 Mañá, 17 de abril, e o sábado 18 terá lugar en Vilagarcía o III Encontro de Centros para unha Convivencia Positiva. Este tipo de actos sempre é interesante polo tema que trata; pero este é especialmente importante para nós. Por que? Porque é o IES Castro Alobre o organizador do evento.
Desde este espazo de opinión, que é o blog da Biblioteca, quero agradecer a dúas compañeiras e profesoras toda a súa adicación e o seu esforzo, para que este acontecemento fose posible. Son coñecedora do seu traballo, das súas inquedanzas, das súas preocupacións, de todo o tempo invertido en programar o Encontro, da súa busca de apoios e, ás veces, das súas decepcións.
Pero, o traballo xa está feito e este fin de semana veremos o froito de todo o que foron sementando durante, case, un longo ano.
Carme, María, moitas grazas, e que estas poucas palabras servan como recoñecemento ao voso esforzo e ao voso compromiso en prol da convivencia no noso centro.
Guadalupe Vilar
|
