|
|
|
|
|
|
| O fillo de Bóveda defende que Galicia sexa unha nación con dereito a soberanía e autodeterminación |
|
"O vicepresidente da Fundación Alexandre Bóveda e fillo do galeguista que lle dá nome á fundación, Xosé Luís Bóveda, defendeu onte a denominación de nación para Galicia e esixiu que se "recoñezan os dereitos que implica, como o dereito á autodeterminación e soberanía".
Na súa comparecencia na Comisión de reforma do Estatuto, Bóveda defendeu a presenza directa de Galicia en todas as institucións europeas e un servizo propio de acción exterior con "status paradiplomático" e consecuencias políticas e xurídicas.
Así mesmo, avogou polo uso do galego como idioma vehicular de todas as administracións en Galicia e do ensino. Defendeu a obrigatoriedade de coñecelo e apostou por facelo oficial na UE, no Senado e tamén nalgunhas sesións do Congreso.
Bóveda -fillo do que foi un dos redactores do Estatuto galego do 36, represaliado na Guerra Civil-, esixiu tamén a creación do Consello Xudicial de Galicia, competencias para a comunidade en materia penitenciaria e "plena autonomía financeira e fiscal", ademais dunha Facenda e dunha administración tributaria propias e un Banco Nacional Galego.
Finalmente, pediu que o Estatuto recolla unha "auténtica" policía autonómica "independente dos corpos de seguridade do Estado" e que se desenvolva un dereito galego propio "que prevaleza sobre o estatal".
Supresión das deputacións e anexión de sitios limítrofes
O presidente da Fundación Alexandre Bóveda, Fernando Quintela, defendeu a Galicia como "nación europea" e pediu unha defensa da lingua galega "máis alá das fronteiras administrativas", en áreas onde existen galegofalantes como O Bierzo, Asturias ou a diáspora. Avogou por lle dar "igual rango" ó galego e ó castelán e aseverou que a cooficialidade é "imposible". Tamén defendeu que o novo texto estableza a posibilidade de "integrar os municipios galegófonos limítrofes que así o desexen" e apostou por lograr que Galicia sexa unha circunscrición electoral única.
Considerou necesario rematar coa división provincial "suprimindo as deputacións" e vertebrando a comunidade en bisbarras, concellos e parroquias e pediu que o 25 de xullo sexa o Día da Patria Galega e o 17 de agosto o Día da Galiza Mártir."
Seguir lendo |
|
|
|
|
|
|
|
|
|
