Bo uso


A BITÁCORA DE FRAN BOUSO
Un blog aberto para falar desde Mondoñedo ou calquera outro lugar do mundo sobre Mondoñedo e as súas cousas ou sobre as cousas do mundo.



Fran Bouso

Crea tu insignia

O meu perfil
 CATEGORÍAS
 GALERÍA FOTOGRÁFICA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Ao meu pai. Grazas.
Manuel Bouso, Fran Bouso e o Gen comendo azucarillos
12/12/2008

O pasado día doce de novembro publicaba nesta mesma sección de A Mariña-El progreso un artigo titulado "Traballando en morte" que falaba do Rei das Tartas de Mondoñedo, era a primeira vez que trataba da “morte” nun texto de prensa. O pasado día doce de novembro morreu meu pai. Casualidades da vida.
Estaba dando un paseo xunto coa miña nai, como adoitaban facer a diario despois de comer e mantendo unha conversa sobre os froitos do outono cun veciño de San Lázaro, caeu fulminado ao carón da súa muller.
As asistencias sanitarias do 061 chegaron de inmediato, tamén o fixo o persoal de garda do PAC de Mondoñedo e puxeron en marcha tódolos medios humanos e materiais ao seu dispor no momento para tentar reanimalo –operación que se prolongou durante máis de vinte minutos-, a pesar de todo o empeño non conseguiron facer nada, de tódolos xeitos grazas a todos, vecinos incluídos.
Eu estaba lonxe, por razóns de traballo e recibín a chamada de meu irmán dándome a mala nova: "vente vindo para a casa" -me dixo-. "Quen foi?" -preguntei-. Non o podía crer, pensara que fora un accidente de tráfico, estaba tan ben… se ata se subía aos frutais para recollerlle a froita aos amigos.
No camiño a Mondoñedo, que durou máis de dúas horas, vin lembrando momentos agradables vividos co meu pai e o sorriso víñaseme á cara por momentos. Aínda non o cría.
Estes días ando remexendo entre papeis e atopo cousas bonitas como un texto que escribiu o seu amigo Cándido Chantres no cal narra a odisea de ámbolos dous na procura do gañador dun premio de 50 millóns de pesetas no Sorteo do Neno do ano 1985 polos montes da Fraga Vella un día de forte nevada, Chantres describe ao meu pai así: “Hombre nacido para el negocio, tabernero, tanto vendía vino en el mostrador como llevaba a domicilio toda clase de mercancia, lo mismo vendía fruta que la compraba para exportar al País Vasco o Asturias para la producción de sidra (…)”.
Morreu dun xeito elegante e feliz. Descansa en paz papá.

Comentarios (0) - Categoría: Xeral - Publicado o 10-12-2008 17:51
# Ligazón permanente a este artigo
Chuza! Meneame
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:

(Introduce o código da imaxe)
© by Abertal
Fran Bouso - Mondoñedo T.I.C.