| A BITÁCORA DE FRAN BOUSO |
|
Un blog aberto para falar desde Mondoñedo ou calquera outro lugar do mundo sobre Mondoñedo e as súas cousas ou sobre as cousas do mundo.
NOVAS DE MONDOÑEDO
O Tempo en Mondoñedo
+info
|
|
|
| O meu perfil |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| Un Goya para un mindoniense |
|
Na IV edición dos premios Goya (os Óscar do cine español) recibiu o Goya de honra en recoñecemento a toda unha vida adicada ao cine o mindoniense Victoriano López García.
Enxeneiro Industrial de formación, Victoriano ingresou na Subcomisión Reguladora da Cinematrografía en marzo de 1940 co cargo de xefe de sección de materias primas e laboratorios. Cando se disolveu esta subcomisión, pasou ao Servizo de Ordenación Económica da Cinematografía, sendo designado subxefe do servizo e xefe da sección de industria tal e como se publica no B.O.E. do 12 de xuño de 1952. Tempo máis tarde desempeñou o cargo de xefe de créditos e secretario técnico do Instituto Nacional de Cinematografía, xefe de mercados cinematográficos e de subvencións.
Ao inicio dos anos corenta do pasado século inicia a súa labor como docente nun curso de cine organizado pola Escola Especial de Enxeñeiros de Madrid e a finais desa década fundou e dirixiu o Instituto de Investigacións e Experiencias Cinematográficas (I.I.E.C.), que posteriormente se pasaría a chamar Escola Oficial de Cinematografía. Foi profesor de destacados directores como Luís Garcia Berlanga, José Luís Borau, Juan Antonio Bardem, Carlos Saura, entre outros.
Tivo tempo tamén para fundar e dirixir a revista “Cine experimental”, coa cal editou onde números no ano 1945.
“Técnica del cine sonoro, en color y relieve”, “Lecciones sobre cinematografía”, “La industria y la producción de películas”, “La industria cinematográfica española”, “Electroacústica”, “Acústica” ou “Chequeo al cine español” son algúns dos tratados que publicou o mindoniense.
No ano 1999 celebrouse en Mondoñedo o primeiro centenario da chegada do cinematógrafo á cidade -lembremos que a primeira proxección cinematográfica que se organizou na provincia de Lugo tivo lugar en Mondoñedo- e con tal motivo rendeuselle unha merecida homenaxe na súa cidade natal a quen tanto fixera polo cine español, por aquel entón colocouse na súa casa unha placa de mármore que recorda en letras vermellas que “D. Victoriano López García naceu en Mondoñedo o 23 de marzo de 1910”.
Fran Bouso |
|
|
|
|
| Fraga e o "Merlín" |
|
Cando organizamos a primeira lectura pública da obra de Cunqueiro en Mondoñedo aló polo ano 2001, decidimos convidar a Manuel Fraga ao acto. Por aquel entón ostentaba a presidencia da Xunta de Galicia e ademais fora amigo persoal do escritor mindoniense. Non dubidou en aceptar e nada, nin a neve que caeu na Xesta aquel 28 de febreiro, lle impediu chegar ata o consistorio mindoniense para participar na lectura do “Merlín e familia”, peza escollida para a ocasión. “Que chamen ao helicóptero se é necesario” -dixo Don Manuel ante a imposibilidade de continuar camiño pola nacional 634 en automóbil. Finalmente non foi necesaria a aeronave para desprazar ata Mondoñedo ao Presidente da Xunta, unha máquina quitaneves arranxou o problema e a comitiva oficial foi quen de continuar camiño polas curvas que traen ao val.
Primeiro foi a visita ao Cemiterio Vello de Mondoñedo para deixar ante a tumba do escritor un ramo de flores e despois un breve paseo levounos ata a Casa do Concello.
Unha vez sentados no Salón de Plenos, os asistentes levaron unha sorpresa: En lugar de iniciar Fraga a lectura do “Merlín”, foi Carmiña Cunqueiro -irmá do escritor- a encargada.
-Vai asistir algunha persoa da familia? -preguntaron días antes desde Protocolo de Presidencia.
-Si, a irmá de Cunqueiro -respondín eu.
-Entón será mellor que sexa ela que inicie a lectura da obra.
-Sen problema.
Canto lle comentei ao resto da organización o detalle preguntáronme cal podería ser o motivo do cambio. Eu collín o exemplar do “Merlín” que levaba na man e cunha voz de pronuncia pouco clara comecei a ler o texto: “Tal e como agora eu vou, vello i anugallado, perdido cos anos o lentor da moza fantasía...”
Fran Bouso |
|
|
|
|
| O pícaro do pano |
|
Aquela mañá erguéranse moi cedo, ao primeiro cantar do galo. Era un día moi especial, había feira, pero non unha feira calquera: era a feira das feiras, a feira do mundo. Á vila chegaban nese día xentes de aquí e de acolá, do val, da corda e de tras da corda, polo que rúas e prazas estaban ateigadas de postos que ofrecían aos centos, que digo centos, aos milleiros de visitantes produtos e ilusións das máis diversas.
Pouco lembraba da feira que tamén era festa dos anos pasados, a súa memoria aínda era moi fráxil, pero si recordaba o conto daquel monicreque que remataba a función dicindo que morrera o demo e que se acabara a peseta e tamén que había cabalos, moitos cabalos.
Baixara xunto aos seus pais dando brincos de emoción sobre as pedras do Camiño Real e ao chegar á praza quedouse pasmado diante duns pallasos que andaban nunhas bicicletas dunha soa roda. Risas e aplausos encheron o lugar e cando se quixo dar de conta, mirou a un lado e a outro, por diante e por detrás a non conseguiu ver aos seus pais.
Sentiu medo. As bágoas víñanselle aos ollos, pero non lles deixaba saír. Era un pícaro, pero non se deixaba vencer polas tebras facilmente.
Comezou a dar voltas pola praza na procura dos seus pais polos corredores que deixaban os postos e viu unhas escaleiras que lle permitirían ver desde arriba o lugar. Foise ata un recuncho no que as escaleiras están arqueadas e subiu paso a paso de costas mirando cara a torre da campá.
Ao chegar arriba deuse a volta porque notou que alguén lle pasaba a man por riba do ombreiro. Era un home moi raro: tiña a pel enrugada, levaba un callado alto con moitos adornos, roupas escuras e longas, un pucho que non se parecía a ningún dos que tivera visto antes... Ao velo desde tan preto sentiuse ameazado. O home díxolle: “Xa sei que estás perdido, que non sabes onde están os teus pais”. Falaba de vagar e moi baixiño, costaba traballo entendelo no medio de tanto balbordo. Agora si que xa lle foi imposible gardar as bágoas. “Seca as báboas con este pano, xira sobre ti tres veces cos ollos ben pechados e cando as teñas dado abre ben os ollos e verás aos teus pais”. O pícaro colleu aquel suave pano da cor dos chuchameis, acariñou os ollos con el e fixo o que lle acababa de dicir o vello. Ao dar as tres voltas abriu os ollos e mirou cara un home de ferro que había no alto e botou a correr co pano na man.
Fran Bouso |
|
|
|
|
| O futuro de ECAR |
|
 Mondoñedo, 24 de xaneiro de 2012
Na reunión celebrada esta tarde no consistorio de Mondoñedo na que participaron o Conselleiro de Industria, Javier Guerra; membros do comité de empresa de ECAR-FINSA e representantes da corporación municipal puxéronse sobre a mesa varias alternativas ante o peche da factoría mindoniense. En palabras do alcalde de Mondoñedo, Orlando González “O conselleiro foi claro e non creou falsas expectativas, algo que é moi de agradecer”.
O Conselleiro informou sobre as xestións realizadas perante FINSA para evitar o peche da fábrica logo de varias reunións e deixou claro que non hai marcha atrás, que é unha decisión meditada, que non se trata de que busquen axudas económicas por parte da administración senón que a decisión do peche é unha estratexia empresarial. A pesar da dura realidade o Conselleiro comprometeuse a mediar coa Consellería de Traballo para intentar que o ERE de ECAR deixe de ser de extinción para converterse nun de suspensión.
Entre as alternativas que se propuxeron destaca a posibilidade de que os empregados da factoría se organicen nunha cooperativa ou fórmula similar para continuar coa xestión da empresa para o cal a consellería poría medios técnicos e económicos, con axudas que poderían alcanzar o 50% das inversións. Este apoio non se reduce unicamente aos traballadores da factoría senón que se algún outro emprendedor dedice iniciar algún tipo de actividade industrial na zona tamén se podería beneficiar delas.
Os obreiros de ECAR fixaron para mañá unha asemblea xeral de traballadores na que tratarán, entre outros temas a posibilidade de autoxestionar a fábrica.
Tamén se decidiu a creación dunha comisión integrada polo alcalde de Mondoñedo, portavoces municipais e técnicos da Consellería para facer un seguimento da situación e buscar medidas compensadoras ante a perda de tantos postos de traballo. Esta comisión reunirase o vindeiro luns na Casa do Concello de Mondoñedo ás doce do mediodía.
Polo que respecta a outras alternativas compensadoras para a zona, como por exemplo a de creación dunha residencia de anciáns en Mondoñedo o conselleiro informou que non están dentro das súas competencias, pero que a comisión que se vai crear pode contemplar esta iniciativa igual que calquera outra que poda xurdir.
Antes do inicio da reunión, centenares de mindonienses así como veciños de localidades próximas entre os que destacaba un grupo de traballadores da empresa Hermida de Lourenzá congregáronse ás portas da Casa do Concello de Mondoñedo en sinal de apoio aos traballadores de ECAR e para mostrar unión ante a problemática laboral na comarca.
FRAN BOUSO |
|
|
|
|
| Concentración FINSA-ECAR |
|
As asociacións mindonienses convocan unha concentración para o vindeiro martes
O Conselleiro de Industria anunciou que visitará Mondoñedo o vindeiro martes, 17 de decembro para reunirse co comité de empresa de ECAR e con representantes municipais, con tal motivo a practica totalidade de asociacións de Mondoñedo convocaron unha concentración na Praza do Concello ás seis da tarde para facerlle ver á Xunta que Mondoñedo está unido e que quere solucións.
Parece ser que as cabezas pensantes de FINSA escolleron o día 1 de Marzo para PECHAR DEFINITIVAMENTE a factoría ECAR que a compañía ten en MONDOÑEDO, precisamente o primeiro de marzo, DÍA DE SAN ROSENDO, PATRÓN DE MONDOÑEDO.
San Rosendo, na estatua que preside a Catedral está sen mans, o tempo coa erosión foillas comendo, pero en Mondoñedo hai moitas mans, moitas gorxas e, sobre todo moitos corazóns que DEBERÁN ESTAR PRESENTES O VINDEIRO MARTES, 17 DE XANEIRO ás SEIS DA TARDE DIANTE DA CASA DO CONCELLO para facerlle ver ao CONSELLEIRO DE INDUSTRIA que MONDOÑEDO ESTÁ UNIDO e que hai que buscar alternativas para que A XENTE NON SE QUEDE SEN TRABALLO.
A estas alturas da película xa sabemos cales van ser as escusas: NON HAI DIÑEIRO, NON PODEMOS FACER NADA, ESTAMOS ENDEBEDADOS..., e imos quedarnos con esas?. Esta semana aínda “enchufaron” 500.000 euros para a Estación de Montaña de Cabeza de Manzaneda. Que non nos conten contos. MONDOÑEDO ESIXE SOLUCIÓNS.
MINDONIENSES
La circunstancia laboral que se presenta a nuestros vecinos debido al cierre de Finsa-Ecar nos atañe a todos los mindonienses; ya que la pérdida del puesto de trabajo, lleva implícito, el doloroso trance de dejar sin seguridad de bienestar a toda la unidad familiar del trabajador, con lo que ello supone:
Buscar un nuevo trabajo donde no lo hay.
La angustia familiar ante la nueva situación de desamparo, económico.
La reducción de gastos familiares hasta solucionar la situación actual
Es decir, la falta de trabajo atañe a una familia, la reducción del gasto familiar por esta causa, nos atañe a todos los mindonienses, con servicios a la ciudad o sin el.
El martes día 17 a las 6 y media de la tarde se reunirán en el Concello, un responsable de la Xunta con nuestros Representantes Municipales para lograr una solución justa al desmantelamiento de Finsa-Ecar y por lo que esto supone para Mondoñedo ninguna Asociación mindoniense faltara a esta cita para, con su presencia, demostrar el apoyo a nuestros vecinos trabajadores de Finsa y a las autoridades municipales que tratan de dar soluciones a este lamentable asunto.
Por ello el total de la Asociaciones mindonienses invitan a todos sus afiliados, a todo el pueblo y amigos a una Concentración Cívica el martes 17 a las 6 de la tarde en la Plaza del Concello para dar con nuestra presencia apoyo moral a quien representa a todos los trabajadores de Finsa-Ecar.
¡Mindonienses! Que el día de San Rosendo fecha en la que quieren dejar sin sustento a 62 familias mindonienses se transforme en celebración de gracias por recuperar otra vez el trabajo de todos: A los trabajadores; a Finsa; a todas las Autoridades, especialmente a la Municipales y a todos los mindonienses que con su presencia en todos los actos reinvidicativos apoyan a los trabajadores de Finsa-Ecar.
Mindonienses todas las Asociaciones os dan las gracias por vuestra presencia y apoyo en la Plaza del Concello el martes día 17 a las 6 de la tarde. |
|
|
|
|
|
|
|
|
|
