blogalizando



O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

Documental sobre a muller na Historia de Galicia


Resume as historias de María Pita, María Martines, Maruxa Pindo e Ernestina Otero.

Este documental podería lembrar a vida de Rosalía de castro, Emilia Pardo Bazán ou Concepción Arenal porque...

pero escolle a vida das mulleres anónimas dende a prehistoria ata os nosos días. cales son algúns dos trazos destacados da vida das mulleres galegas.

Por que no 75% dos contratos de foros na Idade Media aparecen os nomes das mulleres, ademais dos nomes dos seus homes?
Fálase das viúvas de vivos a que se refire?

Se te fixas nos salarios das mulleres saberás responder a esta pregunta. Por que traballaban as mulleres en lugar dos homes nas fábricas de conserva ou de tabacos no século XIX?

Por que a sociedade da época de Rosalía ao principio do século XX non quería que as mulleres fosen ilustradas?

Cando votaron as mulleres por vez primeira en Galicia? Por que e que significou que se perdera ese dereito para as mulleres pouco despois?

Comentarios (0) - Categoría: VOZ DE MULLER - Publicado o 06-05-2018 10:38
# Ligazón permanente a este artigo
A FESTA DO MAIO EN GALICIA


Unha festa tradicional con gran arraigo na nosa comarca é a Festa do Maio. Trátase dun festexo tradicional que ademais se mantivo ao longo dos tempos e chegou a nós coma unha expresión moi asociada a nosa infancia pois será a infancia quen cobra un protagonismo especial no mantemento desta tradición.

Aínda que sexan os máis novos quen aparezan en primeiro plano en moitos destes costumes que se adoitan realizar o 1º de maio, os adultos tamén son partícipes e promoven outras tradicións asociadas todas a este ciclo. Os maios están relacionados coa entrada da primavera, é dicir, son a expresión ante todo dunha festa de orixe moi antiga, posiblemente precristiá, claramente agraria e moi vencellada á fecundidade dos campos. hai quen di que era unha festividade céltica relacionada coa deidade da fertilidade Beltane. Todas as culturas do mundo teñen algunha evidencia de festexar este festexo dentro do ciclo anual de costumes.De feito o espertar da natureza era asociado co comezo do ano en moitas sociedades primitivas.Lembremos o mito grego de como naceron as estacións.

Botémoslle unha ollada aos rituais que se dan na nosa terra. Procura saber en que consisten os distintos costumes e onde se conservan a día de hoxe:

1-Alumear o pan.Tamén chamado lumepan
2-Colocación dos maios nas portas.
3-Os maios cónicos tradicionais: Ourense en Pontevedra ou Marín
4-As embarcacións de maio.
5-O maio humano.

Os maios na literatura galega. Procura un dos textos que che invitamos a coñecer. A que tipo de maio cres que fai referencia? Por que?

O poema de Manuel Curros Enríquez

Ahí vén o maio
de frores cuberto...
puxéronse á porta
cantándome os nenos;
i os puchos furados
pra min estendendo,
pedíronme crocas
dos meus castiñeiros.

Pasai, rapaciños,
calados e quedos,
que o que é polo de hoxe
que darvos non teño.
Eu sónvo-lo probe
do pobo gallego:
¡Pra min non hai maio,
pra min sempre é inverno!...

Cando eu me atopare
de donos liberto
i o pan non me quiten
trabucos e préstemos,
e como os do abade
frorezan meus eidos,
chegado habrá estonces
o maio que eu quero.

¿Queredes castañas
dos meus castiñeiros?...
Cantádeme un maio
sin bruxas nin demos;
un maio sin segas,
usuras nin preitos,
sin quintas, nin portas,
nin foros, nin cregos.


Curros Enríquez
Comentarios (2) - Categoría: TRADICIÓN ORAL - Publicado o 27-04-2018 06:04
# Ligazón permanente a este artigo
Boas lecturas no Día do Libro

Comentarios (0) - Categoría: PLAN LECTOR - Publicado o 23-04-2018 20:30
# Ligazón permanente a este artigo
Decálogo de plantas e animais (I)

LÉXICO DAS PLANTAS.

1-Que é un fento, a carriza, a herba de namorar, a herba gateira,a figueira do demo...

2-Xogo intercativo no portal das palabras

3-Das seguintes árbores cales son as 25 árbores máis nosas?
Abeleira, aciñeira, acivro, ameneiro (amieiro), ameixeira, bidueira, buxo, carballo, castañeiro, cerdeira, érbedo, faia, figueira, freixo, laranxeira, limoeiro, loureiro, maceira, nespereira, nogueira, oliveira, palmeira, pereira, piñeiro, pradairo, sabugueiro, salgueira, sobreira, teixo, vimbieira.

4-Cales destas árbores dan froitos comestibles?

INVESTIGANDO: Un par de exemplos do uso das plantas na cultura popular:

5-As plantas que usamos nos maios son:

6-As herbas de San Xoán son:


LÉXICO DE ANIMAIS

7- Segue a listaxe ata chegar a 25 mamíferos do país: lobo, oso, xabarín...:


8-Paxaros do país:
Ponlle nome aos paxaros do país da ilustración. Podes incorporar outros 10 nomes máis. Para investigarmos na seguinte páxina

9-Insectos da terra. Completa ata 25: grilo, cabaliño do demo, formiga...

10- CURIOSIDADESSete animais de malnome
Comentarios (0) - Categoría: O NOME DAS COUSAS - Publicado o 05-04-2018 21:26
# Ligazón permanente a este artigo
Nova lectura para o mes de abril

Tras a sombra do bruxo de Francisco Díaz Valladares
Comentarios (0) - Categoría: PLAN LECTOR - Publicado o 02-04-2018 23:50
# Ligazón permanente a este artigo
Imos crear un video poema

Xan. Rosalía de Castro. Lucía Pasarín. Jennifer Núñez Rodríguez. Curso 2015-16 from IES Leiras Pulpeiro on Vimeo.



Mellorar o presente claro!!

Xan vai coller leña ó monte,
Xan vai a compoñer cestos,
Xan vai a poda-las viñas,
Xan vai a apaña-lo esterco,
e leva o fol ó muíño,
e trai o estrume ó cortello,
e vai á fonte por auga,
e vaa á misa cos nenos,
e fai o leito io caldo.
Xan, en fin, é un Xan compreto,
desos qu'a cada muller
lle conviña un polo menos,
pero cand'un busca un Xan,
casi sempre atopa un Pedro.

Pepa, a afertunada Pepa,
muller do Xan que sabemos,
mentres seu home traballa,
ela lava os pés no rego,
cátall'as pulgas ó gato,
peitea os longos cabelos,
bótalle millo ás galiñas,
marmura co irmán do crego,
mira s'hai ovos no niño,
bota un ollo ós mazanceiros
e lambe a nata do leite,
e si pode bota un neto
ca comadre, qu'agachado
traillo embaixo do mantelo.
E cando Xan pola noite
chega cansado e famento,
ela x'o espera entr'as mantas,
e ó velo entrar dille quedo:

-Por Dios non barulles moito,
que m'estou mesmo morrendo.
-¿Pois que tes, ña mulleriña?
-¿Que hei de ter? Deita eses nenos,
qu'esta madre roe en min
cal roe un can nun codelo,
i ó cabo ha de dar comigo
nos terrós do simiterio...
-Pois, ña Pepa, toma un trago
de resolio qu'aquí teño,
e durme, ña mulleriña,
mentres os meniños deito.

De bágoas s'enchen os ollos
de Xan ó ver tales feitos;
mas non temás, qu'antre mil
n'hai máis qu'un anxo antr'os demos;
n'hai máis qu'un atormentado
antre mil que dan tormentos.
Comentarios (1) - Categoría: CREACIÓN - Publicado o 14-03-2018 07:17
# Ligazón permanente a este artigo
Para a 2ª avaliación
Léxico: As Paisaxes rural, costeira e urbana (páx.146)
- Os préstamos lingüísticos (páx. 147) e os campos semánticos (páx. 167)

Expresión:Unha visita didáctica ao Museo do Mar, que vimos? A sala de arqueoloxía e o mar, a do primeiro submariño, a viaxe de Darwin e o Pergamiño Vindel.

Ortografía: Os signos de puntuación (páx.149)

Gramática: Os pronomes determinativos (páx.110,111/ 130-131) os pronomes persoais tónicos e átonos (páx.150-151/170-171). Pódense consultar tamén estes últimos no blog: Chegaron os pronomes persoais


Lingua e sociedade: As variedades da lingua (páx.108)

O pergamiño Vindel un tesouro en 7 cantigas. Por que é un tesouro?


Literatura: A lírica (páx. 114-115/ 134-135)

Rosalía de Castro, voz de muller

Plan Lector: A cova da Moura de Natalia Carou.

- Analizando as intencións da autora.
- As mulleres de onte e de hoxe e o Castelo de Soutomaior.
Comentarios (2) - Categoría: Xeral - Publicado o 06-03-2018 19:51
# Ligazón permanente a este artigo
A voz de muller de Rosalía





Realiza con todos estes datos a túa propia biografía da autora. Será o primeiro paso para ir na procura da voz da muller nos textos de Rosalía.

Adóitase dicir que Rosalía nos seus libros presenta as seguintes temáticas:
-Costumista:
-Amorosa:
-Intimista:
-Social-reivindicativa:
Comentarios (2) - Categoría: ROSALÍA - Publicado o 25-02-2018 22:13
# Ligazón permanente a este artigo
Encontro con Natalia Carou na Biblioteca

Unha experiencia enriquecedora a de poder conversar coa autora do libro que lemos e poder analizar xuntos o seu contido, a temática e intencións cos que Natalia escribe esta novela.

Podemos ver unha reportaxe fotográfica no blog da biblioteca
Comentarios (0) - Categoría: PLAN LECTOR - Publicado o 23-02-2018 06:42
# Ligazón permanente a este artigo
O pergamiño Vindel espéranos en Vigo...

Seremos quen de descubrir por que é un tesouro?

Que é un pergamiño?

En que idioma están escritos os textos deste pergamiño? Por que está normalmente nun Museo en Nova York e só durante uns meses estará exposto en Galicia?

Quen era Vindel?

Quen era Martín Codax?

Que contén o pergamiño Vindel?

Que é unha cantiga de amigo? De que tratan?

Cantas cantigas están escritas neste pergamiño?

Por que é único o Pergamiño Vindel?

Cantas persoas intervirían na confección deste pergamiño, ademais do autor das cantigas?


Bótalle un ollo aos textos do Pergamiño Vindel.

Escoita dúas cantigas das que se atopan no Pergamiño:





Logo de escoitalas imos comentar algunhas das súas características na aula.

As confidentes da muller nas cantigas.

Algúns dos recursos literarios das cantigas
Comentarios (1) - Categoría: CREACIÓN - Publicado o 18-02-2018 14:01
# Ligazón permanente a este artigo
© by Abertal