BIBLIOTECA DO CEIP VICENTE OTERO


Blog da biblioteca
É o blog que recolle as actividades realizadas dende a biblioteca do CPI Vicente Otero Valcarcel e outras informacións de interese.

BIBLIOSBARDOS
bibliosbardos@gmail.com
 SUMARIO
 ALBUM FOTOGRÁFICO
 
 OUTROS BLOGS
 BUSCAR BLOGS GALEGOS
 ARQUIVO
 ANTERIORES
 DESTACADOS

FELICES FESTAS
Desde a biblioteca do noso centro queremos desexarvos unhas Felices Festas e un Próspero Ano 2017. Ah! E que non falten os libros!
Comentarios (0) - Categoría A NOSA BIBLIOTECA - Publicado o 20-12-2016 15:40
# Ligazón permanente a este artigo
DÍA INTERNACIONAL PARA A ELIMINACIÓN DA VIOLENCIA CONTRA A MULLER

Desde o noso centro queremos contribuír á conciencienciación da violencia machista. Cremos que é un labor educativo para traballar no día a día e en todos os aspectos do cotiá.

O pasado 25 de novembro, no Día Internacional para a Eliminación da Violencia contra a Muller, expresamos o noso sentir e realizamos un obradoiro de papiroflexia, que abordaba esta cuestión.


Do mesmo xeito, desde a biblioteca tamén presentamos unha exposición de contos que nos axudan a visibilizar esta situación, pensar e actuar en colectivo.
Comentarios (0) - Categoría A NOSA BIBLIOTECA - Publicado o 05-12-2016 09:57
# Ligazón permanente a este artigo
Día Internacional dos Dereitos dos Nenos e Nenas
Onte, día 20 de novembro, conmemorouse o Día Internacional dos Dereitos dos Nenos e Nenas, en honor á Declaración dos Dereitos do Neno e a Convención dos Dereitos do Neno que tiveron lugar tamén un 20 de novembro de 1959 e 1989, respectivamente.

Desde a biblioteca do centro, sumámonos ao labor de reivindicar os dereitos da infancia á igualdade, á identidade, á familia, á educación, ao xogo, á saúde, á expresión, á privacidade, á protección e á integración.

Acudide ver a exposición de libros seleccionados para esta ocasión!
Comentarios (0) - Categoría A NOSA BIBLIOTECA - Publicado o 21-11-2016 09:53
# Ligazón permanente a este artigo
VISITA DO ESCRITOR MANUEL GUISANDE
A semana pasada tivemos oportunidade de compartir tempo e espazo co escritor Manuel Guisande, que levou a cabo un obradoiro de escritura creativa co alumnado de sexto de Primaria. Tamén aproveitou a ocasión para dedicarnos un dos contos de "Rodribico" e amosarnos que, ademais de escribir, tamén debuxa extraordinariamente.
Comentarios (0) - Categoría A NOSA BIBLIOTECA - Publicado o 15-11-2016 14:01
# Ligazón permanente a este artigo
DÍA INTERNACIONAL DAS BIBLIOTECAS II
Hoxe, 24 de outubro, conmemórase o Día Internacional das Bibliotecas e desde o noso particular recuncho queremos convidarvos, unha vez máis, a aproveitar os recursos que tedes dispoñibles no centro.

Hai miles e miles de bibliotecas por todo o mundo. Algunhas delas son verdadeiras obras de arte, lugares onde perderse e deixarse levar pola maxia dos libros. Na medida do posible, trataremos de que a nosa biblioteca sexa un lugar confortable para a investigación e lectura. Mentres tanto, como soñar é de balde, achegámosvos un artigo con fantásticos lugares para ler.

http://www.muycurioso.net/articulo/curiosidades/los-lugares-m%C3%A1s-bonitos-para-leer-libros.html


Veña amig@s, a mergullarse nas bibliotecas!
Comentarios (0) - Categoría A NOSA BIBLIOTECA - Publicado o 24-10-2016 09:48
# Ligazón permanente a este artigo
DÍA INTERNACIONAL DAS BIBLIOTECAS
Desde 1997, cada 24 de outubro conmemórase o Día da Biblioteca, unha iniciativa da Asociación Española de Amig@s do Libro Infantil e Xuvenil, co apoio do Ministerio de Cultura, en recordo da destrución da Biblioteca de Saraxevo incendiada en 1992 durante a Guerra dos Balcáns. Cada ano encárgase a un/unha escritor/a e a un/unha ilustrador/a a redacción do pregón e o deseño do cartel que se difunde entre todas as bibliotecas de España. As elixidas de 2016 foron dúas mulleres moi premiadas: Ledicia Costas e Elena Odriozola.

Ledicia Costas é unha das figuras máis relevantes na literatura infantil- xuvenil galega. Na nosa biblioteca de centro, poderedes atopar as súas obras máis recentes e galardoadas.

Comentarios (0) - Categoría A NOSA BIBLIOTECA - Publicado o 10-10-2016 09:50
# Ligazón permanente a este artigo
BENVIDO CURSO 2016/17!
A través deste espazo bitácora queremos darvos a benvida ao novo curso 2016/17.

Proximamente daremos a coñecer as novidades que nos agardan na biblioteca. Mentres tanto, nada mellor que animarvos á lectura, xa que é altamente saudábel para ver o mundo desde outra perspectiva.

Cargamos pilas e arrancamos!
Comentarios (0) - Categoría A NOSA BIBLIOTECA - Publicado o 15-09-2016 14:02
# Ligazón permanente a este artigo
23 de abril, Día do Libro
Con motivo da celebración do Día do Libro,os alumnos e alumnas de 6º de primaria decoraron a biblioteca cun mural moi orixinal! Que ben lles quedou!
Comentarios (0) - Categoría A NOSA BIBLIOTECA - Publicado o 24-05-2016 12:44
# Ligazón permanente a este artigo
DÍA INTERNACIONAL DO LIBRO INFANTIL (2)

Comentarios (0) - Categoría A NOSA BIBLIOTECA - Publicado o 01-04-2016 12:31
# Ligazón permanente a este artigo
DÍA INTERNACIONAL DO LIBRO INFANTIL

Comentarios (0) - Categoría A NOSA BIBLIOTECA - Publicado o 01-04-2016 12:30
# Ligazón permanente a este artigo
© by Abertal