Despois de moitos anos sen saírmos navegar, por fin partimos de novo e botamos os aparellos na rede. Este é o noso bou, non será o enxebre, pero esperamos que embarquedes connosco como antes fixo a xentalla que vos precedeu.
Pretendemos darnos a coñecer, contarvos todo o que está pasando e tamén que vos fagades oír contándonos o que queirades. Podedes entregarlle os vosos traballos a calquera membro do equipo e tamén acudir ás reunións que se vaian convocando.
Esperamos que vos guste e agardamos as vosas colaboracións! E se non, sempre podedes ofrecernos a vosas opinións (favorábeis ; ) por suposto) nos comentarios do blogue.
Saúdos enxebres desde Bueu!
Aquí tedes as bases do concurso de fotografía matemática organizado polo EDLG e os Departamentos de Matemáticas e Artes Plásticas.
QUEN SE PODE PRESENTAR?
Calquera alumno ou alumna do centro, independentemente do curso ao que pertenza, de xeito individual ou en parellas.
QUE HAI QUE FACER?
- Tedes que realizar fotografías que amosen a presenza das matemáticas no mundo que nos rodea e en obxectos da vida cotiá. Podedes inspirarvos coa exposición que se atopa na entrada do centro, pero lembrade que as vosas fotos deben ser orixinais e inéditas.
- Entre as fotos que fagades debedes escoller un máximo de dúas e poñerlles candanseu título en galego que poña de manifesto a súa relación co mundo matemático.
- 3º PREMIO: Un lote de material escolar.
COMO SE ENVÍAN AS FOTOS?
- Cada participante/parella poderá enviar unha ou dúas fotos.
- Tedes que presentalas en formato dixital JPEG e envialas por correo electrónico ao enderezo: edlgjohancarballeira@gmail.com, indicando no ASUNTO: “ENFOCA AS MATES”.
- O prazo de admisión remata ás 12 da noite do xoves 2 de febreiro.
- No correo deberá figurar o nome(s) e curso(s) das persoas participantes e o título da(s) foto(s).
- As fotos que non cumpran estes requisitos serán eliminadas do concurso.
COMO SE ESCOLLEN AS FOTOS GAÑADORAS?
- As fotos serán expostas no centro.
- Tendo en conta a súa calidade e a idoneidade do título escollido, o xurado escollerá as fotos gañadoras.
QUE SE PODE GAÑAR?
Establécense os seguintes premios, sempre que o xurado o considere oportuno:
- 1º PREMIO: Vale de 40 euros mais un lote de material escolar.
- 2º PREMIO: Vale de 30 euros mais un lote de material escolar.
- 3º PREMIO: Un lote de material escolar.
COLLEDE A CÁMARA, ENFOCADE BEN E QUE GAÑEN AS MELLORES!!
Moitas grazas a tod@s @s participantes no concurso de felicitacións de Nadal. A decisión do xurado foi moi difícil, pero finalmente tiveron que se decidir e as premiadas foron:
- Categoría A
1º premio: Manuel Framil de Amorín (1º ESO-B)
2º premio: Irene Curra Piñeiro (1º ESO-B)
- Categoría B
Bárbara Santos Rodal
Desde aquí desexámosvos o mellor para estas festas cos versos de Bárbara Santos:
Aprecia os pequenos praceres,
sé positivo,
sorrí,
ama,
deixa que te amen,
comparte,
fortalece a túa creatividade.
Bota os teus medos por un penedo,
non comeces o ano sen un proxecto,
engade paixón, un pouco de tolemia
e pensa que o mellor está por chegar.
Un ano máis animámosvos a participar na concurso de felicitacións, que se rexe polas seguintes bases:
1. Pódese participar dentro das seguintes categorías:
Categoría A: Alumnado de 1º ciclo de ESO
Categoría B: Alumnado de 2º ciclo de ESO e PCPI
Categoría C: Alumnado de Ciclos Formativos e Bacharelato
2. Cada participante presentará o deseño dunha felicitación de Nadal orixinal e inédita que ocupe, como máximo, a metade dun tamaño A4.
3. A técnica utilizada será libre e, se se acompaña de texto, este deberá estar escrito en galego.
4. Os traballos entregaranse na Conserxería ata o venres 9 de decembro.
5. No reverso das felicitacións deberán figurar o nome e curso do autor ou autora, así como a categoría pola que participa.
6. Premiarase un traballo en cada categoría. Se nalgunha das categorías o premio quedase deserto, poderá darse un primeiro e segundo premio nalgunha das outras categorías.
7. A obra escollida polo xurado entre as premiadas, será editada e enviada ás casas.
8. Establécense os seguintes premios:
- Postal escollida para ser editada: vale de 40 euros.
- As outras premiadas: vale de 30 euros.
Moita sorte a todose a todas!
Este recreo pasámolo de medo cun grupo de alumnos e alumnas do Equipo que nos agardaba caracterizado para a ocasión... Ademais coa axuda do alumnado de 1º de ESO decoramos a entrada do centro e as alumnas de Estética tamén nos amosaron as súas terroríficas maquillaxes. Axiña veredes as fotos.
Onte pasamos un día inesquecible na cidade portuguesa de Porto. Visitamos a famosa livraria Lello e Irmao, coñecida por aparecer nunha secuencia dun dos filmes de Harry Potter; e a Casa da Música, onde nos explicaron algunhas curiosidades desta arte e do edificio.
Decatámonos de que ao sabermos galego sabemos portugués e podemos comunicarnos coas persoas do país veciño sen dificultades.
Agora toca descansar para collermos forzas para o vindeiro curso. Agardámosvos!!!
BO VERÁN!!!
O pasado venres 24 celebramos a despedida do Club de Lectura e o comezo das vacacións de verán cunha ruta por Donón e Cabo Home. Pasamos ademais unha xornada de praia estupenda. Xa sabedes, se vos animades a ler connosco o vindeiro curso seguro que o pasaremos igual de ben ca este. Boas vacacións e a seguir lendo!
O pasado día 25 de maio os nosos contadores e contadoras de contos acudiron ao CEIP A Pedra para contar as súas historias. Os contos foron os seguintes:
- Tío Lobo
- O segredo da illa de Ons
- Once damas atrevidas
- O home que quedou na casa
- A nova historia de Carapuchiña
O alumnado dos diferentes niveis foi pasando pola biblioteca do colexio para gozar da representación dos nosos contacontos de 1º de ESO, 2º de ESO e 1º de Bacharelato.
Se quederes visitar a biblioteca do cole A PEDRA e saber más da súa actividade podedes facelo pinchando aquí.
Moitas grazas a tod@s @s participantes no concurso de felicitacións de Nadal. A decisión do xurado foi moi difícil, pero finalmente tiveron que se decidir e as premiadas foron:
Un ano máis animámosvos a participar na concurso de felicitacións, que se rexe polas seguintes bases:
Este recreo pasámolo de medo cun grupo de alumnos e alumnas do Equipo que nos agardaba caracterizado para a ocasión... Ademais coa axuda do alumnado de 1º de ESO decoramos a entrada do centro e as alumnas de Estética tamén nos amosaron as súas terroríficas maquillaxes. Axiña veredes as fotos.
Onte pasamos un día inesquecible na cidade portuguesa de Porto. Visitamos a famosa 
O pasado venres 24 celebramos a despedida do Club de Lectura e o comezo das vacacións de verán cunha ruta por Donón e Cabo Home. Pasamos ademais unha xornada de praia estupenda. Xa sabedes, se vos animades a ler connosco o vindeiro curso seguro que o pasaremos igual de ben ca este. Boas vacacións e a seguir lendo!
O pasado día 25 de maio os nosos contadores e contadoras de contos acudiron ao CEIP A Pedra para contar as súas historias. Os contos foron os seguintes: