Colectivo Casaescola


Da casa á escola, animar a ler é cousa de tod@s

O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

Algúns libros das maletas de Federico

Nas maletas de Federico levaba unha chea de libros recomendables que seguindo os criterios que o propio Federico marcou no curso de outubro serían os que seguen:

Para lerlle nós aos nosos fill@s:

? BOAS NOITES (LIBRO DE TEA)
? COLECCIÓN DO BERCE Á LÚA
? A QUE SABE A LÚA?
? A TOUPIÑA QUE QUERÍA SABER?.
? ONDE VIVEN OS MONSTROS
? PAPÁ, POR FAVOR, CONSÍGUEME A LÚA!
? A EIRUGA LARPEIRA
? VAMOS A CAZAR UN OSO (Ekaré)
? LA SELVA (Planeta)
? A CENAR (Montena)
? LIBROS DEL CHIQUITÍN (Juventud)
? OH! (Kalandraka)

Para lerlles nós ou para que empecen a ler sos os nosos fill@s:
? CONTOS DE RATIÑOS( Kalandraka)
? SOPA DE RATOS
? OS TRES BANDIDOS
? FREDERICK
? NADARÍN
? PEQUENO AZUL E PEQUENO AMARELO
? UN PESADELO NO MEU ARMARIO
? O COELLIÑO BRANCO
? CANDO MARTIÑO TIVO GANAS DE MEXAR NA NOITE DE REIS
? A CEBRA CAMILA
? A MERLIÑA
? PANCHO
? SACAPENAS
? QUERES XOGAR COMIGO?
? AVÓS
? A BANDA DE VILACENDOI
? A VERDADEIRA HISTORIA DE CARAPUCHIÑA VERMELLA
? LAGRIMAS DE COCODRILO (Faktoriak)
? EL GRILLO SILENCIOSO (Kókinos)
? ADIVINA CUANTO TE QUIERO (Kókinos)

Para ler a partir dos 9 anos:

? AH!
? A HISTORIA DE ERIKA
? 27 HISTORIAS PARA TOMAR A SOPA
? 28 HISTORIAS PARA RIR
? 29 HISTORIAS DISPARATADAS
? MIRAR A PINTURA (Faktoriak)
? PALABRAS DE CARAMELO (Anaya)
? LA AVENTURA FORMIDABLE DEL HOMBRECILLO INDOMABLE (Anaya)
? AFRICA PEQUEÑO CHAKA (Edelvives)


Para ler e recitar aos grandes poetas:

? MI PRIMER LIBRO DE POEMAS (Anaya)
? VERSOS VEGETALES (Anaya)
? POESÍA ESPAÑOLA PARA NIÑOS (Alfaguara)
? EL REINO AL REVÉS (Alfaguara)
? Poemas de R. Alberti , Lorca o Miguel Hernández (Nueva colección Alba y Mayo de Ediciones La Torre).
? OS SOÑOS NA GAIOLA (Xerais)
? OS NOSOS VERSOS (Xerais)
? POLA RÚA DOS VERSOS (Tambre)
? AS CATRO ESTACIÓNS (Galaxia)


Este é un libro ideal para poder lerlle o adulto un capítulo cada día aos nen@s a partir de 6 anos e para ler eles sós a partir dos 9 anos:

AS AVENTURAS DE PINOCHO (Kalandraka)




NOTA:
Insistimos na importancia de que ningún neno ou nena na carta aos Reis Magos deixe de pedir un libro para a súa biblioteca de aula ou para a súa biblioteca particular.


Tamén podemos deixar aquí a bibliografía esencial do curso de outubro sobre animación á lectura que citou Federico Martín Nebras.

BIBLIOGRAFÍA:

E. Fortun. Pues señor Ed. Olarieta
G. Rodari. Gramática da fantasía Ed. Kalandraka
A. Pelegrín. La aventura de oir Ed. Cincel
A. Pelegrín. Cada cual que atienda a su juego Ed. Cincel
F. Martín. Recrear la escuela Ed. Alameda
V. Propp. Morfología del cuento Ed. Fundamentos
V. Propp. Las raíces históricas del cuento Ed. Fundamentos
D. Pennac . Como unha novela Ed. Xerais
S.C. Bryant. El arte de contar cuentos Ed. Hogar del libro
B.Bettelhein. Psicoanálisis de los cuentos de hadas Ed Crítica
B. Bettelhein. Aprender a leer Ed. Crítica
P. Martín. Que cousa é cousa? Ed. Galaxia
E. Cirlot. Diccionario de símbolos Ed. Labor
A.R. Almodóvar. Cuentos al amor de la lumbre( I, II) Ed. Anaya
Dedín dedín de pequenequín Ed. Do Castro
Lerias e enredos para os máis pequenos Ed. Galaxia
Adiviñanceiro popular galego Ed. Xerais
Comentarios (1) - Categoría: Maleta de Libros - Publicado o 05-12-2007 22:19
# Ligazón permanente a este artigo
Na procura duns fins que definan o Colectivo CasaEscola
Tras da reunión do día 4 de decembro comeza a conta atrás para legalizarnos como asociación e esta é a proposta inicial de fins que definen ao Colectivo CASAESCOLA:

a) Facilitar a comunicación entre os distintos membros da Comunidade Educativa, especialmente os docentes e as familias na procura dunha mellora da educación.

b) Formar e traballar na animación á lectura promovendo o uso da palabra e da literatura como vehículo fundamental da nosa formulación como seres humanos.

c) Propiciar encontros entre os membros da Comunidade Educativa arredor de diversos temas para promover unha comunicación fluída e enriquecedora.

d) Concienciar a Comunidade Escolar de que a Educación non remata nas aulas.

e) Fomentar e recuperar espazos e tempos da comunicación da adult@-nen@, especialmente a través do canto, do conto e do xogo.

f) Propiciar a creación e a comunicación como dous elementos intimamente unidos ligados esencialmente á mecánica da socialización.

g) Reflexionar sobre a práctica educativa e a aplicación dun ideario renovador no Ensino.

h) Crear unha nova mentalidade ante o feito educativo máis dinámica, humana e crítica.

i) Promover o coñecemento, a dignidade e o fomento da nosa cultura e da nosa lingua como un dos camiños para sermos universais.

Se queres engadir, suprimir ou modificar algo pulsa un pouco máis abaixo en comentarios.
Comentarios (0) - Categoría: Quen somos? - Publicado o 05-12-2007 22:11
# Ligazón permanente a este artigo
Unha valoración do curso de outubro
O cartel do cursoEn palabras dos que fixeron o curso: "Excelente?? ?unha experiencia inesquecible?? ?queremos máis?? Un curso que levaba máis de seis anos esperando esta oportunidade de darlle á animación á lectura un pulo dende un colectivo en teoría concienciado, o dos mestres, e outro colectivo de sempre descoidado, o das nais e pais dispostos a poñer en común a tarefa de educar. Do curso saíron os primeiros sorprendidos e ilusionados co seu labor de docentes e os segundos tamén ilusionados e necesitados de máis experiencias como esta. Soubo a pouco dicían todos.

Inauguramos o curso coa presenza da Concelleira de Educación, Susana Camiño, á que agradecemos a sensibilidade que amosou co tema desde o principio da súa xestión, que como sabedes foi nesta lexislatura cando se puxo ao fronte da Concellería que anteriormente dirixía Victoria Hierro e que fora quen colocara unha primeira pedra deste proxecto ao rematar a lexislatura pasada coa celebración do Trasno das Letras en todos os centros de Infantil e Primaria de Vilagarcía e presentar o proxecto Casa Escola coa charla de Manuela Rodríguez Lorenzo, mestra e asesora da prestixiosa editorial Kalandraka no mes de maio pasado. O curso contou cunha cobertura organizativa que permitía, como é lóxico, unha homologación administrativa grazas a disposición de Escola Viva da UXT. O seu presidente, Raúl Gómez, estivo tamén presente na inauguración do curso.
Acudiron como a todos os cursos aquelas persoas da docencia necesitadas de puntos e axiña se deron de conta que este curso ía ser diferente, pouca teoría e moita práctica, aprender a cantar, contar e xogar, e tamén algo moi importante saber qué, cándo e por qué se canta, se conta ou se xoga.

A importancia de cantar
O primeiro dos relatores, Federico Martín Nebras, durante o luns e o martes en sesións ininterrompidas de máis de tres horas. Primeiramente fixo un compendio da importancia de cantar nos primeiros momentos da vida dunha persoa, apostando pola da tradición oral como fonte esencial de alimento dos infantes, falou para o entorno dos pais e das nais fundamentalmente, ata chegar á fronteira dos tres anos.

?de contar?
Na sesión do día seguinte falou xa mais para os mestres sen descoidar o labor da casa como os dous polos nos que se apoia a educación lectora dun neno, pero centrouse nos profesionais da educación como motores responsables nesta etapa transcendental co conto como ferramenta. Nunha xornada densa en contidos, pero que a todo o mundo lle pareceu curta polo amena, comezara de todo os xeitos cun mito entre grego e mesopotámico con Narciso e Eco como protagonistas.

Outra vez? outra vez? pedían o máis centenar de mestres, bibliotecarias, as nais e os pais que alí estaban? e podemos dicir que xa estamos traballando efectivamente no curso do ano que vén, pero como tamén se dixo ao concluír esta sesión non imos deixar pasar tanto tempo, queremos máis e realizaremos máis actividades no presente curso, pero antes temos que facer o colectivo Casa Escola sexa algo máis que un pequeno de grupo de pais, nais e mestres interesados, xuntarémonos todos os interesados que podemos afirmar que son moitos e consolidaremos o proxecto en base ás necesidades e premisas que no curso se estableceron: animar á ler é cousa de tod@s.

?e xogar
Quedaba o terceiro dos pes, o de xogar para a xornada do sábado. Dividímonos o centenar de persoas asistentes en dous grupos para posibilitar o xogo e, baixo a dirección de Manuel Solla Barragáns, aprendemos a xogar e o por qué dos xogos. Foi tamén unha posta en común de experiencias sobre a existencia e a convivencia a través do xogo moi enriquecedoras, moi prácticas, lonxe da teoría. E tamén foi moi emotivo o final da xornada coa valoración dos participantes, mesmo dos que viñan en busca dos puntos do curso porque están preparando oposicións e lonxe de ser un curso máis foi unha sorpresa, un xeito de desconectar por unhas horas do diario, duro e monótono traballo do estudo na casa e aprender moito sen tomar ningún apunte. Mestres con anos de docencia que lles serviu de reflexión gratificante sobre o seu labor, nais desesperadas que atoparon un camiño co que comunicarse cos fillos, pais que volveron a ser nenos e a valorar o que os nenos precisan. Mestres, pais e nais que se sentiron próximos, dispostos para darse a man, como no xogo da roda, necesitados e satisfeitos da relación mutua neste duro labor de educar.

Ilusionados saímos os que estivemos esperando varios anos a que este proxecto se puxera a andar porque cremos que desta, e grazas a vós, vai.

Nota: Animádevos a comentar neste blog de Casa Escola a vosa experiencia no curso.

Comentarios (0) - Categoría: ENCONTROS CASAESCOLA - Publicado o 03-12-2007 21:06
# Ligazón permanente a este artigo
REUNIÓN PARA CONSTITUÍR LEGALMENTE O COLECTIVO CASA-ESCOLA


Xa está convocada para todos os interesad@s nos cursos de Animación á Lectura (como o celebrado no mes de outubro pasado) unha reunión na que se pretenden poñer en marcha diversas iniciativas relacionadas co tema e especialmente constituír legalmente o colectivo CASA ESCOLA coa finalidade, entre outras cousas, de poder organizar novos encontros entre docentes e nais e pais, unha das solicitudes que foi unanimemente compartida polo centenar amplo de asistentes ao curso.

A reunión será o próximo martes día 4 de decembro no Seminario 2 do Auditorio de Vilagarcía a partir das 8 da tarde.
Un saúdo Héctor M. Silveiro Fdez, coordinador provisional do Colectivo CASA ESCOLA de Vilagarcía.
Comentarios (0) - Categoría: Xeral - Publicado o 29-11-2007 21:37
# Ligazón permanente a este artigo
PROGRAMA DO CURSO: DA CASA Á ESCOLA, ANIMAR A LER É COUSA DE TOd@S

CURSO DE FORMACIÓN
Título:
DA CASA Á ESCOLA, ANIMAR A LER É COUSA DE TOD@S
Este curso que organiza Escola Viva e conta coa colaboración da Concellería de Educación do Concello de Vilagarcía é unha iniciativa que a proposta do Colectivo ?Casa-Escola? ( un grupo de mestres e de nais e pais de nen@s escolarizados en Vilagarcía propuxeron ao Consello Escolar Municipal). Esta proposta xa se presentara con motivo da chegada aos centros escolares de Infantil e Primaria de toda Vilagarcía do TRASNO DAS LETRAS GALEGAS unha actividade que foi completada no mes de maio do curso pasado cunha charla que levaba o mesmo título que o curso que agora presentamos.
Este curso como todas as actividades anteriores e as que se teñen pensado para o futuro teñen como denominador común a procura do traballo conxunto e coordinado da CASA coa ESCOLA, é dicir, das familias cos mestres/as nunha campaña de animación á lectura. Trátase pois dunha iniciativa nova no conxunto de actividades de promoción desta ferramenta fundamental na formación dos nosos rapaces e que precisan para o seu éxito da participación de cantos máis profesionais da ensinanza e máis familias mellor.
Para a realización do curso que para facilitar a asistencia e non facelo moi denso está deseñado cunha duración total de 10 horas, contamos ademais coa presenza de coñecidos expertos na materia de animar a ler, como é o caso da coordinadora do curso Manuela Rodríguez, mestra e asesora da prestixiosa editorial Kalandraka, de Manuel Solla Barragáns, contacontos e recoñecido director teatral, e especialmente o relator Federico Martín Nebras, escritor, contacontos e coordinador de cursos de animación á lectura en toda España.
Puxemos en marcha este curso coa esperanza de que sexa acollido coa ilusión que poñemos os organizadores nesta experiencia que seguro enriquecerá a Comunidade Educativa do noso concello.

COORDINADORA DO CURSO: MANUELA RODRÍGUEZ LORENZO, mestra de Educación Primaria, especialista en Literatura Infantil e Xuvenil e asesora do Departamento de Literatura Infantil da Editorial KALANDRAKA.
RELATOR: FEDERICO MARTÍN NEBRAS, escritor, contacontos e animador á lectura.Colabora e coordina Seminarios de literatura infantil e xuvenil en toda EspañaParticipa como ponente en numerosos Congresos internacionais de literatura.Imparte cursos e charlas en España, Italia, Colombia, México?
RELATOR: MANUEL SOLLA BARRAGÁNS, experto e recoñecido director teatral, contacontos e relator en múltiples actividades de animación á lectura.
DÍAS DE CANTAR, CONTAR E XOGAR
A memoria:
- A primeira poesía?os cantos
- Dos cantos nacen os contos
1- O conto tradicional:
- Contos de onte, contos de sempre
- Os contos como espazo de encantamento
2- Xogar e Contar.
OBXECTIVOS:
? Valorar a memoria colectiva como ben común.
? Recuperar os momentos máxicos do tempo de contar e cantar.
? Cantar e contar para animar a ler.
CONTIDOS:
Días de cantar:
- O que se lle canta aos infantes.
- De onde veñen os cantos.
- O corpo do infante, espazo de escritura.
- Nanas e cantos corporais.
- Os xogos e as cancións.
Días de contar:
- Os contos marabillosos
- Cando naceron?
- Como son?
- Que contan os contos?
- Decálogo de cómo contalos.
Días de xogar e contar.

Comentarios (0) - Categoría: ENCONTROS CASAESCOLA - Publicado o 24-11-2007 12:11
# Ligazón permanente a este artigo
Mestres e pais aprenderán a contar contos a través do curso sobre animación á lectura
?Da casa á escola, animar a ler é cousa de tod@s? ;. Este é o título do curso que se desenvolverá do 22 ó 27 de outubro no Auditorio co obxectivo de ensinarlles a profesores, pais e nais as técnicas máis axeitadas para contar contos e a fomentar o hábito da lectura entre a poboación infantil, tanto na escola como na propia casa. A Concellería de Educación colabora nesta interesante iniciativa organizada polo colectivo Escola Viva.
A actividade contará coa participación de expertos na materia de animar á lectura. De feito, entre as persoas que impartirán o curso atópanse Manuela Rodríguez, mestra e asesora da editorial Kalandraka que ademais coordina a actividade; Manuel Solla Barragáns, contacontos e recoñecido director teatral; e Federico Martín Nebras, escritor, contacontos e coordinador de cursos de animación á lectura en toda España.

O curso ten unha duración de 10 horas e é gratuíto. As clases impartiranse no Auditorio, os días 22 e 23 de 19:00 a 21:30 horas e o día 27, sábado, de 10:00 a 14:00 horas. As inscricións poden realizarse xa nas dependencias de Escola Viva, en FETE-UGT de Vilagarcía, ou na Concellería de Educación. O número de prazas específicas para docentes en activo, con preferencia dos que traballen en Vilagarcía, é de 50. Aparte poderán anotarse pais e nais.

Monitores para os nenos
Para facilitar a participación de pais e nais, a organización disporá dun servizo de monitores para o coidado e entretemento dos fillos durante as horas do curso. Co obxectivo de prever o número de monitores que será preciso contratar, a Concellería advirte da necesidade de que as inscricións de fagan coa maior brevidade posible e que se indiquen nelas o número de nenos que traerán.

A realización desta actividade partiu da asociación ?Casa-Escola?, un grupo de mestres, nais e pais de nenos escolarizados en Vilagarcía, que plantexaron a idea a través do Consello Escolar Municipal. O departamento que dirixe Susana Camiño valorou positivamente a iniciativa e decidiu implicarse nela posto que encaixa coa estratexia que está seguindo a concellería de Educación con actividades como o Trasno das Letras que se levou a cabo o curso pasado nos centros de Infantil e Primaria e que persegue promocionar á lectura dende as idades máis novas como ferramenta fundamental que é para a formación dos rapaces.
Comentarios (0) - Categoría: Xeral - Publicado o 12-11-2007 20:58
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0