Un par de libros en galego recomendables para quen gusta ler e teña todo aprobado:
Unha saga de aventuras, amor...e algo máis que descubrirás lendo: DRAGAL de Elena Gallego Abad.
Dragal I, A herdanza do dragón, Elena Gallego Abad, Xerais, 264 páxs.
Dragal II, A metamorfose do dragón, Elena Gallego Abad, Xerais, 360 páxs.
Dragal III, A fraternidade do dragón, Elena Gallego Abad, Xerais, 320 páxs.
Dragal IV, A estirpe do dragón, Elena Gallego Abad, Xerais, 360 páxs.
Cando petan na porta pola noite. Un libro dun autor que acaba de morrer, Xabier P.Docampo, que gañou no seu día o Premio Nacional de literatura xuvenil con esta obriña con varios relatos de medo. Cando petan na porta pola noite, Xavier P. Docampo, Xerais, 96 páxs.
Amor dos quince anos, Marilyn, Agustín Fernández Paz, Xerais, 176 páxs.
Trece anos de Branca, Agustín Fernández Paz, Edebé, 98 páxs.
Contos por palabras, Agustín Fernández Paz, Xerais, 112 páxs.
Unha experiencia enriquecedora a de poder conversar coa autora do libro que lemos e poder analizar xuntos o seu contido, a temática e intencións cos que Natalia escribe esta novela.
A autora da novela A cova da Moura escolle o Castelo de Soutomaior como algo máis que un espazo de referencia para unha trama complexa ao partir de dúas liñas temporais que podemos datar unha no século XVI e outra no século XX. Mais hai algo que Natalia Carou incorpora seguindo esa tendencia de realizar un discurso feminista, onde as mulleres cobran protagonismo. Si, dúas mulleres van ser as principais protagonistas do relato.
A Historia, as crónicas antigas e modernas con tanta frecuencia están escritan polos vencedores e marxina aos vencidos que esta novela parece querer restablecer un certo equilibrio ao procurar este protagonismo feminino.
Vexamos o que di a Historia sobre o contexto onde se sitúa a trama da novela:
A novela fala dos tempos do neto do famoso Pedro Álvarez de Soutomaior, que tamén se chamaba Pedro.
Un controvertido cabaleiro feudal que combateu aos Irmandiños e que tivo problemas coa coroa de Castela,e mesmo hai quen di que logo foi Cristovo Colón.
Finalmente unha mágoa que este vídeo non teña unha versión en galego. Mais paga a pena botarlle unha ollada. É sobre María Vinyals, a derradeira dona do castelo de Soutomaior que non quería ser princesa...
Aínda que a moura ecoa algo mitolóxico esta novela que imos ler é un relato que nos leva a Idade Media. A cova da moura de Natalia Carou editado por Bahía Edicións será a primeira lectura obrigada deste curso.
A idea é podelo ler ao longo das vacacións de Nadal e á volta facer unha proba de lectura.
Hai que telo lido despois das vacacións a proba de lectura será a finais de mes de xaneiro despois dos exames do avance e hai que entregar na proba un resumo de cada capítulo do libro.
A lectura da 3ª avaliación é todo un clásico da literatura inglesa traducido ao galego. Trátase do famoso libro de Arthur Conan Doyle: O can dos Baskervile, a obra na que reaparece o famoso Sherlock Holmes tras un dos intentos do seu creador por facelo desaparecer para sempre.
O día da proba de lectura haberá que presentar tamén os resumos de cada capítulo:
Na aula realizaremos a lectura Introdución.
Imos ler un gran libro da nosa literatura para comezar co plan lector deste curso: MEMORIAS DUN NENO LABREGO de Xosé Neira Vilas.
Este autor que estivo hai uns anos no colexio, faleceu lamentablemente no curso pasado. Temos a oportunidade de achegarmonos ao seu libro máis coñecido e universal.
O próximo día 27 de marzo é o Día Internacional do Teatro. Nós imos festexalo coa lectura desta obra. O prazo para rematar de ler esta obriña será o do martes 4 de abril no que imos realizar unha proba de lectura.
Prepararemos, en primeiro lugar, unha biografía de Castelao, que despois de Rosalía, é un dos autores galegos máis coñecidos.
Logo podemos reflexionar sobre esta creación artística deste rianxeiro universal.
Para esta obra Castelao compuxo un tema que foi musicado e hoxe xa ten vida propia na boca de distintos grupos e artistas:
Están as nubes chorando
Por un amor que morreu
Están as rúas molladas
De tanto como choveu.
Lela, Lela
Leliña por quen eu morro
Quero mirarme
Nas meninas dos teus ollos
Non me deixes
E ten compasión de min
Sen ti non podo
Sen ti non podo vivir
Dame alento das tuas palabras
Dame celme do teu corazón
Dame lume das tuas miradas
Dame vida co teu doce amor.
A lectura da 3ª avaliación é todo un clásico da literatura inglesa traducido ao galego. Trátase do famoso libro de Arthur Conan Doyle: O can dos Baskervile, a obra na que reaparece o famoso Sherlock Holmes tras un dos intentos do seu creador por facelo desaparecer para sempre.