Colectivo Casaescola


Da casa á escola, animar a ler é cousa de tod@s

O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

Unha estrea digna de ver e/ou ler

Voaxa e carmín

unha creación teatral cun texto de Esther F. Carrodeguas que vén de estrearse en Rivadavia.



Pois ben, ademais da obra de teatro, tamén está o libro editado.
Comentarios (0) - Categoría: NOVAS - Publicado o 22-07-2016 06:21
# Ligazón permanente a este artigo
Unha carta de despedida de Begoña Caamaño
A escritora Begoña Caamaño vén de falecer despois dunha loita coa enfermidade. lembrarémola como unha eterna Penélope tecedeira de historias, disposta a navegar, ela tamén, ou mesmo a formar parte da Maga Morgana da Celtia eterna, se cadra en Esmelle, disposta a vivir unha vida distinta.

Fomos en Casaescola conscientes desta loita coa morte e co silencio obrigado, pois foi imposible realizar un Encontro coa autora, como lle solicitaramos ignorantes do seu padecer, e ao que ela mesma accedera, pero que un repentino e indesexable empeoramento na súa fráxil saúde impediu lamentablemente para sempre. A morte levouse con ela seguramente un bo feixe de boas historias que contar, tanto como o son as que deixou xenerosa e alegre para todos nós.

Gardamos dela gratos momentos da lectura dos seus libros, palabras e historias que dificilmente esqueceremos mentras vivamos pois chegaron ben fondo aos nosos corazóns. Tamén o fixeron os distintos correos electrónicos que ela nos enviou privadamente desculpándose por non poder acudir ao Encontro previsto e que gardamos en privado para os nosos adentros con todo o cariño que rezuman.


Quixeramos, despedirnos dela coas súas palabras, coas palabras que dirixidas a súa amiga e cantante Uxía Senlle acaban de facerse públicas e que vos invitamos a ler no seguinte enlace do Sermos Galiza.

Un Alalá das Mariñas para Begoña

Comentarios (0) - Categoría: CLUBS DE LECTURA - Publicado o 30-10-2014 17:12
# Ligazón permanente a este artigo
O DERRADEIRO LIBRO DE EMMA OLSEN de Berta Dávila
Foi recomendado por Anxos Sumai e despois de pasado o vrán e lido demos en reunirmonos o pasado outubro para charlar sobre este libro que nos pareceu a todos sorprendente, fresco e recomendable, pois é un libro ben escrito, boa literatura. A orixinalidade da trama e a aparente sinxeleza da forma, as poucas páxinas do libro sorprendéronnos a todos, pero resultan esenciais para o a coherencia da novela. O xogo coa personalidade de Emma Olsen é outra das claves. Coñecer a esta autora tamén resulta sorprendente. O xogo constante co lector ou lectora do texto é unha dos grandes logros de Berta. Berta, unha autora moi nova, así resulta brillante e semella ter máis experiencia que a que a súa curta idade denuncia. Loable a descuberta dos Premios Repsol.

Podedes indagar na rede outros comentarios sobre o libro
Comentarios (0) - Categoría: CLUBS DE LECTURA - Publicado o 30-10-2014 16:56
# Ligazón permanente a este artigo
ENCONTRO COA AUTORA ANXOS SUMAI
Pendente de redacción unha especie de crónica do encontro (desculpade, pero en cuestión de días estará na rede).
Comentarios (0) - Categoría: CLUBS DE LECTURA - Publicado o 30-10-2014 16:46
# Ligazón permanente a este artigo
A LÚA DA COLLEITA EN VILAGARCÍA
O próximo día 13 de xuño vimos celebrar un Encontro coa autora ANXOS SUMAI, autora da novela A Lúa da colleita un dos textos de narrativa máis galardoados nos últimos tempos, mais Anxos é para Vilagarcía, e, sobre todo, para Casaescola unha escritora amiga, próxima, querida. Xa ten participado en distintas sesións con nós e, polo tanto, coñecemos de cerca a súa traxectoria. O feito de que sexa orixinaria da nosa comarca redunda na súa proximidade, pero especialmente a achega a nós o seu trato afable, sincero e sentido.
Deixamos aquí unha recente entrevista en Criticalia na que podemos descubrir a unha escritora que di escribir "non na posición de quen resiste, senón na ousadía de quen avanza. Xa soñamos abondo, é tempo de construír."



Incorporamos tamén outra crítica dupla de Susana Sánchez Aríns e Marga do Val, que nos fixeron chegar.

Lembrade o CLUB DE LECTURA o próximo día 13 de xuño no local de EL ROLE (1º andar) sito na Baldosa no centro de Vilagarcía.
Comentarios (0) - Categoría: CLUBS DE LECTURA - Publicado o 05-06-2014 06:17
# Ligazón permanente a este artigo
NO DÍA DAS LETRAS 2014
Algunha das recomendacións literarias e iniciativas editoriais para o mes de maio e con motivo das Letras Galegas:

A LUA DA COLLEITA de Anxos Sumai un libro aclamado pola crítica que vén de recibir diversos galardóns: Premio García Barros, Premio da Crítica da Asociación Española de Críticos Literarios (AECL) e o Premio da Narrativa AELG 2014. Esta obra e a súa autora estarán con nós proximamente no Club de Lectura do mes de xuño.

O TRASNO DAS LETRAS trae tamén un traballiño debaixo do brazo que vén de saír coincidindo coa celebración das Letras Galegas. Trátase dun libro de cancións en CD e DVD: BRINCA VAI de Paco Nogueira que xa estamos estudando poder presentar en Vilagarcía coa presenza do seu autor nos próximos meses. Aquí deixamos un vídeo, un dos seus contidos audiovisuais:



Non quixeramos rematar sen invitar a ler ao autor homenaxeado este ano no Día das Letras, Xosé M. Díaz Castro por exemplo na edición da súa Obra completa en edición de Armando Requeixo. Deixamos aquí tamén un audiovisual feito cos versos do autor no IES de guitiriz que leva o seu nome:

Comentarios (0) - Categoría: O TRASNO DAS LETRAS - Publicado o 18-05-2014 06:52
# Ligazón permanente a este artigo
A CEA de Herman Koch
O próximo encontro do club de lectura será para comentar unha novela; "La Cena", do autor Herman Koch todo un best seller no 2009 que levouno a recibir o premio do Público.
Unha novela que parece modesta porque trátase dunha comida entre matrimonios amigos, pero segundo vai descorrendo a historia, vai acadando maior intensidade e tratará asuntos máis polémicos....

A sesión determínase para o venres 4 de abril a partir das 20.00 na cervexería Hibernia.
Comentarios (0) - Categoría: CLUBS DE LECTURA - Publicado o 18-03-2014 00:40
# Ligazón permanente a este artigo
A MEMORIA DA CHOIVA de Pedro Feijoo
Unha novidade recentemente chegada ás librarías decidimos entrarlle a esta novela de misterio...Cando Xosé Carneiro, coñecido psicanalista e polémico colaborador televisivo, aparece co peito aberto no seu piso da compostelá rúa República do Salvador, son dúas as cousas que chaman a atención do xornalista Aquiles Vega e da profesora Sofía Deneb. A primeira é a brutalidade, a violencia extrema con que o crime foi levado a cabo. A segunda, ese detalle que non encaixa na escena: unha estraña peza de ferro chantada no corazón. En realidade, a de Carneiro non é máis que a primeira dunha cadea de mortes en serie, unha carreira contra o reloxo na que Aquiles terá non só que comprender que é o que está pasando, senón cal é o papel que en toda esta historia xoga un dos nomes máis importantes da nosa literatura, aquel sempre rodeado de misterio e escuridade. E, sobre todo, terá que saber quen é Adriano... Logo do éxito recibido pola súa primeira novela, Os fillos do mar, regresa Pedro Feijoo cunha nova aventura, desta volta chea de versos, de sangue, de amor e de odio, pero mantendo intacta a súa máxima por bandeira: ante todo, o entretemento e o pracer de lectores e lectoras...

Unha reportaxe na tvg e a sesión para comentala fixouse o venres 28 de febreiro a partir das 20.00 no "Hibernia"
Comentarios (0) - Categoría: CLUBS DE LECTURA - Publicado o 18-03-2014 00:37
# Ligazón permanente a este artigo
CIRCE OU O PRACER DO AZUL de Begoña Caamaño.
A próxima reunión celebrarase o venres 24 de xaneiro a partirantes de acabar o ano, deixamos como proposta para o mes e o ano entrante unha nova lectura: Circe ou o pracer do azul, obra de Begoña Caamaño, que nos acerca a os mitos clásicos cunha visión cercana e actual.
Trátase dun libro que non deixa impasible a quen o le. Unha certeira reinterpretación do mito dende unha óptica feminina e profunda.

Comentarios (0) - Categoría: CLUBS DE LECTURA - Publicado o 18-03-2014 00:24
# Ligazón permanente a este artigo
RELATOS DO INESPERADO de Roald Dahl
Relatos do inesperado é un libro de contos do escritor británico Roald Dahl, un dos libros máis coñecidos da súa obra para un público adulto, porque seguro que un público máis novo lembra del títulos como "Matilda" ou "Charlie ou a fábrica de chocolate".
Os 16 relatos deste libro do inesperado din que marcan liñas do que é o resto da súa obra. A intriga, o humor negro e un desenlace que ao lector lle fai dar un chimpo de satisfacción, son os principais elementos que adornan a narrativa deste autor e, en particular, as destes contos que pretenden, ao igual que no seus contos para nenos, establecer unha fábula moral na maioría dos casos.
Existen algunos temas recorrentes como as apostas disparatadas (Gastrónomos, Hombre del Sur, Apuestas), o burlador burlado (Placer de clérigo, La señora Bixby y el abrigo del coronel), a muller submisa que de súpeto derrama de maneira explosiva todo o resentimento acumulado contra o seu marido (Cordero asado, La subida al cielo), a vinganza do home humillado (Nunc Dimittis, Lady Turton).
O día de reunión para comentar a obra será o venres 13 de decembro, na cervexería "Hibernia" como ven sendo habitual, a partir das 20.00.
Comentarios (0) - Categoría: CLUBS DE LECTURA - Publicado o 18-03-2014 00:11
# Ligazón permanente a este artigo
© by Abertal