo,
¡fóiche o sancristán!
Da mestra contaron,
!Qué cousa dixeron!,
que ten, hai semanas,
amores co Xan.
E o parvo do Lope
por verme de esguello
agoanta dez horas
detrás do corral.
Pois dígoche, prima,
que os fillos da Concha
parecen pelexos
de fracos que están.
E mentras Marica
latrica ca prima
quéimanse no lume
o leite e o pan.
Letra e música: Benedicto
|
