Esquecérame contarche....


 RECOMENDADOS
O meu Blog personal
Lugar para compartir datos que teño na casa referentes á miña parroquia, que coido poden interesar a algún veciño.ou a calquera interesado nestas cousas. E dende o que irei contándovos cousas que me ocorren e que se me ocorren, pensamentos que me veñen, labouras nas que ando e outras lerias miñas que, postas nunha rede social desaparecen en pouco tempo.



contador de visitas

Contador de visitas
Web economica Sevilla


O meu perfil
chairego55@gmail.com
 CATEGORÍAS
 FOTOBLOGOTECA
 BUSCADOR
 BUSCAR BLOGS GALEGOS
 ARQUIVO
 ANTERIORES

MONDOÑEDO SACACHISPAS




Non lembro o nome daquel neno, nin o lugar, da provincia de Ourense, de onde viñera.
Eu chegara a Poio uns anos antes ca el, ós meus dez anos, para ingresar no Instituto de Ensino Medio, de Pontevedra.
Tiñamos casa en San Salvador de Poio (ou Poio pequeno). Casa que fixera meu pai, cando acadou praza de funcionario no Concello de Pontevedra. Ata daquela, eu criárame en Santa Leocadia, na Terra Cha. Falábase castelán na escola, aínda que na miña ?Escola de Barxa?, os nenos e nenas, sempre galego, Aínda que fora coa mestra.
No meu barrio, en Poio, os nenos da miña panda falaban todos en castelán., que non era o meu idioma nin o da miña casa e mofábanse de quen non o falase, de xeito que pasei unha primeira adolescencia colonizado, con certo complexo, que me axudou a ir superando, a proximidade e o pensamento do director do Instituto, Don Xosé Filgueira Valverde.
Ó novo veciño de Poio, atravesábaselle o castelán, e os nenos, sempre atentos as características definidoras, logo lle puxeron o alcume de ?Mondoñedo?, pola personaxe da tve, ?Mondoñedo Sacachispas?, monicreque caracterizado coma paradigma do galego; un afiador, cun acento moi marcado.
Non me gustaba o alcume que lle puxeran, e tentaba ilustralos, contándolles as grandezas da cidade de Mondoñedo, que eu coñecía por visitala con certa frecuencia canda a meu tio cura, que sempre me levaba, no Seat 600, Cando ía a resolver calquera asunto a curia, coma Arcipreste de Azúmara que era. Faláballes da vista dende o ?Mirador?, antes de chegar, da Maxestosa Catedral (Pontevedra non ten), de Pascual Veiga, de Cunqueiro, e da cordialidade da xente que coñecíamos e que atopabamos polas rúas... Agora estou a pensar que o que eu tiña era envexa de que tal alcume non mo puxeran a min...

Aínda que eu seguía a poñer a Mondoñedo no seu sitio diante dos meus ?colegas? da panda, non conseguín que comprenderan a categoría e a importancia da cidade, pero polo menos pararon de tomarlle o pelo co nome. e el parou de molestarse porque llo chamasen, quedoulle asignado. E el respondía por Mondoñedo, sen reparo ningún.
Pero sen alcume non quedou, como viña de Ourense, Axiña trocaron polo de Sacachispas; sendo de terras de Ourense... Cando había xuntanza, e o víamos chegar, xa de lonxe, sempre había algún que se poñía coas mans coma se collera un coitelo imaxinario, unha man pola punta e outra polo mango, facendo coma se estivera afiando, movéndoo de esquerda a dereita, mentres apoiando un pé só no chan, co outro facía o movemento de pedal par facer xirar a roda de afiar...
El incorporábase ó grupo, algo amolado, pero logo lle pasaba.
Seguiu sen gustarme que seguiran a alcumar ó rapaz. Pero eu non tiña recursos daquela para enxalzar a figura do afiador..., non sabia moito desta actividade.
Adoitabamos xuntarnos no taller de ferreiro no que traballaba un amigo noso, con seu pai, tería uns quince anos (idade laboral naqueles tempos), algo maior ca nos, e xa todo un experto en facer e amañar ferramenta de mariñeiros e mariscadores, asi coma cerramentos de chalets, artisticamente rematados, para as numerosas urbanizacións que se erguían ó redor da cidade de Pontevedra. Tamén se soltaban alí moitas chispas.
Comentarios (0) - Categoría: Relatos - Publicado o 08-06-2020 13:06
# Ligazón permanente a este artigo
© by Abertal
Educando en liberdade, responsabilidade, verdade, os espíritos elévanse coma pompas de xabrón

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0