Cambre, 08/05/08.- A Concelleira Sindi Becerra presentou hoxe, en nome do BNG de Cambre, o seguinte documento de alegacións e suxestións no rexistro municipal:
CONSELLERÍA DE POLÍTICA TERRITORIAL, OBRAS PÚBLICAS E TRANSPORTES
Dirección Xeral de Obras Públicas
Edificios Administrativos - San Caetano, s/n - 15704 Santiago de Compostela
ALEGACIÓNS E SUXESTIÓNS DO BNG DE CAMBRE
Foron moitas as discrepancias e contestación social e política que produciron as alternativas iniciais ao trazado da vía Ártabra no seu paso por Cambre.
Por fin, en 2006, o Concello de Cambre en Pleno, e por consenso de todos os grupos políticos representados, apoiou unha alternativa de trazado que foi enviada á Consellería de Política Territorial. Esta alternativa, consensuada social e politicamente, coincide no seu trazado en boa parte co proxecto en exposición pública pero, topamos con importantes modificacións e alteracións sobre a proposta de Cambre que, entendemos prexudicial para o interese xeral do concello de Cambre e para o de todo o contorno metropolitano ao que lle ten que dar servizo.
Na memoria do Plan Sectorial que xustifica o Plano Viario Comarcal recóllese expresamente a recomendación de suprimir as peaxes existentes (naquel momento A Barcala e Guísamo) como factor básico para que todo o sistema viario proxectado fora eficaz. Ademais, a corporación de Cambre acordou en Pleno o pasado 27 de marzo de 2008 “rexeitar a instalación da peaxe no enlace da Vía Ártabra coa AP-9 en Cambre”.
Por outra parte, ningunha das propostas anteriores sometidas a información pública, na fase de estudo, contemplaba a implantación dunha peaxe no treito de Cambre, fora cal fora a proposta de trazado.
Non supón ningún beneficio para os veciños e veciñas de Cambre. Situada a dous quilómetros, aproximadamente, do acceso da Barcala, actualmente en “peaxe sombra”, que hai pouco tempo que se liberou, os usuarios de Cambre continuaran empregando o acceso da Barcala, incrementando o colapso e perda de calidade de vida na parroquia do Temple.
O diferente tratamento, tanto do trazado como dos servizos de acceso no territorio de Cambre non resulta equilibrado respecto do percorrido polo concello de Oleiros. Sobre todo cando a grande superficie a ocupar e expropiar no acceso e peaxe da AP-9, para case exclusivo uso dos usuarios de Oleiros se encontra no territorio de Cambre.
Supón un forte impacto ambiental. O espazo protexido da Gándara, segundo as vixentes normas de planeamento de Cambre, vese gravemente afectado. Isto supón unha irreparábel perda para o patrimonio medio ambiental do noso concello.
O deseño proposto supón tamén o peche entre estradas inaccesíbeis (das novas propostas e máis a AP-9) dunha parte importante da parroquia de Pravio.
Entendemos que o interese xeral debe primar á hora de acometer a construción das infraestruturas de comunicación e, seguindo ese principio, debe tender ao reparto equitativo de cargas e beneficios nos distintos territorios que atravesa. Isto non se cumpre cando comprobamos o diferente tratamento segundo a parte do percorrido que analicemos.
Vemos, neste sentido, que non se tiveron en conta as propostas realizadas desde Cambre en canto a cualificación da vía, ao número de enlaces e ao tratamento medioambiental.
Para un percorrido similar en distancia, no territorio de Oleiros, contarán con sete entradas e cunha cualificación da vía que permite unha maior flexibilidade no trazado (menores radios de curvatura).
Pola contra, Cambre fica con tres entradas, anulándose a da Costa do Coido (entre Brexo e Bribes) de grande importancia para articulación territorial local e comarcal. Cualifícase o trazado con velocidades elevadas, impedindo a posibilidade de flexibilizar os impactos e de pequenas correccións necesarias. Ao mesmo tempo, sobre a proposta aprobada en Cambre, non se teñen en conta as solucións de falsos túneles que minorarían o grande impacto sobre o territorio que provocarán as trincheiras proxectadas.
A Vía Ártabra adáptase ao territorio de Oleiros, cualificándose como vía de tipo R-80 e R-40 para que o impacto sexa máis leve e o dano menor. A Cambre aplícaselle unha vía de tipo R-100, moi agresiva co medio e o territorio ao ter que cumprir cos criterios técnicos para una vía desas características.
No noso territorio esiximos o mesmo tratamento, é dicir, que o proxecto contemple unha vía R-80, que consideramos que se adapta mellor ao contorno, o seu impacto será menor no territorio ao poder variar o radio de curvatura e as pendentes, evitando así a división e modificación das parroquias, respectaríase a distancia do río Brexa e o regato de Calougo e o seu impacto visual e sonoro poderían ser moito menor. Por outra parte permitiría manter o acceso no Coído (Bribes).
Por último, unha das cuestións máis negativas, é a supresión de enlaces no acceso a AP-9 no lugar de Catro Camiños. Este era un dos elementos básicos do plano Viario Comarcal e, ao mesmo tempo, constituía unha das reivindicacións históricas da comarca: o acceso en todos os sentidos neste punto da AP-9. Non só non se contempla senón que, mesmo, se elimina unha saída (a saída desde Santiago). Sen que en ningún caso se vexa compensado –pensando en termos de distancias e accesibilidade- pola entrada con peaxe da Gándara.
Polo que solicitamos:
- que o treito por Cambre pase de R-100 a R- 80.
- manter os accesos no Coído (Bribes) e na actual saída/entrada na AP-9 en Cecebre.
- Que o punto de enlace coa AP-9 se faga á altura da actual entrada de Catro Camiños e, que contemple todos os sentidos de entrada e saída.
- Respectar o medio ambiente, conservando o río Brexa, o regato Calougo e a zona verde da Gándara.
- Optar pola solución de falsos túneles nos tramos que supoñan un corte no teritorio.
- Eliminación no proxecto da peaxe da Gándara.
Por todo o exposto, SOLICITAMOS á CONSELLERÍA DE POLÍTICA TERRITORIAL, OBRAS PÚBLICAS E TRANSPORTES, que teña por presentado en tempo e forma este escrito de alegacións e suxestións ao “Documento do proxecto de trazado e estudo de impacto ambiental da obra: Vía Ártabra. Treito: AC-221 (polígono de Cambre) - autoestrada AP9 - autovía A6. Clave AC/04/156.00.2.” e, admita as alegacións e suxestións formuladas.
O BNG puxo en coñecemento Augas de Galicia, consellaría de Medio Ambiente,
Confederación Hidrográfica del Norte, Ministerio de Medio Ambiente,Servicio de protección de la Naturaleza, Guardia Civil e Concello de Cambre a través dun escrito de denuncia obras ilegais no paseo fluial.
Por medio desta orde preténdese desenvolver un plan de consolidación das entidades deportivas de Galicia co obxectivo xeral de garantir o desenvolvemento das actividades en que participan ou que promoven as entidades deportivas. A universalización da práctica deportiva ten un papel moi importante na sociedade, actuando de maneira transversal en moitos valores sociais de grande importancia para a mellora da calidade de vida dos cidadáns, e en especial acadar a xeneralización da práctica deportiva entre os nenos e nenas galegos, facilitando o seu acceso á práctica deportiva a través da consolidación da igualdade de oportunidades no deporte.
[01/04/2008] Os deputados provinciais de Igualdade e de Benestar Social, Silvia Seixas e Xoan Manuel Sande, reuníronse esta mañá co xerente do Consorcio, Lois Castrillo, para analizar as posibilidades de colaboración entre as dúas entidades á hora de pór en marcha o Plan Piloto da Deputación para construcción de equipamentos de Educación Infantil en polígonos industriais da provincia.(máis)
Categoría: IGUALDADE - Publicado o 03-04-2008 18:54
Cambre, 2 de abril. Outra perda do noso patrimonio. Exemplares centenarios caen baixo as motoserras nunha das poucas zonas que se conservaban naturais de Cambre. Monte do Marco-Piñeiro-Cecebre.
Trámite de información pública do proxecto de trazado e estudo de impacto ambiental da obra: Treito: Polígono de Espíritu Santo - autoestrada AP9 - autovía A6 (Costa da Lapa).
Prazo para as alegacións: 30 días hábiles, até o 8 de maio
Cambre, 08/05/08.- A Concelleira Sindi Becerra presentou hoxe, en nome do BNG de Cambre, o seguinte documento de alegacións e suxestións no rexistro municipal:
O BNG puxo en coñecemento Augas de Galicia, consellaría de Medio Ambiente,
Cambre, 2 de abril. Outra perda do noso patrimonio. Exemplares centenarios caen baixo as motoserras nunha das poucas zonas que se conservaban naturais de Cambre. Monte do Marco-Piñeiro-Cecebre.
