A páxina de BULI


A páxina dos xogos enigmísticos
Con vocación de servir de alicerce, dende a mocidade, para a consolidación da actividade enigmística en galego.

O meu perfil
buli-reino-i@mundo-r.com
 CATEGORÍAS
 RECOMENDADOS
 BUSCADOR
 PROCURAR BLOGS GALEGOS
 ARQUIVO
 ANTERIORES

Nº 9
Enigma de Buli

A INTERNET
Hai moitos que pasan dela
e pretenden estar “in”,
e parecen non sentir
pechar esa ferramenta.
É unha cousa necesaria
(non a podes ignorar)
que, pra estar no mundo, cómpre
con certa frecuencia usar.
Comentarios (1) - Categoría: ENIGMAS PUROS - Publicado o 17-04-2007 10:54
# Ligazón permanente a este artigo
Nº 8
ENIGMA de Buli

A ÁRBORE DA VIDA
Esta ilusión da mente
continuamente os soños alimenta
con fantásticos froitos atraentes
e gaioleiras follas,
dálles lentura leda
a esas almas sensibles que o adoran.
Comentarios (1) - Categoría: ENIGMAS PUROS - Publicado o 14-04-2007 12:47
# Ligazón permanente a este artigo
Nº 7
ENIGMA de Buli

EDIFICIO INDUSTRIAL MODERNO
Esta obra sublime de impecable feitura
que ten tan boa vista por arriba
é unha mostra magnífica de industria.
Nos seus primeiros pisos marabilla
a grande empresa de locomoción,
noutros varios fabrícase enerxía
e logo nos seguintes produción
de osíxeno a cachón.
No penúltimo piso
sitúase o servizo
¡aéreo, como non! de provisión,
e no ático están as oficinas
que controlan o emporio totalmente
coa mellor e actual tecnoloxía:
¡trátase dun complexo intelixente!.
Comentarios (1) - Categoría: ENIGMAS PUROS - Publicado o 14-04-2007 12:46
# Ligazón permanente a este artigo
Nº 6
Enigma de Buli

MAGNÍFICO EBANISTA
Limpa, pule, fura, asenta.
Un traballador normal
que tapa con masa os ocos.
Mais cando manexa o torno
a súa habelencia é tal
que o miras coa boca aberta.
Comentarios (1) - Categoría: ENIGMAS PUROS - Publicado o 14-04-2007 12:46
# Ligazón permanente a este artigo
Nº 5
Enigma de Buli

O REI
Ese trono é real.
El, poderoso, aparecerá
axiña, resplandecente e seguro,
destacando no seu manto cerúleo
con borlas de algodón,
para impoñernos respecto e temor
xa que pode quitarnos axiña
a prezada facenda e mesmo a vida.
Comentarios (1) - Categoría: ENIGMAS PUROS - Publicado o 14-04-2007 12:45
# Ligazón permanente a este artigo
1 [2]
© by Abertal



contador de visitas