http://www.blogoteca.com/bibliotecadecampolameiro/

Totalmente recomendado. A cultura é o eixe do noso pobo. Avante iniciativas con esta.
Aproveitamos para facernos eco da derradeira actividade da mesma.

PAVÍS PAVÓS VISITARÁ A B IBLIOTECA DE CAMPO LAMEIRO
O próximo 2 de abril celebrase o Día Internacional do Libro Infantil e Xuvenil, e por tal motivo a Biblioteca Pública Municipal "Irmáns Ricoi" contará coa presencia do prestixioso grupo Pavís Pavós (encargado de conducir a inauguración do X Salón do Libro Infantil e Xuvenil de Pontevedra 2009), e que levará a cabo unha "Sesión de contos para infancia", destinada a todos/as os/as neno/as que se achegen á biblioteca o próximo mércores 1 de abril as 16:30 horas. Esperamoste.

FORCIÑA CAMPO LAMEIRO

Go on home Spanish and Galicians, go on home.
Have you got no fuckin' homes of your own ?
For eight hundred years we've fought you without fear
And we will fight you for eight hundred more.

If you stay Spanish and Galicians, if you stay
You will never ever beat the BPOCL
The fourteen men in Campo Lameiro are the last that you will bury
So take a tip and leave us while you may.

No, we're not Spanish, we're not Galicians, we're not Spanish
We're Campolameirans! and proud we are to be.
So fuck your union jack we want our country back
We want to see old Campo Lameiro free once more.

Well we're fighting politicians for the cause
We'll never bow to soldiers because
Throughout our history we were born to be free
So get out Spanish and Galicians bastards, leave us be

Non foi sen tempo, por fin o servizo Tes+Bus chega a Campo Lameiro.

TES+BUS consiste na utilización mixta dos servizos de transporte escolar público, de tal xeito que calquera cidadán das zonas onde se implanta poderá utilizar para os seus desprazamentos as rutas destes servizos.

Agora, en quente, é necesario que realicemos unha serie de comentarios sobre o resultado obtido.

Primeiramente é inquietante pensar que non existe alternativa e cando esa alternativa asume o poder enfróntase o desastre. É sinxelo descubrir por que, solo hai que ver os personaxes que soportan a estas decepcionantes formacións (PSdeG-PSOE e BNG). Se estas bases locais son as que soportaron aquelas alturas solo cabe esperar un desgoberno, que é basicamente o que sucedeu no país que a nós, os campolameirans, nos poñen o pé no pescozo.
O esperpento do PSdeG-PSOE roza o surrealismo, cando concorren a nivel local só logran pasmarnos, para lograr a nivel autonómico e nacional un resultado máis que digno. Pois se lles queda un pouco de dignidade democrática os responsables deste estarían neste momento entregando o carné do partido.
O do BNG parece un conto de ciencia ficción. Continuamente demostran un desprezo total e absoluto por Campo Lameiro. Solo é necesario sinalar como no 1999 conseguiron o dobre de votos que na actualidade. Cando unha formación perde votos de semellante forma só cabe unha opción, a dimisión por dignidade de todos os seus responsables. O realmente patético é que ademais caeron en votos en picado con respecto ás locais, a pregunta que nos facemos é onde están os 82 votos máis que obtiveron nas locais?. Pois a vai claro cando se trata dos seus propios intereses e cando se trata das súas ideas, é dicir estas últimas son máis falsas que unha moeda de seis céntimos.
O PP na súa liña, inalterable, impasible, sen despeitearse. Normal, non nos estraña despois de ver a mediocridade que ten en fronte. Agora tamén esperemos non teña escusa para conseguir máis investimentos e proxectos de futuro para Campo Lameiro. Evidentemente rematóuselle refuxiarse no zulo da incomprensión de que eran inimigos seus os que gobernaban o agravio ese que se chama autonomía.

Ó igual que o encontro da semana pasada, este partido vaise celebrar o domingo pola mañán (as 12:00), así que o que teña tempo e gañas pode ir o día 8 ata Praderrei, o Campo da Chan da Carota a darlle o seu apoio o noso equipo para axuda-lo a sair dos últimos postos da clasificación da Segunda Autonómica.

Como comentario, indicarvos que o rival será a S.D.A Lama, un rival que probablemente se atopará ó final da liga pelexando con nós para non voltar a Terceira Autonómica (nestes momentos atópase con 2 puntos mais ca nós, así que de gañar o vindeiro domingo, probablemente, lle pasaríamos por diante).

O Centro Arqueolóxico de San Cibrao de Las, no concello de Santo Amaro en Ourense, abrirá as súas portas en decembro deste ano, despois de que as obras de construción rematen en maio, segundo a conselleira de Cultura, si esa conselleira que probablemente sexa defenestrada co galo das eleccións ó imperio. A nos impórtanos pouco que a defenestren xa que o parque imposto sen contar para nada cos veciños será, se non se reconduce o tema, un niño de corvos que traerá de todo menos prosperidade a nosa terra.
Entón canto temos que agardar para que rematen o mausoleo?, visto que este comeza a traballar en decembro está claro que o noso non comeza ata dentro de un ano ou dous, ou tres ou ao mellor ata dentro de cinco ou seis anos…
Cando as obras se fan mal, sen criterio, sen ter idea, pasa o que pasa. O polígono ten unhas infraestruturas que dan pena. Mal conectado, mal localizado e mal xestionado. Xa vemos o ben que vai. O parque cemento sobre cemento e mais cemento. Sen estética de ningunha clase. A carretara nova para que falar, e mentías tanto van como van o resto das carretaras da nosa terra, os abastecementos de auga, as obras de alcantarillados, as coberturas de telefonía.
PERO ALGUÉN ESTÁ A FACER ALGO NESTE NOSO PAÍS?. ESTÁ É A PREGUNTA QUE NOS FACEMOS. ALGUÉN SE PREOCUPA DO NOSO?.
Pois nós pensamos que non, que aquí tararí que te vi. Unha autentica vergoña, unha falta de ríspeto a cidadanía campolameirana. Non se pode seguir así esperando e que non fagan nada de nada. Que lle poñan unha autopista ós petroglifos e que a carretara de San Isidro e Parada semella un camiño de carros.
Ata onde pode chegar a paciencia dos campolameirans, día a día todo segue igual. Xa está ben de ter que andar soportando esta vergoña de goberno e de oposición. O mellor que nos podería pasar e que dimitisen en pleno e que viñese unha xunta xestora que se fixese cargo do concello.
Estes son os proxectos que ó amparo do Plan E chegan a Campo Lameiro
REHABILITACION LOCAL ESCUELA DE MUSICA 85.628,00 €
COLECTORES EN EL SANEAMIENTO EN GARGALLONES 82.960,00 €
ADECUACION Y MEJORA ESPACIO PUBLICO URBANO EN REDONDE 83.520,00 €
MEJORA DE LA SEGURIDAD VIAL EN SAN MIGUEL 122.920,01 €
Puff, unhas ideas terribles, como sempre a nosa corporación vive nun pais alleo. Esta claro que hai aldeas que non coñece, que non ten ganiñas ningunhas de facer inversións que capitalicen a implantación e desenrolos de empresas. O que se lles ocorre e poñer cuatro arbolitos en Redonde, dous farois no campo, darlle unha man de pintura a escola de música e meter dous caños en Gargallóns. Esta claro que estamos diante dun goberno sen ideas e amparado por unha oposición que fai augas por todas partes.
Dende aquí pedimos a dimisión do goberno en pleno, e que se empadroen onde viven porque quédanos claro que non viven na terra xa que descoñecen as súas necesidades.

Algo cheira mal e non é Portugal. Con este pareado A Voz das Pitas ven de recibir un correo dun/ha arroutado/a campolameiran/a que afirma que algo non se axusta a verdade.
Segundo o informante anónimo a ficha da obra (que podedes descargar da páxina da xunta) http://www.cptopt.xunta.es/portal/webdav/site/cptopv/shared/es/pdfs/dxop/Obras/obras%20en%20curso2005/FICHAS%20_OBRAS%20_EN%20_CURSO/PO_02_195.01.pdf no portal da consellería correspondente http://www.cptopt.xunta.es/portal/cidadan/lang/gl/pid/791
A estrada dos petróglifos tiña que ter dúas beiraruas dun metro cada unha. Ala carallo non imos moito por alí, pero segundo conta a nosa pita clandestina e o que investigamos nós mesmos non ten nin 30 cm de beirarua.
Pois alguén e non precisamente nós, debería de preocuparse por estes detalles. Pero nada seguimos coa estratexia de que mexen por nos e digamos que chove.

Como se nota que están as hordas sociatas a apuntarse os tantos co galo das eleccións. Nosoutros faremos como se non escoitáramos nadiña. Pero por se algún quere darse por enterado de algo aquí lle deixamos as cadeas as novas do voceiro socialista.
Se resulta que ó final van a ser dous ou tres puntos, que non creemos se traduzan en un só voto.

"Para Fábregas, "sería bo recuperar a financiación específica dos proxectos de investigación, retirada nos primeiros 90". "Foi un erro". Así tamén a xénese da Rede Galega de Patrimonio Arqueolóxico, cos célebres parques de Campo Lameiro (arte rupestre), San Cibrao de Lás (cultura castrexa), Soneira (megalitismo) e Lugo (mundo romano), cun orzamento global de 18 millóns de euros de 2001 e deseñados, segundo o daquela titular de Cultura, Jesús Pérez Varela, "para recuperar a memoria histórica e potenciar a oferta turística". "Non se contou coa comunidade arqueolóxica", lamenta Fábregas, para quen o problema actual é "a inercia e outras pexas asumidas do Goberno anterior: a Cidade da Cultura"."


"Unha das preocupacións era traballar en todo o país", remarca Felipe Arias (Lugo, 1950). Dío en referencia aos grandes complexos de contido arqueolóxico, "en redefinición". Arias, prudente, remarca que agora "xa non só se fai arqueoloxía de xestión". En 2006 incoáronse máis expedientes sancionadores ca nos dous anos anteriores.

Pola nosa parte, sinceramente apetecenos máis o futebol!!!!!

Tal como o contamos, en Campo Lameiro un tercio dos que votan non viven na patria (Campo Lameiro).
Esta situación é noxenta, e dende este espazo non queremos quedar calados diante deste atropelo dos cidadans que vivimos aquí na terra. Xa nos chega ben que a metade da corporación municipal non veña ó Campo nin para os plenos.
En Campo Lameiro vota o que vive todo o ano, e o que non que vaia dicidir quen goberna na casa do viciño pero non acó.

Ver para creer. Resulta que agora Pontevedra é desde onte zona de especial interese agrario. Esta declaración, efectuada por Medio Rural (que debe estar perdido no medio da cidade), abre as portas á mobilización de terreos improductivos para fins agrarios a través do Banco de Terras de Galicia (pois en Campo Lameiro terreos deses temos a eito). A medida afecta así mesmo aos municipios de Poio, Vilaboa, Barro , Ponte Caldelas, Campo Lameiro, A Lama e Cotobade. Tamén se incluíu dentro da comarca de Caldas o termo de Catoira.
Os promotores da iniciativa aseguran que o seu obxectivo foi crear un instrumento áxil con arrendamentos pactados entre cinco anos (como mínimo) e trinta anos (como máximo). Segundo as súas explicacións, os propietarios ceden as súas leiras por un mínimo dun lustro e deben ser consultados en caso de superar este prazo. Ao termo do proceso poden recuperalas. Tamén existen vías para arrendar os terreos inscritos no banco se lles sae unha persoa interesada arrendalos.
pois xa sabedes paisanos, agora que non quedan vacas debíamos de telas.

As eólicas destrúen e non achegan riqueza. O que perseguen uns poucos é que lles cedamos gratuitamente os nosos montes para que coloquen os seus muíños de vento. Os veciños non ven un duro, os traballadores son foráneos, non contratarán a ninguén e o que é peor os nosos gobernantes poranllo/llelo doado.
Dende aquí iniciamos a campaña eólicas a cambio de nada NON.
Xa paso unha vez coas minicentrales do Lerez. O concello non percibe nin un duro e os veciños menos e iso que están a ocupar terreos comunais.

Campo Lameiro, por medo as represalias sionistas, acolleu unha interesante fórmula de Cabalgata matutina con dous itinerarios diferentes, a intención foi que tódolos viciños, republicanos e non, disfrutaran das súas maxestades. Pola tarde fixeron a habitual entrega de regalos no polideportivo municipal, como aperitivo ao concerto da Banda de Música que pechou as actividades.
Saúdos a Papa Noël

Eduardo Alonso, un emigrante orensano que é secretario no Centro Pontevedrés de Montevideo, entidade na que participa activamente dende a súa fundación hai xa medio século, foi elixido como novo presidente da Unión de Sociedades Galegas do Uruguai.
Acompañan a Eduardo Alonso na dirección da Unión de Sociedades Galegas do Uruguai o vicepresidente, Manuel Fontán, tamén do Centro Pontevedrés; Eduardo Miras como secretario e Cándido Lois como prosecretario, ambos os dous da Casa de Galicia; o tesoureiro é Serafín Alonso de Unión Hijos de Morgadanes, ao igual que o protesoureiro, Ricardo Iglesias. Ademais, a comisión fiscal presídea Luis Cerviño, de Sociedade Campo Lameiro, Jesús Vázquez, do Centro Orensano, e Aniceto Chaín, de Fillos de Galicia.

As cifras da evolución do desemprego na bisbarra de Pontevedra volveron deixar rexistros negativos durante o pasado mes de decembro. A capital e os municipios do seu ámbito pechan 2008 cun total de 8.849 parados, é dicir, 462 máis que no mes anterior e 2.103 máis que hai un ano, segundo os datos feitos públicos onte pola Consellería de Traballo da Xunta de Galicia.
Pola súa banda, Cotobade ten 323 desempregados, un 56% máis que hai un ano; Barro 219, un 30,4% máis; A Lama 200, co que crece un 37%, e Campo Lameiro 178, co que a taxa de paro interanual aumenta nun 24,5%.

Marcos G. Piñeiro (Vigo, 1981) creou o portal Petroglifos.org, unha web a principal aplicación da cal é unha plugin de Google Maps que permite a geolocalización destes gravados, ademais de ofrecer información adicional sobre eles e imaxes; un primeiro paso para fomentar o turismo nestas zonas. "A idea inicial era facer unha exposición ou un documental sobre os petroglifos, pero ao comezar a investigar, decatámonos de que un dos maiores problemas do seu descoñecemento se debía ás dificultades de acceder a eles, por iso decidimos que o máis útil era a creación deste mapa", explica o director.
Tras un intenso labor de investigación que durou preto de dous anos na que se ha analizando a relación da sociedade con este patrimonio, a empresa de produción cultural Concepto 05, en colaboración co colectivo Escoitar.org, desenvolveu esta aplicación web que permite situar os petroglifos dun xeito detallado nun mapa de Galicia. A través de Petroglifos.org, o usuario pode visitar de forma virtual os diferentes gravados que se irán colgando. Actualmente situaron unha vintena pero hoxe en día aínda se seguen descubrindo novas rochas gravadas, polo que o equipo solicita a participación de expertos e de afeccionados para localizar o máximo número posible destas pezas para ilos engadindo, pouco a pouco, ao seu mapa. "Ata agora recibimos moitos correos de persoas que envían as súas fotos e teorías sobre estes gravados, pero ante todo queremos ser moi rigorosos coa información e o máis interesante sería contar co apoio dalgunha institución", indica Piñeiro.

Sen facer nada nos últimos meses as nosas visitas non paran de medrar e o que é mellor, temos o mail saturado de mensaxes pedíndonos infinidade de cousas. Teñen que entender os nosos seguidores que aquí uns humildes estudantes e traballadores como nós non podemos dedicarlle máis tempo a este fenómeno que revolucionou a vida social da nosa parroquia. Temos demasiadas ideas e moi pouco tempo.
O que vos pedimos é paciencia, a loita continua, o noso desexo é sanear todo o gando político da nosa amada terra, apartar a palla do feo e axudar a construír un Campo Lameiro máis xusto para todos. A todos aqueles que nos escribides cotidianamente para que digamos isto ou comentemos o outro, tedes que entender que o noso tempo é limitado e en ocasións non temos interese en dar máis guerra da que xa damos.
O noso ton é xocoso divertido retranqueiro e un pouco obsceno. Rozamos constantemente a falta de educación e máis alá da broma elaborada para queimar conciencias conservadoras só intentamos provocar a risa e o desanimo dos malos gobernantes.
Co novo ano probablemente mudemos de aparencia e é practicamente seguro que cambiaremos o discurso que ata agora mantivemos. Traballamos por unha nova liña editorial que resulte máis proveitosa para todos. Queremos polo tanto poñernos na pel dos desfavorecidos e converternos definitivamente nunha ferramenta democrática e de vixilancia.
O que queda tratamos de poñer de manifesto é a ignorancia e a perversión do actual goberno. E queremos engadir, xa de forma serie e honrosa, unha loanza ao noso alcalde. É incrible como este home rodeado de tantos incompetentes foi capaz de facer todas as cousas que fixo. Constantemente empeñámonos en descualificar a súa xestión, pero non nos equivoquemos, menos mal que está á fronte da corporación municipal. O noso alcalde loitou moitísimo por nós, rodeado dunha banda de incompetentes académicos, empezando polos seus propios colaboradores e continuando pola inerte oposición.
Dende esta tribuna, e sen que sirva de precedente, temos que render culto á traxectoria do noso gran dirixente, para o que reclamamos dedíqueselle por iniciativa popular unha praza ou unha rúa.
Como colofón para este final de ano, Julio grazas por manterte imperturbable e ser capaz de guiar con brazo firme este barco no que imos todos. Cremos ademais necesario recoñecer os logros que para todo o noso pobo supuxo a túa xestión do último ano, animándoche a continuar nesta liña. En Campo Lameiro o alcalde manda e a oposición achanta!

Co afán de apoiar "A VERDE" ata o infinito e máis alo, facémosnos eco dun acontecemento histórico.

O vindeiro domingo 16 de Novembro, o Campo Lameiro C.D. disputará o seu primeiro encontro como local no campo da "Chan da Carota" en Praderrei.

As prediccións meteorolóxicas anuncian bo tempo para este fin de semana, así que esperamos vervos no re-estreno do Campo Lameiro como equipo local en Praderrei, e digo re-estreno porque os primeiros pasos que o fútbol dou en Campo Lameiro foron, según contan os vellos, no antiguo Campo de Paradela e daquela só exitía un equipo no concello.

A gráfica adxunta, datos reais obtidos das nosas toupas e infiltrados, demostran como o paro no noso municipio alcanzou valores que non se recordaban. Para non incomodar máis do que debemos, concluiremos que a tendencia dos nosos gobernantes é, como sempre, non facer nada. Sobe baixa, baixa sobe, pero nós quietos non sexa que se note que o tema tamén vai connosco, pensarán nosos incompetentes. Pois é noso deber recordarlle ao noso alcalde e a toda a inoperante corporación municipal e á ausente oposición, que en setembro deste ano 155 dos nosos veciños non podían levar á súa casa un xornal.

Co fin de asegurar a nosa independencia enerxética, tras os problemas que estamos a ter co abastecemento de gasóleo, a corporación municipal reunida na intimidade decidiu incautar todos os alambiques legais e ilegais co fin de probar novas destilacións. A oposición propuxo que seguramente será viable obter gasóleo dos carballos do campo da feira que aínda están sans.

Por certo as aceritas de Praderrei costaron case 30.000 € dos cales nin un can foi para os viciños. A ver se o "sucesor" aprende a metela dobrada.

O fin dos días non chegou aínda. A esperanza branca tínguese da cor das sombras para tranquilizar os lamentos dun pobo, que farto da inmundicia dos seus actuais gobernantes, pediu unha nova orde.

O noso movemento, consciente da relevancia histórica do momento, quere ofrecerlle ao pobo americano o seu incondicional apoio neste proceso de refundación.

Campo Lameiro non pode quedar indiferente ante os ollos dos homes e mulleres de ben, individuos anónimos que en minoría sumaron as súas forzas para manifestarlle ao mundo que os calquera non son dignos de decidir o futuro dun pobo e dunha nación.

Hoxe Campo Lameiro mírase nos ollos dos votantes americanos, homes e mulleres que exercendo o seu dereito en democracia quixeron pechar a porta aos mediocres e aos usurpadores. Hoxe Campo Lameiro soña coa elección dun líder indiscutible que baleire o noso goberno e guíao á grandeza que merece o seu pasado.

Homes e mulleres de ben, anciáns que coa vosa experiencia estades fartos de elixir entre mediocres e ridículos políticos, novos que desexades un futuro negado aos vosos pais e que sabedores de que os actuais e ineficaces individuos volo van negar, berrádelle ao mundo que seguiremos o exemplo da primeira nación libre.

Chegará o día no que os ollos do mundo estean postos sobre nós, en que o noso soño se faga realidade e a liberdade saia dos nosos corazóns para alcanzar o destino común de todos.

Ese día está próximo e alcanzarase cando a corporación municipal formada por 11 homes e mulleres xustos declare a nosa INDEPENDENCIA e a autodeterminación do noso goberno.

O noso clandestino e minoritario movemento desexa felicitar ó primeiro cidadán americano tras o apoio recibido polo seu pobo.

A vaca marela.

Co galo das eleccións para elexir ó novo primeiro cidadán do imperio, a voz das pitas enviou, en comisión especial, duas galiñas poñedoras debidamente acreditadas para facer un seguimento ó minuto dos resultados.

A transmisión de datos terá luagar a tempo real. Conscientes de que a nosa república xogase moito, a vaca agarda paciente para facerlle chegar ó novo primeiro cidadán unha carta de felicitación.

Sabedores de que a metade da corporación municipal non sabe onde queda a terra da coca cola, e a oposición tampouco, dende aquí animámolos a que poñan barrio sesamo e traten de diferenciar entre aquí e aló.

Neste tempo de crise onde os bancos están vacios, os celeiros a medias e dubidamos que os porcos cheguen a que o tempo arrefríe o suficiente, o noso alcalde considera "vital" a estúpida infraestrutura que converte a Praderrei e ao Campo na primeira área metropolitana da nosa república.

Ao noso xuízo, é obvio, que os (des)propósitos do noso alcalde son adecuados para gañar as próximas eleccións. Os veciños non cuestionan xa a escala de prioridades que o equipo de goberno ten, é evidente que residen en Cracovia ou en Papua Nova Guinea. Soamente alguén que non fixo o máis mínimo para rematar a infraestrutura viaria nun tempo axeitado sen prexudicar a ninguén, alguén que non se molestou en decidir un trazado integrado na paisaxe, alguén que non sabe se a curva pecha cara á dereita ou cara ao centro dereita ou se hoxe imos pola esquerda (que non existe actualmente na república e parece que ademais de estar prohibida nas estradas está prohibida e vetada no goberno, por motu proprio supoñemos) pode cualificar esta estupidez de obra como vital. Propoñemos que publique un bando para iliminarnos sobor o significado de "vital", xa que unir dúas aldeas non é de interese económico para ninguén se non hai continuidade ata as principais vías de comunicación que conectan a nosa república co mundo exterior.

A cifra de 2,4 millóns de euros é, francamente impresionante, pero non podemos negar que nos custa crer que a mesma non alcanzara para evitar que os noiros se derruben, que os veciños non tiveran que ceder gratuitamente espazos para certos tramos de beirarrúa, que non se construíra unha ponte máis ampla que permita aos peóns cruzala cun pouco de seguridade. Sinceramente temos a sensación de que alguén (corporación municipal, mandamases e mandemenos da xunta) se están a rir de nós.

E para máis inri, hai que soportar como lle aguantamos o membro mentres lle agradece á mediocre conselleira da xunta o apoio dado para a realización da infraestrutura, esta e outras anteriores. Non nos estrañaremos se da noite á mañá o PSOE en Campo Lameiro cambia de líder espiritual.

E que cojones!!! temos a obriga de concluír co beneplácito da taciturna constrúeestradas do tres ao cuarto da xunta dándolle a razón os veciños por quitar os valos de protección que impedían o paso.

Se é que non nos cansamos de repetilo, en Campo Lameiro o goberno manda e o alcalde, a corporación e a oposición achanta.

Por certo a conselleira de marras os colegas do noso alcalde pedironlle a incapacidade para licitar obras. Vivir para ver...

Pois resulta que agora alporízase o galiñeiro, pero facendo reconto de galiñas non todas poñen ovos:

* Como sempre a oposición non existe, con este caramelo na boca pa dar tralla optan por estar caladiños.

* Os de Praderrei non protestan, protestan os de Parada, e algún do Campo.

* E o alcalde como sempre nin pinta, nin corta, nin se entera, nin vai, nin ben, nin fai, nin deixa facer.



Vaia merda de carretera, o que a pensou quedoulle a cabeza descansada.

E ISO DE QUE SE MOVEU A ZAPATA SERÁ VERDADE. POIS XA PODERÍA SAÍR ALGUÉN A DESMENTILO, MIRA QUE SE AGORA CAE A PONTE IMOS AVIADOS.

---

A altura que colle o corvo permételle espiar os mausoleos da nosa corporación municipal.

---

Máis información na seguinte cadea:
http://www.flickr.com/photos/laikram/

Para nós é un momento triste, non nos alegramos por esta (in)esperada baixa. O seu peche pon a puntilla á ausencia dunha actividade opositora clara. Esperabamos moito dese espazo, todos querían saber o que se estaba a cocer nas potas que quenta o noso alcalde e que saísen á luz os disparates do noso (des)goberno.

Tiveron a súa oportunidade, a plataforma perfecta para facer chegar a súa mensaxe, de convencernos a todos de que seguían un camiño e non era unha ruta servilista. Non o fixeron, comezaron forte, pero ao final todo quedou en nada.

Evidentemente non compartimos as súas propostas para Campo Lameiro, e o que é peor dubidamos abertamente da capacidade política, negociadora e de que pusúan os coñecementos necesarios para optar a ser os nosos mandamases.

Non obstante, nós dende aquí queremos animalos a que non pechen o seu espazo, queremos facerlles chegar o noso apoio para que continúen e nos dean motivos de crítica, que a próstrea é mellor que non dar nada.

Para nós ao final o peche era (in)esperado, a fianza xa foi recollida e cual cadelos faldreiros acatarán a decisión dos seus amos para non importunar a quen, ao mellor, pode darlles de comer algún día. ¿Para que meterse en problemas?, xa nos está ben así, aparecemos por alí durante os próximos tres anos e dous meses antes poñémonos á faena.

Aínda nos dura a resaca, esa que che deixa a garganta seca coma se tragases chapapote. Indubidablemente o mellor dá a festa da augardente é a augardente. En pé segue a nosa proposta de organizar a festa do esterco, xa que así poderiámola gozar ollando como se comporta a corporación municipal no seu medio natural, a corte.

Nós ao noso, este tempo de celebracións e final de exames, para algún non para todos, non nos permitiu dedicarlle tempo este medio de comunicación. Qué gran festa a de Santo Antonio. Mágoa que Penalba estea tan deixada da man do concello. O viño bébese mellor á sombra dos carballos e a empanada incrementa as súas virtudes terapéuticas. Comeza para nós o verán.

Polo demais todo segue igual, o alcalde e a corporación enfrascados cos seus mausoleos, a casa do pobo (non pensamos que a vexan rematada neste mandato), a autovía para ir a Praderrei, ese raro edificio que asoma o fociño no futuro complexo rupestre (que pronto se parará, non vai ser menos que as outras obras) e ese polígono que tanto ía crecer pero segue sen avanzar nada.

O axeitado contrasta co arrogante nesta nosa república. Claro, como sempre nos sucede temos que sentirnos orgullosos duns poucos e neste caso, nós polo menos, sentímonos moi orgullosos de Ángela que con esforzo, dedicación e tenacidade conseguiu un emotivo recoñecemento á súa traxectoria profesional por parte da Asociación de Periodistas de Galicia (APG), recoñecemento que se materializa nun accésit.

É aquí onde se demostra que en Campo Lameiro hai madeira para facer bos xornalistas, e non solo nós dominamos a dialéctica coa espada na palabra. Ben, isto significa que non nos cansaremos de repetir que somos dunha raza diferente, que nacer en Campo Lameiro dótanos dunha enerxía vital única para envestir e afrontar os camiños do futuro. Solo falta que naza do seo do pobo un novo líder que nos conduza á vitoria e á república.

Neste val de bágoas, de obras nefastas, de oportunidades perdidas e de feitos non consumados, é obvio que a actual corporación municipal (oposición incluída) sofre de impotencia, ás veces verbal e case sempre acústica. É momento de escoitar o pobo, porque o pobo lle está a berrar "ata aquí chegamos e non iremos máis alá". Xa está ben de tanta parvada e tanto panfleto, este letargo durou moito tempo.

Ata aquí chegamos hoxe, talvez mañá máis.

Uns nenos do concello, que nos pediron anonimato total, veñen de facernos chegar este poster. Ameazaronnos con facer pública a identidade do Corvo, se non o publicábamos. Ben aquí está. Supoño que con isto garantimos o segredo.... de todas formas mal encamiñados non ides....

---

---

RAPACES O FUTURO DESTA REPVBLICA E VOSO

---

Entre a festa do futbol e a da empanada non imos dar abasto. Que non se diga que na REPVUBLICA DE CAMPO LAMEIRO non se como a eito.

A encher rapaces que hai que coller folgos.

Non imos a fecer ningún comentario, a bos entendedores poucas palabras bastan. Centrarse no texto en negriña.


56
Páxina do Dog:
4.804
Data da Disposición:
13 de febreiro de 2008
Sección:
III. OUTRAS DISPOSICIÓNS
Organismo:
CONSELLERÍA DE POLÍTICA TERRITORIAL, OBRAS PÚBLICAS E TRANSPORTES
Rango:
Orde
Título:
Orde do 13 de febreiro de 2008 sobre a aprobación definitiva do proxecto de modificación puntual número 3 das normas subsidiarias de planeamento do concello de Campo Lameiro (Pontevedra).
Orde do 13 de febreiro de 2008 sobre a aprobación definitiva do proxecto de modificación puntual número 3 das normas subsidiarias de planeamento do concello de Campo Lameiro (Pontevedra).
O Concello de Campo Lameiro remite o proxecto de modificación puntual referido, para a súa aprobación definitiva, conforme o artigo 85.5º da Lei 9/2002, do 30 de decembro, de ordenación urbanística e protección do medio rural de Galicia, coas modificacións derivadas da Lei 15/2004, do 29 de decembro.
I. Antecedentes.
1. O Concello de Campo Lameiro dispón na actualidade de NSP aprobadas o 10 de xullo de 1996.
2. Nun principio, este concello remitiulle a esta consellería un proxecto para a alteración das determinacións das NNSS (expediente PO-05018), que comprendía as seguintes modificacións:
-Modificación 1: a recualificación dunha zona verde contigua ao edificio consistorial para a ampliación deste, con anexión dunha parte destinada a espazos públicos e viarios.
-Modificación 2: o cambio de cualificación duns ámbitos de solo urbano, de ordenanza 3 a ordenanza 2, con variación de aliñacións e trazado viario.
-Modificación 3: a ampliación, debida á modificación anterior, da zona de equipamentos e aparcadoiros á custa da zona verde ZV-7 e a recualificación de solo rústico contiguo con destino á zona verde suprimida.
-Modificación 4: a recualificación do solo rústico contiguo a dotacional deportivo para ampliación deste.
3. A modificación puntual foi aprobada inicialmente polo Pleno en sesión do 9 de xuño de 2005. Foi sometido a información pública mediante publicación de anuncios nos xornais Faro de Vigo e Diario de Pontevedra con data do 24 de agosto de 2005 e mediante publicación no DOG nº 146, do 1 de agosto.
4. Por orde desta consellería, do 2 de marzo de 2006, resolveuse non lle outorgar a aprobación definitiva ao devandito expediente co fin de que fosen introducidas as modificacións precisas para reparar as deficiencias recollidas na orde, co obxecto de que, tras seren aprobadas polo concello, fosen enviadas a este departamento para pronunciarse sobre a súa aprobación definitiva.
5. Tras iso, o Pleno do Concello acordou tratar de forma independente a modificación, formulando un proxecto de seu, que foi aprobado polo Pleno municipal en sesión plenaria do 6 de xullo de 2006.
6. O proxecto foi sometido a informe da Comisión Superior de Urbanismo de Galicia, por afectar zonas verdes cualificadas polo planeamento vixente (artigo 94.4º da LOUG). A Comisión Superior de Urbanismo de Galicia, na súa sesión do 26 de xaneiro de 2007, adoptou o seguinte acordo: «... para os efectos do disposto no artigo 94.4º da vixente Lei 9/2002, emitir informe favorable sobre o expediente de modificación puntual número 3 das normas subsidiarias de planeamento do Concello de Campo Lameiro (Pontevedra), Codeseda-A Chanciña, coa condición de que se redefina xeograficamente o ámbito da zona verde afectada co fin de compensar a superficie en que esta resulte efectivamente diminuída pola ampliación da vía na que basea a modificación».
7. Por Orde do 14 de febreiro de 2007, a conselleira de Política Territorial, Obras Públicas e Transportes resolveu non lle outorgar a aprobación definitiva á dita modificación puntual, sinalando unha serie de deficiencias para a súa emenda.
8. Informe municipal previo á aprobación provisional: técnico do 5 de novembro de 2007 e xurídico do 19 de novembro de 2007.
9. O Pleno, en sesión do 12 de decembro de 2007, aprobou provisionalmente a modificación puntual.
II. Consideracións e fundamentación.
II.1. Con data do 13 de febreiro de 2008, a Dirección Xeral de Urbanismo elevou un informe-proposta de resolución, no cal se expresa o seguinte:
-A devandita modificación nº 3 ten por obxecto a ampliación do largo (que pasa de 9 a 13 metros) da vía de 236,7 metros de lonxitude que, con trazado desde a estrada de Codeseda ata o lugar da Chanciña, une o núcleo urbano co centro de dotacións, campo de fútbol, centro de saúde, piscinas... co fin de poder construír beirarrúas e dotala dun carril de dobre dirección. Esta alteración proxéctase partindo da aliñación actual da zona verde e ampliándose cara ao sur do actual eixe da vía. Esta finalidade pódese considerar incluída entre as de interese público que expresa o artigo 94.1º da LOUG.
-A modificación exclúe a alteración da zona verde Z-8, producíndose a ampliación da vía cara ao sur, polo que cumpre coas condicións do informe da Comisión Superior de Urbanismo de Galicia, na súa sesión do 26-1-2007.
-Considéranse suficientemente emendadas as deficiencias postas de manifesto á orde da conselleira de Política Territorial, Obras Públicas e Transportes do 14-2-2007.
II.2. De conformidade co artigo 89 da Lei 9/2002, do 30 de decembro, de ordenación urbanística e protección do medio rural de Galicia, e co artigo 1 do Decreto 519/2005, do 6 de outubro, polo que se establece a estrutura orgánica da Consellería de Política Territorial, Obras Públicas e Transportes, a competencia para resolver sobre a aprobación definitiva dos plans xerais de ordenación municipal correspóndelle á conselleira de Política Territorial, Obras Públicas e Transportes.
III. Resolución:
Visto canto antecede,
RESOLVO:
Primeiro.-De acordo co punto 5 a) do artigo 85 da Lei 9/2002, do 30 de decembro, de ordenación urbanística e protección do medio rural de Galicia, aprobar definitivamente a modificación puntual nº 3 das NSP do Concello de Campo Lameiro.
Segundo.-Contra esta orde cabe interpoñer recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses, que se contarán desde o día seguinte ao da súa publicación, segundo dispoñen os artigos 10 e 46 da Lei 29/1998, do 13 de xullo, reguladora da xurisdición contencioso-administrativa.
Terceiro.-De conformidade co disposto polos artigos 92 da Lei 9/2002 e 70 da Lei 7/1985, do 2 de abril, reguladora das bases de réxime local, o concello deberá publicar, no BOP, a normativa e ordenanzas da modificación aprobada definitivamente.
Cuarto.-Notifíqueselle esta orde ao concello e publíquese no Diario Oficial de Galicia.
Santiago de Compostela, 13 de febreiro de 2008.
María José Caride Estévez
Conselleira de Política Territorial, Obras Públicas
e Transportes

O Campo Lameiro C.D., en agradecemento á vosa colaboración, quere invitarvos á comida popular que o noso Club está a organizar para o próximo 8 de Xuño na Área Recreativa de Santo Antonio de Penalba Antonio de Penalba en Campo Lameiro.

Coa celebración desta comida popular procederemos a dar por finalizada a actual tempada, e polo tanto, esta comida marcará o comezo da seguinte.

O menú será sinxelo e estará constituído por Empanada, Paella e Sobremesa, todo iso regado por viño da zona e coa celebración da Tradicional Queimada para dar por finalizada esta festa. A hora de comezo está marcada nun principio para as 14:30 horas.

Durante o transcurso desta comida, procederanse a entregar os diversos trofeos que o Club concede a aqueles xogadores que destacaron durante a tempada en facetas como "Compañeirismo", "Goleador", "Regularidade", Etc

Esperando contar coa vosa presenza, despídese atentamente,

Jesús María García Ameijeiras
Presidente Campo Lameiro CD

Nota: Para realizar un cálculo aproximado do número de asistentes a esta comida, agradeceriámosvos que confirmásedes a vosa asistencia.

---

NOTA DA REDACCIÓN DA VOZ DAS PITAS:
SELECCIÓN DE CAMPO LAMEIRO XA!

Dende o territorio histórico de Fragas, o 29 de maio de 2008 ano I da revolución.

Irmáns:

Postulámonos dende aquí contra ese anacronismo que supón que os nosos fillos estuden niso que chaman galescola. Os organismos opresores obrigaron aos seus pais e avós a estudar baixo a atenta e amarga batuta do españolismo, máis acentuado no caso dos seus avós.

Hoxe o opresor cambiou de chaqueta, non é español, é galego. É noso deber reclamar para os nosos nenos unha educación pluridisciplinar, que o idioma motor sexa o campolameiran e a segunda lingua o inglés e terceira como non o castelán. É obvio que os primeiros valores que reciben han de ser o amor á súa terra e a súa terra non é outra que a que emporcan os irreverentes enviados dos partidos españolistas e galegistas, a súa terra é Campo Lameiro. A pesar das similitudes que existen, aquí tamén hai verdes castros, non podemos deixar que a opresión fanática dos que buscan adeptos fieis á súa causa, manipulen a educación dos nosos fillos. Por iso é labor dos pais loitar contra este aborto de formación neofascista de esquerdas e trasnoitada. Varios destes adxectivos podemos aplicarlles aos que tivemos a sorte ou a desgracia de estar sentados nos pupitres baixo o mando de certos ególatras dos que non quero recordar os nomes. Ao mellor grazas a eles, diredes algúns, hoxe desenvolvemos esta dialéctica.

Conscientes de que a nosa mensaxe será difícil de interpretar polas mentes de escasa cultura que poboan os despachos dalgunha dependencia municipal (exceptuamos ao sr alcalde) conformámonos con que o pobo que sempre é sabio reflexione tras a lectura dos nosos comunicados. Como representante da organización das xuventudes independentistas de Campo Lameiro, a nosa mensaxe céntrase neles, loitade e non cesedes no empeño de colocar a palabra diante dos cantos de serena que envelenados queren confundirnos e apartarnos da nosa Ítaca.

Vós que sodes novos velade pola utopía da liberdade, non caiades na tentación de crer o que vos contan, outro mundo é posible. Reeducade os nenos, ninguén ha de retiralos dos brazos da súa nai para entregalos ao papa de roma. Eles e vós tedes que formar parte dun campo lameiro universal, que non ten outro destino que o de ser unha nación no mundo. Nós estamos chamados a ser nación, estamos suxeitos á lei da nosa terra que nos berra que sexamos libres.

Conscientes que somos un problema, a sabendas que corremos o risco de ser detestados, non podemos deternos no camiño, habemos de cargar coa amarga condena de conducir o noso pobo á liberdade. Incomprendidos e separados polos sicarios que non entenden máis que a voz do seu amo.

O que máis nos entristece é o absurdo camiñar do noso alcalde, que aquí, non imos negar lle temos certo respecto. É home de letras, de correctas formas e refinada educación, dialogante e de excelente formación cultural. A nosa queixa é que non asuma o mando e nos guíe cara á liberdade, o noso reproche que non se sume á nosa causa, a nosa vinganza será botarlle en cara a oportunidade perdida. O fará bo que calquera tempo pasado foi mellor, cando deixe a súa vida pública de representante do pobo ¿quen asumirá o mando? Dígovolo eu, alguén que non o merece, sen formación, sen experiencia e con ganas de sentirse o rei dos idiotas.

Dende o sentido común pedímoslle ao representante electo polo pobo que nos saque deste atranco, que lidere á cidadanía, que declare a independencia e que se desfaga desa partida de mentes submisas que entorpecen a loita das mulleres e os homes da nosa terra.

E a primeira medida, desmontar ese invento absurdo da galescola, ese engano da esquerda fascista que quere converternos en galegos e borrar o estigma de nacer en Campo Lameiro.

Queremos un futuro, queremos que se forme á nosa xuventude, que non se escatimen medios para darlles oportunidades e se dean as condicións para que as aproveiten.

En Campo Lameiro en campolameiran.
Porque somos de Campo Lameiro, temos que ser libres.

O corvo da lagoa
Subcomandante do Comité Revolucionario de Campo Lameiro (CRCL)
Coordinador das Xuventudes Independentistas de Campo Lameiro (XICL)

VISITAS AO CONSORCIO
O Consorcio estudará a construcción dun Centro de Día en Campo Lameiro
[28/05/2008] O alcalde de Campo Lameiro, Julio Sayáns, entrevistouse esta mañá co xerente do Consorcio para estudar a posibilidade de construir un Centro de Día no concello. Sayáns adquiriu o compromiso de buscar o terreo idóneo para que, no prazo máis breve posible, o Consorcio poida iniciar os trámites de redacción dun proxecto.

O xerente do Consorcio, Lois Pérez Castrillo, comunicou ao rexedor de Campo Lameiro as condicións para a construcción dun Centro de Día, que pasan pola cesión do terreo apropiado por parte do Concello. Pola súa banda, o primeiro edil deste municipio do interior de Pontevedra, comprometeuse a buscar de inmediato a parcela necesaria que, posteriormente, deberá ser cedida ao Consorcio. O equipo técnico deste organismo estudará a viabilidade desta obra para que poida ser unha realidade no prazo máis breve posible.

O Concello de Campo Lameiro, adherido ao Consorcio desde outubro de 2006, conta xa cunha Galescola en funcionamento con capacidade para vinte nenos e nenas de entre 0 e 3 anos.



APROVEITAMOS PARA SUXERIRLLE Ó NOSO SEÑOR ALCALDE UNHA UBICACIÓN IDONEA A CARÓN DO RÍO LEREZ, CON BAÑOS DE AUGA QUENTE E FRIA, AZAFATAS, PINCHOS DE XAMÓN, GINTONICS (DIGO POLO CORVO), ETC... POÑEMOS UNHA FOTO COA NOSA PROPOSTA

XA QUE PEREZ CASTRILLO E DA MESMA BANDA QUE UN DA NOSA OPOSICIÓN BEN PODERÍA NOTARSE QUE FAI ALGO POR PROPOÑER UNHA UBICACIÓN TAN BOA COMO A NOSA..

SEMPRE NOS QUEDA A LEIRA DA FRAGA...

A Lagoa 28 de maio de 2008 Ano I pola independencia.

Alguén pode pensar que estamos aquí de broma, facendo un esforzo intelectual desorbitado, pedindo parvadas varias e que ninguén no seu san xuízo nos vai tomar en serio. Nós somos pacifistas do século XXI, que utilizamos a rede para unha batalla inútil e sen sentido, en boca dos ofendidos. O que comezou sendo unha broma de amigos, tratando de convertela en mal gusto con ánimo de ofender aos covardes que nos gobernan, descubrimos que é verdade e que ten futuro. Non se trata de que nos creamos nosas propias mentiras, nunca mentimos, nunca difamamos, nunca a nosa crítica saíu das marxes didácticas da folla de papel que facemos chegar ao pobo. Quizais moitas veces fomos demasiado cautos, demasiado conservadores utilizando a nosa mensaxe de alerta contra os que usurpan o poder do pobo. Baseamos a nosa loita no sangue que nos une e na terra que acollerá os nosos ósos, que é terra común onde nacen e han de crecer os nosos soños.

Somos fillos dun pobo desafortunado, que elixe dirixentes inertes de coñecemento e que nos condenan á dependencia dos poderes históricos e alleos á nosa natureza vital, ancorada nunha terra fértil e aberta á loita encarnizada para conseguir un futuro, aínda que se atope lonxe de aquí. Como explicar entón as mensaxes de apoio que nos chegan dende ultramar, alentándonos constantemente na nosa cruzada libertaria contra a inocencia que nos obriga a durmir un longo sono de pedra.

Estamos hoxe aquí abríndolles as portas ás bestas que poboan os abismos da falsidade, seres sociais que marxinan a nosa alma no máis profundo do cadafalso dos sorrisos roubados. É por iso queridos compañeiros de palabra, é por esta cuestión tan banal como a vida mesma segundo algúns, nos despezamos nunha loita titánica por alcanzar o vento nas nosas meixelas dándolle sentido ao noso pobo.

Imos contra toda autoridade preestablecer que impida ou coarte o progreso do noso pobo, imos contra a tiranía dos incompetentes, imos en contra da inercia dos acontecementos.

Cansos das mentiras que poboan as nosas beirarrúas, que asfaltan os nosos currais, que iluminan as nosas aldeas. Cansos das mentiras dos aspirantes que faltos de respecto ao pobo atrévense con case todo aínda que non saiban nada. Fartos da ignorancia dos decadentes que veñen a convencernos de que son o mellor para nós, decidimos dicir ata aquí chegamos e así non imos continuar.

Comezamos pedindo independencia, un status quo diferente para nós, unha entidade propia que favoreza o comercio, a circulación de capitais, a creación dun banco do pobo, a exención de impostos para todos nós e a creación de empresas e grupos de comercio non suxeitos á intervencionista lexislación española, galega ou europea. Alguén nos acusará de tolos, pero o tempo daranos a razón e moi pronto nos converteremos en visionarios. A razón de existir de Mónaco, Andorra, San Marino, ... pode ser a mesma que Campo Lameiro. Pero para chegar a este destino é necesario arriscar, poñer as botas e comezar a traballar nesta liña, protestando de forma sistemática, non pedir esixir. Nós temos un soño e ese soño é viable.

Dende aquí non cesaremos no noso empeño de loitar esixindo un paso máis. Non se trata de ter unha independencia no mapa, trátase de pedir unha independencia económica onde os nosos gobernantes (os de verdade non estes) sen intervir e mediante novas políticas liberais, instar á creación de empresas internacionais só suxeitas á lexislación dos tratados internacionais de comercio. Cando falamos de crear un banco a xente tómanos a broma, cando falamos de números de identificación fiscal propios, a xente pénsase que somos parvos, pero non, trátase de fomentar unha nova cultura empresarial, trátase de canalizar o comercio, trátase de liberalizarnos política, territorialmente e o que é máis importante, a nivel económico, de Galicia, España e Europa.

Existe outro Campo Lameiro, e é posible só se estamos unidos, se nos mantemos unidos, se cremos a nós mesmos. Eliximos como presidenta do noso partido a unha vaca porque ela simboliza o que foi ata agora nosa economía, eliximos un porco de ministro porque o simboliza a nosa alimentación, eliximos un corvo como o líder espiritual da nosa xuventude porque a súa figura simboliza voar alto e lonxe, que é en definitiva o que tratamos de conseguir.

Non estamos por enriba do ben e do mal, non estamos debaixo de ninguén, non estamos ao abeiro dun poder económico oculto, simplemente nacemos do seo do pobo cunha inquietude para o pobo e polo pobo. Abaixo a decadencia do antigo poder, que desapareza dos nosos ollos a innata marxinación á que nos condenaron. Arrisquen compañeiros unha saída digna a esta situación de desacougo, fagamos da palabra a arma do noso pobo e rubriquemos un destino acorde ás nosas ansias como civilización futura. Que non nos calen os apocalípticos mensaxes de taberna que difunden os estreñidos que ocupan cadeiras vendidas, que non nos silencien os avariciosos de corazón que condenan o noso traballo ao desespero de empurrarnos a favores indebidos. É hora amigos e amigas de coller da man ese neno que se chama Campo Lameiro e ensinarlle que existe un mundo máis alá da comedia e os comediantes que cada día veñen a entreternos con falsas promesas.

Porque existe un futuro habemos de apresurarnos a recollelo, e temos que facelo en cada aldea, en cada curral, en cada terreo, en cada bosque de piñeiros, en cada carballo que poboa as abas da nosa terra. É aquí cando o noso soño se visualiza e un novo amañecer sae nun horizonte esplendoroso máis alá de onde alcanzan os nosos ollos no cume de Penalba. Mañá A Fraga vestirase de radiante noiva, A Lamosa será cortexado por azarosos galáns, en Painceiros xermolarán fontes de mel para regar os vales ocultos do deserto en que nos queren converter. San Isidro será o oriente da especias e cada recanto da nosa marabillosa terra será a terra prometida aos ollos dos fillos do noso sangue.

As bandas poden ser de gaitas, de pandeiretas, de música e ata de Pancho Villa que parece que é a que manda o noso alcalde. Vaia por diante que o noso afán de proteccionismo de todo o noso nos empurra a defender opcións que en ocasións non son as idóneas, que se faga constar que aínda que malo estamos dispostos a defender o noso alcalde contra calquera agresión exterior, reafirmámonos no feito de que o bo esta na nosa corte e dentro da nosa república e non fóra.

Este sentimento de defensa a ultranza de todo o noso impídenos ás veces ser coherentes connosco mesmos, pero ten un aspecto moi positivo e é o profundo menosprezo que sentimos dos cidadáns que consideran que o bo está máis alá dos carteis que indican que vostede está a entrar en Campo Lameiro.

¿A que vén este faladoiro?, pois é sinxelo de entender. Non imos quedar calados ante os ataques que poida sufrir, sufriu ou sufrirá a nosa banda de música, así A diríxa Rodolfo Chiquilicuatre e os músicos toquen a zambomba ou a fanfarra.

Xa está ben queridos e ilustres sucedáneos de ministros e ministras de tres ao cuarto, que vos creedes da calaña de Bibiana Aido, sen ter a máis remota idea do que tedes entre mans, intentando gobernar coma se fósedes os amos do mundo, e sen máis curriculum que deixarse por os pañais do partido que vos da de comer.

Gustaríanos que se dese prioridade aos nosos novos músicos, que se dese prioridade ao esforzo que realizaron moitos pais para que os seus fillos aprendesen algo de música, o esforzo que realizaron moitos mozos sacrificando o seu tempo libre en aras dunha actividade tan fermosa e cultural como é a música. Isto ten que compracernos a todos, ten que enchernos de alegría e facernos egoístas do noso patrimonio.

Concluímos facéndovos chegar a amarga tristura que nos producen as descualificacións sufridas para coa Banda de Música en pequenos comités e realizadas por representantes elixidos polo pobo para que nos gobernen.

Invitamos a banda que como medida de protesta interprete o Himno de Riego na próxima intervención que realice. E pedimos téñase en consideración e garántase o máximo respecto á nosa Banda de Música. ¿Como imos lograr que nos respecten senón nos respectamos a nós mesmos?.

Por un Campo Lameiro libre, por un Campo Lameiro con voz no mundo, Independencia.

ERGUETE CAMPO LAMEIRO
CAMIÑA POLOS VIEIROS DA HISTORIA!!

Hai una historia esquecida que ós nosos “mandamais” non lles interesa recordar. Hai unha morea de sucesos históricos que ós representantes culturais do concello non van a reivindicar. Non é que non queiran, é que non saben. Isto pasa, se pode facer un simil con ese pais opresor que se chama Spain, por poñen de ministra a unha nena incompetente de 31 anos que non fixo nada na súa vida salvo… por dicilo suave ser do partido. Pois isto mesmo pasa na nosa corporación municipal, armada con xente de moi escasa preparación e sen experiencias vitais interesantes que os califiquen para ser aptos para o goberno. Coidadiño, non estamos falando de expedientes académicos falamos de expedientes vitais, haber feito algo máis que ser membros sumisos do partido ou con capacidade para manter cautivos unha manchea de votos.

Nos ó noso, o post de hoxe non é para remover o esterco de todos os días. Pois dada a falta de cultura e rigor que amosan os nosos líderes vémonos na obriga, con un ano de antelación, a que se poñan en pe e se preparen a honras ós CampoLameirans caídos na defensa da nosa terra nas batallas (escaramuzas) que se libraron no noso concello.

No Malpaso (lugar do monte de Painceiros) librouse unha importante batalla contra os Franceses, realmente non foi unha batalla foi unha emboscada que milicianos de Campo Lameiro e concellos limítrofes lle tenderon ás tropas do mariscal Soult. As informacións que obran no noso poder (que alguén nos corrixa se nos equivocamos) indican que a batalla que se librou na Chan da Batalla (lugar do monte da Lamosa) non foi contra os Franceses, senón que tivo lugar contra os Carlistas (anos despois da batalla do Malpaso). Este erro está contido na páxina web do concello. Repetimos, se alguén ten información máis real que a nosa que nola faga chegar e rectificamos. Nos non somos historiadores, somos campolameirans.

Este é un exemplo da falta de interés que a nosa corporación municipal amosa pola nosa historia. Campo Lameiro ten un patrimonio moito máis extenso que os petroglifos. Dende este espazo reivindicamos a recuperación de todo este legado histórico e imos máis aló. Queremos que con motivo dos 200 anos do suceso da Batalla do Malpaso, se informe a toda a cidadanía no suceso histórico que alí tivo lugar e que se loe a figura dos campolameirans que valentemente entregaron a súa vida en sacrificio da nosa identidade como pobo.

Unha nación que esquece ós seus heroes non é un pobo digno da súa historia. Nos como herdeiros dunha sangue milenaria, que se perde na noite dos tempos, temos a obriga de retomar o ardor dos nosos devanceiros para conquerirmos un camiño na historia.

Irmáns, un camiño claro tendese en amencer diante dos nosos pes. Andémolo en paz, con brazo firme e a cabeza ergueita, andémolo na procura dese horizonte de liberdade e de historia que o noso pobo se merece, vaiamos na procura da Independencia e se non nos la dan collámola, en paz sen lamentos e aprendendo de que a sangue derramada non se recupera. Pero honremos a que foi vertida na nosa terra para conquerir a nosa liberdade das tropas de ocupación francesas.

Esperemos que a corporación municipal faga algo máis que preocuparse de quen somo nós e se preocupe un pouco máis polo pobo.

NOS SOMOS O POBO, NOS SOMOS CAMPO LAMEIRO EN PE E CAMIÑANDO.

ATA A INDEPENDENCIA CAMPO LAMEIRO SEMPRE!!!!!!

Os representantes elixidos polo favor do pobo soberano queren buscar a forma de reducir o custo das pensións acurtando a vida dos nosos maiores.

Esta afirmación tan rotunda e alarmista e reflexo da realidade e o aprecio que nos ten a corporación municipal co seu alcalde a cabeza.

Dende aquí pedimos que se paralice a idea INMEDIATAMENTE e se busque outra localización máis saudable para todos.

Este goberno obediente ós intereses das forzas de ocupación galegas e españolas busca rexuvenecer o concello situando o centro de día dos nosos maiores nun foco de contaminación radiolóxica.

Non vamos a quedar calados ante este atrópello e falta de ríspeto a saúde dos nosos maiores. Claro como o señor alcalde seguro que pensa retirarse no balneario de "mandanarices".... pois seguro que lle da o mesmo a calidade de vida que teñan os nosos avós.

NON, dende agora mesmo queda constituída a plataforma pola localización do centro de día a carón do Lérez, un marabilloso balneario con piscinas de burbullas, auga quente, baños de lodos, etc..., un autentico espazo de lecer e saúde para os nosos avós, e algún día para nós.

Lástima que este ano non poidamos repetir a festa.

Pero hai que recoñecer que nós tiveron na roda da cabana ata o último momento.

Agora que xa se esgotarón as posibilidades aproveitamos para darvos as gracias por facernos soñar.



VIVA A VERDE!!!
SELECCIÓN DE CAMPO LAMEIRO XA!!!

En atención a ese cúmulo de insultos e impropios que recibimos no correo electrónico, algúns ademais con nomes e apelidos, queremos darlle a oportunidade ós violentos para que se desafoguen, O Corvo ofreceuse voluntario.



ATA A VICTORIA SEMPRE!!!
CAMPO LAMEIRO INDEPENDENCIA!!!
div>

Aqueles que nos condenan ó ostracismo veñen a garantir a defensa dos nosos valores como pobo, e o que é peor Julio Bonaparte ponse a fronte da corporación municipal para adorarlles a píldora.

Non sei se vos lembrades, pero cando se inauguraron as vivendas de protección oficial ó noso rexedor non lle doeron prendas para facer esperar a conselleira. Pero ven o enfermero da Xunta e non se corta un pelo para poñer rapidamente a cacha para que o pinche. Será por que como veu o alcalde de Moraña, el non podía ser menos.

O noso Bonaparte que pasará a historia como o “eterno”, ben podía falar de cómo vai conseguir que no polígono industrial da Fraga se xeren 400 postos de traballo, por que de ser verdade isto en Campo Lameiro pasaremos a comer centolas para merendar. Hainos con “jeta”, e o que é peor hai aínda que lle cre.

Pois si señor, ven Quintanilla el “segundón” a dicirnos que podemos presumir de Galescola. Que se entere Quintanilla que Campo Lameiro aspira a ser nación. Entón, Galiza ten dereito a ser nación e Campo Lameiro non?. Claro, aquí os raseros mídense como lles importa a cada un.

E onde andaba o duque de Moimenta (que non de Wellington), supoñemos que xa informaría a Quintana de que anda metido nesa asociación de raparigos onde se xuntan catro a ver si algún fai algo. Si esa asociación sen animo de lucro para dinamizar aqueles territorios onde menos inverten as administracións públicas…. Pois ven podía Alfonsito aproveitar para pedirlle mais inversión ó seu vicepresidente.

Ademais, hai que deixarse de lerias, en Campo Lameiro non corre risco o galego, o que corre risco é o inglés, o francés, o alemán…. Ben podían montar unha escola bilingüe inglés-campolameiran (que en Campo lameiro fálase o campolameiran non o galego.

A Pacita, un pasodoble que isto para ela é unha pista de baile moi grande.

En definitiva, ver para crer, a sen razón, a utopía dos obxetos inanimados, o folclore do absurdo, a comedia dos infelices, as bobadas a eito, o ridiculo mais espantoso do mundo.
En definitiva “UNHA VERGOÑA”.

A PREGUNTA DO MILLÓN: ¿DE CANTO ERA O CHEQUE QUE DEIXOU QUINTANA?.

MMMM… PARECENOS QUE NON HOUBO CHEQUE, ENCIMA PAGARÍAMOS NÓS OS CAFES, E LEVARÍA DE REGALO UNHA BOTELLA DE AGUARDENTE.

PORCA MISERIA

Por certo, de PSOE non imos falar despois dos resultados obtidos nas derradeiras eleccións ben podían reflexionar os directivos comarcais e provinciais (sobre de todo algún que eu coñezo ben) de cómo se lle ocorreu apostar por aquela lista de broma.

Ben, a nosa intención hoxe é falar primeiro do outro partido na oposición, daquela “muy gallos todos” faremos, diremos, denunciaremos, que si transparencia, que si o alcalde este, que si Parada ten tantos habitantes como a City de London, ben….. resultado, o que esperábamos. Nos pensamos en pechar aquí o garito, pero visto lo visto e que ninguén fai a mais mínima fronte ó actual goberno, decidimos colgarnos a medalla de salvapatrias e dispoñernos a levar a Campo Lameiro a Independencia.

Lembrades aquelas promesas.? “A eles decirlle que o BNG non vai deixar de facer oposición constructiva no Concello, defendendo a nosa idea de proxecto de futuro para que o noso pobo non caia no esquecemento.” Pois todo o que nos queda é a convocatoria do primeiro pleno da lexislatura, ben, se eu fora de da rúa 3, do distrito 7 de Boston, estaría un pouco despistado pensando que Campo Lameiro desapareceu do mapa. A esta última afirmación só lle falta o case.

Pois aquí estamos, mesmo goberno, mesma oposición.

Mirade por onde hoxe non lle toca ó alcalde, hoxe tócalle ós cargos electos polo partido que goberna, si, si, eses que só saben dicir que si a todo. Escollidos escrupulosamente como fieis escudeiros de compañía dispostos a darlle a razón ó alcalde en todo. Algún ata pregunta antes se hai que votar si ou non.

Así nos vai, é ollo que aquí o que firma e amigo persoal dun par deles (ou delas, que as mulleres vanse máis da lingua). Cal é o problema, pois é que se canto aquí arde troya, primeiro por que me descubrirían e segundo por que ia deixar mal a alguén. Pero isto é un desgoberno, escápanse cousas por non estarmos atentos ó que hai que facer, non se mete presión onde hai que metela.

Dende aquí, e que quede claro, nós e eu mesmo non temos ningunha rencilla co alcalde, nin coa oposición, somos xente que nunca se meteu en política, nunca participou en partidos políticos nin fixemos ningunha protesta, o que somos e xente que está ata a mesmísima de que neste concello non se faga nada.

Menos mal que nos queda “a Verde” para soñar unhas semaniñas máis co ascenso.
Saúdos a tod@s
O Porco

Está claro que as cousas ben feitas ben parecen.

A xestión desta directiva e sobor de todo do seu presidente merecen un recoñecemento público. E que mellor forma de facelo que asistindo a asemblea.

Despois do éxito da pasada campaña, e o esforzo demostrado non só por asegurar a permanencia senón por ternos a todos soñando no camiño da gloria, este grupo de veciños nosos merece a nosa presenza na asemblea.

Dende este espazo, e como medio de comunicación alternativo ó panfleto oficial que publica de vez en cando o noso cortello, queremos aportar o noso cativo gran de millo a esta cabana que é o Campo Lameiro CD.

APROVEITAMOS A OCASIÓN PARA RECORDARLLE ÓS DO CORTELLO QUE BEN PODIAN APOIAR MAIS Ó NOSO CLUBE, QUE PASEA O NOME DE CAMPO LAMEIRO CON MOITA HONRA POLOS CAMPOS DE FUTBOL DOS CONCELLOS (QUE NON CORTELLOS) VECIÑOS.

PORQUE ELES SON A SELECCIÓN DE CAMPO LAMEIRO "A VERDE"

PENSAMOS QUE NINGÉN SE VAI A PRESENTAR COMO ALTERNATIVA Ó ACTUAL PRESI, PERO QUE SE SAIBA QUE SE ALGÚN TEN PENSADO POÑERLLE O CARRO DIANTE DAS VACAS DENDE AQUÍ IMOSLLO POÑER MOI DIFÍCIL……. VAIA POR DIANTE DE PARTE DE QUEN ESTAMOS... DE QUEN FAI AS COUSAS BEN. Seguro que algún se da por aludido... pois que se saiba que o facemos con esa intención...
Saúdos
O Porco do País
Advertising manager of the BPOCL

Lastima que estes resultados non se materialicen nos comicios electorais.

Queda claro que no hiperespacio o alcalde é o que é,.... non imos rematar a frase.

A próxima enquisa vai a ser un pleviscito para a Independencia de Campo Lameiro. Imos poñer encima da mesa cantos estamos a favor da Independencia e cantos queren seguir sendo arrastrados baixo a fanática batuta dos opresores.

Julio, declara a Independencia.

Cumprindo os desexos dun afiliado a este medio de comunicación voltamos a poñer o escudo.

Que conste que nosoutros, como alternativa de governo que somos, imos modificalo.

E mais representativo de Campo Lameiro unha obra a medias ou unha farola, ou un cortello alquitranado.

A Fraga 10 de marzo de 08

Co galo das eleccións celebradas no día de onte no pais veciño e actual potencia colonial e opresora de Campo Lameiro o BPOCL ten que dicir o seguinte:

1) O futuro de Campo Lameiro, veciñas e veciños, está nas nosas mans, nas vosas, nas dos vosos fillos e na dos vosos pais, e tamén nas do señor alcalde (aínda que nos pese).

2) O futuro e hoxe a última fronteira e o derradeiro camiño para acadar a nosa liberdade e a nosa independencia.

3) O BPOCL non participou no derradeiro proceso electoral porque Campo lameiro non é España, e o BPOCL non ten ningún tipo de interés en participar nas decisións dos españois.

4) Neste marco de ríspeto mutuo o BPOCL quere felicitar ó vencedor do proceso electoral celebrado no día de onte no pais veciño, e a tódolos cidadáns de España que están contentos cos resultados obtidos, que serán todos menos IU.

5) Neste marco de ríspeto cos españois, esiximos que o noso alcalde colla o toro polos cornos, ou a vaca pola man, e se reúna inmediatamente có novo presidente electo no Estado español para negociar unha saída pacífica , e negociada, ó problema de Campo Lameiro. É dicir, pactar as relacións bilaterais que teñen que rematar nunha convivencia pacífica entre ámbolos dous estados.

6) O BPOCL ve factible unha saída negociada a esta crise, aproveitando o diálogo e o talante amosado polo actual e futuro presidente do estado español.

Asinado
A presidenta do BPOCL

A Marela

P.D. Temos unha galiña que está disposta a ir de interventora do PP nas próximas eleccións a cambio dun posto no concello, interesados chamar a comandancia secreta do cortello. Posibilidades tamén de aceptar un posto na deputación.

¿Por qué carallo non deixamos facer comentarios?

Como contestarvos a cada un por separado ia ser una eternidade, contestaremos a nivel corporativo.
Non deixamos facer comentarios por:

Un) Agora este é un medio de comunicación que está ó servizo dun partido político sen representación na alcaldía, o Bloque Popular e Obreiro de Campo Lameiro (BPOCL) “popularmente coñecido como o partido da vaca”. A presidencia do mesmo recae na nosa ilustre Marela.

Dous) Este partido político (BPOCL) ten un brazo armado non violento que é o Comité Revolucionario de Campo Lameiro (CRCL) dirixido por o Sub Comandante O Corvo da Lagoa. Este intrépido fillo do pobo, miliciano e loitador incansable, dirixe dende a súa comandancia clandestina a un grupo de esforzados voluntarios que loitan na fronte da paz contra a inxustiza. Así mesmo dirixe e coordina as Xuventudes Independentistas de Campo Lameiro (XICL).

Tres) Este medio de comunicación é manipulado polo responsable de propaganda “O porco do Pais”. Este mestre do panfleto e a liturxia, preside o periódico “A voz das Pitas” ademais de depurar os contidos de “Radio Penalba Independente” emisora de radio clandestina que transmitirá soamente a través da rede de redes mediante tecnoloxía podcast (cando no concello teñamos mais banda ancha, ou cartos nos para pagala). Por último este noso líder, que firma estas liñas, está tamén a traballar nunha televisión controlada totalmente e ó servizo do partido, pero isto será para mais para diante.

Como vedes estamos ó servizo do pobo para acercarlle o noso apostolado, por este motivo temos a obriga de preservar a calidade e a integridade da nosa mensaxe evitando a contaminación dos seareiros a favor das opcións políticas que impiden desenrolarnos como nación libre e democrática no mundo.

No obstante, despois de analizar as mensaxes subliminais non temos ningún tipo de inconveniente para publicar calquera email aclaratorio que un cidadán de a pe queira publicar (de forma pública ou anónima). Evidentemente non vamos a permitir mensaxes de apoio que vaian en contra de este grupo insurxente de carácter non violento.

….chegará o día irmáns, que ó raiar o sol na ladeira este de Penalba os nosos fillos verán o froito dos sacrificios feitos polos seus devanceiros na procura de deixarlles un pais libre e unha nación que sobrevirá ó ocaso de occidente. Nacerá así a Cidade Santa ós pes de tan insigne monte, para gloria dos homes e mulleres da nosa estirpe……

Asina

O secretario xeral de propaganda “O porco do Pais”

Chegados a este punto de non retorno non queremos que se nos acuse de non facer máis que criticar. Por este motivo, e sen que sirva de precedente, vémonos na obriga de ladrarlle un pouco as orellas do noso queridísimo señor alcalde. Temos que aclarar que nos ladraremos sen babear, dicímolo para que non se nos confunda con algún cargo electo.

Ben imos aló:

OPCIÓN A:

1. Se non quere deixar a política faga algo de proveito, goberne.
2. Para comezar a gobernar pode empezar por elaborar un plan de infraestruturas para o concello. ¿Qué é iso dun plan de infraestruturas?
Para elaborar un plan de infraestruturas, primeiramente, ten que facer un inventariado das que actualmente existen no concello ademais de evaluar o seu estado, é dicir, cantas carretaras hai?, que é responsable da súa xestión?, cantas estruturas de saneamento existen?, en que estado se atopan?, etc… liñas eléctricas?, telefonía móbil e fixa?, abastecemento de auga?, etc, etc, etc…
Unha vez que ten vostede o inventario feito, o seguinte paso é identificar (a partires do que xa hai) o que falta. Sinxelo eh!!!. Pois unha vez identificadas as que faltan hai que programalas, ó mesmo tempo que se buscan liñas de financiamento para executalas. Este último punto é moi importante, ademais é onde se ve a calidade dun bo político…
Deste xeito as cousas pódense facer paseniñamente pero con sentidiño, non ós tropicóns como ata agora, que sábese cando comeza unha obra pero non cando remata.
3. Vale, xa… ben, que facemos con esas que non son competencia do concello??. Pois protestar, que xa está ben de ser falderillo cós da súa mesma cor política e acolloado cos das outras cores.
4. Ben, xa temas plan de infraestruturas, custounos poñer a traballar ós catro funcionarios. Que facemos agora para seguir gobernando? Pois podemos continuar con empezar a executar o plan. Que mala sorte!!!, non temos concelleiro de fomento, claro como non teñen “ispiriencia” colleunos vostede tan xoves que esqueceu explicarlles que o fouciño empregábase antigamente na aldea, ademais de formar parte da bandeira da antiga URSS. Ben non hai problema, bastase vostede soliño para comezar a buscar cartos para botar a andar.
5. Xa temos as infraestruturas en marcha (luz, teléfono, saneamento, carretaras, camiños, beira rúas, farois, ). Pois imos a xerar riqueza. Como se fai, moi fácil, e se montamos unha empresa pública para aproveitar os recursos da madeira participada polas comunidades de montes!!!!. CARALLO, COMO NON SE LLE OCORREU???. Pois ben é moi fácil. Cincuenta por cento para o concello e o restante participada polas comunidades de montes. Evidentemente hai que buscar as formulas legais para levalo a cabo, sentarse cos veciños, montar un aserradero, ou participar dalgún existente, etc. Temos madeira no monte, ou non, trátase de que saian pola carretara da Fraga e de Cutián camións cargados con madeira manufactura (mobles, viruta, madeira para encofrados, etc..). Coido que aquí de entrada hai como 20 – 30 postos de traballo. Xa por non falar da sinerxía que isto provocaría con algunha das empresas que están asentadas no concello. Ollo non falamos de competencia, falamos de sinerxía.
6. Ocórrensenos unhas cantas empresas mais, pero imos con outra formula. O cooperativismo. Pois si, e hai varias posibilidades, pero a mais clara e o comercio da augardente con un selo de calidade. Adiante, pois só hai que falar cos veciños e facer un estudio de viabilidade do proxecto (distribuidoras, feiras e congresos, marca protexida, etc,).
7. Ben, xa temos infraestruturas, unha empresa pública e unha cooperativa. Imos co parque empresarial. Pensou vostede nalgunha formula para captar empresas?, dirixir ó parque aquelas que poidan absorber a man de obra do concello?, que dean traballo as mulleres?, que habitualmente son o colectivo que mais dificultade ten para acceder o mercado de traballo, pensou vostede en perseguir a empresarios de novas tecnoloxías que lle poidan atraer xente ó concello para inverter a tendencia o despoboamento?. Supoñemos que falou, en múltiples ocasións, coa Cámara de Comercio e coa confederación de empresarios para seducilos.
8. Xa temos empresas, que son o motor económico do concello, pois xa só nos queda coidalas. Isto como se fai?, con xamóns?. Pois non, isto faise dándolle facilidades e resolvéndolles problemas, etc…
9. O desenrolo urbanístico. Pois haberá que planificalo algún día destes. E como se fai?, con sentidiño, non permitindo barbaridades como algunha que se ve polo concello, e facilitándolle ós veciños que queiran facer unha casa a fagan con certo criterio estético e orden.
10. Déixese vostede de muíños de vento, de parques que non se rematan e de pallasadas varias. Déixese de lerias e declare a independencia.
11. Por último potencie o deporte e a cultura, que é unha vergoña ver en que chorradas inverte o concello o tempo.

OPCIÓN B:

Se non está de acordo coas propostas anteriores dámoslle a escoller esta outra serie de propostas:
1. Constrúa un casino
2. Funde o Banco Internacional do Campo Lameiro
3. Pida audiencia ó papa Bieito para que poña aquí unha sucursal da Santa Sede
4. Despida ó cura e faga unha mezquita, estamos dispostos a nomealo Ayatola Juleime
5. Faga da capa un saio, e saia voando
6. Cubra Campo Lameiro coa carpa máis grande do mundo para ocultalo do Google Earth
7. Poña alfándegas nas entradas do concello e cóbrelle vostede a cada burro bípedo non censado que entre.

Ben ata aquí por hoxe, se ten calquera aclaración que facermos ou corrixir, non ten máis que escribirnos. Sentimos que isto teñamos que facelo tres despistados, pero que se pode esperar do gaiteiro e da bailadora. Pois se non ten oposición nos plenos, vaina ter vostede oposición no corazón do pobo. Por que nos somos a voz dos calados, a ollos dos que miran para outro lado, a luz do que non ten farois, o asfalto que quedou no cortello das pitas, o teito da alcaldía (futuro pazo da República do Campo Lameiro.

COMITÉ REVOLUCIONARIO DO CAMPO LAMEIRO

Xa case que pasou un ano, e parece que aínda era onte cando gallardos e úfanos viñan a procura do noso voto, a triunfo foi demoledor, uns gañárono todo, os outros case que gañan dos, e os outros salvaron un…. Todos contentos.

Pois xa pasaron moitos meses, agudos estaban daquela a encher as páxinas dos xornais con denuncias e corporativismo, prestos e lixeiros andaban a facer blogs para ternos a todos informados, os que mais asfaltando camiños, e repoñendo farois. Canto sacrificio gratuíto a favor do pobo, sen pedir nada a cambio, pagando os viños do peto dun, poñendo medios para acercarnos ó concello, canto amor desmedido polos veciños, canto amor gratuíto por todos nos.

E agora que nos queda, “Teu Quoque Lagoa”. Pois xa estamos fartos, estamos moi fartos, estamos fartísimos de comer esta tallada reseca que fede a vello e a cortello de porca recen parida. Pois vai sendo hora de pedirmos explicacións e exixir que cada un faga o seu traballo. Veña, mans a ferramenta e a sachar a leira antes de que as patacas voten o grelo.

Pensemos, ¿Qué se fixo no Campo Lameiro nestes derradeiros meses? Non vale a festa do Antroido (menos circo e mais pan), non vale a cabalgata de reis, tampouco vale as cousas que quedaron a medias dende xa non se sabe cando (algún que outro camiño, e algún que outro parque…).

Pois sinceramente, miren vostedes, para esta pregunta podemos respondernos sen axuda de ninguén.

NON SE FIXO NADA DE PROVEITO.

¿Qué iniciativas se están a facer para fomentar de verdade o autoemprego?

¿Qué se está a facer para xerar autoinversión no concello?

¿Qué se está a facer para buscar canles de financiación para mellorar as infraestruturas básicas do concello? Deste modo non sería necesario executalas en 25 fases, durante outros tantos anos.

¿Qué se está a facer?

NADA, NADA DE NADA, NADIÑA.

Ben, fanse cursos de iniciación o galego nun concello que toda a poboación o fala, informásenos da saída de convocatorias para non sabemos que reforestación (cando vas a vender catro pinos e ninguén chos quere).

Vivimos no atraso máis absoluto, e negámonos a facer a nada.

¿CAL É O VERDADEIRO PROBLEMA DO NOSO PAIS-NACIÓN (PROXIMAMENTE ESTADO)?

QUE NON SE FAI NADA, NADIÑA POR XERAR RECURSOS PROPIOS E EMPREGO

EN QUE SE MANIFESTA

DE NON INVERTIR A TENDENCIA, ANTES DE MEDIDOS DESTE SECULO FORMAREMOS PARTE DE OUTRA UNIDADE ADMINISTRATIVA

¿GRAZAS A QUEN?

ÓS QUE NOS GOVERNAN