blogalizando



O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

A MULLER FALA



VER O VÍDEO DA REPRESENTACIÓN.

A muller fala é unha comedia que quere simular un programa de radio que dá voz á muller. Con ela imos participar no 1º Concurso de teatro San Narciso que se levará a cabo o próximo día 21 de xuño no salón de actos do noso centro.

Actúan:

LOCUTORAS: Irene García Area, Belén Sánchez Casal
ROSALÍA DE CASTRO: Rosalía Blanco Vázquez
MANUEL MURGUÍA: Luis Fuentes González
FRANKEISTEIN: Adrián Calvar Franco
MARY WOLLSTONECRAFT SHELLY: Laura Comesaña Calvar
CLARA CAMPOANOR: Raquel Catalán Rodríguez
MARIA VICTORIA MORENO: Yaiza Blanco Juncal
HOMES MICROMACHISMOS: Carlos Diz Pereira, Sergio Facenda López, Nicandro Fazanes Garrido, Juan J. Fernández Acuña, Pablo Juvino García.
MULLERES MICROMACHISMOS: Alba Balagones Pereira, Xiana Fernández, Xana García Rodríguez

Esperemos que vos guste!
Comentarios (0) - Categoría: CREACIÓN - Publicado o 14-06-2018 06:38
# Ligazón permanente a este artigo
Imos crear un video poema

Xan. Rosalía de Castro. Lucía Pasarín. Jennifer Núñez Rodríguez. Curso 2015-16 from IES Leiras Pulpeiro on Vimeo.



Mellorar o presente claro!!

Xan vai coller leña ó monte,
Xan vai a compoñer cestos,
Xan vai a poda-las viñas,
Xan vai a apaña-lo esterco,
e leva o fol ó muíño,
e trai o estrume ó cortello,
e vai á fonte por auga,
e vaa á misa cos nenos,
e fai o leito io caldo.
Xan, en fin, é un Xan compreto,
desos qu'a cada muller
lle conviña un polo menos,
pero cand'un busca un Xan,
casi sempre atopa un Pedro.

Pepa, a afertunada Pepa,
muller do Xan que sabemos,
mentres seu home traballa,
ela lava os pés no rego,
cátall'as pulgas ó gato,
peitea os longos cabelos,
bótalle millo ás galiñas,
marmura co irmán do crego,
mira s'hai ovos no niño,
bota un ollo ós mazanceiros
e lambe a nata do leite,
e si pode bota un neto
ca comadre, qu'agachado
traillo embaixo do mantelo.
E cando Xan pola noite
chega cansado e famento,
ela x'o espera entr'as mantas,
e ó velo entrar dille quedo:

-Por Dios non barulles moito,
que m'estou mesmo morrendo.
-¿Pois que tes, ña mulleriña?
-¿Que hei de ter? Deita eses nenos,
qu'esta madre roe en min
cal roe un can nun codelo,
i ó cabo ha de dar comigo
nos terrós do simiterio...
-Pois, ña Pepa, toma un trago
de resolio qu'aquí teño,
e durme, ña mulleriña,
mentres os meniños deito.

De bágoas s'enchen os ollos
de Xan ó ver tales feitos;
mas non temás, qu'antre mil
n'hai máis qu'un anxo antr'os demos;
n'hai máis qu'un atormentado
antre mil que dan tormentos.
Comentarios (1) - Categoría: CREACIÓN - Publicado o 14-03-2018 07:17
# Ligazón permanente a este artigo
O pergamiño Vindel espéranos en Vigo...

Seremos quen de descubrir por que é un tesouro?

Que é un pergamiño?

En que idioma están escritos os textos deste pergamiño? Por que está normalmente nun Museo en Nova York e só durante uns meses estará exposto en Galicia?

Quen era Vindel?

Quen era Martín Codax?

Que contén o pergamiño Vindel?

Que é unha cantiga de amigo? De que tratan?

Cantas cantigas están escritas neste pergamiño?

Por que é único o Pergamiño Vindel?

Cantas persoas intervirían na confección deste pergamiño, ademais do autor das cantigas?


Bótalle un ollo aos textos do Pergamiño Vindel.

Escoita dúas cantigas das que se atopan no Pergamiño:





Logo de escoitalas imos comentar algunhas das súas características na aula.

As confidentes da muller nas cantigas.

Algúns dos recursos literarios das cantigas
Comentarios (1) - Categoría: CREACIÓN - Publicado o 18-02-2018 14:01
# Ligazón permanente a este artigo
Das raíñas e labregas da Idade Media

O NOSO TRABALLO PARA MARZO SOBRE A MULLER NA IDADE MEDIA:

Falaremos, investigaremos para realizar unha boa biografía de sete mulleres con nome de seu na nosa Idade Media. Unhas son raíñas, outras humildes labregas, mesmo nas cantigas que daquela escribiron conservamos algúns dos cantos que seguro elas tamén cantaban.

DE CANDO NACE O GALEGO: SÉCULO IX
Ilduara ou Aldara

ENTRE OS SÉCULOS XI e XII
Sancha I, raíña de Galicia (1037-1067). Aínda que nacera en León en 1013, será a raíña de galicia dende o 1037. Esposa do Conde de Castela, grazas ao cal este será logo rei, Fernando I.

Urraca, raíña de Galicia (1081-1126) neta de Sancha I e filla de Afonso VI e Constanza de Borgoña, é unha das raíñas máis controvertida da Idade Media polo seu afán de poder que a levou a enfrontarse a súa irmá Tareixa, condesa de Portugal, favorecendo así a independencia deste condado e a súa configuración coma un novo reino, separado da Gallaecia histórica entre o norte e o sur do Miño. As dúas irmás casaran con dóus irmáns nobres de Borgoña, Urraca con Raimundo e Tareixa con Henrique. Pero se cadra o episodio máis coñecido produciuse anos despois co enfrontamento co seu fillo Afonso VII, rei de Galicia, León e Castela, e aspirar ao goberno destes territorios tras casar por segunda vez con Alfonso I de Aragón.

AS MULLERES NAS CANTIGAS DO SÉCULO XIII

Aínda que houbo mulleres nobres que escribían, non se conservan referencias escritas sobre mulleres galegas a non ser polo que os homes escribían acerca delas en documentos literarios como as cantigas de amigo (das máis coñecidas as de Martín Códax, xograr de Vigo) ou en cantigas de escarnio e maldicer onde se nomea a unha tal María Balteira.
Na nosa visita ao Museo do Mar de Vigo e a exposición do Pergamiño Vindel: Un tesouro en sete cantigas imos tentar descubrir por que ten tanta importancia este documento.
O Esplendor dunha lingua milenaria que cando Rosalía de Castro (no século XIX) vivía aínda era practicamente descoñecido que existiran na nosa lingua escritos de reis e trobadores que fixeran da nosa literatura unha das máis brillantes da Europa medieval.Esa época dourada foi coñecida grazas aos estudos como os de Sarmiento (editados no XIX) e a descubertas como a do Pergamiño Vindel en 1914. Á volta da visita seredes vós os que narredes o resto da historia de por que este pergamiño é un tesouro en sete cantigas e como procurar a voz das mulleres da época a través deses textos que son algo máis que palabras milenarias.


E NO SÉCULO XIV
Inés de Castro, raíña de Portugal despois de morta.

Finalmente María Castaña, unha clara precursora da Revolta Irmandiña da que xa falamos.
Comentarios (0) - Categoría: CREACIÓN - Publicado o 08-02-2018 23:48
# Ligazón permanente a este artigo
QUE A LINGUA TE ACOMPAÑE !!

Acabamos de saber que a primeira película da saga QUE A LINGUA TE ACOMPAÑE! vai ser protagonizada por Rosalía de Castro que interpretará o papel da propia Rosalía.

Estamos impacientes xa por ver o adianto que se espera se faga público en cuestión de días.
Comentarios (0) - Categoría: CREACIÓN - Publicado o 23-02-2016 22:57
# Ligazón permanente a este artigo
Achégase o día da estrea. Quen son e a onde irán?

Comentarios (0) - Categoría: CREACIÓN - Publicado o 23-02-2016 09:00
# Ligazón permanente a este artigo
Hoxe MINIOBRADOIRO DE BANDA DESEÑADA

Hoxe recibimos na aula a Xosé Tomás un dos máis destacados ilustradores e creadores de banda deseñada do momento. O obxectivo non era pequeno: un achegamento ao mundo do mal chamado cómic. Tivemos a oportunidade de saber proque esta palabra, cómic, non é a que mellor define á banda deseñada. Soubemos da importancia dos silencias nas tiras deseñadas, da versatilidade das viñetas, do uso dos globos e deltas, da importancia dos planos, da conexión da banda deseñada co mundo cine, de como escoller e ou construír personaxes. fíxonos varias recomendacións, aconsellounos de xeito práctico con múltiples debuxos realizados en directo, animounos a debuxar e a ser quen de tentar coller o lapis e dar forma a unha idea calquera, viu e comentou numerosas viñetas feitas por nós... pero, sobre todo, aprendemos que nós temos un gran potencial creativo que explorar e compartir.

Graciñas Xosé Tomás por tanto en tan breve tempo!!

Si, tamén estivo na Biblioteca onde, ademais de deixar un pequeno agasallo para todos nós, amosounos como foi e cales foron as claves dun longo e traballoso proceso creativo dunha das súas últimas producións titulada NÓMADES. Podedes ver unha reportaxe do seu paso polo centro no blog da Biblioteca de Secundaria.
Comentarios (0) - Categoría: CREACIÓN - Publicado o 11-05-2015 20:15
# Ligazón permanente a este artigo
Imos participar nun concurso

O Ateneo de Marín fai unha convocatoria na que pensamos participar. Trátase dun concurso de creación dun texto narrativo que debe acontecer en Marín. MARÍN CONTA:



Comentarios (0) - Categoría: CREACIÓN - Publicado o 06-05-2015 00:25
# Ligazón permanente a este artigo
POESÍA

Imos realizar un miniobradoiro de poesía. faremos probas a ver que tal se nos dá iso de expresar sentimentos en verso, dun xeito musical e sonoro, fermoso ou estético:
1º Realiza un pareado:
Crear un PAREADO
sempre foi moi DOADO!

2º Ou un CALIGRAMA como o da imaxe-canción que inclúa versos e ilustración.

3º Adiviñas. Son versos que preguntan con rima.

4º Ensalada de versos a partir de versos de varios poemas diferentes.

5º ABECIPOEMA ou ALFABETIPOEMAS coas palabras que nos definen a nós ou a algo que nos gusta.

Botémoslle unha ollada a algunha proposta para seguir xogando coa poesía.
Comentarios (0) - Categoría: CREACIÓN - Publicado o 16-04-2015 07:46
# Ligazón permanente a este artigo
Nós tamén fixemos e faremos teatro

Lembrade que xa fixemos teatro creando unha obriña sobre o sentido crítico e Mafalda. Agora toca pensar en despois dos próximos exames realizar unha nova obra, esta vez sobre un texto xa existente.
Comentarios (0) - Categoría: CREACIÓN - Publicado o 08-04-2015 06:23
# Ligazón permanente a este artigo
1 [2]
© by Abertal