Esta tarde, a Portavoz Municipal do BNG Fina Quintáns e o Responsábel Local do BNG de Oleiros Xurxo Dopico, reuniranse cos representantes dos veciños e veciñas de A Cova-As torres para analizaren as reivindicacións realizadas por estes ao Concello e veren as posibilidades de realización destas demandas por parte do goberno local.

O BNG oferecerá aos veciños e veciñas da supracitada zona o seu apoio na demanda de melloras en todos aqueles problemas en espazos públicos dependentes do Concello da súa zona, ademais de brindarse a levar ao Pleno Municipal algunha pregunta sobre as actuacións que pensa realizar o goberno local neste asunto.

Esta reunión enmárcase nas numerosas entrevistas que a nosa Portavoz e os responsábeis locais do BNG están a manter con entidades do Concello para coñecer de primeira man as necesidades das parroquias e as iniciativas dos veciños e veciñas.